Sri Dvadasa Aditya Dhyana Slokas In Oriya/Odia
1. ଧାତା
ଧାତା କୃତସ୍ଥଲୀ ହେତିର୍ଵାସୁକୀ ରଥକୃନ୍ମୁନେ ।
ପୁଲସ୍ତ୍ଯସ୍ତୁଂବୁରୁରିତି ମଧୁମାସଂ ନଯଂତ୍ଯମୀ ॥
ଧାତା ଶୁଭସ୍ଯ ମେ ଦାତା ଭୂଯୋ ଭୂଯୋଽପି ଭୂଯସଃ ।
ରଶ୍ମିଜାଲସମାଶ୍ଲିଷ୍ଟଃ ତମସ୍ତୋମଵିନାଶନଃ ॥
2. ଅର୍ଯମ୍
ଅର୍ଯମା ପୁଲହୋଽଥୌଜାଃ ପ୍ରହେତି ପୁଂଜିକସ୍ଥଲୀ ।
ନାରଦଃ କଚ୍ଛନୀରଶ୍ଚ ନଯଂତ୍ଯେତେ ସ୍ମ ମାଧଵମ୍ ॥
ମେରୁଶୃଂଗାଂତରଚରଃ କମଲାକରବାଂଧଵଃ ।
ଅର୍ଯମା ତୁ ସଦା ଭୂତ୍ଯୈ ଭୂଯସ୍ଯୈ ପ୍ରଣତସ୍ଯ ମେ ॥
3. ମିତ୍ରଃ
ମିତ୍ରୋଽତ୍ରିଃ ପୌରୁଷେଯୋଽଥ ତକ୍ଷକୋ ମେନକା ହହଃ ।
ରଥସ୍ଵନ ଇତି ହ୍ଯେତେ ଶୁକ୍ରମାସଂ ନଯଂତ୍ଯମୀ ॥
ନିଶାନିଵାରଣପଟୁଃ ଉଦଯାଦ୍ରିକୃତାଶ୍ରଯଃ ।
ମିତ୍ରୋଽସ୍ତୁ ମମ ମୋଦାଯ ତମସ୍ତୋମଵିନାଶନଃ ॥
4. ଵରୁଣଃ
ଵସିଷ୍ଠୋ ହ୍ଯରୁଣୋ ରଂଭା ସହଜନ୍ଯସ୍ତଥା ହୁହୁଃ ।
ଶୁକ୍ରଶ୍ଚିତ୍ରସ୍ଵନଶ୍ଚୈଵ ଶୁଚିମାସଂ ନଯଂତ୍ଯମୀ ॥
ସୂର୍ଯସ୍ଯଂଦନମାରୂଢ ଅର୍ଚିର୍ମାଲୀ ପ୍ରତାପଵାନ୍ ।
କାଲଭୂତଃ କାମରୂପୋ ହ୍ଯରୁଣଃ ସେଵ୍ଯତେ ମଯା ॥
5. ଇଂଦ୍ରଃ
ଇଂଦ୍ରୋ ଵିଶ୍ଵାଵସୁଃ ଶ୍ରୋତା ଏଲାପତ୍ରସ୍ତଥାଽଂଗିରାଃ ।
ପ୍ରମ୍ଲୋଚା ରାକ୍ଷସୋଵର୍ଯୋ ନଭୋମାସଂ ନଯଂତ୍ଯମୀ ॥
ସହସ୍ରରଶ୍ମିସଂଵୀତଂ ଇଂଦ୍ରଂ ଵରଦମାଶ୍ରଯେ ।
ଶିରସା ପ୍ରଣମାମ୍ଯଦ୍ଯ ଶ୍ରେଯୋ ଵୃଦ୍ଧିପ୍ରଦାଯକମ୍ ॥
6. ଵିଵସ୍ଵାନ୍
ଵିଵସ୍ଵାନୁଗ୍ରସେନଶ୍ଚ ଵ୍ଯାଘ୍ର ଆସାରଣୋ ଭୃଗୁଃ ।
ଅନୁମ୍ଲୋଚାଃ ଶଂଖପାଲୋ ନଭସ୍ଯାଖ୍ଯଂ ନଯଂତ୍ଯମୀ ॥
ଜଗନ୍ନିର୍ମାଣକର୍ତାରଂ ସର୍ଵଦିଗ୍ଵ୍ଯାପ୍ତତେଜସମ୍ ।
ନଭୋଗ୍ରହମହାଦୀପଂ ଵିଵସ୍ଵଂତଂ ନମାମ୍ଯହମ୍ ॥
7. ତ୍ଵଷ୍ଟା
ତ୍ଵଷ୍ଟା ଋଚୀକତନଯଃ କଂବଲାଖ୍ଯସ୍ତିଲୋତ୍ତମା ।
ବ୍ରହ୍ମାପେତୋଽଥ ଶତଜିତ୍ ଧୃତରାଷ୍ଟ୍ର ଇଷଂଭରା ॥
ତ୍ଵଷ୍ଟା ଶୁଭାଯ ମେ ଭୂଯାତ୍ ଶିଷ୍ଟାଵଲିନିଷେଵିତଃ ।
ନାନାଶିଲ୍ପକରୋ ନାନାଧାତୁରୂପଃ ପ୍ରଭାକରଃ ।
8. ଵିଷ୍ଣୁଃ
ଵିଷ୍ଣୁରଶ୍ଵତରୋ ରଂଭା ସୂର୍ଯଵର୍ଚାଶ୍ଚ ସତ୍ଯଜିତ୍ ।
ଵିଶ୍ଵାମିତ୍ରୋ ମଖାପେତ ଊର୍ଜମାସଂ ନଯଂତ୍ଯମୀ ॥
ଭାନୁମଂଡଲମଧ୍ଯସ୍ଥଂ ଵେଦତ୍ରଯନିଷେଵିତମ୍ ।
ଗାଯତ୍ରୀପ୍ରତିପାଦ୍ଯଂ ତଂ ଵିଷ୍ଣୁଂ ଭକ୍ତ୍ଯା ନମାମ୍ଯହମ୍ ॥
9. ଅମ୍ଶୁମନ୍
ଅଥାମ୍ଶୁଃ କଶ୍ଯପସ୍ତାର୍କ୍ଷ୍ଯ ଋତସେନସ୍ତଥୋର୍ଵଶୀ ।
ଵିଦ୍ଯୁଚ୍ଛତ୍ରୁର୍ମହାଶଂଖଃ ସହୋମାସଂ ନଯଂତ୍ଯମୀ ॥
ସଦା ଵିଦ୍ରାଵଣରତୋ ଜଗନ୍ମଂଗଲଦୀପକଃ ।
ମୁନୀଂଦ୍ରନିଵହସ୍ତୁତ୍ଯୋ ଭୂତିଦୋଽମ୍ଶୁର୍ଭଵେନ୍ମମ ॥
10. ଭଗଃ
ଭଗଃ ସ୍ଫୂର୍ଜୋଽରିଷ୍ଟନେମିଃ ଊର୍ଣ ଆଯୁଶ୍ଚ ପଂଚମଃ ।
କର୍କୋଟକଃ ପୂର୍ଵଚିତ୍ତିଃ ପୌଷମାସଂ ନଯଂତ୍ଯମୀ ॥
ତିଥି ମାସ ଋତୂନାଂ ଚ ଵତ୍ସରାଽଯନଯୋରପି ।
ଘଟିକାନାଂ ଚ ଯଃ କର୍ତା ଭଗୋ ଭାଗ୍ଯପ୍ରଦୋଽସ୍ତୁ ମେ ॥
11. ପୂଷ
ପୂଷା ଧନଂଜଯୋ ଵାତଃ ସୁଷେଣଃ ସୁରୁଚିସ୍ତଥା ।
ଘୃତାଚୀ ଗୌତମଶ୍ଚେତି ତପୋମାସଂ ନଯଂତ୍ଯମୀ ।
ପୂଷା ତୋଷାଯ ମେ ଭୂଯାତ୍ ସର୍ଵପାପାଽପନୋଦନାତ୍ ।
ସହସ୍ରକରସଂଵୀତଃ ସମସ୍ତାଶାଂତରାଂତରଃ ॥
12. ପର୍ଜନ୍ଯଃ
କ୍ରତୁର୍ଵାର୍ଚା ଭରଦ୍ଵାଜଃ ପର୍ଜନ୍ଯଃ ସେନଜିତ୍ ତଥା ।
ଵିଶ୍ଵଶ୍ଚୈରାଵତଶ୍ଚୈଵ ତପସ୍ଯାଖ୍ଯଂ ନଯଂତ୍ଯମୀ ॥
ପ୍ରପଂଚଂ ପ୍ରତପନ୍ ଭୂଯୋ ଵୃଷ୍ଟିଭିର୍ମାଦଯନ୍ ପୁନଃ ।
ଜଗଦାନଂଦଜନକଃ ପର୍ଜନ୍ଯଃ ପୂଜ୍ଯତେ ମଯା ॥
ଧ୍ଯାଯେସ୍ସଦା ସଵିତୃମଂଡଲମଧ୍ଯଵର୍ତୀ
ନାରାଯଣସ୍ସରସିଜାସନ ସନ୍ନିଵିଷ୍ଟଃ।
କେଯୂରଵାନ୍ ମକରକୁଂଡଲଵାନ୍ କିରୀଟୀ
ହାରୀ ହିରଣ୍ମଯଵପୁଃ ଧୃତଶଂଖଚକ୍ରଃ ॥
********