[ശ്രീ ഹനുമദഷ്ടകമ്] ᐈ Hanuman Ashtakam Lyrics In Malayalam Pdf

Hanuman Ashtakam Lyrics In Malayalam

ശ്രീരഘുരാജപദാബ്ജനികേതന പംകജലോചന മംഗളരാശേ
ചംഡമഹാഭുജദംഡ സുരാരിവിഖംഡനപംഡിത പാഹി ദയാളോ ।
പാതകിനം ച സമുദ്ധര മാം മഹതാം ഹി സതാമപി മാനമുദാരം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 1 ॥

സംസൃതിതാപമഹാനലദഗ്ധതനൂരുഹമര്മതനോരതിവേലം
പുത്രധനസ്വജനാത്മഗൃഹാദിഷു സക്തമതേരതികില്ബിഷമൂര്തേഃ ।
കേനചിദപ്യമലേന പുരാകൃതപുണ്യസുപുംജലവേന വിഭോ വൈ
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 2 ॥

സംസൃതികൂപമനല്പമഘോരനിദാഘനിദാനമജസ്രമശേഷം
പ്രാപ്യ സുദുഃഖസഹസ്രഭുജംഗവിഷൈകസമാകുലസര്വതനോര്മേ ।
ഘോരമഹാകൃപണാപദമേവ ഗതസ്യ ഹരേ പതിതസ്യ ഭവാബ്ധൌ
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 3 ॥

സംസൃതിസിംധുവിശാലകരാലമഹാബലകാലഝഷഗ്രസനാര്തം
വ്യഗ്രസമഗ്രധിയം കൃപണം ച മഹാമദനക്രസുചക്രഹൃതാസുമ് ।
കാലമഹാരസനോര്മിനിപീഡിതമുദ്ധര ദീനമനന്യഗതിം മാം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 4 ॥

സംസൃതിഘോരമഹാഗഹനേ ചരതോ മണിരംജിതപുണ്യസുമൂര്തേഃ
മന്മഥഭീകരഘോരമഹോഗ്രമൃഗപ്രവരാര്ദിതഗാത്രസുസംധേഃ ।
മത്സരതാപവിശേഷനിപീഡിതബാഹ്യമതേശ്ച കഥം ചിദമേയം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 5 ॥

സംസൃതിവൃക്ഷമനേകശതാഘനിദാനമനംതവികര്മസുശാഖം
ദുഃഖഫലം കരണാദിപലാശമനംഗസുപുഷ്പമചിംത്യസുമൂലമ് ।
തം ഹ്യധിരുഹ്യ ഹരേ പതിതം ശരണാഗതമേവ വിമോചയ മൂഢം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 6 ॥

സംസൃതിപന്നഗവക്ത്രഭയംകരദംഷ്ട്രമഹാവിഷദഗ്ധശരീരം
പ്രാണവിനിര്ഗമഭീതിസമാകുലമംദമനാഥമതീവ വിഷണ്ണമ് ।
മോഹമഹാകുഹരേ പതിതം ദയയോദ്ധര മാമജിതേംദ്രിയകാമം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 7 ॥

ഇംദ്രിയനാമകചോരഗണൈര്ഹൃതതത്ത്വവിവേകമഹാധനരാശിം
സംസൃതിജാലനിപാതിതമേവ മഹാബലിഭിശ്ച വിഖംഡിതകായമ് ।
ത്വത്പദപദ്മമനുത്തമമാശ്രിതമാശു കപീശ്വര പാഹി കൃപാളോ
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാംബുജദാസ്യമ് ॥ 8 ॥

ബ്രഹ്മമരുദ്ഗണരുദ്രമഹേംദ്രകിരീടസുകോടിലസത്പദപീഠം
ദാശരഥിം ജപതി ക്ഷിതിമംഡല ഏഷ നിധായ സദൈവ ഹൃദബ്ജേ ।
തസ്യ ഹനൂമത ഏവ ശിവംകരമഷ്ടകമേതദനിഷ്ടഹരം വൈ
യഃ സതതം ഹി പഠേത്സ നരോ ലഭതേഽച്യുതരാമപദാബ്ജനിവാസമ് ॥ 9 ॥

ഇതി ശ്രീ മധുസൂദനാശ്രമ ശിഷ്യാഽച്യുതവിരചിതം ശ്രീമദ്ദനുമദഷ്ടകമ് ।

********

Leave a Reply

Your email address will not be published. Required fields are marked *