[ଶ୍ଯାମଲା ଦଂଡକମ୍] ᐈ Shyamala Dandakam Lyrics In Oriya/Odia Pdf

Shyamala Dandakam Lyrics In Oriya/Odia

ଧ୍ଯାନମ୍
ମାଣିକ୍ଯଵୀଣାମୁପଲାଲଯଂତୀଂ ମଦାଲସାଂ ମଂଜୁଲଵାଗ୍ଵିଲାସାମ୍ ।
ମାହେଂଦ୍ରନୀଲଦ୍ଯୁତିକୋମଲାଂଗୀଂ ମାତଂଗକନ୍ଯାଂ ମନସା ସ୍ମରାମି ॥ 1 ॥

ଚତୁର୍ଭୁଜେ ଚଂଦ୍ରକଲାଵତଂସେ କୁଚୋନ୍ନତେ କୁଂକୁମରାଗଶୋଣେ ।
ପୁଂଡ୍ରେକ୍ଷୁପାଶାଂକୁଶପୁଷ୍ପବାଣହସ୍ତେ ନମସ୍ତେ ଜଗଦେକମାତଃ ॥ 2 ॥

ଵିନିଯୋଗଃ
ମାତା ମରକତଶ୍ଯାମା ମାତଂଗୀ ମଦଶାଲିନୀ ।
କୁର୍ଯାତ୍କଟାକ୍ଷଂ କଳ୍ଯାଣୀ କଦଂବଵନଵାସିନୀ ॥ 3 ॥

ସ୍ତୁତି
ଜଯ ମାତଂଗତନଯେ ଜଯ ନୀଲୋତ୍ପଲଦ୍ଯୁତେ ।
ଜଯ ସଂଗୀତରସିକେ ଜଯ ଲୀଲାଶୁକପ୍ରିଯେ ॥ 4 ॥

ଦଂଡକମ୍
ଜଯ ଜନନି ସୁଧାସମୁଦ୍ରାଂତରୁଦ୍ଯନ୍ମଣୀଦ୍ଵୀପସଂରୂଢ ବିଲ୍ଵାଟଵୀମଧ୍ଯକଲ୍ପଦ୍ରୁମାକଲ୍ପକାଦଂବକାଂତାରଵାସପ୍ରିଯେ କୃତ୍ତିଵାସପ୍ରିଯେ ସର୍ଵଲୋକପ୍ରିଯେ, ସାଦରାରବ୍ଧସଂଗୀତସଂଭାଵନାସଂଭ୍ରମାଲୋଲନୀପସ୍ରଗାବଦ୍ଧଚୂଲୀସନାଥତ୍ରିକେ ସାନୁମତ୍ପୁତ୍ରିକେ, ଶେଖରୀଭୂତଶୀତାଂଶୁରେଖାମଯୂଖାଵଲୀବଦ୍ଧସୁସ୍ନିଗ୍ଧନୀଲାଲକଶ୍ରେଣିଶୃଂଗାରିତେ ଲୋକସଂଭାଵିତେ କାମଲୀଲାଧନୁସ୍ସନ୍ନିଭଭ୍ରୂଲତାପୁଷ୍ପସଂଦୋହସଂଦେହକୃଲ୍ଲୋଚନେ ଵାକ୍ସୁଧାସେଚନେ ଚାରୁଗୋରୋଚନାପଂକକେଳୀଲଲାମାଭିରାମେ ସୁରାମେ ରମେ, ପ୍ରୋଲ୍ଲସଦ୍ଵାଲିକାମୌକ୍ତିକଶ୍ରେଣିକାଚଂଦ୍ରିକାମଂଡଲୋଦ୍ଭାସି ଲାଵଣ୍ଯଗଂଡସ୍ଥଲନ୍ଯସ୍ତକସ୍ତୂରିକାପତ୍ରରେଖାସମୁଦ୍ଭୂତ ସୌରଭ୍ଯସଂଭ୍ରାଂତଭୃଂଗାଂଗନାଗୀତସାଂଦ୍ରୀଭଵନ୍ମଂଦ୍ରତଂତ୍ରୀସ୍ଵରେ ସୁସ୍ଵରେ ଭାସ୍ଵରେ, ଵଲ୍ଲକୀଵାଦନପ୍ରକ୍ରିଯାଲୋଲତାଲୀଦଲାବଦ୍ଧ-ତାଟଂକଭୂଷାଵିଶେଷାନ୍ଵିତେ ସିଦ୍ଧସମ୍ମାନିତେ, ଦିଵ୍ଯହାଲାମଦୋଦ୍ଵେଲହେଲାଲସଚ୍ଚକ୍ଷୁରାଂଦୋଲନଶ୍ରୀସମାକ୍ଷିପ୍ତକର୍ଣୈକନୀଲୋତ୍ପଲେ ଶ୍ଯାମଲେ ପୂରିତାଶେଷଲୋକାଭିଵାଂଛାଫଲେ ଶ୍ରୀଫଲେ, ସ୍ଵେଦବିଂଦୂଲ୍ଲସଦ୍ଫାଲଲାଵଣ୍ଯ ନିଷ୍ଯଂଦସଂଦୋହସଂଦେହକୃନ୍ନାସିକାମୌକ୍ତିକେ ସର୍ଵଵିଶ୍ଵାତ୍ମିକେ ସର୍ଵସିଦ୍ଧ୍ଯାତ୍ମିକେ କାଲିକେ ମୁଗ୍ଧମଂଦସ୍ମିତୋଦାରଵକ୍ତ୍ରସ୍ଫୁରତ୍ ପୂଗତାଂବୂଲକର୍ପୂରଖଂଡୋତ୍କରେ ଜ୍ଞାନମୁଦ୍ରାକରେ ସର୍ଵସଂପତ୍କରେ ପଦ୍ମଭାସ୍ଵତ୍କରେ ଶ୍ରୀକରେ, କୁଂଦପୁଷ୍ପଦ୍ଯୁତିସ୍ନିଗ୍ଧଦଂତାଵଲୀନିର୍ମଲାଲୋଲକଲ୍ଲୋଲସମ୍ମେଲନ ସ୍ମେରଶୋଣାଧରେ ଚାରୁଵୀଣାଧରେ ପକ୍ଵବିଂବାଧରେ,

ସୁଲଲିତ ନଵଯୌଵନାରଂଭଚଂଦ୍ରୋଦଯୋଦ୍ଵେଲଲାଵଣ୍ଯଦୁଗ୍ଧାର୍ଣଵାଵିର୍ଭଵତ୍କଂବୁବିଂବୋକଭୃତ୍କଂଥରେ ସତ୍କଲାମଂଦିରେ ମଂଥରେ ଦିଵ୍ଯରତ୍ନପ୍ରଭାବଂଧୁରଚ୍ଛନ୍ନହାରାଦିଭୂଷାସମୁଦ୍ଯୋତମାନାନଵଦ୍ଯାଂଗଶୋଭେ ଶୁଭେ, ରତ୍ନକେଯୂରରଶ୍ମିଚ୍ଛଟାପଲ୍ଲଵପ୍ରୋଲ୍ଲସଦ୍ଦୋଲ୍ଲତାରାଜିତେ ଯୋଗିଭିଃ ପୂଜିତେ ଵିଶ୍ଵଦିଙ୍ମଂଡଲଵ୍ଯାପ୍ତମାଣିକ୍ଯତେଜସ୍ସ୍ଫୁରତ୍କଂକଣାଲଂକୃତେ ଵିଭ୍ରମାଲଂକୃତେ ସାଧୁଭିଃ ପୂଜିତେ ଵାସରାରଂଭଵେଲାସମୁଜ୍ଜୃଂଭ
ମାଣାରଵିଂଦପ୍ରତିଦ୍ଵଂଦ୍ଵିପାଣିଦ୍ଵଯେ ସଂତତୋଦ୍ଯଦ୍ଦଯେ ଅଦ୍ଵଯେ ଦିଵ୍ଯରତ୍ନୋର୍ମିକାଦୀଧିତିସ୍ତୋମ ସଂଧ୍ଯାଯମାନାଂଗୁଲୀପଲ୍ଲଵୋଦ୍ଯନ୍ନଖେଂଦୁପ୍ରଭାମଂଡଲେ ସନ୍ନୁତାଖଂଡଲେ ଚିତ୍ପ୍ରଭାମଂଡଲେ ପ୍ରୋଲ୍ଲସତ୍କୁଂଡଲେ,

ତାରକାରାଜିନୀକାଶହାରାଵଲିସ୍ମେର ଚାରୁସ୍ତନାଭୋଗଭାରାନମନ୍ମଧ୍ଯଵଲ୍ଲୀଵଲିଚ୍ଛେଦ ଵୀଚୀସମୁଦ୍ଯତ୍ସମୁଲ୍ଲାସସଂଦର୍ଶିତାକାରସୌଂଦର୍ଯରତ୍ନାକରେ ଵଲ୍ଲକୀଭୃତ୍କରେ କିଂକରଶ୍ରୀକରେ, ହେମକୁଂଭୋପମୋତ୍ତୁଂଗ ଵକ୍ଷୋଜଭାରାଵନମ୍ରେ ତ୍ରିଲୋକାଵନମ୍ରେ ଲସଦ୍ଵୃତ୍ତଗଂଭୀର ନାଭୀସରସ୍ତୀରଶୈଵାଲଶଂକାକରଶ୍ଯାମରୋମାଵଲୀଭୂଷଣେ ମଂଜୁସଂଭାଷଣେ, ଚାରୁଶିଂଚତ୍କଟୀସୂତ୍ରନିର୍ଭତ୍ସିତାନଂଗଲୀଲଧନୁଶ୍ଶିଂଚିନୀଡଂବରେ ଦିଵ୍ଯରତ୍ନାଂବରେ,

ପଦ୍ମରାଗୋଲ୍ଲସ ନ୍ମେଖଲାମୌକ୍ତିକଶ୍ରୋଣିଶୋଭାଜିତସ୍ଵର୍ଣଭୂଭୃତ୍ତଲେ ଚଂଦ୍ରିକାଶୀତଲେ ଵିକସିତନଵକିଂଶୁକାତାମ୍ରଦିଵ୍ଯାଂଶୁକଚ୍ଛନ୍ନ ଚାରୂରୁଶୋଭାପରାଭୂତସିଂଦୂରଶୋଣାଯମାନେଂଦ୍ରମାତଂଗ ହସ୍ତାର୍ଗଲେ ଵୈଭଵାନର୍ଗଲେ ଶ୍ଯାମଲେ କୋମଲସ୍ନିଗ୍ଧ ନୀଲୋତ୍ପଲୋତ୍ପାଦିତାନଂଗତୂଣୀରଶଂକାକରୋଦାର ଜଂଘାଲତେ ଚାରୁଲୀଲାଗତେ ନମ୍ରଦିକ୍ପାଲସୀମଂତିନୀ କୁଂତଲସ୍ନିଗ୍ଧନୀଲପ୍ରଭାପୁଂଚସଂଜାତଦୁର୍ଵାଂକୁରାଶଂକ ସାରଂଗସଂଯୋଗରିଂଖନ୍ନଖେଂଦୂଜ୍ଜ୍ଵଲେ ପ୍ରୋଜ୍ଜ୍ଵଲେ ନିର୍ମଲେ ପ୍ରହ୍ଵ ଦେଵେଶ ଲକ୍ଷ୍ମୀଶ ଭୂତେଶ ତୋଯେଶ ଵାଣୀଶ କୀନାଶ ଦୈତ୍ଯେଶ ଯକ୍ଷେଶ ଵାଯ୍ଵଗ୍ନିକୋଟୀରମାଣିକ୍ଯ ସଂହୃଷ୍ଟବାଲାତପୋଦ୍ଦାମ ଲାକ୍ଷାରସାରୁଣ୍ଯତାରୁଣ୍ଯ ଲକ୍ଷ୍ମୀଗୃହିତାଂଘ୍ରିପଦ୍ମେ ସୁପଦ୍ମେ ଉମେ,

ସୁରୁଚିରନଵରତ୍ନପୀଠସ୍ଥିତେ ସୁସ୍ଥିତେ ରତ୍ନପଦ୍ମାସନେ ରତ୍ନସିଂହାସନେ ଶଂଖପଦ୍ମଦ୍ଵଯୋପାଶ୍ରିତେ ଵିଶ୍ରୁତେ ତତ୍ର ଵିଘ୍ନେଶଦୁର୍ଗାଵଟୁକ୍ଷେତ୍ରପାଲୈର୍ଯୁତେ ମତ୍ତମାତଂଗ କନ୍ଯାସମୂହାନ୍ଵିତେ ଭୈରଵୈରଷ୍ଟଭିର୍ଵେଷ୍ଟିତେ ମଂଚୁଲାମେନକାଦ୍ଯଂଗନାମାନିତେ ଦେଵି ଵାମାଦିଭିଃ ଶକ୍ତିଭିସ୍ସେଵିତେ ଧାତ୍ରି ଲକ୍ଷ୍ମ୍ଯାଦିଶକ୍ତ୍ଯଷ୍ଟକୈଃ ସଂଯୁତେ ମାତୃକାମଂଡଲୈର୍ମଂଡିତେ ଯକ୍ଷଗଂଧର୍ଵସିଦ୍ଧାଂଗନା ମଂଡଲୈରର୍ଚିତେ, ଭୈରଵୀ ସଂଵୃତେ ପଂଚବାଣାତ୍ମିକେ ପଂଚବାଣେନ ରତ୍ଯା ଚ ସଂଭାଵିତେ ପ୍ରୀତିଭାଜା ଵସଂତେନ ଚାନଂଦିତେ ଭକ୍ତିଭାଜଂ ପରଂ ଶ୍ରେଯସେ କଲ୍ପସେ ଯୋଗିନାଂ ମାନସେ ଦ୍ଯୋତସେ ଛଂଦସାମୋଜସା ଭ୍ରାଜସେ ଗୀତଵିଦ୍ଯା ଵିନୋଦାତି ତୃଷ୍ଣେନ କୃଷ୍ଣେନ ସଂପୂଜ୍ଯସେ ଭକ୍ତିମଚ୍ଚେତସା ଵେଧସା ସ୍ତୂଯସେ ଵିଶ୍ଵହୃଦ୍ଯେନ ଵାଦ୍ଯେନ ଵିଦ୍ଯାଧରୈର୍ଗୀଯସେ, ଶ୍ରଵଣହରଦକ୍ଷିଣକ୍ଵାଣଯା ଵୀଣଯା କିନ୍ନରୈର୍ଗୀଯସେ ଯକ୍ଷଗଂଧର୍ଵସିଦ୍ଧାଂଗନା ମଂଡଲୈରର୍ଚ୍ଯସେ ସର୍ଵସୌଭାଗ୍ଯଵାଂଛାଵତୀଭିର୍ ଵଧୂଭିସ୍ସୁରାଣାଂ ସମାରାଧ୍ଯସେ ସର୍ଵଵିଦ୍ଯାଵିଶେଷତ୍ମକଂ ଚାଟୁଗାଥା ସମୁଚ୍ଚାରଣାକଂଠମୂଲୋଲ୍ଲସଦ୍ଵର୍ଣରାଜିତ୍ରଯଂ କୋମଲଶ୍ଯାମଲୋଦାରପକ୍ଷଦ୍ଵଯଂ ତୁଂଡଶୋଭାତିଦୂରୀଭଵତ୍ କିଂଶୁକଂ ତଂ ଶୁକଂ ଲାଲଯଂତୀ ପରିକ୍ରୀଡସେ,

ପାଣିପଦ୍ମଦ୍ଵଯେନାକ୍ଷମାଲାମପି ସ୍ଫାଟିକୀଂ ଜ୍ଞାନସାରାତ୍ମକଂ ପୁସ୍ତକଂଚଂକୁଶଂ ପାଶମାବିଭ୍ରତୀ ତେନ ସଂଚିଂତ୍ଯସେ ତସ୍ଯ ଵକ୍ତ୍ରାଂତରାତ୍ ଗଦ୍ଯପଦ୍ଯାତ୍ମିକା ଭାରତୀ ନିସ୍ସରେତ୍ ଯେନ ଵାଧ୍ଵଂସନାଦା କୃତିର୍ଭାଵ୍ଯସେ ତସ୍ଯ ଵଶ୍ଯା ଭଵଂତିସ୍ତିଯଃ ପୂରୁଷାଃ ଯେନ ଵା ଶାତକଂବଦ୍ଯୁତିର୍ଭାଵ୍ଯସେ ସୋପି ଲକ୍ଷ୍ମୀସହସ୍ରୈଃ ପରିକ୍ରୀଡତେ, କିନ୍ନ ସିଦ୍ଧ୍ଯେଦ୍ଵପୁଃ ଶ୍ଯାମଲଂ କୋମଲଂ ଚଂଦ୍ରଚୂଡାନ୍ଵିତଂ ତାଵକଂ ଧ୍ଯାଯତଃ ତସ୍ଯ ଲୀଲା ସରୋଵାରିଧୀଃ ତସ୍ଯ କେଲୀଵନଂ ନଂଦନଂ ତସ୍ଯ ଭଦ୍ରାସନଂ ଭୂତଲଂ ତସ୍ଯ ଗୀର୍ଦେଵତା କିଂକରି ତସ୍ଯ ଚାଜ୍ଞାକରୀ ଶ୍ରୀ ସ୍ଵଯଂ,

ସର୍ଵତୀର୍ଥାତ୍ମିକେ ସର୍ଵ ମଂତ୍ରାତ୍ମିକେ, ସର୍ଵ ଯଂତ୍ରାତ୍ମିକେ ସର୍ଵ ତଂତ୍ରାତ୍ମିକେ, ସର୍ଵ ଚକ୍ରାତ୍ମିକେ ସର୍ଵ ଶକ୍ତ୍ଯାତ୍ମିକେ, ସର୍ଵ ପୀଠାତ୍ମିକେ ସର୍ଵ ଵେଦାତ୍ମିକେ, ସର୍ଵ ଵିଦ୍ଯାତ୍ମିକେ ସର୍ଵ ଯୋଗାତ୍ମିକେ, ସର୍ଵ ଵର୍ଣାତ୍ମିକେ ସର୍ଵଗୀତାତ୍ମିକେ, ସର୍ଵ ନାଦାତ୍ମିକେ ସର୍ଵ ଶବ୍ଦାତ୍ମିକେ, ସର୍ଵ ଵିଶ୍ଵାତ୍ମିକେ ସର୍ଵ ଵର୍ଗାତ୍ମିକେ, ସର୍ଵ ସର୍ଵାତ୍ମିକେ ସର୍ଵଗେ ସର୍ଵ ରୂପେ, ଜଗନ୍ମାତୃକେ ପାହି ମାଂ ପାହି ମାଂ ପାହି ମାଂ ଦେଵି ତୁଭ୍ଯଂ ନମୋ ଦେଵି ତୁଭ୍ଯଂ ନମୋ ଦେଵି ତୁଭ୍ଯଂ ନମୋ ଦେଵି ତୁଭ୍ଯଂ ନମଃ ॥

********

Leave a Reply

Your email address will not be published. Required fields are marked *