Vishnu Suktam Stotram Oriya/Odia Lyrics
ଓଂ ଵିଷ୍ଣୋ॒ର୍ନୁକଂ॑ ଵୀ॒ର୍ଯା॑ଣି॒ ପ୍ରଵୋ॑ଚଂ॒ ଯଃ ପାର୍ଥି॑ଵାନି ଵିମ॒ମେ ରାଜାଗ୍-ମ୍॑ସି॒ ଯୋ ଅସ୍କ॑ଭାଯ॒ଦୁତ୍ତ॑ରଗ୍-ମ୍ ସ॒ଧସ୍ଥଂ॑ ଵିଚକ୍ରମା॒ଣସ୍ତ୍ରେ॒ଧୋରୁ॑ଗା॒ଯୋ ଵିଷ୍ଣୋ॑ର॒ରାଟ॑ମସି॒ ଵିଷ୍ଣୋଃ᳚ ପୃ॒ଷ୍ଠମ॑ସି॒ ଵିଷ୍ଣୋଃ॒ ଶ୍ନପ୍ତ୍ରେ᳚ସ୍ଥୋ॒ ଵିଷ୍ଣୋ॒ସ୍ସ୍ଯୂର॑ସି॒ ଵିଷ୍ଣୋ᳚ର୍ଧ୍ରୁ॒ଵମ॑ସି ଵୈଷ୍ଣ॒ଵମ॑ସି॒ ଵିଷ୍ଣ॑ଵେ ତ୍ଵା ॥
ତଦ॑ସ୍ଯ ପ୍ରି॒ଯମ॒ଭିପାଥୋ॑ ଅଶ୍ଯାମ୍ । ନରୋ ଯତ୍ର॑ ଦେଵ॒ଯଵୋ॒ ମଦ॑ଂତି । ଉ॒ରୁ॒କ୍ର॒ମସ୍ଯ॒ ସ ହି ବଂଧୁ॑ରି॒ତ୍ଥା । ଵିଷ୍ଣୋ᳚ ପ॒ଦେ ପ॑ର॒ମେ ମଧ୍ଵ॒ ଉଥ୍ସଃ॑ । ପ୍ରତଦ୍ଵିଷ୍ଣୁ॑ସ୍ସ୍ତଵତେ ଵୀ॒ର୍ଯା॑ଯ । ମୃ॒ଗୋ ନ ଭୀ॒ମଃ କୁ॑ଚ॒ରୋ ଗି॑ରି॒ଷ୍ଠାଃ । ଯସ୍ଯୋ॒ରୁଷୁ॑ ତ୍ରି॒ଷୁ ଵି॒କ୍ରମ॑ଣେଷୁ । ଅଧି॑କ୍ଷ॒ଯଂତି॒ ଭୁଵ॑ନାନି॒ ଵିଶ୍ଵା᳚ । ପ॒ରୋ ମାତ୍ର॑ଯା ତ॒ନୁଵା॑ ଵୃଧାନ । ନ ତେ॑ ମହି॒ତ୍ଵମନ୍ଵ॑ଶ୍ନୁଵଂତି ॥
ଉ॒ଭେ ତେ॑ ଵିଦ୍ମା॒ ରଜ॑ସୀ ପୃଥି॒ଵ୍ଯା ଵିଷ୍ଣୋ॑ ଦେଵ॒ତ୍ଵମ୍ । ପ॒ର॒ମସ୍ଯ॑ ଵିଥ୍ସେ । ଵିଚ॑କ୍ରମେ ପୃଥି॒ଵୀମେ॒ଷ ଏ॒ତାମ୍ । କ୍ଷେତ୍ରା॑ଯ॒ ଵିଷ୍ଣୁ॒ର୍ମନୁ॑ଷେ ଦଶ॒ସ୍ଯନ୍ । ଧ୍ରୁ॒ଵାସୋ॑ ଅସ୍ଯ କୀ॒ରଯୋ॒ ଜନା॑ସଃ । ଊ॒ରୁ॒କ୍ଷି॒ତିଗ୍-ମ୍ ସୁ॒ଜନି॑ମାଚକାର । ତ୍ରିର୍ଦେ॒ଵଃ ପୃ॑ଥି॒ଵୀମେ॒ଷ ଏ॒ତାମ୍ । ଵିଚ॑କ୍ରମେ ଶ॒ତର୍ଚ॑ସଂ ମହି॒ତ୍ଵା । ପ୍ରଵିଷ୍ଣୁ॑ରସ୍ତୁ ତ॒ଵସ॒ସ୍ତଵୀ॑ଯାନ୍ । ତ୍ଵେ॒ଷଗ୍ଗ୍ ହ୍ଯ॑ସ୍ଯ॒ ସ୍ଥଵି॑ରସ୍ଯ॒ ନାମ॑ ॥
ଅତୋ॑ ଦେ॒ଵା ଅ॑ଵଂତୁ ନୋ॒ ଯତୋ॒ ଵିଷ୍ଣୁ॑ର୍ଵିଚକ୍ର॒ମେ । ପୃ॒ଥି॒ଵ୍ଯାଃ ସ॒ପ୍ତଧାମ॑ଭିଃ । ଇ॒ଦଂ ଵିଷ୍ଣୁ॒ର୍ଵିଚ॑କ୍ର॒ମେ ତ୍ରେ॒ଧା ନିଦ॑ଧେ ପ॒ଦମ୍ । ସମୂ॑ଢମସ୍ଯ ପାଗ୍-ମ୍ ସୁ॒ରେ ॥ ତ୍ରୀଣି॑ ପ॒ଦା ଵିଚ॑କ୍ରମେ॒ ଵିଷ୍ଣୁ॑ର୍ଗୋ॒ପା ଅଦା᳚ଭ୍ଯଃ । ତତୋ॒ ଧର୍ମା॑ଣି ଧା॒ରଯନ୍॑ । ଵିଷ୍ଣୋଃ॒ କର୍ମା॑ଣି ପଶ୍ଯତ॒ ଯତୋ᳚ ଵ୍ର॒ତାନି॑ ପସ୍ପୃ॒ଶେ । ଇଂଦ୍ର॑ସ୍ଯ॒ ଯୁଜ୍ଯଃ॒ ସଖା᳚ ॥
ତଦ୍ଵିଷ୍ଣୋଃ᳚ ପର॒ମଂ ପ॒ଦଗ୍-ମ୍ ସଦା॑ ପଶ୍ଯଂତି ସୂ॒ରଯଃ॑ । ଦି॒ଵୀଵ॒ ଚକ୍ଷୁ॒ରାତ॑ତମ୍ । ତଦ୍ଵିପ୍ରା॑ସୋ ଵିପ॒ନ୍ଯଵୋ॑ ଜାଗୃ॒ଵାଗ୍-ମ୍ ସ॒ସ୍ସମି॑ଂଧତେ । ଵିଷ୍ଣୋ॒ର୍ଯତ୍ପ॑ର॒ମଂ ପ॒ଦମ୍ । ପର୍ଯା᳚ପ୍ତ୍ଯା॒ ଅନ॑ଂତରାଯାଯ॒ ସର୍ଵ॑ସ୍ତୋମୋଽତି ରା॒ତ୍ର ଉ॑ତ୍ତ॒ମ ମହ॑ର୍ଭଵତି ସର୍ଵ॒ସ୍ଯାପ୍ତ୍ଯୈ॒ ସର୍ଵ॑ସ୍ଯ॒ ଜିତ୍ତ୍ଯୈ॒ ସର୍ଵ॑ମେ॒ଵ ତେନା᳚ପ୍ନୋତି॒ ସର୍ଵଂ॑ ଜଯତି ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
********