Bruhaspati/Guru Kavacham Lyrics In Malayalam
അസ്യ ശ്രീബൃഹസ്പതി കവചമഹാ മംത്രസ്യ, ഈശ്വര ഋഷിഃ,
അനുഷ്ടുപ് ഛംദഃ, ബൃഹസ്പതിര്ദേവതാ,
ഗം ബീജം, ശ്രീം ശക്തിഃ, ക്ലീം കീലകമ്,
ബൃഹസ്പതി പ്രസാദ സിദ്ധ്യര്ഥേ ജപേ വിനിയോഗഃ ॥
ധ്യാനമ്
അഭീഷ്ടഫലദം വംദേ സര്വജ്ഞം സുരപൂജിതമ് ।
അക്ഷമാലാധരം ശാംതം പ്രണമാമി ബൃഹസ്പതിമ് ॥
അഥ ബൃഹസ്പതി കവചമ്
ബൃഹസ്പതിഃ ശിരഃ പാതു ലലാടം പാതു മേ ഗുരുഃ ।
കര്ണൌ സുരഗുരുഃ പാതു നേത്രേ മേഭീഷ്ടദായകഃ ॥ 1 ॥
ജിഹ്വാം പാതു സുരാചാര്യഃ നാസം മേ വേദപാരഗഃ ।
മുഖം മേ പാതു സര്വജ്ഞഃ കംഠം മേ ദേവതാഗുരുഃ ॥ 2 ॥
ഭുജാ വംഗീരസഃ പാതു കരൌ പാതു ശുഭപ്രദഃ ।
സ്തനൌ മേ പാതു വാഗീശഃ കുക്ഷിം മേ ശുഭലക്ഷണഃ ॥ 3 ॥
നാഭിം ദേവഗുരുഃ പാതു മധ്യം പാതു സുഖപ്രദഃ ।
കടിം പാതു ജഗദ്വംദ്യഃ ഊരൂ മേ പാതു വാക്പതിഃ ॥ 4 ॥
ജാനുജംഘേ സുരാചാര്യഃ പാദൌ വിശ്വാത്മകഃ സദാ ।
അന്യാനി യാനി ചാംഗാനി രക്ഷേന്മേ സര്വതോ ഗുരുഃ ॥ 5 ॥
ഫലശൃതിഃ
ഇത്യേതത്കവചം ദിവ്യം ത്രിസംധ്യം യഃ പഠേന്നരഃ ।
സര്വാന് കാമാനവാപ്നോതി സര്വത്ര വിജയീ ഭവേത് ॥
॥ ഇതി ശ്രീ ബൃഹസ്പതി കവചമ് ॥
********