Sankshepa Ramayanam Stotram Lyrics In Oriya/Odia
ତପସ୍ସ୍ଵାଧ୍ଯାଯନିରତଂ ତପସ୍ଵୀ ଵାଗ୍ଵିଦାଂ ଵରମ୍ ।
ନାରଦଂ ପରିପପ୍ରଚ୍ଛ ଵାଲ୍ମୀକିର୍ମୁନିପୁଂଗଵମ୍ ॥ 1 ॥
କୋଽନ୍ଵସ୍ମିନ୍ସାଂପ୍ରତଂ ଲୋକେ ଗୁଣଵାନ୍ କଶ୍ଚ ଵୀର୍ଯଵାନ୍ ।
ଧର୍ମଜ୍ଞଶ୍ଚ କୃତଜ୍ଞଶ୍ଚ ସତ୍ଯଵାକ୍ଯୋ ଦୃଢଵ୍ରତଃ ॥ 2 ॥
ଚାରିତ୍ରେଣ ଚ କୋ ଯୁକ୍ତଃ ସର୍ଵଭୂତେଷୁ କୋ ହିତଃ ।
ଵିଦ୍ଵାନ୍ କଃ କଃ ସମର୍ଥଶ୍ଚ କଶ୍ଚୈକପ୍ରିଯଦର୍ଶନଃ ॥ 3 ॥
ଆତ୍ମଵାନ୍ କୋ ଜିତକ୍ରୋଧୋ ଦ୍ଯୁତିମାନ୍ କୋଽନସୂଯକଃ ।
କସ୍ଯ ବିଭ୍ଯତି ଦେଵାଶ୍ଚ ଜାତରୋଷସ୍ଯ ସଂଯୁଗେ ॥ 4 ॥
ଏତଦିଚ୍ଛାମ୍ଯହଂ ଶ୍ରୋତୁଂ ପରଂ କୌତୂହଲଂ ହି ମେ ।
ମହର୍ଷେ ତ୍ଵଂ ସମର୍ଥୋଽସି ଜ୍ଞାତୁମେଵଂଵିଧଂ ନରମ୍ ॥ 5 ॥
ଶ୍ରୁତ୍ଵା ଚୈତତ୍ତ୍ରିଲୋକଜ୍ଞୋ ଵାଲ୍ମୀକେର୍ନାରଦୋ ଵଚଃ ।
ଶ୍ରୂଯତାମିତି ଚାମଂତ୍ର୍ଯ ପ୍ରହୃଷ୍ଟୋ ଵାକ୍ଯମବ୍ରଵୀତ୍ ॥ 6 ॥
ବହଵୋ ଦୁର୍ଲଭାଶ୍ଚୈଵ ଯେ ତ୍ଵଯା କୀର୍ତିତା ଗୁଣାଃ ।
ମୁନେ ଵକ୍ଷ୍ଯାମ୍ଯହଂ ବୁଦ୍ଧ୍ଵା ତୈର୍ଯୁକ୍ତଃ ଶ୍ରୂଯତାଂ ନରଃ ॥ 7 ॥
ଇକ୍ଷ୍ଵାକୁଵଂଶପ୍ରଭଵୋ ରାମୋ ନାମ ଜନୈଃ ଶ୍ରୁତଃ ।
ନିଯତାତ୍ମା ମହାଵୀର୍ଯୋ ଦ୍ଯୁତିମାନ୍ ଧୃତିମାନ୍ ଵଶୀ ॥ 8 ॥
ବୁଦ୍ଧିମାନ୍ ନୀତିମାନ୍ ଵାଗ୍ମୀ ଶ୍ରୀମାନ୍ ଶତ୍ରୁନିବର୍ହଣଃ ।
ଵିପୁଲାଂସୋ ମହାବାହୁଃ କଂବୁଗ୍ରୀଵୋ ମହାହନୁଃ ॥ 9 ॥
ମହୋରସ୍କୋ ମହେଷ୍ଵାସୋ ଗୂଢଜତ୍ରୁରରିଂଦମଃ ।
ଆଜାନୁବାହୁଃ ସୁଶିରାଃ ସୁଲଲାଟଃ ସୁଵିକ୍ରମଃ ॥ 10 ॥
ସମଃ ସମଵିଭକ୍ତାଂଗଃ ସ୍ନିଗ୍ଧଵର୍ଣଃ ପ୍ରତାପଵାନ୍ ।
ପୀନଵକ୍ଷା ଵିଶାଲାକ୍ଷୋ ଲକ୍ଷ୍ମୀଵାନ୍ ଶୁଭଲକ୍ଷଣଃ ॥ 11 ॥
ଧର୍ମଜ୍ଞଃ ସତ୍ଯସଂଧଶ୍ଚ ପ୍ରଜାନାଂ ଚ ହିତେ ରତଃ ।
ଯଶସ୍ଵୀ ଜ୍ଞାନସଂପନ୍ନଃ ଶୁଚିର୍ଵଶ୍ଯଃ ସମାଧିମାନ୍ ॥ 12 ॥
ପ୍ରଜାପତିସମଃ ଶ୍ରୀମାନ୍ ଧାତା ରିପୁନିଷୂଦନଃ ।
ରକ୍ଷିତା ଜୀଵଲୋକସ୍ଯ ଧର୍ମସ୍ଯ ପରିରକ୍ଷିତା ॥ 13 ॥
ରକ୍ଷିତା ସ୍ଵସ୍ଯ ଧର୍ମସ୍ଯ ସ୍ଵଜନସ୍ଯ ଚ ରକ୍ଷିତା ।
ଵେଦଵେଦାଂଗତତ୍ତ୍ଵଜ୍ଞୋ ଧନୁର୍ଵେଦେ ଚ ନିଷ୍ଠିତଃ ॥ 14 ॥
ସର୍ଵଶାସ୍ତ୍ରାର୍ଥତତ୍ତ୍ଵଜ୍ଞୋ ସ୍ମୃତିମାନ୍ପ୍ରତିଭାନଵାନ୍ ।
ସର୍ଵଲୋକପ୍ରିଯଃ ସାଧୁରଦୀନାତ୍ମା ଵିଚକ୍ଷଣଃ ॥ 15 ॥
ସର୍ଵଦାଭିଗତଃ ସଦ୍ଭିଃ ସମୁଦ୍ର ଇଵ ସିଂଧୁଭିଃ ।
ଆର୍ଯଃ ସର୍ଵସମଶ୍ଚୈଵ ସଦୈକପ୍ରିଯଦର୍ଶନଃ ॥ 16 ॥
ସ ଚ ସର୍ଵଗୁଣୋପେତଃ କୌସଲ୍ଯାନଂଦଵର୍ଧନଃ ।
ସମୁଦ୍ର ଇଵ ଗାଂଭୀର୍ଯେ ଧୈର୍ଯେଣ ହିମଵାନିଵ ॥ 17 ॥
ଵିଷ୍ଣୁନା ସଦୃଶୋ ଵୀର୍ଯେ ସୋମଵତ୍ପ୍ରିଯଦର୍ଶନଃ ।
କାଲାଗ୍ନିସଦୃଶଃ କ୍ରୋଧେ କ୍ଷମଯା ପୃଥିଵୀସମଃ ॥ 18 ॥
ଧନଦେନ ସମସ୍ତ୍ଯାଗେ ସତ୍ଯେ ଧର୍ମ ଇଵାପରଃ ।
ତମେଵଂ ଗୁଣସଂପନ୍ନଂ ରାମଂ ସତ୍ଯପରାକ୍ରମମ୍ ॥ 19 ॥
ଜ୍ଯେଷ୍ଠଂ ଶ୍ରେଷ୍ଠଗୁଣୈର୍ଯୁକ୍ତଂ ପ୍ରିଯଂ ଦଶରଥଃ ସୁତମ୍ ।
ପ୍ରକୃତୀନାଂ ହିତୈର୍ଯୁକ୍ତଂ ପ୍ରକୃତି ପ୍ରିଯ କାମ୍ଯଯା ॥ 20 ॥
ଯୌଵରାଜ୍ଯେନ ସଂଯୋକ୍ତୁମୈଚ୍ଛତ୍ପ୍ରୀତ୍ଯା ମହୀପତିଃ ।
ତସ୍ଯାଭିଷେକସଂଭାରାନ୍ ଦୃଷ୍ଟ୍ଵା ଭାର୍ଯାଽଥ କୈକଯୀ ॥ 21 ॥
ପୂର୍ଵଂ ଦତ୍ତଵରା ଦେଵୀ ଵରମେନମଯାଚତ ।
ଵିଵାସନଂ ଚ ରାମସ୍ଯ ଭରତସ୍ଯାଭିଷେଚନମ୍ ॥ 22 ॥
ସ ସତ୍ଯଵଚନାଦ୍ରାଜା ଧର୍ମପାଶେନ ସଂଯତଃ ।
ଵିଵାସଯାମାସ ସୁତଂ ରାମଂ ଦଶରଥଃ ପ୍ରିଯମ୍ ॥ 23 ॥
ସ ଜଗାମ ଵନଂ ଵୀରଃ ପ୍ରତିଜ୍ଞାମନୁପାଲଯନ୍ ।
ପିତୁର୍ଵଚନନିର୍ଦେଶାତ୍କୈକେଯ୍ଯାଃ ପ୍ରିଯକାରଣାତ୍ ॥ 24 ॥
ତଂ ଵ୍ରଜଂତଂ ପ୍ରିଯୋ ଭ୍ରାତା ଲକ୍ଷ୍ମଣୋଽନୁଜଗାମ ହ ।
ସ୍ନେହାଦ୍ଵିନଯସଂପନ୍ନଃ ସୁମିତ୍ରାନଂଦଵର୍ଧନଃ ॥ 25 ॥
ଭ୍ରାତରଂ ଦଯିତୋ ଭ୍ରାତୁଃ ସୌଭ୍ରାତ୍ରମନୁଦର୍ଶଯନ୍ ।
ରାମସ୍ଯ ଦଯିତା ଭାର୍ଯା ନିତ୍ଯଂ ପ୍ରାଣସମାହିତା ॥ 26 ॥
ଜନକସ୍ଯ କୁଲେ ଜାତା ଦେଵମାଯେଵ ନିର୍ମିତା ।
ସର୍ଵଲକ୍ଷଣସଂପନ୍ନା ନାରୀଣାମୁତ୍ତମା ଵଧୂଃ ॥ 27 ॥
ସୀତାଽପ୍ଯନୁଗତା ରାମଂ ଶଶିନଂ ରୋହିଣୀ ଯଥା ।
ପୌରୈରନୁଗତୋ ଦୂରଂ ପିତ୍ରା ଦଶରଥେନ ଚ ॥ 28 ॥
ଶୃଂଗିବେରପୁରେ ସୂତଂ ଗଂଗାକୂଲେ ଵ୍ଯସର୍ଜଯତ୍ ।
ଗୁହମାସାଦ୍ଯ ଧର୍ମାତ୍ମା ନିଷାଦାଧିପତିଂ ପ୍ରିଯମ୍ ॥ 29 ॥
ଗୁହେନ ସହିତୋ ରାମଃ ଲକ୍ଷ୍ମଣେନ ଚ ସୀତଯା ।
ତେ ଵନେନ ଵନଂ ଗତ୍ଵା ନଦୀସ୍ତୀର୍ତ୍ଵା ବହୂଦକାଃ ॥ 30 ॥
ଚିତ୍ରକୂଟମନୁପ୍ରାପ୍ଯ ଭରଦ୍ଵାଜସ୍ଯ ଶାସନାତ୍ ।
ରମ୍ଯମାଵସଥଂ କୃତ୍ଵା ରମମାଣା ଵନେ ତ୍ରଯଃ ॥ 31 ॥
ଦେଵଗଂଧର୍ଵସଂକାଶାସ୍ତତ୍ର ତେ ନ୍ଯଵସନ୍ସୁଖମ୍ ।
ଚିତ୍ରକୂଟଂ ଗତେ ରାମେ ପୁତ୍ରଶୋକାତୁରସ୍ତଥା ॥ 32 ॥
ରାଜା ଦଶରଥଃ ସ୍ଵର୍ଗଂ ଜଗାମ ଵିଲପନ୍ସୁତମ୍ ।
ମୃତେ ତୁ ତସ୍ମିନ୍ଭରତୋ ଵସିଷ୍ଠପ୍ରମୁଖୈର୍ଦ୍ଵିଜୈଃ ॥ 33 ॥
ନିଯୁଜ୍ଯମାନୋ ରାଜ୍ଯାଯ ନୈଚ୍ଛଦ୍ରାଜ୍ଯଂ ମହାବଲଃ ।
ସ ଜଗାମ ଵନଂ ଵୀରୋ ରାମପାଦପ୍ରସାଦକଃ ॥ 34 ॥
ଗତ୍ଵା ତୁ ସ ମହାତ୍ମାନଂ ରାମଂ ସତ୍ଯପରାକ୍ରମମ୍ ।
ଅଯାଚଦ୍ଭ୍ରାତରଂ ରାମଂ ଆର୍ଯଭାଵପୁରସ୍କୃତଃ ॥ 35 ॥
ତ୍ଵମେଵ ରାଜା ଧର୍ମଜ୍ଞ ଇତି ରାମଂ ଵଚୋଽବ୍ରଵୀତ୍ ।
ରାମୋଽପି ପରମୋଦାରଃ ସୁମୁଖସ୍ସୁମହାଯଶାଃ ॥ 36 ॥
ନ ଚୈଚ୍ଛତ୍ପିତୁରାଦେଶାଦ୍ରାଜ୍ଯଂ ରାମୋ ମହାବଲଃ ।
ପାଦୁକେ ଚାସ୍ଯ ରାଜ୍ଯାଯ ନ୍ଯାସଂ ଦତ୍ତ୍ଵା ପୁନଃ ପୁନଃ ॥ 37 ॥
ନିଵର୍ତଯାମାସ ତତୋ ଭରତଂ ଭରତାଗ୍ରଜଃ ।
ସ କାମମନଵାପ୍ଯୈଵ ରାମପାଦାଵୁପସ୍ପୃଶନ୍ ॥ 38 ॥
ନଂଦିଗ୍ରାମେଽକରୋଦ୍ରାଜ୍ଯଂ ରାମାଗମନକାଂକ୍ଷଯା ।
ଗତେ ତୁ ଭରତେ ଶ୍ରୀମାନ୍ ସତ୍ଯସଂଧୋ ଜିତେଂଦ୍ରିଯଃ ॥ 39 ॥
ରାମସ୍ତୁ ପୁନରାଲକ୍ଷ୍ଯ ନାଗରସ୍ଯ ଜନସ୍ଯ ଚ ।
ତତ୍ରାଗମନମେକାଗ୍ରୋ ଦଂଡକାନ୍ପ୍ରଵିଵେଶ ହ ॥ 40 ॥
ପ୍ରଵିଶ୍ଯ ତୁ ମହାରଣ୍ଯଂ ରାମୋ ରାଜୀଵଲୋଚନଃ ।
ଵିରାଧଂ ରାକ୍ଷସଂ ହତ୍ଵା ଶରଭଂଗଂ ଦଦର୍ଶ ହ ॥ 41 ॥
ସୁତୀକ୍ଷ୍ଣଂ ଚାପ୍ଯଗସ୍ତ୍ଯଂ ଚ ଅଗସ୍ତ୍ଯଭ୍ରାତରଂ ତଥା ।
ଅଗସ୍ତ୍ଯଵଚନାଚ୍ଚୈଵ ଜଗ୍ରାହୈଂଦ୍ରଂ ଶରାସନମ୍ ॥ 42 ॥
ଖଡ୍ଗଂ ଚ ପରମପ୍ରୀତସ୍ତୂଣୀ ଚାକ୍ଷଯସାଯକୌ ।
ଵସତସ୍ତସ୍ଯ ରାମସ୍ଯ ଵନେ ଵନଚରୈଃ ସହ ॥ 43 ॥
ଋଷଯୋଽଭ୍ଯାଗମନ୍ସର୍ଵେ ଵଧାଯାସୁରରକ୍ଷସାମ୍ ।
ସ ତେଷାଂ ପ୍ରତିଶୁଶ୍ରାଵ ରାକ୍ଷସାନାଂ ତଥା ଵନେ ॥ 44 ॥
ପ୍ରତିଜ୍ଞାତଶ୍ଚ ରାମେଣ ଵଧଃ ସଂଯତି ରକ୍ଷସାମ୍ ।
ଋଷୀଣାମଗ୍ନିକଲ୍ପାନାଂ ଦଂଡକାରଣ୍ଯଵାସିନାମ୍ ॥ 45 ॥
ତେନ ତତ୍ରୈଵ ଵସତା ଜନସ୍ଥାନନିଵାସିନୀ ।
ଵିରୂପିତା ଶୂର୍ପଣଖା ରାକ୍ଷସୀ କାମରୂପିଣୀ ॥ 46 ॥
ତତଃ ଶୂର୍ପଣଖାଵାକ୍ଯାଦୁଦ୍ଯୁକ୍ତାନ୍ସର୍ଵରାକ୍ଷସାନ୍ ।
ଖରଂ ତ୍ରିଶିରସଂ ଚୈଵ ଦୂଷଣଂ ଚୈଵ ରାକ୍ଷସମ୍ ॥ 47 ॥
ନିଜଘାନ ରଣେ ରାମସ୍ତେଷାଂ ଚୈଵ ପଦାନୁଗାନ୍ ।
ଵନେ ତସ୍ମିନ୍ନିଵସତା ଜନସ୍ଥାନନିଵାସିନାମ୍ ॥ 48 ॥
ରକ୍ଷସାଂ ନିହତାନ୍ଯାସନ୍ସହସ୍ରାଣି ଚତୁର୍ଦଶ ।
ତତୋ ଜ୍ଞାତିଵଧଂ ଶ୍ରୁତ୍ଵା ରାଵଣଃ କ୍ରୋଧମୂର୍ଛିତଃ ॥ 49 ॥
ସହାଯଂ ଵରଯାମାସ ମାରୀଚଂ ନାମ ରାକ୍ଷସମ୍ ।
ଵାର୍ଯମାଣଃ ସୁବହୁଶୋ ମାରୀଚେନ ସ ରାଵଣଃ ॥ 50 ॥
ନ ଵିରୋଧୋ ବଲଵତା କ୍ଷମୋ ରାଵଣ ତେନ ତେ ।
ଅନାଦୃତ୍ଯ ତୁ ତଦ୍ଵାକ୍ଯଂ ରାଵଣଃ କାଲଚୋଦିତଃ ॥ 51 ॥
ଜଗାମ ସହମାରୀଚଃ ତସ୍ଯାଶ୍ରମପଦଂ ତଦା ।
ତେନ ମାଯାଵିନା ଦୂରମପଵାହ୍ଯ ନୃପାତ୍ମଜୌ ॥ 52 ॥
ଜହାର ଭାର୍ଯାଂ ରାମସ୍ଯ ଗୃଧ୍ରଂ ହତ୍ଵା ଜଟାଯୁଷମ୍ ।
ଗୃଧ୍ରଂ ଚ ନିହତଂ ଦୃଷ୍ଟ୍ଵା ହୃତାଂ ଶ୍ରୁତ୍ଵା ଚ ମୈଥିଲୀମ୍ ॥ 53 ॥
ରାଘଵଃ ଶୋକସଂତପ୍ତୋ ଵିଲଲାପାକୁଲେଂଦ୍ରିଯଃ ।
ତତସ୍ତେନୈଵ ଶୋକେନ ଗୃଧ୍ରଂ ଦଗ୍ଧ୍ଵା ଜଟାଯୁଷମ୍ ॥ 54 ॥
ମାର୍ଗମାଣୋ ଵନେ ସୀତାଂ ରାକ୍ଷସଂ ସଂଦଦର୍ଶ ହ ।
କବଂଧଂ ନାମ ରୂପେଣ ଵିକୃତଂ ଘୋରଦର୍ଶନମ୍ ॥ 55 ॥
ତଂ ନିହତ୍ଯ ମହାବାହୁଃ ଦଦାହ ସ୍ଵର୍ଗତଶ୍ଚ ସଃ ।
ସ ଚାସ୍ଯ କଥଯାମାସ ଶବରୀଂ ଧର୍ମଚାରିଣୀମ୍ ॥ 56 ॥
ଶ୍ରମଣୀଂ ଧର୍ମନିପୁଣାମଭିଗଚ୍ଛେତି ରାଘଵମ୍ ।
ସୋଽଭ୍ଯଗଚ୍ଛନ୍ମହାତେଜାଃ ଶବରୀଂ ଶତ୍ରୁସୂଦନଃ ॥ 57 ॥
ଶବର୍ଯା ପୂଜିତଃ ସମ୍ଯଗ୍ରାମୋ ଦଶରଥାତ୍ମଜଃ ।
ପଂପାତୀରେ ହନୁମତା ସଂଗତୋ ଵାନରେଣ ହ ॥ 58 ॥
ହନୁମଦ୍ଵଚନାଚ୍ଚୈଵ ସୁଗ୍ରୀଵେଣ ସମାଗତଃ ।
ସୁଗ୍ରୀଵାଯ ଚ ତତ୍ସର୍ଵଂ ଶଂସଦ୍ରାମୋ ମହାବଲଃ ॥ 59 ॥
ଆଦିତସ୍ତଦ୍ଯଥାଵୃତ୍ତଂ ସୀତଯାଶ୍ଚ ଵିଶେଷତଃ ।
ସୁଗ୍ରୀଵଶ୍ଚାପି ତତ୍ସର୍ଵଂ ଶ୍ରୁତ୍ଵା ରାମସ୍ଯ ଵାନରଃ ॥ 60 ॥
ଚକାର ସଖ୍ଯଂ ରାମେଣ ପ୍ରୀତଶ୍ଚୈଵାଗ୍ନିସାକ୍ଷିକମ୍ ।
ତତୋ ଵାନରରାଜେନ ଵୈରାନୁକଥନଂ ପ୍ରତି ॥ 61 ॥
ରାମାଯାଵେଦିତଂ ସର୍ଵଂ ପ୍ରଣଯାଦ୍ଦୁଃଖିତେନ ଚ ।
ପ୍ରତିଜ୍ଞାତଂ ଚ ରାମେଣ ତଦା ଵାଲିଵଧଂ ପ୍ରତି ॥ 62 ॥
ଵାଲିନଶ୍ଚ ବଲଂ ତତ୍ର କଥଯାମାସ ଵାନରଃ ।
ସୁଗ୍ରୀଵଃ ଶଂକିତଶ୍ଚାସୀନ୍ନିତ୍ଯଂ ଵୀର୍ଯେଣ ରାଘଵେ ॥ 63 ॥
ରାଘଵଃ ପ୍ରତ୍ଯଯାର୍ଥଂ ତୁ ଦୁଂଦୁଭେଃ କାଯମୁତ୍ତମମ୍ ।
ଦର୍ଶଯାମାସ ସୁଗ୍ରୀଵୋ ମହାପର୍ଵତ ସନ୍ନିଭମ୍ ॥ 64 ॥
ଉତ୍ସ୍ମଯିତ୍ଵା ମହାବାହୁଃ ପ୍ରେକ୍ଷ୍ଯ ଚାସ୍ଥି ମହାବଲଃ ।
ପାଦାଂଗୁଷ୍ଠେନ ଚିକ୍ଷେପ ସଂପୂର୍ଣଂ ଦଶଯୋଜନମ୍ ॥ 65 ॥
ବିଭେଦ ଚ ପୁନଃ ସାଲାନ୍ସପ୍ତୈକେନ ମହେଷୁଣା ।
ଗିରିଂ ରସାତଲଂ ଚୈଵ ଜନଯନ୍ ପ୍ରତ୍ଯଯଂ ତଦା ॥ 66 ॥
ତତଃ ପ୍ରୀତମନାସ୍ତେନ ଵିଶ୍ଵସ୍ତଃ ସ ମହାକପିଃ ।
କିଷ୍କିଂଧାଂ ରାମସହିତୋ ଜଗାମ ଚ ଗୁହାଂ ତଦା ॥ 67 ॥
ତତୋଽଗର୍ଜଦ୍ଧରିଵରଃ ସୁଗ୍ରୀଵୋ ହେମପିଂଗଳଃ ।
ତେନ ନାଦେନ ମହତା ନିର୍ଜଗାମ ହରୀଶ୍ଵରଃ ॥ 68 ॥
ଅନୁମାନ୍ଯ ତଦା ତାରାଂ ସୁଗ୍ରୀଵେଣ ସମାଗତଃ ।
ନିଜଘାନ ଚ ତତ୍ରୈନଂ ଶରେଣୈକେନ ରାଘଵଃ ॥ 69 ॥
ତତଃ ସୁଗ୍ରୀଵଵଚନାଦ୍ଧତ୍ଵା ଵାଲିନମାହଵେ ।
ସୁଗ୍ରୀଵମେଵ ତଦ୍ରାଜ୍ଯେ ରାଘଵଃ ପ୍ରତ୍ଯପାଦଯତ୍ ॥ 70 ॥
ସ ଚ ସର୍ଵାନ୍ସମାନୀଯ ଵାନରାନ୍ଵାନରର୍ଷଭଃ ।
ଦିଶଃ ପ୍ରସ୍ଥାପଯାମାସ ଦିଦୃକ୍ଷୁର୍ଜନକାତ୍ମଜାମ୍ ॥ 71 ॥
ତତୋ ଗୃଧ୍ରସ୍ଯ ଵଚନାତ୍ସଂପାତେର୍ହନୁମାନ୍ବଲୀ ।
ଶତଯୋଜନଵିସ୍ତୀର୍ଣଂ ପୁପ୍ଲୁଵେ ଲଵଣାର୍ଣଵମ୍ ॥ 72 ॥
ତତ୍ର ଲଂକାଂ ସମାସାଦ୍ଯ ପୁରୀଂ ରାଵଣପାଲିତାମ୍ ।
ଦଦର୍ଶ ସୀତାଂ ଧ୍ଯାଯଂତୀଂ ଅଶୋକଵନିକାଂ ଗତାମ୍ ॥ 73 ॥
ନିଵେଦଯିତ୍ଵାଽଭିଜ୍ଞାନଂ ପ୍ରଵୃତ୍ତିଂ ଚ ନିଵେଦ୍ଯ ଚ ।
ସମାଶ୍ଵାସ୍ଯ ଚ ଵୈଦେହୀଂ ମର୍ଦଯାମାସ ତୋରଣମ୍ ॥ 74 ॥
ପଂଚ ସେନାଗ୍ରଗାନ୍ହତ୍ଵା ସପ୍ତ ମଂତ୍ରିସୁତାନପି ।
ଶୂରମକ୍ଷଂ ଚ ନିଷ୍ପିଷ୍ଯ ଗ୍ରହଣଂ ସମୁପାଗମତ୍ ॥ 75 ॥
ଅସ୍ତ୍ରେଣୋନ୍ମୁକ୍ତମାତ୍ମାନଂ ଜ୍ଞାତ୍ଵା ପୈତାମହାଦ୍ଵରାତ୍ ।
ମର୍ଷଯନ୍ରାକ୍ଷସାନ୍ଵୀରୋ ଯଂତ୍ରିଣସ୍ତାନ୍ଯଦୃଚ୍ଛଯା ॥ 76 ॥
ତତୋ ଦଗ୍ଧ୍ଵା ପୁରୀଂ ଲଂକାଂ ଋତେ ସୀତାଂ ଚ ମୈଥିଲୀମ୍ ।
ରାମାଯ ପ୍ରିଯମାଖ୍ଯାତୁଂ ପୁନରାଯାନ୍ମହାକପିଃ ॥ 77 ॥
ସୋଽଭିଗମ୍ଯ ମହାତ୍ମାନଂ କୃତ୍ଵା ରାମଂ ପ୍ରଦକ୍ଷିଣମ୍ ।
ନ୍ଯଵେଦଯଦମେଯାତ୍ମା ଦୃଷ୍ଟା ସୀତେତି ତତ୍ତ୍ଵତଃ ॥ 78 ॥
ତତଃ ସୁଗ୍ରୀଵସହିତୋ ଗତ୍ଵା ତୀରଂ ମହୋଦଧେଃ ।
ସମୁଦ୍ରଂ କ୍ଷୋଭଯାମାସ ଶରୈରାଦିତ୍ଯସନ୍ନିଭୈଃ ॥ 79 ॥
ଦର୍ଶଯାମାସ ଚାତ୍ମାନଂ ସମୁଦ୍ରଃ ସରିତାଂ ପତିଃ ।
ସମୁଦ୍ରଵଚନାଚ୍ଚୈଵ ନଲଂ ସେତୁମକାରଯତ୍ ॥ 80 ॥
ତେନ ଗତ୍ଵା ପୁରୀଂ ଲଂକାଂ ହତ୍ଵା ରାଵଣମାହଵେ ।
ରାମଃ ସୀତାମନୁପ୍ରାପ୍ଯ ପରାଂ ଵ୍ରୀଡାମୁପାଗମତ୍ ॥ 81 ॥
ତାମୁଵାଚ ତତୋ ରାମଃ ପରୁଷଂ ଜନସଂସଦି ।
ଅମୃଷ୍ଯମାଣା ସା ସୀତା ଵିଵେଶ ଜ୍ଵଲନଂ ସତୀ ॥ 82 ॥
ତତୋଽଗ୍ନିଵଚନାତ୍ସୀତାଂ ଜ୍ଞାତ୍ଵା ଵିଗତକଲ୍ମଷାମ୍ ।
ବଭୌ ରାମଃ ସଂପ୍ରହୃଷ୍ଟଃ ପୂଜିତଃ ସର୍ଵଦୈଵତୈଃ ॥ 83 ॥
କର୍ମଣା ତେନ ମହତା ତ୍ରୈଲୋକ୍ଯଂ ସଚରାଚରମ୍ ।
ସଦେଵର୍ଷିଗଣଂ ତୁଷ୍ଟଂ ରାଘଵସ୍ଯ ମହାତ୍ମନଃ ॥ 84 ॥
ଅଭିଷିଚ୍ଯ ଚ ଲଂକାଯାଂ ରାକ୍ଷସେଂଦ୍ରଂ ଵିଭୀଷଣମ୍ ।
କୃତକୃତ୍ଯସ୍ତଦା ରାମୋ ଵିଜ୍ଵରଃ ପ୍ରମୁମୋଦ ହ ॥ 85 ॥
ଦେଵତାଭ୍ଯୋ ଵରଂ ପ୍ରାପ୍ଯ ସମୁତ୍ଥାପ୍ଯ ଚ ଵାନରାନ୍ ।
ଅଯୋଧ୍ଯାଂ ପ୍ରସ୍ଥିତୋ ରାମଃ ପୁଷ୍ପକେଣ ସୁହୃଦ୍ଵୃତଃ ॥ 86 ॥
ଭରଦ୍ଵାଜାଶ୍ରମଂ ଗତ୍ଵା ରାମଃ ସତ୍ଯପରାକ୍ରମଃ ।
ଭରତସ୍ଯାଂତିକଂ ରାମୋ ହନୂମଂତଂ ଵ୍ଯସର୍ଜଯତ୍ ॥ 87 ॥
ପୁନରାଖ୍ଯାଯିକାଂ ଜଲ୍ପନ୍ସୁଗ୍ରୀଵସହିତଶ୍ଚ ସଃ ।
ପୁଷ୍ପକଂ ତତ୍ସମାରୁହ୍ଯ ନଂଦିଗ୍ରାମଂ ଯଯୌ ତଦା ॥ 88 ॥
ନଂଦିଗ୍ରାମେ ଜଟାଂ ହିତ୍ଵା ଭ୍ରାତୃଭିଃ ସହିତୋଽନଘଃ ।
ରାମଃ ସୀତାମନୁପ୍ରାପ୍ଯ ରାଜ୍ଯଂ ପୁନରଵାପ୍ତଵାନ୍ ॥ 89 ॥
ପ୍ରହୃଷ୍ଟମୁଦିତୋ ଲୋକସ୍ତୁଷ୍ଟଃ ପୁଷ୍ଟଃ ସୁଧାର୍ମିକଃ ।
ନିରାମଯୋ ହ୍ଯରୋଗଶ୍ଚ ଦୁର୍ଭିକ୍ଷ ଭଯଵର୍ଜିତଃ ॥ 90 ॥
ନ ପୁତ୍ରମରଣଂ କିଂଚିଦ୍ଦ୍ରକ୍ଷ୍ଯଂତି ପୁରୁଷାଃ କ୍ଵଚିତ୍ ।
ନାର୍ଯଶ୍ଚାଵିଧଵା ନିତ୍ଯଂ ଭଵିଷ୍ଯଂତି ପତିଵ୍ରତାଃ ॥ 91 ॥
ନ ଚାଗ୍ନିଜଂ ଭଯଂ କିଂଚିନ୍ନାପ୍ସୁ ମଜ୍ଜଂତି ଜଂତଵଃ ।
ନ ଵାତଜଂ ଭଯଂ କିଂଚିନ୍ନାପି ଜ୍ଵରକୃତଂ ତଥା ॥ 92 ॥
ନ ଚାପି କ୍ଷୁଦ୍ଭଯଂ ତତ୍ର ନ ତସ୍କରଭଯଂ ତଥା ।
ନଗରାଣି ଚ ରାଷ୍ଟ୍ରାଣି ଧନଧାନ୍ଯଯୁତାନି ଚ ॥ 93 ॥
ନିତ୍ଯଂ ପ୍ରମୁଦିତାଃ ସର୍ଵେ ଯଥା କୃତଯୁଗେ ତଥା ।
ଅଶ୍ଵମେଧଶତୈରିଷ୍ଟ୍ଵା ତଥା ବହୁସୁଵର୍ଣକୈଃ ॥ 94 ॥
ଗଵାଂ କୋଟ୍ଯଯୁତଂ ଦତ୍ଵା ବ୍ରହ୍ମଲୋକଂ ପ୍ରଯାସ୍ଯତି ।
ଅସଂଖ୍ଯେଯଂ ଧନଂ ଦତ୍ଵା ବ୍ରାହ୍ମଣେଭ୍ଯୋ ମହାଯଶାଃ ॥ 95 ॥
ରାଜଵଂଶାନ୍ ଶତଗୁଣାନ୍ ସ୍ଥାପଯିଷ୍ଯତି ରାଘଵଃ ।
ଚାତୁର୍ଵର୍ଣ୍ଯଂ ଚ ଲୋକେଽସ୍ମିନ୍ ସ୍ଵେ ସ୍ଵେ ଧର୍ମେ ନିଯୋକ୍ଷ୍ଯତି ॥ 96 ॥
ଦଶଵର୍ଷସହସ୍ରାଣି ଦଶଵର୍ଷଶତାନି ଚ ।
ରାମୋ ରାଜ୍ଯମୁପାସିତ୍ଵା ବ୍ରହ୍ମଲୋକଂ ଗମିଷ୍ଯତି ॥ 97 ॥
ଇଦଂ ପଵିତ୍ରଂ ପାପଘ୍ନଂ ପୁଣ୍ଯଂ ଵେଦୈଶ୍ଚ ସମ୍ମିତମ୍ ।
ଯଃ ପଠେଦ୍ରାମଚରିତଂ ସର୍ଵପାପୈଃ ପ୍ରମୁଚ୍ଯତେ ॥ 98 ॥
ଏତଦାଖ୍ଯାନମାଯୁଷ୍ଯଂ ପଠନ୍ରାମାଯଣଂ ନରଃ ।
ସପୁତ୍ରପୌତ୍ରଃ ସଗଣଃ ପ୍ରେତ୍ଯ ସ୍ଵର୍ଗେ ମହୀଯତେ ॥ 99 ॥
ପଠନ୍ ଦ୍ଵିଜୋ ଵାଗୃଷଭତ୍ଵମୀଯାତ୍
ସ୍ଯାତ୍ କ୍ଷତ୍ରିଯୋ ଭୂମିପତିତ୍ଵମୀଯାତ୍ ।
ଵଣିଗ୍ଜନଃ ପଣ୍ଯଫଲତ୍ଵମୀଯାତ୍
ଜନଶ୍ଚ ଶୂଦ୍ରୋଽପି ମହତ୍ତ୍ଵମୀଯାତ୍ ॥ 100 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯେ ଆଦିକାଵ୍ଯେ ବାଲକାଂଡେ ନାରଦଵାକ୍ଯଂ ନାମ ପ୍ରଥମଃ ସର୍ଗଃ ॥
********