Shiva Sankalpa Upanishad Lyrics In Oriya/Odia
ଯେନେଦଂ ଭୂତଂ ଭୁଵନଂ ଭଵିଷ୍ଯତ୍ ପରିଗୃହୀତମମୃତେନ ସର୍ଵମ୍ ।
ଯେନ ଯଜ୍ଞସ୍ତାଯତେ ସପ୍ତହୋତା ତନ୍ମେ ମନଃ ଶିଵସଂକଲ୍ପମସ୍ତୁ ॥ 1॥
ଯେନ କର୍ମାଣି ପ୍ରଚରଂତି ଧୀରା ଯତୋ ଵାଚା ମନସା ଚାରୁ ଯଂତି ।
ଯତ୍ସମ୍ମିତମନୁ ସଂଯଂତି ପ୍ରାଣିନସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 2॥
ଯେନ କର୍ମାଣ୍ଯପସୋ ମନୀଷିଣୋ ଯଜ୍ଞେ କୃଣ୍ଵଂତି ଵିଦଥେଷୁ ଧୀରାଃ ।
ଯଦପୂର୍ଵଂ ଯକ୍ଷମଂତଃ ପ୍ରଜାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 3॥
ଯତ୍ପ୍ରଜ୍ଞାନମୁତ ଚେତୋ ଧୃତିଶ୍ଚ ଯଜ୍ଜ୍ଯୋତିରଂତରମୃତଂ ପ୍ରଜାସୁ ।
ଯସ୍ମାନ୍ନ ଋତେ କିଂଚନ କର୍ମ କ୍ରିଯତେ ତନ୍ମେ ମନଃ ଶିଵସଂକଲ୍ପମସ୍ତୁ ॥ 4॥
ସୁଷାରଥିରଶ୍ଵାନିଵ ଯନ୍ମନୁଷ୍ଯାନ୍ନେନୀଯତେଽଭୀଶୁଭିର୍ଵାଜିନ ଇଵ ।
ହୃତ୍ପ୍ରତିଷ୍ଠଂ ଯଦଜିରଂ ଜଵିଷ୍ଠଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 5॥
ଯସ୍ମିନ୍ନୃଚଃ ସାମ ଯଜୂଷି ଯସ୍ମିନ୍ ପ୍ରତିଷ୍ଠିତା ରଥନାଭାଵିଵାରାଃ ।
ଯସ୍ମିଂଶ୍ଚିତ୍ତଂ ସର୍ଵମୋତଂ ପ୍ରଜାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 6॥
ଯଦତ୍ର ଷଷ୍ଠଂ ତ୍ରିଶତଂ ସୁଵୀରଂ ଯଜ୍ଞସ୍ଯ ଗୁହ୍ଯଂ ନଵନାଵମାଯ୍ଯଂ (?) ।
ଦଶ ପଂଚ ତ୍ରିଂଶତଂ ଯତ୍ପରଂ ଚ ତନ୍ମେ ମନଃ ଶିଵସଂକଲ୍ପମସ୍ତୁ ॥ 7॥
ଯଜ୍ଜାଗ୍ରତୋ ଦୂରମୁଦୈତି ଦୈଵଂ ତଦୁ ସୁପ୍ତସ୍ଯ ତଥୈଵୈତି ।
ଦୂରଂଗମଂ ଜ୍ଯୋତିଷାଂ ଜ୍ଯୋତିରେକଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 8॥
ଯେନ ଦ୍ଯୌଃ ପୃଥିଵୀ ଚାଂତରିକ୍ଷଂ ଚ ଯେ ପର୍ଵତାଃ ପ୍ରଦିଶୋ ଦିଶଶ୍ଚ ।
ଯେନେଦଂ ଜଗଦ୍ଵ୍ଯାପ୍ତଂ ପ୍ରଜାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 9॥
ଯେନେଦଂ ଵିଶ୍ଵଂ ଜଗତୋ ବଭୂଵ ଯେ ଦେଵା ଅପି ମହତୋ ଜାତଵେଦାଃ ।
ତଦେଵାଗ୍ନିସ୍ତମସୋ ଜ୍ଯୋତିରେକଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 10॥
ଯେ ମନୋ ହୃଦଯଂ ଯେ ଚ ଦେଵା ଯେ ଦିଵ୍ଯା ଆପୋ ଯେ ସୂର୍ଯରଶ୍ମିଃ ।
ତେ ଶ୍ରୋତ୍ରେ ଚକ୍ଷୁଷୀ ସଂଚରଂତଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 11॥
ଅଚିଂତ୍ଯଂ ଚାପ୍ରମେଯଂ ଚ ଵ୍ଯକ୍ତାଵ୍ଯକ୍ତପରଂ ଚ ଯତ ।
ସୂକ୍ଷ୍ମାତ୍ସୂକ୍ଷ୍ମତରଂ ଜ୍ଞେଯଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 12॥
ଏକା ଚ ଦଶ ଶତଂ ଚ ସହସ୍ରଂ ଚାଯୁତଂ ଚ
ନିଯୁତଂ ଚ ପ୍ରଯୁତଂ ଚାର୍ବୁଦଂ ଚ ନ୍ଯର୍ବୁଦଂ ଚ ।
ସମୁଦ୍ରଶ୍ଚ ମଧ୍ଯଂ ଚାଂତଶ୍ଚ ପରାର୍ଧଶ୍ଚ
ତନ୍ମେ ମନଃ ଶିଵସଂକଲ୍ପମସ୍ତୁ ॥ 13॥
ଯେ ପଂଚ ପଂଚଦଶ ଶତଂ ସହସ୍ରମଯୁତଂ ନ୍ଯର୍ବୁଦଂ ଚ ।
ତେଽଗ୍ନିଚିତ୍ଯେଷ୍ଟକାସ୍ତଂ ଶରୀରଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 14॥
ଵେଦାହମେତଂ ପୁରୁଷଂ ମହାଂତମାଦିତ୍ଯଵର୍ଣଂ ତମସଃ ପରସ୍ତାତ୍ ।
ଯସ୍ଯ ଯୋନିଂ ପରିପଶ୍ଯଂତି ଧୀରାସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥
ଯସ୍ଯେଦଂ ଧୀରାଃ ପୁନଂତି କଵଯୋ ବ୍ରହ୍ମାଣମେତଂ ତ୍ଵା ଵୃଣୁତ ଇଂଦୁମ୍ ।
ସ୍ଥାଵରଂ ଜଂଗମଂ ଦ୍ଯୌରାକାଶଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 16॥
ପରାତ୍ ପରତରଂ ଚୈଵ ଯତ୍ପରାଚ୍ଚୈଵ ଯତ୍ପରମ୍ ।
ଯତ୍ପରାତ୍ ପରତୋ ଜ୍ଞେଯଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 17॥
ପରାତ୍ ପରତରୋ ବ୍ରହ୍ମା ତତ୍ପରାତ୍ ପରତୋ ହରିଃ ।
ତତ୍ପରାତ୍ ପରତୋଽଧୀଶସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 18॥
ଯା ଵେଦାଦିଷୁ ଗାଯତ୍ରୀ ସର୍ଵଵ୍ଯାପୀ ମହେଶ୍ଵରୀ ।
ଋଗ୍ଯଜୁସ୍ସାମାଥର୍ଵୈଶ୍ଚ ତନ୍ମେ ମନଃ ଶିଵସଂକଲ୍ପମସ୍ତୁ ॥ 19॥
ଯୋ ଵୈ ଦେଵଂ ମହାଦେଵଂ ପ୍ରଣଵଂ ପୁରୁଷୋତ୍ତମମ୍ ।
ଯଃ ସର୍ଵେ ସର୍ଵଵେଦୈଶ୍ଚ ତନ୍ମେ ମନଃ ଶିଵସଂକଲ୍ପମସ୍ତୁ ॥ 20॥
ପ୍ରଯତଃ ପ୍ରଣଵୋଂକାରଂ ପ୍ରଣଵଂ ପୁରୁଷୋତ୍ତମମ୍ ।
ଓଂକାରଂ ପ୍ରଣଵାତ୍ମାନଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 21॥
ଯୋଽସୌ ସର୍ଵେଷୁ ଵେଦେଷୁ ପଠ୍ଯତେ ହ୍ଯଜ ଇଶ୍ଵରଃ ।
ଅକାଯୋ ନିର୍ଗୁଣୋ ହ୍ଯାତ୍ମା ତନ୍ମେ ମନଃ ଶିଵସଂକଲ୍ପମସ୍ତୁ ॥ 22॥
ଗୋଭିର୍ଜୁଷ୍ଟଂ ଧନେନ ହ୍ଯାଯୁଷା ଚ ବଲେନ ଚ ।
ପ୍ରଜଯା ପଶୁଭିଃ ପୁଷ୍କରାକ୍ଷଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 23॥
ତ୍ରିଯଂବକଂ ଯଜାମହେ ସୁଗଂଧିଂ ପୁଷ୍ଟିଵର୍ଧନମ୍ ।
ଉର୍ଵାରୁକମିଵ ବଂଧନାନ୍ମୃତ୍ଯୋର୍ମୁକ୍ଷୀଯ
ମାଽମୃତାତ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 24॥
କୈଲାସଶିଖରେ ରମ୍ଯେ ଶଂକରସ୍ଯ ଶିଵାଲଯେ ।
ଦେଵତାସ୍ତତ୍ର ମୋଦଂତେ ତନ୍ମେ ମନଃ ଶିଵସଂକଲ୍ପମସ୍ତୁ ॥ 25॥
ଵିଶ୍ଵତଶ୍ଚକ୍ଷୁରୁତ ଵିଶ୍ଵତୋମୁଖୋ ଵିଶ୍ଵତୋହସ୍ତ ଉତ ଵିଶ୍ଵତସ୍ପାତ୍ ।
ସଂବାହୁଭ୍ଯାଂ ନମତି ସଂପତତ୍ରୈର୍ଦ୍ଯାଵାପୃଥିଵୀ
ଜନଯନ୍ ଦେଵ ଏକସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 26॥
ଚତୁରୋ ଵେଦାନଧୀଯୀତ ସର୍ଵଶାସ୍ଯମଯଂ ଵିଦୁଃ ।
ଇତିହାସପୁରାଣାନାଂ ତନ୍ମେ ମନ ଶିଵସଂକନ୍ଲ୍ପମସ୍ତୁ ॥ 27॥
ମା ନୋ ମହାଂତମୁତ ମା ନୋ ଅର୍ଭକଂ ମା ନ ଉକ୍ଷଂତମୁତ ମା ନ ଉକ୍ଷିତମ୍ ।
ମା ନୋ ଵଧୀଃ ପିତରଂ ମୋତ ମାତରଂ ପ୍ରିଯା ମା ନଃ
ତନୁଵୋ ରୁଦ୍ର ରୀରିଷସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 28॥
ମା ନସ୍ତୋକେ ତନଯେ ମା ନ ଆଯୁଷି ମା ନୋ ଗୋଷୁ ମା ନୋ ଅଶ୍ଵେଷୁ ରୀରିଷଃ ।
ଵୀରାନ୍ମା ନୋ ରୁଦ୍ର ଭାମିତୋ ଵଧୀର୍ହଵିଷ୍ମଂତଃ
ନମସା ଵିଧେମ ତେ ତନ୍ମେ ମନଃ ଶିଵସଂକଲ୍ପମସ୍ତୁ ॥ 29॥
ଋତଂ ସତ୍ଯଂ ପରଂ ବ୍ରହ୍ମ ପୁରୁଷଂ କୃଷ୍ଣପିଂଗଳମ୍ ।
ଊର୍ଧ୍ଵରେତଂ ଵିରୂପାକ୍ଷଂ ଵିଶ୍ଵରୂପାଯ ଵୈ ନମୋ ନମଃ
ତନ୍ମେ ମନଃ ଶିଵସଂକଲ୍ପମସ୍ତୁ ॥ 30॥
କଦ୍ରୁଦ୍ରାଯ ପ୍ରଚେତସେ ମୀଢୁଷ୍ଟମାଯ ତଵ୍ଯସେ ।
ଵୋଚେମ ଶଂତମଂ ହୃଦେ । ସର୍ଵୋ ହ୍ଯେଷ ରୁଦ୍ରସ୍ତସ୍ମୈ ରୁଦ୍ରାଯ
ନମୋ ଅସ୍ତୁ ତନ୍ମେ ମନଃ ଶିଵସଂକଲ୍ପମସ୍ତୁ ॥ 31॥
ବ୍ରହ୍ମ ଜଜ୍ଞାନଂ ପ୍ରଥମଂ ପୁରସ୍ତାତ୍ ଵି ସୀମତଃ ସୁରୁଚୋ ଵେନ ଆଵଃ ।
ସ ବୁଧ୍ନିଯା ଉପମା ଅସ୍ଯ ଵିଷ୍ଠାଃ ସତଶ୍ଚ ଯୋନିଂ
ଅସତଶ୍ଚ ଵିଵସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 32॥
ଯଃ ପ୍ରାଣତୋ ନିମିଷତୋ ମହିତ୍ଵୈକ ଇଦ୍ରାଜା ଜଗତୋ ବଭୂଵ ।
ଯ ଈଶେ ଅସ୍ଯ ଦ୍ଵିପଦଶ୍ଚତୁଷ୍ପଦଃ କସ୍ମୈ ଦେଵାଯ
ହଵିଷା ଵିଧେମ ତନ୍ମେ ମନଃ ଶିଵସଂକଲ୍ପମସ୍ତୁ ॥ 33॥
ଯ ଆତ୍ମଦା ବଲଦା ଯସ୍ଯ ଵିଶ୍ଵେ ଉପାସତେ ପ୍ରଶିଷଂ ଯସ୍ଯ ଦେଵାଃ ।
ଯସ୍ଯ ଛାଯାଽମୃତଂ ଯସ୍ଯ ମୃତ୍ଯୁଃ କସ୍ମୈ ଦେଵାଯ
ହଵିଷା ଵିଧେମ ତନ୍ମେ ମନଃ ଶିଵସଂକଲ୍ପମସ୍ତୁ ॥ 34॥
ଯୋ ରୁଦ୍ରୋ ଅଗ୍ନୌ ଯୋ ଅପ୍ସୁ ଯ ଓଷଧୀଷୁ ଯୋ ରୁଦ୍ରୋ ଵିଶ୍ଵା ଭୁଵନାଽଽଵିଵେଶ ।
ତସ୍ମୈ ରୁଦ୍ରାଯ ନମୋ ଅସ୍ତୁ ତନ୍ମେ ମନଃ ଶିଵସଂକଲ୍ପମସ୍ତୁ ॥ 35॥
ଗଂଧଦ୍ଵାରାଂ ଦୁରାଧର୍ଷାଂ ନିତ୍ଯପୁଷ୍ଟାଂ କରୀଷିଣୀମ୍ ।
ଈଶ୍ଵରୀଂ ସର୍ଵଭୂତାନାଂ ତାମିହୋପହ୍ଵଯେ ଶ୍ରିଯଂ
ତନ୍ମେ ମନଃ ଶିଵସଂକଲ୍ପମସ୍ତୁ ॥ 36॥
ଯ ଇଦଂ ଶିଵସଂକଲ୍ପଂ ସଦା ଧ୍ଯାଯଂତି ବ୍ରାହ୍ମଣାଃ ।
ତେ ପରଂ ମୋକ୍ଷଂ ଗମିଷ୍ଯଂତି ତନ୍ମେ ମନଃ ଶିଵସଂକଲ୍ପମସ୍ତୁ ॥ 37॥
ଇତି ଶିଵସଂକଲ୍ପମଂତ୍ରାଃ ସମାପ୍ତାଃ ।
(ଶୈଵ-ଉପନିଷଦଃ)
ଇତି ଶିଵସଂକଲ୍ପୋପନିଷତ୍ ସମାପ୍ତ ।
********