[নিত্য পারাযণ শ্লোকাঃ] ᐈ Nitya Parayana Slokas Lyrics In Bengali Pdf

Nitya Parayana Slokas Lyrics In Bengali

প্রভাত শ্লোকঃ
করাগ্রে বসতে লক্ষ্মীঃ করমধ্যে সরস্বতী ।
করমূলে স্থিতা গৌরী প্রভাতে করদর্শনম্ ॥
[পাঠভেদঃ – করমূলে তু গোবিংদঃ প্রভাতে করদর্শনম্ ॥]

প্রভাত ভূমি শ্লোকঃ
সমুদ্র বসনে দেবী পর্বত স্তন মংডলে ।
বিষ্ণুপত্নি নমস্তুভ্যং, পাদস্পর্শং ক্ষমস্বমে ॥

সূর্যোদয শ্লোকঃ
ব্রহ্মস্বরূপ মুদযে মধ্যাহ্নেতু মহেশ্বরম্ ।
সাহং ধ্যাযেত্সদা বিষ্ণুং ত্রিমূর্তিং চ দিবাকরম্ ॥

স্নান শ্লোকঃ
গংগে চ যমুনে চৈব গোদাবরী সরস্বতী
নর্মদে সিংধু কাবেরী জলেস্মিন্ সন্নিধিং কুরু ॥

নমস্কার শ্লোকঃ
ত্বমেব মাতা চ পিতা ত্বমেব, ত্বমেব বংধুশ্চ সখা ত্বমেব ।
ত্বমেব বিদ্যা দ্রবিণং ত্বমেব, ত্বমেব সর্বং মম দেবদেব ॥

ভস্ম ধারণ শ্লোকঃ
শ্রীকরং চ পবিত্রং চ শোক নিবারণম্ ।
লোকে বশীকরং পুংসাং ভস্মং ত্র্যৈলোক্য পাবনম্ ॥

ভোজন পূর্ব শ্লোকাঃ
ব্রহ্মার্পণং ব্রহ্ম হবিঃ ব্রহ্মাগ্নৌ ব্রহ্মণাহুতম্ ।
ব্রহ্মৈব তেন গংতব্যং ব্রহ্ম কর্ম সমাধিনঃ ॥

অহং বৈশ্বানরো ভূত্বা প্রাণিনাং দেহমাশ্রিতঃ ।
প্রাণাপান সমাযুক্তঃ পচাম্যন্নং চতুর্বিধম্ ॥

অন্নপূর্ণে সদা পূর্ণে শংকরপ্রাণবল্লভে ।
জ্ঞানবৈরাগ্য সিদ্ধ্যর্থং ভিক্ষাং দেহি চ পার্বতি ॥

ত্বদীযং বস্তু গোবিংদ তুভ্যমেব সমর্পযে ।
গৃহাণ সুমুখো ভূত্বা প্রসীদ পরমেশ্বর ॥

ভোজনানংতর শ্লোকঃ
অগস্ত্যং বৈনতেযং চ শমীং চ বডবালনম্ ।
আহার পরিণামার্থং স্মরামি চ বৃকোদরম্ ॥

সংধ্যা দীপ দর্শন শ্লোকঃ
দীপজ্যোতিঃ পরং ব্রহ্ম দীপজ্যোতির্জনার্দনঃ ।
দীপো হরতু মে পাপং দীপজ্যোতির্নমোঽস্তুতে ॥

শুভং করোতি কল্যাণং আরোগ্যং ধনসংপদঃ ।
শত্রু-বুদ্ধি-বিনাশায দীপজ্যোতির্নমোঽস্তুতে ॥

নিদ্রা শ্লোকঃ
রামং স্কংধং হনুমংতং বৈনতেযং বৃকোদরং ।
শযনে যঃ স্মরেন্নিত্যম্ দুস্বপ্ন-স্তস্যনশ্যতি ॥

অপরাধ ক্ষমাপণ স্তোত্রং
অপরাধ সহস্রাণি, ক্রিযংতেঽহর্নিশং মযা ।
দাসোঽযমিতি মাং মত্বা, ক্ষমস্ব পরমেশ্বর ॥

করচরণ কৃতং বা কর্ম বাক্কাযজং বা
শ্রবণ নযনজং বা মানসং বাপরাধম্ ।
বিহিত মবিহিতং বা সর্বমেতত্ ক্ষমস্ব
শিব শিব করুণাব্ধে শ্রী মহাদেব শংভো ॥

কাযেন বাচা মনসেংদ্রিযৈর্বা
বুদ্ধ্যাত্মনা বা প্রকৃতেঃ স্বভাবাত্ ।
করোমি যদ্যত্সকলং পরস্মৈ
নারাযণাযেতি সমর্পযামি ॥

দেবতা স্তোত্রাঃ

কার্য প্রারংভ স্তোত্রাঃ
শুক্লাং বরধরং বিষ্ণুং শশিবর্ণম্ চতুর্ভুজং ।
প্রসন্নবদনং ধ্যাযেত্ সর্ব বিঘ্নোপশাংতযে ॥

যস্যদ্বিরদ বক্ত্রাদ্যাঃ পারিষদ্যাঃ পরশ্শতং ।
বিঘ্নং নিঘ্নংতু সততং বিষ্বক্সেনং তমাশ্রযে ॥

গণেশ স্তোত্রং
বক্রতুংড মহাকায সূর্যকোটি সমপ্রভঃ ।
নির্বিঘ্নং কুরু মে দেব সর্ব কার্যেষু সর্বদা ॥

অগজানন পদ্মার্কং গজানন মহর্নিশম্ ।
অনেকদং-তং ভক্তানাম্-একদংত-মুপাস্মহে ॥

বিষ্ণু স্তোত্রং
শাংতাকারং ভুজগশযনং পদ্মনাভং সুরেশং
বিশ্বাধারং গগন সদৃশং মেঘবর্ণং শুভাংগং ।
লক্ষ্মীকাংতং কমলনযনং যোগিহৃদ্ধ্যানগম্যং
বংদে বিষ্ণুং ভবভযহরং সর্বলোকৈকনাথং ॥

গাযত্রি মংত্রং
ওং ভূর্ভুব॒স্সুবঃ॒ । তথ্স॑বি॒তুর্বরে᳚ণ্যং॒ ।
ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥

শিব স্তোত্রং
ত্র্যং॑বকং যজামহে সুগ॒ংধিং পু॑ষ্টি॒বর্ধ॑নং ।
উ॒র্বা॒রু॒কমি॑ব॒ বংধ॑নান্-মৃত্যো॑র্-মুক্ষীয॒ মাঽমৃতা᳚ত্ ॥

বংদে শংভুমুমাপতিং সুরগুরুং বংদে জগত্কারণং
বংদে পন্নগভূষণং শশিধরং বংদে পশূনাং পতিম্‌ ।
বংদে সূর্যশশাংক বহ্নিনযনং বংদে মুকুংদপ্রিযং
বংদে ভক্তজনাশ্রযং চ বরদং বংদে শিবং শংকরম্‌ ॥

সুব্রহ্মণ্য স্তোত্রং
শক্তিহস্তং বিরূপাক্ষং শিখিবাহং ষডাননং
দারুণং রিপুরোগঘ্নং ভাবযে কুক্কুট ধ্বজং ।
স্কংদং ষণ্মুখং দেবং শিবতেজং চতুর্ভুজং
কুমারং স্বামিনাধং তং কার্তিকেযং নমাম্যহং ॥

গুরু শ্লোকঃ
গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ ।
গুরুঃ সাক্ষাত্ পরব্রহ্মা তস্মৈ শ্রী গুরবে নমঃ ॥

হনুম স্তোত্রাঃ
মনোজবং মারুত তুল্যবেগং জিতেংদ্রিযং বুদ্ধিমতাং বরিষ্টং ।
বাতাত্মজং বানরযূধ মুখ্যং শ্রীরামদূতং শিরসা নমামি ॥

বুদ্ধির্বলং যশোধৈর্যং নির্ভযত্বমরোগতা ।
অজাড্যং বাক্পটুত্বং চ হনুমস্স্মরণাদ্-ভবেত্ ॥

জযত্যতি বলো রামো লক্ষ্মণস্য মহাবলঃ ।
রাজা জযতি সুগ্রীবো রাঘবেণাভি পালিতঃ ॥

দাসোঽহং কোসলেংদ্রস্য রামস্যাক্লিষ্ট কর্মণঃ ।
হনুমান্ শত্রুসৈন্যানাং নিহংতা মারুতাত্মজঃ ॥

শ্রীরাম স্তোত্রাং
শ্রী রাম রাম রামেতি রমে রামে মনোরমে
সহস্রনাম তত্তুল্যং রাম নাম বরাননে

শ্রী রামচংদ্রঃ শ্রিতপারিজাতঃ সমস্ত কল্যাণ গুণাভিরামঃ ।
সীতামুখাংভোরুহাচংচরীকো নিরংতরং মংগলমাতনোতু ॥

শ্রীকৃষ্ণ স্তোত্রং
মংদারমূলে মদনাভিরামং
বিংবাধরাপূরিত বেণুনাদং ।
গোগোপ গোপীজন মধ্যসংস্থং
গোপং ভজে গোকুল পূর্ণচংদ্রম্ ॥

গরুড স্বামি স্তোত্রং
কুংকুমাংকিতবর্ণায কুংদেংদু ধবলায চ ।
বিষ্ণু বাহ নমস্তুভ্যং পক্ষিরাজায তে নমঃ ॥

দক্ষিণামূর্তি স্তোত্রং
গুরবে সর্বলোকানাং ভিষজে ভবরোগিণাং ।
নিধযে সর্ব বিদ্যানাং শ্রী দক্ষিণামূর্তযে নম ॥

সরস্বতী শ্লোকঃ
সরস্বতী নমস্তুভ্যং বরদে কামরূপিণী ।
বিদ্যারংভং করিষ্যামি সিদ্ধির্ভবতু মে সদা ॥

যা কুংদেংদু তুষার হার ধবলা, যা শুভ্র বস্ত্রাবৃতা ।
যা বীণা বরদংড মংডিত করা, যা শ্বেত পদ্মাসনা ।
যা ব্রহ্মাচ্যুত শংকর প্রভৃতিভির্-দেবৈঃ সদা পূজিতা ।
সা মাম্ পাতু সরস্বতী ভগবতী নিশ্শেষজাড্যাপহা ।

লক্ষ্মী শ্লোকঃ
লক্ষ্মীং ক্ষীরসমুদ্র রাজ তনযাং শ্রীরংগ ধামেশ্বরীং ।
দাসীভূত সমস্ত দেব বনিতাং লোকৈক দীপাংকুরাম্ ।
শ্রীমন্মংধ কটাক্ষ লব্ধ বিভব ব্রহ্মেংদ্র গংগাধরাং ।
ত্বাং ত্রৈলোক্যকুটুংবিনীং সরসিজাং বংদে মুকুংদপ্রিযাম্ ॥

দুর্গা দেবী স্তোত্রং
সর্ব স্বরূপে সর্বেশে সর্ব শক্তি সমন্বিতে ।
ভযেভ্যস্তাহি নো দেবি দুর্গাদেবি নমোস্তুতে ॥

ত্রিপুরসুংদরী স্তোত্রং
ওংকার পংজর শুকীং উপনিষদুদ্যান কেলি কলকংঠীম্ ।
আগম বিপিন মযূরীং আর্যাং অংতর্বিভাবযেদ্গৌরীম্ ॥

দেবী শ্লোকঃ
সর্ব মংগল মাংগল্যে শিবে সর্বার্থ সাধিকে ।
শরণ্যে ত্র্যংবকে দেবি নারাযণি নমোস্তুতে ॥

বেংকটেশ্বর শ্লোকঃ
শ্রিযঃ কাংতায কল্যাণনিধযে নিধযেঽর্থিনাম্ ।
শ্রী বেংকট নিবাসায শ্রীনিবাসায মংগলম্ ॥

দক্ষিণামূর্তি শ্লোকঃ
গুরবে সর্বলোকানাং ভিষজে ভবরোগিণাং ।
নিধযে সর্ববিদ্যানাং দক্ষিণামূর্তযে নমঃ ॥

বৌদ্ধ প্রার্থন
বুদ্ধং শরণং গচ্ছামি
ধর্মং শরণং গচ্ছামি
সংঘং শরণং গচ্ছামি

শাংতি মংত্রং
অসতোমা সদ্গমযা ।
তমসোমা জ্যোতির্গমযা ।
মৃত্যোর্মা অমৃতংগমযা ।
ওং শাংতিঃ শাংতিঃ শাংতিঃ

সর্বে ভবংতু সুখিনঃ সর্বে সংতু নিরামযাঃ ।
সর্বে ভদ্রাণি পশ্যংতু মা কশ্চিদ্দুঃখ ভাগ্ভবেত্ ॥
ওং শাংতিঃ শাংতিঃ শাংতিঃ

ওং সর্বেষাং স্বস্তির্ভবতু,
সর্বেষাং শাংতির্ভবতু ।
সর্বেষাং পূর্ণং ভবতু,
সর্বেষাং মংগলং ভবতু ।
ওং শাংতিঃ শাংতিঃ শাংতিঃ

ওং স॒হ না॑ববতু । স॒ নৌ॑ ভুনক্তু । স॒হ বী॒র্যং॑ করবাবহৈ ।
তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ ॥
ওং শাংতিঃ॒ শাংতিঃ॒ শাংতিঃ॑ ॥

স্বস্তি মংত্রাঃ
স্বস্তি প্রজাভ্যঃ পরিপালযংতাং
ন্যাযেন মার্গেণ মহীং মহীশাঃ ।
গোব্রাহ্মণেভ্য-শ্শুভমস্তু নিত্যং
লোকা-স্সমস্তা-স্সুখিনো ভবংতু ॥

কালে বর্ষতু পর্জন্যঃ পৃথিবী সস্যশালিনী ।
দেশোযং ক্ষোভরহিতো ব্রাহ্মণাস্সংতু নির্ভযাঃ ॥

বিশেষ মংত্রাঃ
পংচাক্ষরী মংত্রং – ওং নমশ্শিবায
অষ্টাক্ষরী মংত্রং – ওং নমো নারাযণায
দ্বাদশাক্ষরী মংত্রং – ওং নমো ভগবতে বাসুদেবায

********

Leave a Comment