Sri Guru Gita Chapter 2 Lyrics In Odia/Oriya
ଅଥ ଦ୍ଵିତୀୟୋଽଧ୍ୟାୟଃ ॥
ଧ୍ୟାନଂ ଶ୍ରୁଣୁ ମହାଦେଵି ସର୍ଵାନଂଦପ୍ରଦାୟକମ୍ ।
ସର୍ଵସୌଖ୍ୟକରଂ ଚୈଵ ଭୁକ୍ତିମୁକ୍ତିପ୍ରଦାୟକମ୍ ॥ 109 ॥
ଶ୍ରୀମତ୍ପରଂ ବ୍ରହ୍ମ ଗୁରୁଂ ସ୍ମରାମି
ଶ୍ରୀମତ୍ପରଂ ବ୍ରହ୍ମ ଗୁରୁଂ ଭଜାମି ।
ଶ୍ରୀମତ୍ପରଂ ବ୍ରହ୍ମ ଗୁରୁଂ ଵଦାମି
ଶ୍ରୀମତ୍ପରଂ ବ୍ରହ୍ମ ଗୁରୁଂ ନମାମି ॥ 110 ॥
ବ୍ରହ୍ମାନଂଦଂ ପରମସୁଖଦଂ କେଵଲଂ ଜ୍ଞାନମୂର୍ତିଂ
ଦ୍ଵଂଦ୍ଵାତୀତଂ ଗଗନସଦୃଶଂ ତତ୍ତ୍ଵମସ୍ୟାଦିଲକ୍ଷ୍ୟମ୍ ।
ଏକଂ ନିତ୍ୟଂ ଵିମଲମଚଲଂ ସର୍ଵଧୀସାକ୍ଷିଭୂତଂ
ଭାଵାତୀତଂ ତ୍ରିଗୁଣରହିତଂ ସଦ୍ଗୁରୁଂ ତଂ ନମାମି ॥ 111 ॥
ହୃଦଂବୁଜେ କର୍ଣିକମଧ୍ୟସଂସ୍ଥେ
ସିଂହାସନେ ସଂସ୍ଥିତଦିଵ୍ୟମୂର୍ତିମ୍ ।
ଧ୍ୟାୟେଦ୍ଗୁରୁଂ ଚଂଦ୍ରକଲାପ୍ରକାଶଂ
ସଚ୍ଚିତ୍ସୁଖାଭୀଷ୍ଟଵରଂ ଦଧାନମ୍ ॥ 112 ॥
ଶ୍ଵେତାଂବରଂ ଶ୍ଵେତଵିଲେପପୁଷ୍ପଂ
ମୁକ୍ତାଵିଭୂଷଂ ମୁଦିତଂ ଦ୍ଵିନେତ୍ରମ୍ ।
ଵାମାଂକପୀଠସ୍ଥିତଦିଵ୍ୟଶକ୍ତିଂ
ମଂଦସ୍ମିତଂ ପୂର୍ଣକୃପାନିଧାନମ୍ ॥ 113 ॥
ଆନଂଦମାନଂଦକରଂ ପ୍ରସନ୍ନଂ
ଜ୍ଞାନସ୍ଵରୂପଂ ନିଜଭାଵୟୁକ୍ତମ୍ ।
ୟୋଗୀଂଦ୍ରମୀଡ୍ୟଂ ଭଵରୋଗଵୈଦ୍ୟଂ
ଶ୍ରୀମଦ୍ଗୁରୁଂ ନିତ୍ୟମହଂ ନମାମି ॥ 114 ॥
ଵଂଦେ ଗୁରୂଣାଂ ଚରଣାରଵିଂଦଂ
ସଂଦର୍ଶିତସ୍ଵାତ୍ମସୁଖାଵବୋଧେ ।
ଜନସ୍ୟ ୟେ ଜାଂଗଲିକାୟମାନେ
ସଂସାରହାଲାହଲମୋହଶାଂତ୍ୟୈ ॥ 115 ॥
ୟସ୍ମିନ୍ ସୃଷ୍ଟିସ୍ଥିତିଧ୍ଵଂସନିଗ୍ରହାନୁଗ୍ରହାତ୍ମକମ୍ ।
କୃତ୍ୟଂ ପଂଚଵିଧଂ ଶଶ୍ଵତ୍ ଭାସତେ ତଂ ଗୁରୁଂ ଭଜେତ୍ ॥ 116 ॥
ପାଦାବ୍ଜେ ସର୍ଵସଂସାରଦାଵକାଲାନଲଂ ସ୍ଵକେ ।
ବ୍ରହ୍ମରଂଧ୍ରେ ସ୍ଥିତାଂଭୋଜମଧ୍ୟସ୍ଥଂ ଚଂଦ୍ରମଂଡଲମ୍ ॥ 117 ॥
ଅକଥାଦିତ୍ରିରେଖାବ୍ଜେ ସହସ୍ରଦଳମଂଡଲେ ।
ହଂସପାର୍ଶ୍ଵତ୍ରିକୋଣେ ଚ ସ୍ମରେତ୍ତନ୍ମଧ୍ୟଗଂ ଗୁରୁମ୍ ॥ 118 ॥
ନିତ୍ୟଂ ଶୁଦ୍ଧଂ ନିରାଭାସଂ ନିରାକାରଂ ନିରଂଜନମ୍ ।
ନିତ୍ୟବୋଧଂ ଚିଦାନଂଦଂ ଗୁରୁଂ ବ୍ରହ୍ମ ନମାମ୍ୟହମ୍ ॥ 119 ॥
ସକଲଭୁଵନସୃଷ୍ଟିଃ କଲ୍ପିତାଶେଷସୃଷ୍ଟିଃ
ନିଖିଲନିଗମଦୃଷ୍ଟିଃ ସତ୍ପଦାର୍ଥୈକସୃଷ୍ଟିଃ ।
ଅତଦ୍ଗଣପରମେଷ୍ଟିଃ ସତ୍ପଦାର୍ଥୈକଦୃଷ୍ଟିଃ
ଭଵଗୁଣପରମେଷ୍ଟିର୍ମୋକ୍ଷମାର୍ଗୈକଦୃଷ୍ଟିଃ ॥ 120 ॥
ସକଲଭୁଵନରଂଗସ୍ଥାପନାସ୍ତଂଭୟଷ୍ଟିଃ
ସକରୁଣରସଵୃଷ୍ଟିସ୍ତତ୍ତ୍ଵମାଲାସମଷ୍ଟିଃ ।
ସକଲସମୟସୃଷ୍ଟିସ୍ସଚ୍ଚିଦାନଂଦଦୃଷ୍ଟିଃ
ନିଵସତୁ ମୟି ନିତ୍ୟଂ ଶ୍ରୀଗୁରୋର୍ଦିଵ୍ୟଦୃଷ୍ଟିଃ ॥ 121 ॥
ନ ଗୁରୋରଧିକଂ ନ ଗୁରୋରଧିକଂ
ନ ଗୁରୋରଧିକଂ ନ ଗୁରୋରଧିକମ୍ ।
ଶିଵଶାସନତଃ ଶିଵଶାସନତଃ
ଶିଵଶାସନତଃ ଶିଵଶାସନତଃ ॥ 122 ॥
ଇଦମେଵ ଶିଵଂ ଇଦମେଵ ଶିଵଂ
ଇଦମେଵ ଶିଵଂ ଇଦମେଵ ଶିଵମ୍ ।
ହରିଶାସନତୋ ହରିଶାସନତୋ
ହରିଶାସନତୋ ହରିଶାସନତଃ ॥ 123 ॥
ଵିଦିତଂ ଵିଦିତଂ ଵିଦିତଂ ଵିଦିତଂ
ଵିଜନଂ ଵିଜନଂ ଵିଜନଂ ଵିଜନମ୍ ।
ଵିଧିଶାସନତୋ ଵିଧିଶାସନତୋ
ଵିଧିଶାସନତୋ ଵିଧିଶାସନତଃ ॥ 124 ॥
ଏଵଂଵିଧଂ ଗୁରୁଂ ଧ୍ୟାତ୍ଵା ଜ୍ଞାନମୁତ୍ପଦ୍ୟତେ ସ୍ଵୟମ୍ ।
ତଦା ଗୁରୂପଦେଶେନ ମୁକ୍ତୋଽହମିତି ଭାଵୟେତ୍ ॥ 125 ॥
ଗୁରୂପଦିଷ୍ଟମାର୍ଗେଣ ମନଶ୍ଶୁଦ୍ଧିଂ ତୁ କାରୟେତ୍ ।
ଅନିତ୍ୟଂ ଖଂଡୟେତ୍ସର୍ଵଂ ୟତ୍କିଂଚିଦାତ୍ମଗୋଚରମ୍ ॥ 126 ॥
ଜ୍ଞେୟଂ ସର୍ଵଂ ପ୍ରତୀତଂ ଚ ଜ୍ଞାନଂ ଚ ମନ ଉଚ୍ୟତେ ।
ଜ୍ଞାନଂ ଜ୍ଞେୟଂ ସମଂ କୁର୍ୟାନ୍ନାନ୍ୟଃ ପଂଥା ଦ୍ଵିତୀୟକଃ ॥ 127 ॥
କିମତ୍ର ବହୁନୋକ୍ତେନ ଶାସ୍ତ୍ରକୋଟିଶତୈରପି ।
ଦୁର୍ଲଭା ଚିତ୍ତଵିଶ୍ରାଂତିଃ ଵିନା ଗୁରୁକୃପାଂ ପରାମ୍ ॥ 128 ॥
କରୁଣାଖଡ୍ଗପାତେନ ଛିତ୍ଵା ପାଶାଷ୍ଟକଂ ଶିଶୋଃ ।
ସମ୍ୟଗାନଂଦଜନକଃ ସଦ୍ଗୁରୁଃ ସୋଽଭିଧୀୟତେ ॥ 129 ॥
ଏଵଂ ଶ୍ରୁତ୍ଵା ମହାଦେଵି ଗୁରୁନିଂଦାଂ କରୋତି ୟଃ ।
ସ ୟାତି ନରକାନ୍ ଘୋରାନ୍ ୟାଵଚ୍ଚଂଦ୍ରଦିଵାକରୌ ॥ 130 ॥
ୟାଵତ୍କଲ୍ପାଂତକୋ ଦେହସ୍ତାଵଦ୍ଦେଵି ଗୁରୁଂ ସ୍ମରେତ୍ ।
ଗୁରୁଲୋପୋ ନ କର୍ତଵ୍ୟଃ ସ୍ଵଚ୍ଛଂଦୋ ୟଦି ଵା ଭଵେତ୍ ॥ 131 ॥
ହୁଂକାରେଣ ନ ଵକ୍ତଵ୍ୟଂ ପ୍ରାଜ୍ଞଶିଷ୍ୟୈଃ କଦାଚନ ।
ଗୁରୋରଗ୍ର ନ ଵକ୍ତଵ୍ୟମସତ୍ୟଂ ତୁ କଦାଚନ ॥ 132 ॥
ଗୁରୁଂ ତ୍ଵଂକୃତ୍ୟ ହୁଂକୃତ୍ୟ ଗୁରୁସାନ୍ନିଧ୍ୟଭାଷଣଃ ।
ଅରଣ୍ୟେ ନିର୍ଜଲେ ଦେଶେ ସଂଭଵେଦ୍ ବ୍ରହ୍ମରାକ୍ଷସଃ ॥ 133 ॥
ଅଦ୍ଵୈତଂ ଭାଵୟେନ୍ନିତ୍ୟଂ ସର୍ଵାଵସ୍ଥାସୁ ସର୍ଵଦା ।
କଦାଚିଦପି ନୋ କୁର୍ୟାଦଦ୍ଵୈତଂ ଗୁରୁସନ୍ନିଧୌ ॥ 134 ॥
ଦୃଶ୍ୟଵିସ୍ମୃତିପର୍ୟଂତଂ କୁର୍ୟାଦ୍ ଗୁରୁପଦାର୍ଚନମ୍ ।
ତାଦୃଶସ୍ୟୈଵ କୈଵଲ୍ୟଂ ନ ଚ ତଦ୍ଵ୍ୟତିରେକିଣଃ ॥ 135 ॥
ଅପି ସଂପୂର୍ଣତତ୍ତ୍ଵଜ୍ଞୋ ଗୁରୁତ୍ୟାଗୀ ଭଵେଦ୍ୟଦା ।
ଭଵତ୍ୟେଵ ହି ତସ୍ୟାଂତକାଲେ ଵିକ୍ଷେପମୁତ୍କଟମ୍ ॥ 136 ॥
ଗୁରୁକାର୍ୟଂ ନ ଲଂଘେତ ନାପୃଷ୍ଟ୍ଵା କାର୍ୟମାଚରେତ୍ ।
ନ ହ୍ୟୁତ୍ତିଷ୍ଠେଦ୍ଦିଶେଽନତ୍ଵା ଗୁରୁସଦ୍ଭାଵଶୋଭିତଃ ॥ 137 ॥
ଗୁରୌ ସତି ସ୍ଵୟଂ ଦେଵି ପରେଷାଂ ତୁ କଦାଚନ ।
ଉପଦେଶଂ ନ ଵୈ କୁର୍ୟାତ୍ ତଥା ଚେଦ୍ରାକ୍ଷସୋ ଭଵେତ୍ ॥ 138 ॥
ନ ଗୁରୋରାଶ୍ରମେ କୁର୍ୟାତ୍ ଦୁଷ୍ପାନଂ ପରିସର୍ପଣମ୍ ।
ଦୀକ୍ଷା ଵ୍ୟାଖ୍ୟା ପ୍ରଭୁତ୍ଵାଦି ଗୁରୋରାଜ୍ଞାଂ ନ କାରୟେତ୍ ॥ 139 ॥
ନୋପାଶ୍ରୟଂ ଚ ପର୍ୟକଂ ନ ଚ ପାଦପ୍ରସାରଣମ୍ ।
ନାଂଗଭୋଗାଦିକଂ କୁର୍ୟାନ୍ନ ଲୀଲାମପରାମପି ॥ 140 ॥
ଗୁରୂଣାଂ ସଦସଦ୍ଵାଽପି ୟଦୁକ୍ତଂ ତନ୍ନ ଲଂଘୟେତ୍ ।
କୁର୍ଵନ୍ନାଜ୍ଞାଂ ଦିଵା ରାତ୍ରୌ ଦାସଵନ୍ନିଵସେଦ୍ଗୁରୋ ॥ 141 ॥
ଅଦତ୍ତଂ ନ ଗୁରୋର୍ଦ୍ରଵ୍ୟମୁପଭୁଂଜୀତ କର୍ହିଚିତ୍ ।
ଦତ୍ତେ ଚ ରଂକଵଦ୍ଗ୍ରାହ୍ୟଂ ପ୍ରାଣୋଽପ୍ୟେତେନ ଲଭ୍ୟତେ ॥ 142 ॥
ପାଦୁକାସନଶୟ୍ୟାଦି ଗୁରୁଣା ୟଦଭୀଷ୍ଟିତମ୍ ।
ନମସ୍କୁର୍ଵୀତ ତତ୍ସର୍ଵଂ ପାଦାଭ୍ୟାଂ ନ ସ୍ପୃଶେତ୍ କ୍ଵଚିତ୍ ॥ 143 ॥
ଗଚ୍ଛତଃ ପୃଷ୍ଠତୋ ଗଚ୍ଛେତ୍ ଗୁରୁଚ୍ଛାୟାଂ ନ ଲଂଘୟେତ୍ ।
ନୋଲ୍ବଣଂ ଧାରୟେଦ୍ଵେଷଂ ନାଲଂକାରାଂସ୍ତତୋଲ୍ବଣାନ୍ ॥ 144 ॥
ଗୁରୁନିଂଦାକରଂ ଦୃଷ୍ଟ୍ଵା ଧାଵୟେଦଥ ଵାସୟେତ୍ ।
ସ୍ଥାନଂ ଵା ତତ୍ପରିତ୍ୟାଜ୍ୟଂ ଜିହ୍ଵାଚ୍ଛେଦାକ୍ଷମୋ ୟଦି ॥ 145 ॥
ନୋଚ୍ଛିଷ୍ଟଂ କସ୍ୟଚିଦ୍ଦେୟଂ ଗୁରୋରାଜ୍ଞାଂ ନ ଚ ତ୍ୟଜେତ୍ ।
କୃତ୍ସ୍ନମୁଚ୍ଛିଷ୍ଟମାଦାୟ ହଵିରିଵ ଭକ୍ଷୟେତ୍ସ୍ଵୟମ୍ ॥ 146 ॥
ନାଽନୃତଂ ନାଽପ୍ରିୟଂ ଚୈଵ ନ ଗର୍ଵଂ ନାଽପି ଵା ବହୁ ।
ନ ନିୟୋଗପରଂ ବ୍ରୂୟାତ୍ ଗୁରୋରାଜ୍ଞାଂ ଵିଭାଵୟେତ୍ ॥ 147 ॥
ପ୍ରଭୋ ଦେଵକୁଲେଶାନାଂ ସ୍ଵାମିନ୍ ରାଜନ୍ କୁଲେଶ୍ଵର ।
ଇତି ସଂବୋଧନୈର୍ଭୀତୋ ଗୁରୁଭାଵେନ ସର୍ଵଦା ॥ 148 ॥
ମୁନିଭିଃ ପନ୍ନଗୈର୍ଵାପି ସୁରୈର୍ଵା ଶାପିତୋ ୟଦି ।
କାଲମୃତ୍ୟୁଭୟାଦ୍ଵାପି ଗୁରୁଃ ସଂତ୍ରାତି ପାର୍ଵତି ॥ 149 ॥
ଅଶକ୍ତା ହି ସୁରାଦ୍ୟାଶ୍ଚ ହ୍ୟଶକ୍ତାଃ ମୁନୟସ୍ତଥା ।
ଗୁରୁଶାପୋପପନ୍ନସ୍ୟ ରକ୍ଷଣାୟ ଚ କୁତ୍ରଚିତ୍ ॥ 150 ॥
ମଂତ୍ରରାଜମିଦଂ ଦେଵି ଗୁରୁରିତ୍ୟକ୍ଷରଦ୍ଵୟମ୍ ।
ସ୍ମୃତିଵେଦପୁରାଣାନାଂ ସାରମେଵ ନ ସଂଶୟଃ ॥ 151 ॥
ସତ୍କାରମାନପୂଜାର୍ଥଂ ଦଂଡକାଷୟଧାରଣଃ ।
ସ ସନ୍ନ୍ୟାସୀ ନ ଵକ୍ତଵ୍ୟଃ ସନ୍ନ୍ୟାସୀ ଜ୍ଞାନତତ୍ପରଃ ॥ 152 ॥
ଵିଜାନଂତି ମହାଵାକ୍ୟଂ ଗୁରୋଶ୍ଚରଣ ସେଵୟା ।
ତେ ଵୈ ସନ୍ନ୍ୟାସିନଃ ପ୍ରୋକ୍ତା ଇତରେ ଵେଷଧାରିଣଃ ॥ 153 ॥
[ ପାଠଭେଦଃ –
ନିତ୍ୟଂ ବ୍ରହ୍ମ ନିରାକାରଂ ନିର୍ଗୁଣଂ ବୋଧୟେତ୍ପରମ୍ ।
ଭାସୟନ୍ ବ୍ରହ୍ମଭାଵଂ ଚ ଦୀପୋ ଦୀପାଂତରଂ ୟଥା ॥
]
ନିତ୍ୟଂ ବ୍ରହ୍ମ ନିରାକାରଂ ନିର୍ଗୁଣଂ ସତ୍ୟଚିଦ୍ଧନମ୍ ।
ୟଃ ସାକ୍ଷାତ୍କୁରୁତେ ଲୋକେ ଗୁରୁତ୍ଵଂ ତସ୍ୟ ଶୋଭତେ ॥ 154 ॥
ଗୁରୁପ୍ରସାଦତଃ ସ୍ଵାତ୍ମନ୍ୟାତ୍ମାରାମନିରୀକ୍ଷଣାତ୍ ।
ସମତା ମୁକ୍ତିମାର୍ଗେଣ ସ୍ଵାତ୍ମଜ୍ଞାନଂ ପ୍ରଵର୍ତତେ ॥ 155 ॥
ଆବ୍ରହ୍ମସ୍ତଂବପର୍ୟଂତଂ ପରମାତ୍ମସ୍ଵରୂପକମ୍ ।
ସ୍ଥାଵରଂ ଜଂଗମଂ ଚୈଵ ପ୍ରଣମାମି ଜଗନ୍ମୟମ୍ ॥ 156 ॥
ଵଂଦେଽହଂ ସଚ୍ଚିଦାନଂଦଂ ଭାଵାତୀତଂ ଜଗଦ୍ଗୁରୁମ୍ ।
ନିତ୍ୟଂ ପୂର୍ଣଂ ନିରାକାରଂ ନିର୍ଗୁଣଂ ସ୍ଵାତ୍ମସଂସ୍ଥିତମ୍ ॥ 157 ॥
ପରାତ୍ପରତରଂ ଧ୍ୟାୟେନ୍ନିତ୍ୟମାନଂଦକାରକମ୍ ।
ହୃଦୟାକାଶମଧ୍ୟସ୍ଥଂ ଶୁଦ୍ଧସ୍ଫଟିକସନ୍ନିଭମ୍ ॥ 158 ॥
ସ୍ଫାଟିକେ ସ୍ଫାଟିକଂ ରୂପଂ ଦର୍ପଣେ ଦର୍ପଣୋ ୟଥା ।
ତଥାଽଽତ୍ମନି ଚିଦାକାରମାନଂଦଂ ସୋଽହମିତ୍ୟୁତ ॥ 159 ॥
ଅଂଗୁଷ୍ଠମାତ୍ରଂ ପୁରୁଷଂ ଧ୍ୟାୟେଚ୍ଚ ଚିନ୍ମୟଂ ହୃଦି ।
ତତ୍ର ସ୍ଫୁରତି ୟୋ ଭାଵଃ ଶୃଣୁ ତତ୍କଥୟାମି ତେ ॥ 160 ॥
ଅଜୋଽହମମରୋଽହଂ ଚ ଅନାଦିନିଧନୋ ହ୍ୟହମ୍ ।
ଅଵିକାରଶ୍ଚିଦାନଂଦୋ ହ୍ୟଣୀୟାନ୍ମହତୋ ମହାନ୍ ॥ 161 ॥
ଅପୂର୍ଵମପରଂ ନିତ୍ୟଂ ସ୍ଵୟଂଜ୍ୟୋତିର୍ନିରାମୟମ୍ ।
ଵିରଜଂ ପରମାକାଶଂ ଧ୍ରୁଵମାନଂଦମଵ୍ୟୟମ୍ ॥ 162 ॥
ଅଗୋଚରଂ ତଥାଽଗମ୍ୟଂ ନାମରୂପଵିଵର୍ଜିତମ୍ ।
ନିଶ୍ଶବ୍ଦଂ ତୁ ଵିଜାନୀୟାତ୍ସ୍ଵଭାଵାଦ୍ବ୍ରହ୍ମ ପାର୍ଵତି ॥ 163 ॥
ୟଥା ଗଂଧସ୍ଵଭାଵତ୍ଵଂ କର୍ପୂରକୁସୁମାଦିଷୁ ।
ଶୀତୋଷ୍ଣତ୍ଵସ୍ଵଭାଵତ୍ଵଂ ତଥା ବ୍ରହ୍ମଣି ଶାଶ୍ଵତମ୍ ॥ 164 ॥
ୟଥା ନିଜସ୍ଵଭାଵେନ କୁଂଡଲେ କଟକାଦୟଃ ।
ସୁଵର୍ଣତ୍ଵେନ ତିଷ୍ଠଂତି ତଥାଽହଂ ବ୍ରହ୍ମ ଶାଶ୍ଵତମ୍ ॥ 165 ॥
ସ୍ଵୟଂ ତଥାଵିଧୋ ଭୂତ୍ଵା ସ୍ଥାତଵ୍ୟଂ ୟତ୍ର କୁତ୍ର ଚିତ୍ ।
କୀଟୋ ଭୃଂଗ ଇଵ ଧ୍ୟାନାଦ୍ୟଥା ଭଵତି ତାଦୃଶଃ ॥ 166 ॥
ଗୁରୁଧ୍ୟାନଂ ତଥା କୃତ୍ଵା ସ୍ଵୟଂ ବ୍ରହ୍ମମୟୋ ଭଵେତ୍ ।
ପିଂଡେ ପଦେ ତଥା ରୂପେ ମୁକ୍ତାସ୍ତେ ନାତ୍ର ସଂଶୟଃ ॥ 167 ॥
ଶ୍ରୀପାର୍ଵତୀ ଉଵାଚ ।
ପିଂଡଂ କିଂ ତୁ ମହାଦେଵ ପଦଂ କିଂ ସମୁଦାହୃତମ୍ ।
ରୂପାତୀତଂ ଚ ରୂପଂ କିଂ ଏତଦାଖ୍ୟାହି ଶଂକର ॥ 168 ॥
ଶ୍ରୀମହାଦେଵ ଉଵାଚ ।
ପିଂଡଂ କୁଂଡଲିନୀ ଶକ୍ତିଃ ପଦଂ ହଂସମୁଦାହୃତମ୍ ।
ରୂପଂ ବିଂଦୁରିତି ଜ୍ଞେୟଂ ରୂପାତୀତଂ ନିରଂଜନମ୍ ॥ 169 ॥
ପିଂଡେ ମୁକ୍ତାଃ ପଦେ ମୁକ୍ତା ରୂପେ ମୁକ୍ତା ଵରାନନେ ।
ରୂପାତୀତେ ତୁ ୟେ ମୁକ୍ତାସ୍ତେ ମୁକ୍ତା ନାଽତ୍ର ସଂଶୟଃ ॥ 170 ॥
ଗୁରୁର୍ଧ୍ୟାନେନୈଵ ନିତ୍ୟଂ ଦେହୀ ବ୍ରହ୍ମମୟୋ ଭଵେତ୍ ।
ସ୍ଥିତଶ୍ଚ ୟତ୍ର କୁତ୍ରାଽପି ମୁକ୍ତୋଽସୌ ନାଽତ୍ର ସଂଶୟଃ ॥ 171 ॥
ଜ୍ଞାନଂ ଵୈରାଗ୍ୟମୈଶ୍ଵର୍ୟଂ ୟଶଶ୍ରୀଃ ସ୍ଵମୁଦାହୃତମ୍ ।
ଷଡ୍ଗୁଣୈଶ୍ଵର୍ୟୟୁକ୍ତୋ ହି ଭଗଵାନ୍ ଶ୍ରୀଗୁରୁଃ ପ୍ରିୟେ ॥ 172 ॥
ଗୁରୁଶ୍ଶିଵୋ ଗୁରୁର୍ଦେଵୋ ଗୁରୁର୍ବଂଧୁଃ ଶରୀରିଣାମ୍ ।
ଗୁରୁରାତ୍ମା ଗୁରୁର୍ଜୀଵୋ ଗୁରୋରନ୍ୟନ୍ନ ଵିଦ୍ୟତେ ॥ 173 ॥
ଏକାକୀ ନିସ୍ସ୍ପୃହଃ ଶାଂତଶ୍ଚିଂତାଽସୂୟାଦିଵର୍ଜିତଃ ।
ବାଲ୍ୟଭାଵେନ ୟୋ ଭାତି ବ୍ରହ୍ମଜ୍ଞାନୀ ସ ଉଚ୍ୟତେ ॥ 174 ॥
ନ ସୁଖଂ ଵେଦଶାସ୍ତ୍ରେଷୁ ନ ସୁଖଂ ମଂତ୍ରୟଂତ୍ରକେ ।
ଗୁରୋଃ ପ୍ରସାଦାଦନ୍ୟତ୍ର ସୁଖଂ ନାସ୍ତି ମହୀତଲେ ॥ 175 ॥
ଚାର୍ଵାକଵୈଷ୍ଣଵମତେ ସୁଖଂ ପ୍ରାଭାକରେ ନ ହି ।
ଗୁରୋଃ ପାଦାଂତିକେ ୟଦ୍ଵତ୍ସୁଖଂ ଵେଦାଂତସମ୍ମତମ୍ ॥ 176 ॥
ନ ତତ୍ସୁଖଂ ସୁରେଂଦ୍ରସ୍ୟ ନ ସୁଖଂ ଚକ୍ରଵର୍ତିନାମ୍ ।
ୟତ୍ସୁଖଂ ଵୀତରାଗସ୍ୟ ମୁନେରେକାଂତଵାସିନଃ ॥ 177 ॥
ନିତ୍ୟଂ ବ୍ରହ୍ମରସଂ ପୀତ୍ଵା ତୃପ୍ତୋ ୟଃ ପରମାତ୍ମନି ।
ଇଂଦ୍ରଂ ଚ ମନ୍ୟତେ ତୁଚ୍ଛଂ ନୃପାଣାଂ ତତ୍ର କା କଥା ॥ 178 ॥
ୟତଃ ପରମକୈଵଲ୍ୟଂ ଗୁରୁମାର୍ଗେଣ ଵୈ ଭଵେତ୍ ।
ଗୁରୁଭକ୍ତିରତଃ କାର୍ୟା ସର୍ଵଦା ମୋକ୍ଷକାଂକ୍ଷିଭିଃ ॥ 179 ॥
ଏକ ଏଵାଽଦ୍ଵିତୀୟୋଽହଂ ଗୁରୁଵାକ୍ୟେନ ନିଶ୍ଚିତଃ ।
ଏଵମଭ୍ୟସ୍ୟତା ନିତ୍ୟଂ ନ ସେଵ୍ୟଂ ଵୈ ଵନାଂତରମ୍ ॥ 180 ॥
ଅଭ୍ୟାସାନ୍ନିମିଷେଣୈଵ ସମାଧିମଧିଗଚ୍ଛତି ।
ଆଜନ୍ମଜନିତଂ ପାପଂ ତତ୍କ୍ଷଣାଦେଵ ନଶ୍ୟତି ॥ 181 ॥
କିମାଵାହନମଵ୍ୟକ୍ତେ ଵ୍ୟାପକେ କିଂ ଵିସର୍ଜନମ୍ ।
ଅମୂର୍ତେ ଚ କଥଂ ପୂଜା କଥଂ ଧ୍ୟାନଂ ନିରାମୟେ ॥ 182 ॥
ଗୁରୁର୍ଵିଷ୍ଣୁଃ ସତ୍ତ୍ଵମୟୋ ରାଜସଶ୍ଚତୁରାନନଃ ।
ତାମସୋ ରୁଦ୍ରରୂପେଣ ସୃଜତ୍ୟଵତି ହଂତି ଚ ॥ 183 ॥
ସ୍ଵୟଂ ବ୍ରହ୍ମମୟୋ ଭୂତ୍ଵା ତତ୍ପରଂ ଚାଵଲୋକୟେତ୍ ।
ପରାତ୍ପରତରଂ ନାନ୍ୟତ୍ ସର୍ଵଗଂ ତନ୍ନିରାମୟମ୍ ॥ 184 ॥
ତସ୍ୟାଵଲୋକନଂ ପ୍ରାପ୍ୟ ସର୍ଵସଂଗଵିଵର୍ଜିତଃ ।
ଏକାକୀ ନିସ୍ସ୍ପୃହଃ ଶାଂତଃ ସ୍ଥାତଵ୍ୟଂ ତତ୍ପ୍ରସାଦତଃ ॥ 185 ॥
ଲବ୍ଧଂ ଵାଽଥ ନ ଲବ୍ଧଂ ଵା ସ୍ଵଲ୍ପଂ ଵା ବହୁଳଂ ତଥା ।
ନିଷ୍କାମେନୈଵ ଭୋକ୍ତଵ୍ୟଂ ସଦା ସଂତୁଷ୍ଟମାନସଃ ॥ 186 ॥
ସର୍ଵଜ୍ଞପଦମିତ୍ୟାହୁର୍ଦେହୀ ସର୍ଵମୟୋ ଭୁଵି ।
ସଦାଽଽନଂଦଃ ସଦା ଶାଂତୋ ରମତେ ୟତ୍ର କୁତ୍ର ଚିତ୍ ॥ 187 ॥
ୟତ୍ରୈଵ ତିଷ୍ଠତେ ସୋଽପି ସ ଦେଶଃ ପୁଣ୍ୟଭାଜନଃ ।
ମୁକ୍ତସ୍ୟ ଲକ୍ଷଣଂ ଦେଵି ତଵାଽଗ୍ରେ କଥିତଂ ମୟା ॥ 188 ॥
ଉପଦେଶସ୍ତ୍ଵୟଂ ଦେଵି ଗୁରୁମାର୍ଗେଣ ମୁକ୍ତିଦଃ ।
ଗୁରୁଭକ୍ତିଃ ତଥାଽତ୍ୟଂତା କର୍ତଵ୍ୟା ଵୈ ମନୀଷିଭିଃ ॥ 189 ॥
ନିତ୍ୟୟୁକ୍ତାଶ୍ରୟଃ ସର୍ଵଵେଦକୃତ୍ସର୍ଵଵେଦକୃତ୍ ।
ସ୍ଵପରଜ୍ଞାନଦାତା ଚ ତଂ ଵଂଦେ ଗୁରୁମୀଶ୍ଵରମ୍ ॥ 190 ॥
ୟଦ୍ୟପ୍ୟଧୀତା ନିଗମାଃ ଷଡଂଗା ଆଗମାଃ ପ୍ରିୟେ ।
ଅଧ୍ୟାତ୍ମାଦୀନି ଶାସ୍ତ୍ରାଣି ଜ୍ଞାନଂ ନାସ୍ତି ଗୁରୁଂ ଵିନା ॥ 191 ॥
ଶିଵପୂଜାରତୋ ଵାଽପି ଵିଷ୍ଣୁପୂଜାରତୋଽଥଵା ।
ଗୁରୁତତ୍ତ୍ଵଵିହୀନଶ୍ଚେତ୍ତତ୍ସର୍ଵଂ ଵ୍ୟର୍ଥମେଵ ହି ॥ 192 ॥
ଶିଵସ୍ଵରୂପମଜ୍ଞାତ୍ଵା ଶିଵପୂଜା କୃତା ୟଦି ।
ସା ପୂଜା ନାମମାତ୍ରଂ ସ୍ୟାଚ୍ଚିତ୍ରଦୀପ ଇଵ ପ୍ରିୟେ ॥ 193 ॥
ସର୍ଵଂ ସ୍ୟାତ୍ସଫଲଂ କର୍ମ ଗୁରୁଦୀକ୍ଷାପ୍ରଭାଵତଃ ।
ଗୁରୁଲାଭାତ୍ସର୍ଵଲାଭୋ ଗୁରୁହୀନସ୍ତୁ ବାଲିଶଃ ॥ 194 ॥
ଗୁରୁହୀନଃ ପଶୁଃ କୀଟଃ ପତଂଗୋ ଵକ୍ତୁମର୍ହତି ।
ଶିଵରୂପଂ ସ୍ଵରୂପଂ ଚ ନ ଜାନାତି ୟତସ୍ସ୍ଵୟମ୍ ॥ 195 ॥
ତସ୍ମାତ୍ସର୍ଵପ୍ରୟତ୍ନେନ ସର୍ଵସଂଗଵିଵର୍ଜିତଃ ।
ଵିହାୟ ଶାସ୍ତ୍ରଜାଲାନି ଗୁରୁମେଵ ସମାଶ୍ରୟେତ୍ ॥ 196 ॥
ନିରସ୍ତସର୍ଵସଂଦେହୋ ଏକୀକୃତ୍ୟ ସୁଦର୍ଶନମ୍ ।
ରହସ୍ୟଂ ୟୋ ଦର୍ଶୟତି ଭଜାମି ଗୁରୁମୀଶ୍ଵରମ୍ ॥ 197 ॥
ଜ୍ଞାନହୀନୋ ଗୁରୁସ୍ତ୍ୟାଜ୍ୟୋ ମିଥ୍ୟାଵାଦୀ ଵିଡଂବକଃ ।
ସ୍ଵଵିଶ୍ରାଂତିଂ ନ ଜାନାତି ପରଶାଂତିଂ କରୋତି କିମ୍ ॥ 198 ॥
ଶିଲାୟାଃ କିଂ ପରଂ ଜ୍ଞାନଂ ଶିଲାସଂଘପ୍ରତାରଣେ ।
ସ୍ଵୟଂ ତର୍ତୁଂ ନ ଜାନାତି ପରଂ ନିସ୍ତାରୟେତ୍ କଥମ୍ ॥ 199 ॥
ନ ଵଂଦନୀୟାସ୍ତେ କଷ୍ଟଂ ଦର୍ଶନାଦ୍ଭ୍ରାଂତିକାରକାଃ ।
ଵର୍ଜୟେତ୍ତାନ୍ ଗୁରୂନ୍ ଦୂରେ ଧୀରସ୍ୟ ତୁ ସମାଶ୍ରୟେତ୍ ॥ 200 ॥
ପାଷଂଡିନଃ ପାପରତାଃ ନାସ୍ତିକା ଭେଦବୁଦ୍ଧୟଃ ।
ସ୍ତ୍ରୀଲଂପଟା ଦୁରାଚାରାଃ କୃତଘ୍ନା ବକଵୃତ୍ତୟଃ ॥ 201 ॥
କର୍ମଭ୍ରଷ୍ଟାଃ କ୍ଷମାନଷ୍ଟା ନିଂଦ୍ୟତର୍କୈଶ୍ଚ ଵାଦିନଃ ।
କାମିନଃ କ୍ରୋଧିନଶ୍ଚୈଵ ହିଂସ୍ରାଶ୍ଚଂଡାଃ ଶଠାସ୍ତଥା ॥ 202 ॥
ଜ୍ଞାନଲୁପ୍ତା ନ କର୍ତଵ୍ୟା ମହାପାପାସ୍ତଥା ପ୍ରିୟେ ।
ଏଭ୍ୟୋ ଭିନ୍ନୋ ଗୁରୁଃ ସେଵ୍ୟଃ ଏକଭକ୍ତ୍ୟା ଵିଚାର୍ୟ ଚ ॥ 203 ॥
ଶିଷ୍ୟାଦନ୍ୟତ୍ର ଦେଵେଶି ନ ଵଦେଦ୍ୟସ୍ୟ କସ୍ୟଚିତ୍ ।
ନରାଣାଂ ଚ ଫଲପ୍ରାପ୍ତୌ ଭକ୍ତିରେଵ ହି କାରଣମ୍ ॥ 204 ॥
ଗୂଢୋ ଦୃଢଶ୍ଚ ପ୍ରୀତଶ୍ଚ ମୌନେନ ସୁସମାହିତଃ ।
ସକୃତ୍କାମଗତୋ ଵାଽପି ପଂଚଧା ଗୁରୁରୀରିତଃ ॥ 205 ॥
ସର୍ଵଂ ଗୁରୁମୁଖାଲ୍ଲବ୍ଧଂ ସଫଲଂ ପାପନାଶନମ୍ ।
ୟଦ୍ୟଦାତ୍ମହିତଂ ଵସ୍ତୁ ତତ୍ତଦ୍ଦ୍ରଵ୍ୟଂ ନ ଵଂଚୟେତ୍ ॥ 206 ॥
ଗୁରୁଦେଵାର୍ପଣଂ ଵସ୍ତୁ ତେନ ତୁଷ୍ଟୋଽସ୍ମି ସୁଵ୍ରତେ ।
ଶ୍ରୀଗୁରୋଃ ପାଦୁକାଂ ମୁଦ୍ରାଂ ମୂଲମଂତ୍ରଂ ଚ ଗୋପୟେତ୍ ॥ 207 ॥
ନତାଽସ୍ମି ତେ ନାଥ ପଦାରଵିଂଦଂ
ବୁଦ୍ଧୀଂଦ୍ରିୟପ୍ରାଣମନୋଵଚୋଭିଃ ।
ୟଚ୍ଚିଂତ୍ୟତେ ଭାଵିତ ଆତ୍ମୟୁକ୍ତୌ
ମୁମୁକ୍ଷିଭିଃ କର୍ମମୟୋପଶାଂତୟେ ॥ 208 ॥
ଅନେନ ୟଦ୍ଭଵେତ୍କାର୍ୟଂ ତଦ୍ଵଦାମି ତଵ ପ୍ରିୟେ ।
ଲୋକୋପକାରକଂ ଦେଵି ଲୌକିକଂ ତୁ ଵିଵର୍ଜୟେତ୍ ॥ 209 ॥
ଲୌକିକାଦ୍ଧର୍ମତୋ ୟାତି ଜ୍ଞାନହୀନୋ ଭଵାର୍ଣଵେ ।
ଜ୍ଞାନଭାଵେ ଚ ୟତ୍ସର୍ଵଂ କର୍ମ ନିଷ୍କର୍ମ ଶାମ୍ୟତି ॥ 210 ॥
ଇମାଂ ତୁ ଭକ୍ତିଭାଵେନ ପଠେଦ୍ଵୈ ଶୃଣୁୟାଦପି ।
ଲିଖିତ୍ଵା ୟତ୍ପ୍ରଦାନେନ ତତ୍ସର୍ଵଂ ଫଲମଶ୍ନୁତେ ॥ 211 ॥
ଗୁରୁଗୀତାମିମାଂ ଦେଵି ହୃଦି ନିତ୍ୟଂ ଵିଭାଵୟ ।
ମହାଵ୍ୟାଧିଗତୈର୍ଦୁଃଖୈଃ ସର୍ଵଦା ପ୍ରଜପେନ୍ମୁଦା ॥ 212 ॥
ଗୁରୁଗୀତାକ୍ଷରୈକୈକଂ ମଂତ୍ରରାଜମିଦଂ ପ୍ରିୟେ ।
ଅନ୍ୟେ ଚ ଵିଵିଧାଃ ମଂତ୍ରାଃ କଲାଂ ନାର୍ହଂତି ଷୋଡଶୀମ୍ ॥ 213 ॥
ଅନଂତ ଫଲମାପ୍ନୋତି ଗୁରୁଗୀତା ଜପେନ ତୁ ।
ସର୍ଵପାପହରା ଦେଵି ସର୍ଵଦାରିଦ୍ର୍ୟନାଶିନୀ ॥ 214 ॥
ଅକାଲମୃତ୍ୟୁହରା ଚୈଵ ସର୍ଵସଂକଟନାଶିନୀ ।
ୟକ୍ଷରାକ୍ଷସଭୂତାଦିଚୋରଵ୍ୟାଘ୍ରଵିଘାତିନୀ ॥ 215 ॥
ସର୍ଵୋପଦ୍ରଵକୁଷ୍ଠାଦିଦୁଷ୍ଟଦୋଷନିଵାରିଣୀ ।
ୟତ୍ଫଲଂ ଗୁରୁସାନ୍ନିଧ୍ୟାତ୍ତତ୍ଫଲଂ ପଠନାଦ୍ଭଵେତ୍ ॥ 216 ॥
ମହାଵ୍ୟାଧିହରା ସର୍ଵଵିଭୂତେଃ ସିଦ୍ଧିଦା ଭଵେତ୍ ।
ଅଥଵା ମୋହନେ ଵଶ୍ୟେ ସ୍ଵୟମେଵ ଜପେତ୍ସଦା ॥ 217 ॥
କୁଶଦୂର୍ଵାସନେ ଦେଵି ହ୍ୟାସନେ ଶୁଭ୍ରକଂବଲେ ।
ଉପଵିଶ୍ୟ ତତୋ ଦେଵି ଜପେଦେକାଗ୍ରମାନସଃ ॥ 218 ॥
ଶୁକ୍ଲଂ ସର୍ଵତ୍ର ଵୈ ପ୍ରୋକ୍ତଂ ଵଶ୍ୟେ ରକ୍ତାସନଂ ପ୍ରିୟେ ।
ପଦ୍ମାସନେ ଜପେନ୍ନିତ୍ୟଂ ଶାଂତିଵଶ୍ୟକରଂ ପରମ୍ ॥ 219 ॥
ଵସ୍ତ୍ରାସନେ ଚ ଦାରିଦ୍ର୍ୟଂ ପାଷାଣେ ରୋଗସଂଭଵଃ ।
ମେଦିନ୍ୟାଂ ଦୁଃଖମାପ୍ନୋତି କାଷ୍ଠେ ଭଵତି ନିଷ୍ଫଲମ୍ ॥ 220 ॥
କୃଷ୍ଣାଜିନେ ଜ୍ଞାନସିଦ୍ଧିଃ ମୋକ୍ଷଶ୍ରୀର୍ଵ୍ୟାଘ୍ରଚର୍ମଣି ।
କୁଶାସନେ ଜ୍ଞାନସିଦ୍ଧିଃ ସର୍ଵସିଦ୍ଧିସ୍ତୁ କଂବଲେ ॥ 221 ॥
ଆଗ୍ନେୟ୍ୟାଂ କର୍ଷଣଂ ଚୈଵ ଵାୟଵ୍ୟାଂ ଶତ୍ରୁନାଶନମ୍ ।
ନୈରୃତ୍ୟାଂ ଦର୍ଶନଂ ଚୈଵ ଈଶାନ୍ୟାଂ ଜ୍ଞାନମେଵ ଚ ॥ 222 ॥
ଉଦଙ୍ମୁଖଃ ଶାଂତିଜାପ୍ୟେ ଵଶ୍ୟେ ପୂର୍ଵମୁଖସ୍ତଥା ।
ୟାମ୍ୟେ ତୁ ମାରଣଂ ପ୍ରୋକ୍ତଂ ପଶ୍ଚିମେ ଚ ଧନାଗମଃ ॥ 223 ॥
ମୋହନଂ ସର୍ଵଭୂତାନାଂ ବଂଧମୋକ୍ଷକରଂ ପରମ୍ ।
ଦେଵରାଜପ୍ରିୟକରଂ ରାଜାନଂ ଵଶମାନୟେତ୍ ॥ 224 ॥
ମୁଖସ୍ତଂଭକରଂ ଚୈଵ ଗୁଣାନାଂ ଚ ଵିଵର୍ଧନମ୍ ।
ଦୁଷ୍କର୍ମନାଶନଂ ଚୈଵ ତଥା ସତ୍କର୍ମସିଦ୍ଧିଦମ୍ ॥ 225 ॥
ଅସିଦ୍ଧଂ ସାଧୟେତ୍କାର୍ୟଂ ନଵଗ୍ରହଭୟାପହମ୍ ।
ଦୁଃସ୍ଵପ୍ନନାଶନଂ ଚୈଵ ସୁସ୍ଵପ୍ନଫଲଦାୟକମ୍ ॥ 226 ॥
ମୋହଶାଂତିକରଂ ଚୈଵ ବଂଧମୋକ୍ଷକରଂ ପରମ୍ ।
ସ୍ଵରୂପଜ୍ଞାନନିଲୟଂ ଗୀତାଶାସ୍ତ୍ରମିଦଂ ଶିଵେ ॥ 227 ॥
ୟଂ ୟଂ ଚିଂତୟତେ କାମଂ ତଂ ତଂ ପ୍ରାପ୍ନୋତି ନିଶ୍ଚୟମ୍ ।
ନିତ୍ୟଂ ସୌଭାଗ୍ୟଦଂ ପୁଣ୍ୟଂ ତାପତ୍ରୟକୁଲାପହମ୍ ॥ 228 ॥
ସର୍ଵଶାଂତିକରଂ ନିତ୍ୟଂ ତଥା ଵଂଧ୍ୟା ସୁପୁତ୍ରଦମ୍ ।
ଅଵୈଧଵ୍ୟକରଂ ସ୍ତ୍ରୀଣାଂ ସୌଭାଗ୍ୟସ୍ୟ ଵିଵର୍ଧନମ୍ ॥ 229 ॥
ଆୟୁରାରୋଗ୍ୟମୈଶ୍ଵର୍ୟଂ ପୁତ୍ରପୌତ୍ରଵିଵର୍ଧନମ୍ ।
ନିଷ୍କାମଜାପୀ ଵିଧଵା ପଠେନ୍ମୋକ୍ଷମଵାପ୍ନୁୟାତ୍ ॥ 230 ॥
ଅଵୈଧଵ୍ୟଂ ସକାମା ତୁ ଲଭତେ ଚାନ୍ୟଜନ୍ମନି ।
ସର୍ଵଦୁଃଖମୟଂ ଵିଘ୍ନଂ ନାଶୟେତ୍ତାପହାରକମ୍ ॥ 231 ॥
ସର୍ଵପାପପ୍ରଶମନଂ ଧର୍ମକାମାର୍ଥମୋକ୍ଷଦମ୍ ।
ୟଂ ୟଂ ଚିଂତୟତେ କାମଂ ତଂ ତଂ ପ୍ରାପ୍ନୋତି ନିଶ୍ଚିତମ୍ ॥ 232 ॥
କାମ୍ୟାନାଂ କାମଧେନୁର୍ଵୈ କଲ୍ପତେ କଲ୍ପପାଦପଃ ।
ଚିଂତାମଣିଶ୍ଚିଂତିତସ୍ୟ ସର୍ଵମଂଗଳକାରକମ୍ ॥ 233 ॥
ଲିଖିତ୍ଵା ପୂଜୟେଦ୍ୟସ୍ତୁ ମୋକ୍ଷଶ୍ରିୟମଵାପ୍ନୁୟାତ୍ ।
ଗୁରୂଭକ୍ତିର୍ଵିଶେଷେଣ ଜାୟତେ ହୃଦି ସର୍ଵଦା ॥ 234 ॥
ଜପଂତି ଶାକ୍ତାଃ ସୌରାଶ୍ଚ ଗାଣପତ୍ୟାଶ୍ଚ ଵୈଷ୍ଣଵାଃ ।
ଶୈଵାଃ ପାଶୁପତାଃ ସର୍ଵେ ସତ୍ୟଂ ସତ୍ୟଂ ନ ସଂଶୟଃ ॥ 235 ॥
ଇତି ଶ୍ରୀସ୍କଂଦପୁରାଣେ ଉତ୍ତରଖଂଡେ ଉମାମହେଶ୍ଵର ସଂଵାଦେ
ଶ୍ରୀ ଗୁରୁଗୀତାୟାଂ ଦ୍ଵିତୀୟୋଽଧ୍ୟାୟଃ
********