Ganga Ashtakam Lyrics in Oriya/Odia
ଭଗଵତି ତଵ ତୀରେ ନୀରମାତ୍ରାଶନୋଽହମ୍
ଵିଗତଵିଷଯତୃଷ୍ଣଃ କୃଷ୍ଣମାରାଧଯାମି ।
ସକଲ କଲୁଷଭଂଗେ ସ୍ଵର୍ଗସୋପାନସଂଗେ
ତରଲତରତରଂଗେ ଦେଵି ଗଂଗେ ପ୍ରସୀଦ ॥ 1 ॥
ଭଗଵତି ଭଵଲୀଲା ମୌଳିମାଲେ ତଵାଂଭଃ
କଣମଣୁପରିମାଣଂ ପ୍ରାଣିନୋ ଯେ ସ୍ପୃଶଂତି ।
ଅମରନଗରନାରୀ ଚାମର ଗ୍ରାହିଣୀନାଂ
ଵିଗତ କଲିକଲଂକାତଂକମଂକେ ଲୁଠଂତି ॥ 2 ॥
ବ୍ରହ୍ମାଂଡଂ ଖଂଡଯଂତୀ ହରଶିରସି ଜଟାଵଲ୍ଲିମୁଲ୍ଲାସଯଂତୀ
ସ୍ଵର୍ଲୋକାଦାପତଂତୀ କନକଗିରିଗୁହାଗଂଡଶୈଲାତ୍ ସ୍ଖଲଂତୀ ।
କ୍ଷୋଣୀପୃଷ୍ଠେ ଲୁଠଂତୀ ଦୁରିତଚଯଚମୂର୍ନିର୍ଭରଂ ଭର୍ତ୍ସଯଂତୀ
ପାଥୋଧିଂ ପୂରଯଂତୀ ସୁରନଗରସରିତ୍ପାଵନୀ ନଃ ପୁନାତୁ ॥ 3 ॥
ମଜ୍ଜନ୍ମାତଂଗ କୁଂଭଚ୍ଯୁତ ମଦମଦିରାମୋଦମତ୍ତାଲିଜାଲଂ
ସ୍ନାନୈଃ ସିଦ୍ଧାଂଗନାନାଂ କୁଚଯୁଗ ଵିଲସତ୍କୁଂକୁମାସଂଗପିଂଗମ୍ ।
ସାଯଂ ପ୍ରାତର୍ମୁନୀନାଂ କୁଶକୁସୁମଚଯୈଶ୍ଛିନ୍ନତୀରସ୍ଥନୀରଂ
ପାଯାନ୍ନୋ ଗାଂଗମଂଭଃ କରିକଲଭ କରାକ୍ରାଂତ ରଂଗସ୍ତରଂଗମ୍ ॥ 4 ॥
ଆଦାଵାଦି ପିତାମହସ୍ଯ ନିଯମ ଵ୍ଯାପାର ପାତ୍ରେ ଜଲଂ
ପଶ୍ଚାତ୍ପନ୍ନଗଶାଯିନୋ ଭଗଵତଃ ପାଦୋଦକଂ ପାଵନମ୍ ।
ଭୂଯଃ ଶଂଭୁଜଟାଵିଭୂଷଣ ମଣିର୍ଜହ୍ନୋର୍ମହର୍ଷେରିଯଂ
କନ୍ଯା କଲ୍ମଷନାଶିନୀ ଭଗଵତୀ ଭାଗୀରଥୀ ଦୃଶ୍ଯତେ ॥ 5 ॥
ଶୈଲେଂଦ୍ରାଦଵତାରିଣୀ ନିଜଜଲେ ମଜ୍ଜଜ୍ଜନୋତ୍ତାରିଣୀ
ପାରାଵାରଵିହାରିଣୀ ଭଵଭଯଶ୍ରେଣୀ ସମୁତ୍ସାରିଣୀ ।
ଶେଷାଂଗୈରନୁକାରିଣୀ ହରଶିରୋଵଲ୍ଲୀଦଳାକାରିଣୀ
କାଶୀପ୍ରାଂତଵିହାରିଣୀ ଵିଜଯତେ ଗଂଗା ମନୋହାରିଣୀ ॥ 6 ॥
କୁତୋ ଵୀଚିର୍ଵୀଚିସ୍ତଵ ଯଦି ଗତା ଲୋଚନପଥଂ
ତ୍ଵମାପୀତା ପୀତାଂବରପୁରଵାସଂ ଵିତରସି ।
ତ୍ଵଦୁତ୍ସଂଗେ ଗଂଗେ ପତତି ଯଦି କାଯସ୍ତନୁଭୃତାଂ
ତଦା ମାତଃ ଶାଂତକ୍ରତଵପଦଲାଭୋଽପ୍ଯତିଲଘୁଃ ॥ 7 ॥
ଗଂଗେ ତ୍ରୈଲୋକ୍ଯସାରେ ସକଲସୁରଵଧୂଧୌତଵିସ୍ତୀର୍ଣତୋଯେ
ପୂର୍ଣବ୍ରହ୍ମସ୍ଵରୂପେ ହରିଚରଣରଜୋହାରିଣି ସ୍ଵର୍ଗମାର୍ଗେ ।
ପ୍ରାଯଶ୍ଚିତଂ ଯଦି ସ୍ଯାତ୍ତଵ ଜଲକଣିକା ବ୍ରହ୍ମହତ୍ଯାଦି ପାପେ
କସ୍ତ୍ଵାଂ ସ୍ତୋତୁଂ ସମର୍ଥଃ ତ୍ରିଜଗଦଘହରେ ଦେଵି ଗଂଗେ ପ୍ରସୀଦ ॥ 8 ॥
ମାତର୍ଜାହ୍ନଵୀ ଶଂଭୁସଂଗମିଲିତେ ମୌଳୌ ନିଧାଯାଂଜଲିଂ
ତ୍ଵତ୍ତୀରେ ଵପୁଷୋଽଵସାନସମଯେ ନାରାଯଣାଂଘ୍ରିଦ୍ଵଯମ୍ ।
ସାନଂଦଂ ସ୍ମରତୋ ଭଵିଷ୍ଯତି ମମ ପ୍ରାଣପ୍ରଯାଣୋତ୍ସଵେ
ଭୂଯାଦ୍ଭକ୍ତିରଵିଚ୍ଯୁତା ହରିହରାଦ୍ଵୈତାତ୍ମିକା ଶାଶ୍ଵତୀ ॥ 9 ॥
ଗଂଗାଷ୍ଟକମିଦଂ ପୁଣ୍ଯଂ ଯଃ ପଠେତ୍ପ୍ରଯତୋ ନରଃ ।
ସର୍ଵପାପଵିନିର୍ମୁକ୍ତୋ ଵିଷ୍ଣୁଲୋକଂ ସ ଗଚ୍ଛତି ॥ 10 ॥
********