Sri Dattatreya Stotram Lyrics in Malayalam
ജടാധരം പാംഡുരാംഗം ശൂലഹസ്തം കൃപാനിധിമ് ।
സര്വരോഗഹരം ദേവം ദത്താത്രേയമഹം ഭജേ ॥ 1 ॥
അസ്യ ശ്രീദത്താത്രേയസ്തോത്രമംത്രസ്യ ഭഗവാന്നാരദൃഷിഃ । അനുഷ്ടുപ് ഛംദഃ । ശ്രീദത്തഃ പരമാത്മാ ദേവതാ । ശ്രീദത്താത്രേയ പ്രീത്യര്ഥേ ജപേ വിനിയോഗഃ ॥
നാരദ ഉവാച ।
ജഗദുത്പത്തികര്ത്രേ ച സ്ഥിതിസംഹാരഹേതവേ ।
ഭവപാശവിമുക്തായ ദത്താത്രേയ നമോഽസ്തു തേ ॥ 1 ॥
ജരാജന്മവിനാശായ ദേഹശുദ്ധികരായ ച ।
ദിഗംബര ദയാമൂര്തേ ദത്താത്രേയ നമോഽസ്തു തേ ॥ 2 ॥
കര്പൂരകാംതിദേഹായ ബ്രഹ്മമൂര്തിധരായ ച ।
വേദശാസ്ത്രപരിജ്ഞായ ദത്താത്രേയ നമോഽസ്തു തേ ॥ 3 ॥
ഹ്രസ്വദീര്ഘകൃശസ്ഥൂലനാമഗോത്രവിവര്ജിത ।
പംചഭൂതൈകദീപ്തായ ദത്താത്രേയ നമോഽസ്തു തേ ॥ 4 ॥
യജ്ഞഭോക്തേ ച യജ്ഞായ യജ്ഞരൂപധരായ ച ।
യജ്ഞപ്രിയായ സിദ്ധായ ദത്താത്രേയ നമോഽസ്തു തേ ॥ 5 ॥
ആദൌ ബ്രഹ്മാ ഹരിര്മധ്യേ ഹ്യംതേ ദേവസ്സദാശിവഃ ।
മൂര്തിത്രയസ്വരൂപായ ദത്താത്രേയ നമോഽസ്തു തേ ॥ 6 ॥
ഭോഗാലയായ ഭോഗായ യോഗയോഗ്യായ ധാരിണേ ।
ജിതേംദ്രിയ ജിതജ്ഞായ ദത്താത്രേയ നമോഽസ്തു തേ ॥ 7 ॥
ദിഗംബരായ ദിവ്യായ ദിവ്യരൂപധരായ ച ।
സദോദിതപരബ്രഹ്മ ദത്താത്രേയ നമോഽസ്തു തേ ॥ 8 ॥
ജംബൂദ്വീപേ മഹാക്ഷേത്രേ മാതാപുരനിവാസിനേ ।
ജയമാന സതാം ദേവ ദത്താത്രേയ നമോഽസ്തു തേ ॥ 9 ॥
ഭിക്ഷാടനം ഗൃഹേ ഗ്രാമേ പാത്രം ഹേമമയം കരേ ।
നാനാസ്വാദമയീ ഭിക്ഷാ ദത്താത്രേയ നമോഽസ്തു തേ ॥ 10 ॥
ബ്രഹ്മജ്ഞാനമയീ മുദ്രാ വസ്ത്രേ ചാകാശഭൂതലേ ।
പ്രജ്ഞാനഘനബോധായ ദത്താത്രേയ നമോഽസ്തു തേ ॥ 11 ॥
അവധൂത സദാനംദ പരബ്രഹ്മസ്വരൂപിണേ ।
വിദേഹദേഹരൂപായ ദത്താത്രേയ നമോഽസ്തു തേ ॥ 12 ॥
സത്യരൂപ സദാചാര സത്യധര്മപരായണ ।
സത്യാശ്രയപരോക്ഷായ ദത്താത്രേയ നമോഽസ്തു തേ ॥ 13 ॥
ശൂലഹസ്തഗദാപാണേ വനമാലാസുകംധര ।
യജ്ഞസൂത്രധര ബ്രഹ്മന് ദത്താത്രേയ നമോഽസ്തു തേ ॥ 14 ॥
ക്ഷരാക്ഷരസ്വരൂപായ പരാത്പരതരായ ച ।
ദത്തമുക്തിപരസ്തോത്ര ദത്താത്രേയ നമോഽസ്തു തേ ॥ 15 ॥
ദത്ത വിദ്യാഢ്യ ലക്ഷ്മീശ ദത്ത സ്വാത്മസ്വരൂപിണേ ।
ഗുണനിര്ഗുണരൂപായ ദത്താത്രേയ നമോഽസ്തു തേ ॥ 16 ॥
ശത്രുനാശകരം സ്തോത്രം ജ്ഞാനവിജ്ഞാനദായകമ് ।
സര്വപാപം ശമം യാതി ദത്താത്രേയ നമോഽസ്തു തേ ॥ 17 ॥
ഇദം സ്തോത്രം മഹദ്ദിവ്യം ദത്തപ്രത്യക്ഷകാരകമ് ।
ദത്താത്രേയപ്രസാദാച്ച നാരദേന പ്രകീര്തിതമ് ॥ 18 ॥
ഇതി ശ്രീനാരദപുരാണേ നാരദവിരചിതം ശ്രീ ദത്താത്രേയ സ്തോത്രമ് ।
********