Chanakya Neeti Chapter 7 Lyrics In Oriya/Odia
ଅର୍ଥନାଶଂ ମନସ୍ତାପଂ ଗୃହେ ଦୁଶ୍ଚରିତାନି ଚ ।
ଵଂଚନଂ ଚାପମାନଂ ଚ ମତିମାନ୍ନ ପ୍ରକାଶୟେତ୍ ॥ 01 ॥
ଧନଧାନ୍ୟପ୍ରୟୋଗେଷୁ ଵିଦ୍ୟାସଂଗ୍ରହଣେ ତଥା ।
ଆହାରେ ଵ୍ୟଵହାରେ ଚ ତ୍ୟକ୍ତଲଜ୍ଜଃ ସୁଖୀ ଭଵେତ୍ ॥ 02 ॥
ସଂତୋଷାମୃତତୃପ୍ତାନାଂ ୟତ୍ସୁଖଂ ଶାଂତିରେଵ ଚ ।
ନ ଚ ତଦ୍ଧନଲୁବ୍ଧାନାମିତଶ୍ଚେତଶ୍ଚ ଧାଵତାମ୍ ॥ 03 ॥
ସଂତୋଷସ୍ତ୍ରିଷୁ କର୍ତଵ୍ୟଃ ସ୍ଵଦାରେ ଭୋଜନେ ଧନେ ।
ତ୍ରିଷୁ ଚୈଵ ନ କର୍ତଵ୍ୟୋଽଧ୍ୟୟନେ ଜପଦାନୟୋଃ ॥ 04 ॥
ଵିପ୍ରୟୋର୍ଵିପ୍ରଵହ୍ନ୍ୟୋଶ୍ଚ ଦଂପତ୍ୟୋଃ ସ୍ଵାମିଭୃତ୍ୟୟୋଃ ।
ଅଂତରେଣ ନ ଗଂତଵ୍ୟଂ ହଲସ୍ୟ ଵୃଷଭସ୍ୟ ଚ ॥ 05 ॥
ପାଦାଭ୍ୟାଂ ନ ସ୍ପୃଶେଦଗ୍ନିଂ ଗୁରୁଂ ବ୍ରାହ୍ମଣମେଵ ଚ ।
ନୈଵ ଗାଂ ନ କୁମାରୀଂ ଚ ନ ଵୃଦ୍ଧଂ ନ ଶିଶୁଂ ତଥା ॥ 06 ॥
ଶକଟଂ ପଂଚହସ୍ତେନ ଦଶହସ୍ତେନ ଵାଜିନମ୍ ।
ଗଜଂ ହସ୍ତସହସ୍ରେଣ ଦେଶତ୍ୟାଗେନ ଦୁର୍ଜନମ୍ ॥ 07 ॥
ହସ୍ତୀ ଅଂକୁଶମାତ୍ରେଣ ଵାଜୀ ହସ୍ତେନ ତାଡ୍ୟତେ ।
ଶଋଂଗୀ ଲଗୁଡହସ୍ତେନ ଖଡ୍ଗହସ୍ତେନ ଦୁର୍ଜନଃ ॥ 08 ॥
ତୁଷ୍ୟଂତି ଭୋଜନେ ଵିପ୍ରା ମୟୂରା ଘନଗର୍ଜିତେ ।
ସାଧଵଃ ପରସଂପତ୍ତୌ ଖଲାଃ ପରଵିପତ୍ତିଷୁ ॥ 09 ॥
ଅନୁଲୋମେନ ବଲିନଂ ପ୍ରତିଲୋମେନ ଦୁର୍ଜନମ୍ ।
ଆତ୍ମତୁଲ୍ୟବଲଂ ଶତ୍ରୁଂ ଵିନୟେନ ବଲେନ ଵା ॥ 10 ॥
ବାହୁଵୀର୍ୟଂ ବଲଂ ରାଜ୍ଞାଂ ବ୍ରହ୍ମଣୋ ବ୍ରହ୍ମଵିଦ୍ବଲୀ ।
ରୂପୟୌଵନମାଧୁର୍ୟଂ ସ୍ତ୍ରୀଣାଂ ବଲମନୁତ୍ତମମ୍ ॥ 11 ॥
ନାତ୍ୟଂତଂ ସରଲୈର୍ଭାଵ୍ୟଂ ଗତ୍ଵା ପଶ୍ୟ ଵନସ୍ଥଲୀମ୍ ।
ଛିଦ୍ୟଂତେ ସରଲାସ୍ତତ୍ର କୁବ୍ଜାସ୍ତିଷ୍ଠଂତି ପାଦପାଃ ॥ 12 ॥
ୟତ୍ରୋଦକଂ ତତ୍ର ଵସଂତି ହଂସା-
ସ୍ତଥୈଵ ଶୁଷ୍କଂ ପରିଵର୍ଜୟଂତି ।
ନ ହଂସତୁଲ୍ୟେନ ନରେଣ ଭାଵ୍ୟଂ
ପୁନସ୍ତ୍ୟଜଂତଃ ପୁନରାଶ୍ରୟଂତେ ॥ 13 ॥
ଉପାର୍ଜିତାନାଂ ଵିତ୍ତାନାଂ ତ୍ୟାଗ ଏଵ ହି ରକ୍ଷଣମ୍ ।
ତଡାଗୋଦରସଂସ୍ଥାନାଂ ପରୀଵାହ ଇଵାଂଭସାମ୍ ॥ 14 ॥
ୟସ୍ୟାର୍ଥାସ୍ତସ୍ୟ ମିତ୍ରାଣି ୟସ୍ୟାର୍ଥାସ୍ତସ୍ୟ ବାଂଧଵାଃ ।
ୟସ୍ୟାର୍ଥାଃ ସ ପୁମାଁଲ୍ଲୋକେ ୟସ୍ୟାର୍ଥାଃ ସ ଚ ପଂଡିତଃ ॥ 15 ॥
ସ୍ଵର୍ଗସ୍ଥିତାନାମିହ ଜୀଵଲୋକେ
ଚତ୍ଵାରି ଚିହ୍ନାନି ଵସଂତି ଦେହେ ।
ଦାନପ୍ରସଂଗୋ ମଧୁରା ଚ ଵାଣୀ
ଦେଵାର୍ଚନଂ ବ୍ରାହ୍ମଣତର୍ପଣଂ ଚ ॥ 16 ॥
ଅତ୍ୟଂତକୋପଃ କଟୁକା ଚ ଵାଣୀ
ଦରିଦ୍ରତା ଚ ସ୍ଵଜନେଷୁ ଵୈରମ୍ ।
ନୀଚପ୍ରସଂଗଃ କୁଲହୀନସେଵା
ଚିହ୍ନାନି ଦେହେ ନରକସ୍ଥିତାନାମ୍ ॥ 17 ॥
ଗମ୍ୟତେ ୟଦି ମୃଗେଂଦ୍ରମଂଦିରଂ
ଲଭ୍ୟତେ କରିକପାଲମୌକ୍ତିକମ୍ ।
ଜଂବୁକାଲୟଗତେ ଚ ପ୍ରାପ୍ୟତେ
ଵତ୍ସପୁଚ୍ଛଖରଚର୍ମଖଂଡନମ୍ ॥ 18 ॥
ଶୁନଃ ପୁଚ୍ଛମିଵ ଵ୍ୟର୍ଥଂ ଜୀଵିତଂ ଵିଦ୍ୟୟା ଵିନା ।
ନ ଗୁହ୍ୟଗୋପନେ ଶକ୍ତଂ ନ ଚ ଦଂଶନିଵାରଣେ ॥ 19 ॥
ଵାଚାଂ ଶୌଚଂ ଚ ମନସଃ ଶୌଚମିଂଦ୍ରିୟନିଗ୍ରହଃ ।
ସର୍ଵଭୂତଦୟାଶୌଚମେତଚ୍ଛୌଚଂ ପରାର୍ଥିନାମ୍ ॥ 20 ॥
ପୁଷ୍ପେ ଗଂଧଂ ତିଲେ ତୈଲଂ କାଷ୍ଠେଽଗ୍ନିଂ ପୟସି ଘୃତମ୍ ।
ଇକ୍ଷୌ ଗୁଡଂ ତଥା ଦେହେ ପଶ୍ୟାତ୍ମାନଂ ଵିଵେକତଃ ॥ 21 ॥
********