Sri Dvadasa Aditya Dhyana Slokas In Gujarati
1. ધાતા
ધાતા કૃતસ્થલી હેતિર્વાસુકી રથકૃન્મુને ।
પુલસ્ત્યસ્તુંબુરુરિતિ મધુમાસં નયંત્યમી ॥
ધાતા શુભસ્ય મે દાતા ભૂયો ભૂયોઽપિ ભૂયસઃ ।
રશ્મિજાલસમાશ્લિષ્ટઃ તમસ્તોમવિનાશનઃ ॥
2. અર્યમ્
અર્યમા પુલહોઽથૌજાઃ પ્રહેતિ પુંજિકસ્થલી ।
નારદઃ કચ્છનીરશ્ચ નયંત્યેતે સ્મ માધવમ્ ॥
મેરુશૃંગાંતરચરઃ કમલાકરબાંધવઃ ।
અર્યમા તુ સદા ભૂત્યૈ ભૂયસ્યૈ પ્રણતસ્ય મે ॥
3. મિત્રઃ
મિત્રોઽત્રિઃ પૌરુષેયોઽથ તક્ષકો મેનકા હહઃ ।
રથસ્વન ઇતિ હ્યેતે શુક્રમાસં નયંત્યમી ॥
નિશાનિવારણપટુઃ ઉદયાદ્રિકૃતાશ્રયઃ ।
મિત્રોઽસ્તુ મમ મોદાય તમસ્તોમવિનાશનઃ ॥
4. વરુણઃ
વસિષ્ઠો હ્યરુણો રંભા સહજન્યસ્તથા હુહુઃ ।
શુક્રશ્ચિત્રસ્વનશ્ચૈવ શુચિમાસં નયંત્યમી ॥
સૂર્યસ્યંદનમારૂઢ અર્ચિર્માલી પ્રતાપવાન્ ।
કાલભૂતઃ કામરૂપો હ્યરુણઃ સેવ્યતે મયા ॥
5. ઇંદ્રઃ
ઇંદ્રો વિશ્વાવસુઃ શ્રોતા એલાપત્રસ્તથાઽંગિરાઃ ।
પ્રમ્લોચા રાક્ષસોવર્યો નભોમાસં નયંત્યમી ॥
સહસ્રરશ્મિસંવીતં ઇંદ્રં વરદમાશ્રયે ।
શિરસા પ્રણમામ્યદ્ય શ્રેયો વૃદ્ધિપ્રદાયકમ્ ॥
6. વિવસ્વાન્
વિવસ્વાનુગ્રસેનશ્ચ વ્યાઘ્ર આસારણો ભૃગુઃ ।
અનુમ્લોચાઃ શંખપાલો નભસ્યાખ્યં નયંત્યમી ॥
જગન્નિર્માણકર્તારં સર્વદિગ્વ્યાપ્તતેજસમ્ ।
નભોગ્રહમહાદીપં વિવસ્વંતં નમામ્યહમ્ ॥
7. ત્વષ્ટા
ત્વષ્ટા ઋચીકતનયઃ કંબલાખ્યસ્તિલોત્તમા ।
બ્રહ્માપેતોઽથ શતજિત્ ધૃતરાષ્ટ્ર ઇષંભરા ॥
ત્વષ્ટા શુભાય મે ભૂયાત્ શિષ્ટાવલિનિષેવિતઃ ।
નાનાશિલ્પકરો નાનાધાતુરૂપઃ પ્રભાકરઃ ।
8. વિષ્ણુઃ
વિષ્ણુરશ્વતરો રંભા સૂર્યવર્ચાશ્ચ સત્યજિત્ ।
વિશ્વામિત્રો મખાપેત ઊર્જમાસં નયંત્યમી ॥
ભાનુમંડલમધ્યસ્થં વેદત્રયનિષેવિતમ્ ।
ગાયત્રીપ્રતિપાદ્યં તં વિષ્ણું ભક્ત્યા નમામ્યહમ્ ॥
9. અમ્શુમન્
અથામ્શુઃ કશ્યપસ્તાર્ક્ષ્ય ઋતસેનસ્તથોર્વશી ।
વિદ્યુચ્છત્રુર્મહાશંખઃ સહોમાસં નયંત્યમી ॥
સદા વિદ્રાવણરતો જગન્મંગલદીપકઃ ।
મુનીંદ્રનિવહસ્તુત્યો ભૂતિદોઽમ્શુર્ભવેન્મમ ॥
10. ભગઃ
ભગઃ સ્ફૂર્જોઽરિષ્ટનેમિઃ ઊર્ણ આયુશ્ચ પંચમઃ ।
કર્કોટકઃ પૂર્વચિત્તિઃ પૌષમાસં નયંત્યમી ॥
તિથિ માસ ઋતૂનાં ચ વત્સરાઽયનયોરપિ ।
ઘટિકાનાં ચ યઃ કર્તા ભગો ભાગ્યપ્રદોઽસ્તુ મે ॥
11. પૂષ
પૂષા ધનંજયો વાતઃ સુષેણઃ સુરુચિસ્તથા ।
ઘૃતાચી ગૌતમશ્ચેતિ તપોમાસં નયંત્યમી ।
પૂષા તોષાય મે ભૂયાત્ સર્વપાપાઽપનોદનાત્ ।
સહસ્રકરસંવીતઃ સમસ્તાશાંતરાંતરઃ ॥
12. પર્જન્યઃ
ક્રતુર્વાર્ચા ભરદ્વાજઃ પર્જન્યઃ સેનજિત્ તથા ।
વિશ્વશ્ચૈરાવતશ્ચૈવ તપસ્યાખ્યં નયંત્યમી ॥
પ્રપંચં પ્રતપન્ ભૂયો વૃષ્ટિભિર્માદયન્ પુનઃ ।
જગદાનંદજનકઃ પર્જન્યઃ પૂજ્યતે મયા ॥
ધ્યાયેસ્સદા સવિતૃમંડલમધ્યવર્તી
નારાયણસ્સરસિજાસન સન્નિવિષ્ટઃ।
કેયૂરવાન્ મકરકુંડલવાન્ કિરીટી
હારી હિરણ્મયવપુઃ ધૃતશંખચક્રઃ ॥
********