[ବୃହସ୍ପତି କଵଚମ୍] ᐈ Brihaspati/Guru Kavacham Lyrics In Oriya/Odia Pdf

Bruhaspati/Guru Kavacham Lyrics In Oriya/Odia

ଅସ୍ଯ ଶ୍ରୀବୃହସ୍ପତି କଵଚମହା ମଂତ୍ରସ୍ଯ, ଈଶ୍ଵର ଋଷିଃ,
ଅନୁଷ୍ଟୁପ୍ ଛଂଦଃ, ବୃହସ୍ପତିର୍ଦେଵତା,
ଗଂ ବୀଜଂ, ଶ୍ରୀଂ ଶକ୍ତିଃ, କ୍ଲୀଂ କୀଲକମ୍,
ବୃହସ୍ପତି ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ ॥

ଧ୍ଯାନମ୍
ଅଭୀଷ୍ଟଫଲଦଂ ଵଂଦେ ସର୍ଵଜ୍ଞଂ ସୁରପୂଜିତମ୍ ।
ଅକ୍ଷମାଲାଧରଂ ଶାଂତଂ ପ୍ରଣମାମି ବୃହସ୍ପତିମ୍ ॥

ଅଥ ବୃହସ୍ପତି କଵଚମ୍
ବୃହସ୍ପତିଃ ଶିରଃ ପାତୁ ଲଲାଟଂ ପାତୁ ମେ ଗୁରୁଃ ।
କର୍ଣୌ ସୁରଗୁରୁଃ ପାତୁ ନେତ୍ରେ ମେଭୀଷ୍ଟଦାଯକଃ ॥ 1 ॥

ଜିହ୍ଵାଂ ପାତୁ ସୁରାଚାର୍ଯଃ ନାସଂ ମେ ଵେଦପାରଗଃ ।
ମୁଖଂ ମେ ପାତୁ ସର୍ଵଜ୍ଞଃ କଂଠଂ ମେ ଦେଵତାଗୁରୁଃ ॥ 2 ॥

ଭୁଜା ଵଂଗୀରସଃ ପାତୁ କରୌ ପାତୁ ଶୁଭପ୍ରଦଃ ।
ସ୍ତନୌ ମେ ପାତୁ ଵାଗୀଶଃ କୁକ୍ଷିଂ ମେ ଶୁଭଲକ୍ଷଣଃ ॥ 3 ॥

ନାଭିଂ ଦେଵଗୁରୁଃ ପାତୁ ମଧ୍ଯଂ ପାତୁ ସୁଖପ୍ରଦଃ ।
କଟିଂ ପାତୁ ଜଗଦ୍ଵଂଦ୍ଯଃ ଊରୂ ମେ ପାତୁ ଵାକ୍ପତିଃ ॥ 4 ॥

ଜାନୁଜଂଘେ ସୁରାଚାର୍ଯଃ ପାଦୌ ଵିଶ୍ଵାତ୍ମକଃ ସଦା ।
ଅନ୍ଯାନି ଯାନି ଚାଂଗାନି ରକ୍ଷେନ୍ମେ ସର୍ଵତୋ ଗୁରୁଃ ॥ 5 ॥

ଫଲଶୃତିଃ
ଇତ୍ଯେତତ୍କଵଚଂ ଦିଵ୍ଯଂ ତ୍ରିସଂଧ୍ଯଂ ଯଃ ପଠେନ୍ନରଃ ।
ସର୍ଵାନ୍ କାମାନଵାପ୍ନୋତି ସର୍ଵତ୍ର ଵିଜଯୀ ଭଵେତ୍ ॥

॥ ଇତି ଶ୍ରୀ ବୃହସ୍ପତି କଵଚମ୍ ॥

********

Leave a Comment