Nirvana Dasakam Lyrics In Oriya/Odia
ନ ଭୂମିର୍ନ ତୋୟଂ ନ ତେଜୋ ନ ଵାୟୁଃ
ନ ଖଂ ନେଂଦ୍ରିୟଂ ଵା ନ ତେଷାଂ ସମୂହଃ
ଅନେକାଂତିକତ୍ଵାତ୍ସୁଷୁପ୍ତ୍ୟେକସିଦ୍ଧଃ
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 1 ॥
ନ ଵର୍ଣା ନ ଵର୍ଣାଶ୍ରମାଚାରଧର୍ମା
ନ ମେ ଧାରଣାଧ୍ୟାନୟୋଗାଦୟୋପି
ଅନାତ୍ମାଶ୍ରୟାହଂ ମମାଧ୍ୟାସହାନା-
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 2 ॥
ନ ମାତା ପିତା ଵା ନ ଦେଵା ନ ଲୋକା
ନ ଵେଦା ନ ୟଜ୍ଞା ନ ତୀର୍ଥ ବ୍ରୁଵଂତି
ସୁଷୁପ୍ତୌ ନିରସ୍ତାତିଶୂନ୍ୟାତ୍ମକତ୍ଵା-
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 3 ॥
ନ ସାଂଖ୍ୟଂ ନ ଶୈଵଂ ନ ତତ୍ପାଂଚରାତ୍ରଂ
ନ ଜୈନଂ ନ ମୀମାଂସକାଦେର୍ମତଂ ଵା
ଵିଶିଷ୍ଟାନୁଭୂତ୍ୟା ଵିଶୁଦ୍ଧାତ୍ମକତ୍ଵା-
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 4 ॥
ନ ଚୋର୍ଧ୍ଵଂ ନ ଚାଧୋ ନ ଚାଂତର୍ନ ବାହ୍ୟଂ
ନ ମଧ୍ୟଂ ନ ତିର୍ୟନ୍ନ ପୂର୍ଵାଽପରା ଦିକ୍
ଵିୟଦ୍ଵ୍ୟାପକତ୍ଵାଦଖଂଡୈକରୂପଃ
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 5 ॥
ନ ଶୁକ୍ଲଂ ନ କୃଷ୍ଣଂ ନ ରକ୍ତଂ ନ ପୀତଂ
ନ କୁବ୍ଜଂ ନ ପୀନଂ ନ ହ୍ରସ୍ଵଂ ନ ଦୀର୍ଘଂ
ଅରୂପଂ ତଥା ଜ୍ୟୋତିରାକାରକତ୍ଵା-
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 6 ॥
ନ ଶାସ୍ତା ନ ଶାସ୍ତ୍ରଂ ନ ଶିଷ୍ୟୋ ନ ଶିକ୍ଷା
ନ ଚ ତ୍ଵଂ ନ ଚାହଂ ନ ଚାୟଂ ପ୍ରପଂଚଃ
ସ୍ଵରୂପାଵବୋଧୀ ଵିକଲ୍ପାସହିଷ୍ଣୁଃ
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 7 ॥
ନ ଜାଗ୍ରନ୍ନ ମେ ସ୍ଵପ୍ନକୋ ଵା ସୁଷୁପ୍ତିଃ
ନ ଵିଶ୍ଵୋ ନ ଵା ତୈଜସଃ ପାଜ୍ଞକୋ ଵା
ଅଵିଦ୍ୟାତ୍ମକତ୍ଵାତ୍ତ୍ରୟାଣଂ ତୁରୀୟଃ
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 8 ॥
ଅପି ଵ୍ୟାପକତ୍ଵାଦ୍ଧିତତ୍ଵପ୍ରୟୋଗା-
ତ୍ସ୍ଵତଃ ସିଦ୍ଧଭାଵାଦନନ୍ୟାଶ୍ରୟତ୍ଵାତ୍
ଜଗତ୍ତୁଚ୍ଛମେତତ୍ସମସ୍ତଂ ତଦନ୍ୟ-
ତଦେକୋଽଵଶିଷ୍ଟଃ ଶିଵଃ କେଵଲୋଽହମ୍ ॥ 9 ॥
ନ ଚୈକଂ ତଦନ୍ୟଦ୍ଦ୍ଵିତୀୟଂ କୁତଃ ସ୍ୟାତ୍
ନ କେଵଲତ୍ଵଂ ନ ଚାକେଵଲତ୍ଵଂ
ନ ଶୂନ୍ୟଂ ନ ଚାଶୂନ୍ୟମଦ୍ଵୈତକତ୍ଵା-
କଥଂ ସର୍ଵଵେଦାଂତସିଦ୍ଧିଂ ବ୍ରଵୀମି ॥ 10 ॥
********