Ishopanishad Lyrics In Bengali
ওং পূর্ণ॒মদঃ॒ পূর্ণ॒মিদং॒ পূর্ণা॒ত্পূর্ণ॒মুদ॒চ্যতে ।
পূর্ণ॒স্য পূর্ণ॒মাদা॒য পূর্ণ॒মেবাবশি॒ষ্যতে ॥
ওং শাংতিঃ॒ শাংতিঃ॒ শাংতিঃ॑ ॥
ওং ঈ॒শা বা॒স্য॑মি॒দগ্-ম্ সর্বং॒ যত্কিংচ॒ জগ॑ত্বাং॒ জগ॑ত্ ।
তেন॑ ত্য॒ক্তেন॑ ভুংজীথা॒ মা গৃ॑ধঃ॒ কস্য॑স্বি॒দ্ধনম্᳚ ॥ 1 ॥
কু॒র্বন্নে॒বেহ কর্মা᳚ণি জিজীবি॒ষেচ্চ॒তগ্-ম্ সমাঃ᳚ ।
এ॒বং ত্বযি॒ নান্যথে॒তো᳚ঽস্তি॒ ন কর্ম॑ লিপ্যতে॑ নরে᳚ ॥ 2 ॥
অ॒সু॒র্যা॒ নাম॒ তে লো॒কা অং॒ধেন॒ তম॒সাঽঽবৃ॑তাঃ ।
তাগ্-ম্স্তে প্রেত্যা॒ভিগ॑চ্ছংতি॒ যে কে চা᳚ত্ম॒হনো॒ জনাঃ᳚ ॥ 3 ॥
অনে᳚জ॒দেকং॒ মন॑সো॒ জবী᳚যো॒ নৈন॑দ্দে॒বা আ᳚প্নুব॒ন্পূর্ব॒মর্ষ॑ত্ ।
তদ্ধাব॑তো॒ঽন্যানত্যে᳚তি॒ তিষ্ঠ॒ত্তস্মিন্᳚ন॒পো মা᳚ত॒রিশ্বা᳚ দধাতি ॥ 4 ॥
তদে᳚জতি॒ তন্নেজ॑তি॒ তদ্দূ॒রে তদ্বং॑তি॒কে ।
তদং॒তর॑স্য॒ সর্ব॑স্য॒ তদু॒ সর্ব॑স্যাস্য বাহ্য॒তঃ ॥ 5 ॥
যস্তু সর্বা᳚ণি ভূ॒তান্যা॒ত্মন্যে॒বানু॒পশ্য॑তি ।
স॒র্ব॒ভূ॒তেষু॑ চা॒ত্মানং॒ ততো॒ ন বিহু॑গুপ্সতে ॥ 6 ॥
যস্মি॒ন্সর্বা᳚ণি ভূ॒তান্যা॒ত্মৈবাভূ᳚দ্বিজান॒তঃ ।
তত্র॒ কো মোহঃ॒ কঃ শোকঃ॑ এক॒ত্বম॑নু॒পশ্য॑তঃ ॥ 7 ॥
স পর্য॑গাচ্চু॒ক্রম॑কা॒যম॑প্রণ॒ম॑স্নাবি॒রগ্-ম্ শু॒দ্ধমপা᳚পবিদ্ধম্ ।
ক॒বির্ম॑নী॒ষী প॑রি॒ভূঃ স্ব॑যং॒ভূ-র্যা᳚থাতথ্য॒তোঽর্থা॒ন্
ব্য॑দধাচ্ছাশ্ব॒তীভ্যঃ॒ সমা᳚ভ্যঃ ॥ 8 ॥
অং॒ধং তমঃ॒ প্রবি॑শংতি॒ যেঽবি॑দ্যামু॒পাস॑তে ।
ততো॒ ভূয॑ ইব॒ তে তমো॒ য উ॑ বি॒দ্যাযা᳚গ্-ম্ র॒তাঃ ॥ 9 ॥
অ॒ন্যদে॒বাযুরি॒দ্যযা॒ঽন্যদা᳚হু॒রবি॑দ্যযা ।
ইতি॑ শুশুম॒ ধীরা᳚ণাং॒ যে ন॒স্তদ্বি॑চচক্ষি॒রে ॥ 10 ॥
বি॒দ্যাং চাবি॑দ্যাং চ॒ যস্তদ্বেদো॒ভয॑গ্-ম্ স॒হ ।
অবি॑দ্যযা মৃ॒ত্যুং তী॒র্ত্বা বি॒দ্যযাঽমৃত॑মশ্নুতে ॥ 11 ॥
অং॒ধং তমঃ॒ প্রবি॑শংতি॒ যেঽসম্᳚ভূতিমু॒পাস॑তে ।
ততো॒ ভূয॑ ইব॒ তে তমো॒ য উ॒ সংভূ᳚ত্যাগ্-ম্ র॒তাঃ ॥ 12 ॥
অ॒ন্যদে॒বাহুঃ সম্᳚ভ॒বাদ॒ন্যদা᳚হু॒রসম্᳚ভবাত্ ।
ইতি॑ শুশ্রুম॒ ধীরা᳚ণাং॒ যে ন॒স্তদ্বি॑চচক্ষি॒রে ॥ 13 ॥
সংভূ᳚তিং চ বিণা॒শং চ॒ যস্তদ্বেদো॒ভয॑গ্-ম্ স॒হ ।
বি॒না॒শেন॑ মৃ॒ত্যুং তী॒র্ত্বা সংভূ᳚ত্যা॒ঽমৃত॑মশ্নুতে ॥ 14 ॥
হি॒র॒ণ্মযে᳚ন॒ পাত্রে᳚ণ স॒ত্যস্যাপি॑হিতং॒ মুখম্᳚ ।
তত্বং পূ᳚ষ॒ন্নপাবৃ॑ণু স॒ত্যধ᳚র্মায দৃ॒ষ্টযে᳚ ॥ 15 ॥
পূষ॑ন্নেকর্ষে যম সূর্য॒ প্রাজা᳚পত্য॒ ব্যূ᳚হ র॒শ্মীন্
সমূ᳚হ॒ তেজো॒ যত্তে᳚ রূ॒পং কল্যা᳚ণতমং॒ তত্তে᳚ পশ্যামি ।
যো॒ঽসাব॒সৌ পুরু॑ষঃ॒ সো॒ঽহম॑স্মি ॥ 16 ॥
বা॒যুরনি॑লম॒মৃত॒মথেদং ভস্মা᳚ংত॒গ্-ম্॒ শরী॑রম্ ।
ওং 3 ক্রতো॒ স্মর॑ কৃ॒তগ্-ম্ স্ম॑র॒ ক্রতো॒ স্মর॑ কৃ॒তগ্-ম্ স্ম॑র ॥ 17 ॥
অগ্নে॒ নয॑ সু॒পথা᳚ রা॒যে অ॒স্মান্ বিশ্বা॑নি দেব ব॒যনা॑নি বি॒দ্বান্ ।
যু॒যো॒ধ্য॒স্মজ্জু॑হুরা॒ণমেনো॒ ভূযি॑ষ্টাং তে॒ নম॑উক্তিং বিধেম ॥ 18 ॥
ওং পূর্ণ॒মদঃ॒ পূর্ণ॒মিদং॒ পূর্ণা॒ত্পূর্ণ॒মুদ॒চ্যতে ।
পূর্ণ॒স্য পূর্ণ॒মাদা॒য পূর্ণ॒মেবাবশি॒ষ্যতে ॥
ওং শাংতিঃ॒ শাংতিঃ॒ শাংতিঃ॑ ॥
********