Srimad Bhagavad Gita Chapter 15 Lyrics In Oriya/Odia
ଅଥ ପଂଚଦଶୋଽଧ୍ୟାୟଃ ।
ଶ୍ରୀଭଗଵାନୁଵାଚ ।
ଊର୍ଧ୍ଵମୂଲମଧଃଶାଖମଶ୍ଵତ୍ଥଂ ପ୍ରାହୁରଵ୍ୟୟମ୍ ।
ଛଂଦାଂସି ୟସ୍ୟ ପର୍ଣାନି ୟସ୍ତଂ ଵେଦ ସ ଵେଦଵିତ୍ ॥ 1 ॥
ଅଧଶ୍ଚୋର୍ଧ୍ଵଂ ପ୍ରସୃତାସ୍ତସ୍ୟ ଶାଖା ଗୁଣପ୍ରଵୃଦ୍ଧା ଵିଷୟପ୍ରଵାଲାଃ।
ଅଧଶ୍ଚ ମୂଲାନ୍ୟନୁସଂତତାନି କର୍ମାନୁବଂଧୀନି ମନୁଷ୍ୟଲୋକେ ॥ 2 ॥
ନ ରୂପମସ୍ୟେହ ତଥୋପଲଭ୍ୟତେ ନାଂତୋ ନ ଚାଦିର୍ନ ଚ ସଂପ୍ରତିଷ୍ଠା।
ଅଶ୍ଵତ୍ଥମେନଂ ସୁଵିରୂଢମୂଲମସଂଗଶସ୍ତ୍ରେଣ ଦୃଢେନ ଛିତ୍ତ୍ଵା ॥ 3 ॥
ତତଃ ପଦଂ ତତ୍ପରିମାର୍ଗିତଵ୍ୟଂ ୟସ୍ମିନ୍ଗତା ନ ନିଵର୍ତଂତି ଭୂୟଃ।
ତମେଵ ଚାଦ୍ୟଂ ପୁରୁଷଂ ପ୍ରପଦ୍ୟେ ୟତଃ ପ୍ରଵୃତ୍ତିଃ ପ୍ରସୃତା ପୁରାଣୀ ॥ 4 ॥
ନିର୍ମାନମୋହା ଜିତସଂଗଦୋଷା ଅଧ୍ୟାତ୍ମନିତ୍ୟା ଵିନିଵୃତ୍ତକାମାଃ।
ଦ୍ଵଂଦ୍ଵୈର୍ଵିମୁକ୍ତାଃ ସୁଖଦୁଃଖସଂଜ୍ଞୈର୍ଗଚ୍ଛଂତ୍ୟମୂଢାଃ ପଦମଵ୍ୟୟଂ ତତ୍ ॥ 5 ॥
ନ ତଦ୍ଭାସୟତେ ସୂର୍ୟୋ ନ ଶଶାଂକୋ ନ ପାଵକଃ ।
ୟଦ୍ଗତ୍ଵା ନ ନିଵର୍ତଂତେ ତଦ୍ଧାମ ପରମଂ ମମ ॥ 6 ॥
ମମୈଵାଂଶୋ ଜୀଵଲୋକେ ଜୀଵଭୂତଃ ସନାତନଃ ।
ମନଃଷଷ୍ଠାନୀଂଦ୍ରିୟାଣି ପ୍ରକୃତିସ୍ଥାନି କର୍ଷତି ॥ 7 ॥
ଶରୀରଂ ୟଦଵାପ୍ନୋତି ୟଚ୍ଚାପ୍ୟୁତ୍କ୍ରାମତୀଶ୍ଵରଃ ।
ଗୃହୀତ୍ଵୈତାନି ସଂୟାତି ଵାୟୁର୍ଗଂଧାନିଵାଶୟାତ୍ ॥ 8 ॥
ଶ୍ରୋତ୍ରଂ ଚକ୍ଷୁଃ ସ୍ପର୍ଶନଂ ଚ ରସନଂ ଘ୍ରାଣମେଵ ଚ ।
ଅଧିଷ୍ଠାୟ ମନଶ୍ଚାୟଂ ଵିଷୟାନୁପସେଵତେ ॥ 9 ॥
ଉତ୍କ୍ରାମଂତଂ ସ୍ଥିତଂ ଵାପି ଭୁଂଜାନଂ ଵା ଗୁଣାନ୍ଵିତମ୍ ।
ଵିମୂଢା ନାନୁପଶ୍ୟଂତି ପଶ୍ୟଂତି ଜ୍ଞାନଚକ୍ଷୁଷଃ ॥ 10 ॥
ୟତଂତୋ ୟୋଗିନଶ୍ଚୈନଂ ପଶ୍ୟଂତ୍ୟାତ୍ମନ୍ୟଵସ୍ଥିତମ୍ ।
ୟତଂତୋଽପ୍ୟକୃତାତ୍ମାନୋ ନୈନଂ ପଶ୍ୟଂତ୍ୟଚେତସଃ ॥ 11 ॥
ୟଦାଦିତ୍ୟଗତଂ ତେଜୋ ଜଗଦ୍ଭାସୟତେଽଖିଲମ୍ ।
ୟଚ୍ଚଂଦ୍ରମସି ୟଚ୍ଚାଗ୍ନୌ ତତ୍ତେଜୋ ଵିଦ୍ଧି ମାମକମ୍ ॥ 12 ॥
ଗାମାଵିଶ୍ୟ ଚ ଭୂତାନି ଧାରୟାମ୍ୟହମୋଜସା ।
ପୁଷ୍ଣାମି ଚୌଷଧୀଃ ସର୍ଵାଃ ସୋମୋ ଭୂତ୍ଵା ରସାତ୍ମକଃ ॥ 13 ॥
ଅହଂ ଵୈଶ୍ଵାନରୋ ଭୂତ୍ଵା ପ୍ରାଣିନାଂ ଦେହମାଶ୍ରିତଃ ।
ପ୍ରାଣାପାନସମାୟୁକ୍ତଃ ପଚାମ୍ୟନ୍ନଂ ଚତୁର୍ଵିଧମ୍ ॥ 14 ॥
ସର୍ଵସ୍ୟ ଚାହଂ ହୃଦି ସନ୍ନିଵିଷ୍ଟୋ ମତ୍ତଃ ସ୍ମୃତିର୍ଜ୍ଞାନମପୋହନଂ ଚ।
ଵେଦୈଶ୍ଚ ସର୍ଵୈରହମେଵ ଵେଦ୍ୟୋ ଵେଦାଂତକୃଦ୍ଵେଦଵିଦେଵ ଚାହମ୍ ॥ 15 ॥
ଦ୍ଵାଵିମୌ ପୁରୁଷୌ ଲୋକେ କ୍ଷରଶ୍ଚାକ୍ଷର ଏଵ ଚ ।
କ୍ଷରଃ ସର୍ଵାଣି ଭୂତାନି କୂଟସ୍ଥୋଽକ୍ଷର ଉଚ୍ୟତେ ॥ 16 ॥
ଉତ୍ତମଃ ପୁରୁଷସ୍ତ୍ଵନ୍ୟଃ ପରମାତ୍ମେତ୍ୟୁଧାହୃତଃ ।
ୟୋ ଲୋକତ୍ରୟମାଵିଶ୍ୟ ବିଭର୍ତ୍ୟଵ୍ୟୟ ଈଶ୍ଵରଃ ॥ 17 ॥
ୟସ୍ମାତ୍କ୍ଷରମତୀତୋଽହମକ୍ଷରାଦପି ଚୋତ୍ତମଃ ।
ଅତୋଽସ୍ମି ଲୋକେ ଵେଦେ ଚ ପ୍ରଥିତଃ ପୁରୁଷୋତ୍ତମଃ ॥ 18 ॥
ୟୋ ମାମେଵମସଂମୂଢୋ ଜାନାତି ପୁରୁଷୋତ୍ତମମ୍ ।
ସ ସର୍ଵଵିଦ୍ଭଜତି ମାଂ ସର୍ଵଭାଵେନ ଭାରତ ॥ 19 ॥
ଇତି ଗୁହ୍ୟତମଂ ଶାସ୍ତ୍ରମିଦମୁକ୍ତଂ ମୟାନଘ ।
ଏତଦ୍ବୁଦ୍ଧ୍ଵା ବୁଦ୍ଧିମାନ୍ସ୍ୟାତ୍କୃତକୃତ୍ୟଶ୍ଚ ଭାରତ ॥ 20 ॥
ଓଂ ତତ୍ସଦିତି ଶ୍ରୀମଦ୍ଭଗଵଦ୍ଗୀତାସୂପନିଷତ୍ସୁ ବ୍ରହ୍ମଵିଦ୍ୟାୟାଂ ୟୋଗଶାସ୍ତ୍ରେ ଶ୍ରୀକୃଷ୍ଣାର୍ଜୁନସଂଵାଦେ
ପୁରୁଷୋତ୍ତମୟୋଗୋ ନାମ ପଂଚଦଶୋଽଧ୍ୟାୟଃ ॥15 ॥
********