Chanakya Neeti Chapter 8 Lyrics In Oriya/Odia
ଅଧମା ଧନମିଚ୍ଛଂତି ଧନମାନୌ ଚ ମଧ୍ୟମାଃ ।
ଉତ୍ତମା ମାନମିଚ୍ଛଂତି ମାନୋ ହି ମହତାଂ ଧନମ୍ ॥ 01 ॥
ଇକ୍ଷୁରାପଃ ପୟୋ ମୂଲଂ ତାଂବୂଲଂ ଫଲମୌଷଧମ୍ ।
ଭକ୍ଷୟିତ୍ଵାପି କର୍ତଵ୍ୟାଃ ସ୍ନାନଦାନାଦିକାଃ କ୍ରିୟାଃ ॥ 02 ॥
ଦୀପୋ ଭକ୍ଷୟତେ ଧ୍ଵାଂତଂ କଜ୍ଜଲଂ ଚ ପ୍ରସୂୟତେ ।
ୟଦନ୍ନଂ ଭକ୍ଷୟତେ ନିତ୍ୟଂ ଜାୟତେ ତାଦୃଶୀ ପ୍ରଜା ॥ 03 ॥
ଵିତ୍ତଂ ଦେହି ଗୁଣାନ୍ଵିତେଷୁ ମତିମନ୍ନାନ୍ୟତ୍ର ଦେହି କ୍ଵଚିତ୍
ପ୍ରାପ୍ତଂ ଵାରିନିଧେର୍ଜଲଂ ଘନମୁଖେ ମାଧୁର୍ୟୟୁକ୍ତଂ ସଦା ।
ଜୀଵାନ୍ସ୍ଥାଵରଜଂଗମାଂଶ୍ଚ ସକଲାନ୍ସଂଜୀଵ୍ୟ ଭୂମଂଡଲଂ
ଭୂୟଃ ପଶ୍ୟ ତଦେଵ କୋଟିଗୁଣିତଂ ଗଚ୍ଛଂତମଂଭୋନିଧିମ୍ ॥ 04 ॥
ଚାଂଡାଲାନାଂ ସହସ୍ରୈଶ୍ଚ ସୂରିଭିସ୍ତତ୍ତ୍ଵଦର୍ଶିଭିଃ ।
ଏକୋ ହି ୟଵନଃ ପ୍ରୋକ୍ତୋ ନ ନୀଚୋ ୟଵନାତ୍ପରଃ ॥ 05 ॥
ତୈଲାଭ୍ୟଂଗେ ଚିତାଧୂମେ ମୈଥୁନେ କ୍ଷୌରକର୍ମଣି ।
ତାଵଦ୍ଭଵତି ଚାଂଡାଲୋ ୟାଵତ୍ସ୍ନାନଂ ନ ଚାଚରେତ୍ ॥ 06 ॥
ଅଜୀର୍ଣେ ଭେଷଜଂ ଵାରି ଜୀର୍ଣେ ଵାରି ବଲପ୍ରଦମ୍ ।
ଭୋଜନେ ଚାମୃତଂ ଵାରି ଭୋଜନାଂତେ ଵିଷାପହମ୍ ॥ 07 ॥
ହତଂ ଜ୍ଞାନଂ କ୍ରିୟାହୀନଂ ହତଶ୍ଚାଜ୍ଞାନତୋ ନରଃ ।
ହତଂ ନିର୍ଣାୟକଂ ସୈନ୍ୟଂ ସ୍ତ୍ରିୟୋ ନଷ୍ଟା ହ୍ୟଭର୍ତୃକାଃ ॥ 08 ॥
ଵୃଦ୍ଧକାଲେ ମୃତା ଭାର୍ୟା ବଂଧୁହସ୍ତଗତଂ ଧନମ୍ ।
ଭୋଜନଂ ଚ ପରାଧୀନଂ ତିସ୍ରଃ ପୁଂସାଂ ଵିଡଂବନାଃ ॥ 09 ॥
ନାଗ୍ନିହୋତ୍ରଂ ଵିନା ଵେଦା ନ ଚ ଦାନଂ ଵିନା କ୍ରିୟା ।
ନ ଭାଵେନ ଵିନା ସିଦ୍ଧିସ୍ତସ୍ମାଦ୍ଭାଵୋ ହି କାରଣମ୍ ॥ 10 ॥
ନ ଦେଵୋ ଵିଦ୍ୟତେ କାଷ୍ଠେ ନ ପାଷାଣେ ନ ମୃଣ୍ମୟେ ।
ନ ଭାଵେନ ଵିନା ସିଦ୍ଧିସ୍ତସ୍ମାଦ୍ଭାଵୋ ହି କାରଣମ୍ ॥ 11 ॥
କାଷ୍ଠପାଷାଣଧାତୂନାଂ କୃତ୍ଵା ଭାଵେନ ସେଵନମ୍ ।
ଶ୍ରଦ୍ଧୟା ଚ ତଥା ସିଦ୍ଧିସ୍ତସ୍ୟ ଵିଷ୍ଣୁପ୍ରସାଦତଃ ॥ 12 ॥
ନ ଦେଵୋ ଵିଦ୍ୟତେ କାଷ୍ଠେ ନ ପାଷାଣେ ନ ମୃନ୍ମୟେ ।
ଭାଵେ ହି ଵିଦ୍ୟତେ ଦେଵସ୍ତସ୍ମାଦ୍ଭାଵୋ ହି କାରଣମ୍ ॥ 13 ॥
ଶାଂତିତୁଲ୍ୟଂ ତପୋ ନାସ୍ତି ନ ସଂତୋଷାତ୍ପରଂ ସୁଖମ୍ ।
ଅପତ୍ୟଂ ଚ କଲତ୍ରଂ ଚ ସତାଂ ସଂଗତିରେଵ ଚ ॥ 14 ॥
ଗୁଣୋ ଭୂଷୟତେ ରୂପଂ ଶୀଲଂ ଭୂଷୟତେ କୁଲମ୍ ।
ପ୍ରାସାଦଶିଖରସ୍ଥୋଽପି କାକଃ କିଂ ଗରୁଡାୟତେ ॥ 15 ॥
ନିର୍ଗୁଣସ୍ୟ ହତଂ ରୂପଂ ଦୁଃଶୀଲସ୍ୟ ହତଂ କୁଲମ୍ ।
ଅସିଦ୍ଧସ୍ୟ ହତା ଵିଦ୍ୟା ହ୍ୟଭୋଗେନ ହତଂ ଧନମ୍ ॥ 16 ॥
ଶୁଦ୍ଧଂ ଭୂମିଗତଂ ତୋୟଂ ଶୁଦ୍ଧା ନାରୀ ପତିଵ୍ରତା ।
ଶୁଚିଃ କ୍ଷେମକରୋ ରାଜା ସଂତୋଷୋ ବ୍ରାହ୍ମଣଃ ଶୁଚିଃ ॥ 17 ॥
ଅସଂତୁଷ୍ଟା ଦ୍ଵିଜା ନଷ୍ଟାଃ ସଂତୁଷ୍ଟାଶ୍ଚ ମହୀଭୃତଃ ।
ସଲଜ୍ଜା ଗଣିକା ନଷ୍ଟା ନିର୍ଲଜ୍ଜାଶ୍ଚ କୁଲାଂଗନା ॥ 18 ॥
କିଂ କୁଲେନ ଵିଶାଲେନ ଵିଦ୍ୟାହୀନେନ ଦେହିନାମ୍ ।
ଦୁଷ୍କୁଲଂ ଚାପି ଵିଦୁଷୋ ଦେଵୈରପି ସ ପୂଜ୍ୟତେ ॥ 19 ॥
ଵିଦ୍ଵାନ୍ପ୍ରଶସ୍ୟତେ ଲୋକେ ଵିଦ୍ଵାନ୍ ସର୍ଵତ୍ର ପୂଜ୍ୟତେ ।
ଵିଦ୍ୟୟା ଲଭତେ ସର୍ଵଂ ଵିଦ୍ୟା ସର୍ଵତ୍ର ପୂଜ୍ୟତେ ॥ 20 ॥
ମାଂସଭକ୍ଷ୍ୟୈଃ ସୁରାପାନୈର୍ମୁଖୈଶ୍ଚାକ୍ଷରଵର୍ଜିତୈଃ ।
ପଶୁଭିଃ ପୁରୁଷାକାରୈର୍ଭାରାକ୍ରାଂତା ହି ମେଦିନୀ ॥ 21 ॥
ଅନ୍ନହୀନୋ ଦହେଦ୍ରାଷ୍ଟ୍ରଂ ମଂତ୍ରହୀନଶ୍ଚ ଋତ୍ଵିଜଃ ।
ୟଜମାନଂ ଦାନହୀନୋ ନାସ୍ତି ୟଜ୍ଞସମୋ ରିପୁଃ ॥ 22 ॥
********