Chanakya Neeti Chapter 3 Lyrics In Bengali
কস্য দোষঃ কুলে নাস্তি ব্যাধিনা কো ন পীডিতঃ ।
ব্যসনং কেন ন প্রাপ্তং কস্য সৌখ্যং নিরংতরম্ ॥ 01 ॥
আচারঃ কুলমাখ্যাতি দেশমাখ্যাতি ভাষণম্ ।
সংভ্রমঃ স্নেহমাখ্যাতি বপুরাখ্যাতি ভোজনম্ ॥ 02 ॥
সুকুলে যোজযেত্কন্যাং পুত্রং বিদ্যাসু যোজযেত্ ।
ব্যসনে যোজযেচ্ছত্রুং মিত্রং ধর্মেণ যোজযেত্ ॥ 03 ॥
দুর্জনস্য চ সর্পস্য বরং সর্পো ন দুর্জনঃ ।
সর্পো দংশতি কালে তু দুর্জনস্তু পদে পদে ॥ 04 ॥
এতদর্থে কুলীনানাং নৃপাঃ কুর্বংতি সংগ্রহম্ ।
আদিমধ্যাবসানেষু ন তে গচ্ছংতি বিক্রিযাম্ ॥ 05 ॥
প্রলযে ভিন্নমর্যাদা ভবংতি কিল সাগরাঃ ।
সাগরা ভেদমিচ্ছংতি প্রলযেঽপি ন সাধবঃ ॥ 06 ॥
মূর্খস্তু প্রহর্তব্যঃ প্রত্যক্ষো দ্বিপদঃ পশুঃ ।
ভিদ্যতে বাক্য-শল্যেন অদৃশং কংটকং যথা ॥ 07 ॥
রূপযৌবনসংপন্না বিশালকুলসংভবাঃ ।
বিদ্যাহীনা ন শোভংতে নির্গংধাঃ কিংশুকা যথা ॥ 08 ॥
কোকিলানাং স্বরো রূপং স্ত্রীণাং রূপং পতিব্রতম্ ।
বিদ্যা রূপং কুরূপাণাং ক্ষমা রূপং তপস্বিনাম্ ॥ 09 ॥
ত্যজেদেকং কুলস্যার্থে গ্রামস্যার্থে কুলং ত্যজেত্ ।
গ্রামং জনপদস্যার্থে আত্মার্থে পৃথিবীং ত্যজেত্ ॥ 10 ॥
উদ্যোগে নাস্তি দারিদ্র্যং জপতো নাস্তি পাতকম্ ।
মৌনেন কলহো নাস্তি নাস্তি জাগরিতে ভযম্ ॥ 11 ॥
অতিরূপেণ বা সীতা অতিগর্বেণ রাবণঃ ।
অতিদানাদ্বলির্বদ্ধো হ্যতিসর্বত্র বর্জযেত্ ॥ 12 ॥
কো হি ভারঃ সমর্থানাং কিং দূরং ব্যবসাযিনাম্ ।
কো বিদেশঃ সুবিদ্যানাং কঃ পরঃ প্রিযবাদিনাম্ ॥ 13 ॥
একেনাপি সুবৃক্ষেণ পুষ্পিতেন সুগংধিনা ।
বাসিতং তদ্বনং সর্বং সুপুত্রেণ কুলং যথা ॥ 14 ॥
একেন শুষ্কবৃক্ষেণ দহ্যমানেন বহ্নিনা ।
দহ্যতে তদ্বনং সর্বং কুপুত্রেণ কুলং যথা ॥ 15 ॥
একেনাপি সুপুত্রেণ বিদ্যাযুক্তেন সাধুনা ।
আহ্লাদিতং কুলং সর্বং যথা চংদ্রেণ শর্বরী ॥ 16 ॥
কিং জাতৈর্বহুভিঃ পুত্রৈঃ শোকসংতাপকারকৈঃ ।
বরমেকঃ কুলালংবী যত্র বিশ্রাম্যতে কুলম্ ॥ 17 ॥
লালযেত্পংচবর্ষাণি দশবর্ষাণি তাডযেত্ ।
প্রাপ্তে তু ষোডশে বর্ষে পুত্রে মিত্রবদাচরেত্ ॥ 18 ॥
উপসর্গেঽন্যচক্রে চ দুর্ভিক্ষে চ ভযাবহে ।
অসাধুজনসংপর্কে যঃ পলাযেত্স জীবতি ॥ 19 ॥
ধর্মার্থকামমোক্ষাণাং যস্যৈকোঽপি ন বিদ্যতে ।
অজাগলস্তনস্যেব তস্য জন্ম নিরর্থকম্ ॥ 20 ॥
মূর্খা যত্র ন পূজ্যংতে ধান্যং যত্র সুসংচিতম্ ।
দাংপত্যে কলহো নাস্তি তত্র শ্রীঃ স্বযমাগতা ॥ 21 ॥
********