Chanakya Neeti Chapter 4 Lyrics In Bengali
আযুঃ কর্ম চ বিত্তং চ বিদ্যা নিধনমেব চ ।
পংচৈতানি হি সৃজ্যংতে গর্ভস্থস্যৈব দেহিনঃ ॥ 01 ॥
সাধুভ্যস্তে নিবর্তংতে পুত্রমিত্রাণি বাংধবাঃ ।
যে চ তৈঃ সহ গংতারস্তদ্ধর্মাত্সুকৃতং কুলম্ ॥ 02 ॥
দর্শনধ্যানসংস্পর্শৈর্মত্সী কূর্মী চ পক্ষিণী ।
শিশুং পালযতে নিত্যং তথা সজ্জন-সংগতিঃ ॥ 03 ॥
যাবত্স্বস্থো হ্যযং দেহো যাবন্মৃত্যুশ্চ দূরতঃ ।
তাবদাত্মহিতং কুর্যাত্প্রাণাংতে কিং করিষ্যতি ॥ 04 ॥
কামধেনুগুণা বিদ্যা হ্যকালে ফলদাযিনী ।
প্রবাসে মাতৃসদৃশী বিদ্যা গুপ্তং ধনং স্মৃতম্ ॥ 05 ॥
একোঽপি গুণবান্পুত্রো নির্গুণেন শতেন কিম্ ।
একশ্চংদ্রস্তমো হংতি ন চ তারাঃ সহস্রশঃ ॥ 06 ॥
মূর্খশ্চিরাযুর্জাতোঽপি তস্মাজ্জাতমৃতো বরঃ ।
মৃতঃ স চাল্পদুঃখায যাবজ্জীবং জডো দহেত্ ॥ 07 ॥
কুগ্রামবাসঃ কুলহীনসেবা
কুভোজনং ক্রোধমুখী চ ভার্যা ।
পুত্রশ্চ মূর্খো বিধবা চ কন্যা
বিনাগ্নিনা ষট্প্রদহংতি কাযম্ ॥ 08 ॥
কিং তযা ক্রিযতে ধেন্বা যা ন দোগ্ধ্রী ন গর্ভিণী ।
কোঽর্থঃ পুত্রেণ জাতেন যো ন বিদ্বান্ ন ভক্তিমান্ ॥ 09 ॥
সংসারতাপদগ্ধানাং ত্রযো বিশ্রাংতিহেতবঃ ।
অপত্যং চ কলত্রং চ সতাং সংগতিরেব চ ॥ 10 ॥
সকৃজ্জল্পংতি রাজানঃ সকৃজ্জল্পংতি পংডিতাঃ ।
সকৃত্কন্যাঃ প্রদীযংতে ত্রীণ্যেতানি সকৃত্সকৃত্ ॥ 11 ॥
একাকিনা তপো দ্বাভ্যাং পঠনং গাযনং ত্রিভিঃ ।
চতুর্ভির্গমনং ক্ষেত্রং পংচভির্বহুভী রণঃ ॥ 12 ॥
সা ভার্যা যা শুচির্দক্ষা সা ভার্যা যা পতিব্রতা ।
সা ভার্যা যা পতিপ্রীতা সা ভার্যা সত্যবাদিনী ॥ 13 ॥
অপুত্রস্য গৃহং শূন্যং দিশঃ শূন্যাস্ত্ববাংধবাঃ ।
মূর্খস্য হৃদযং শূন্যং সর্বশূন্যা দরিদ্রতা ॥ 14 ॥
অনভ্যাসে বিষং শাস্ত্রমজীর্ণে ভোজনং বিষম্ ।
দরিদ্রস্য বিষং গোষ্ঠী বৃদ্ধস্য তরুণী বিষম্ ॥ 15 ॥
ত্যজেদ্ধর্মং দযাহীনং বিদ্যাহীনং গুরুং ত্যজেত্ ।
ত্যজেত্ক্রোধমুখীং ভার্যাং নিঃস্নেহান্বাংধবাংস্ত্যজেত্ ॥ 16 ॥
অধ্বা জরা দেহবতাং পর্বতানাং জলং জরা ।
অমৈথুনং জরা স্ত্রীণাং বস্ত্রাণামাতপো জরা ॥ 17 ॥
কঃ কালঃ কানি মিত্রাণি কো দেশঃ কৌ ব্যযাগমৌ ।
কশ্চাহং কা চ মে শক্তিরিতি চিংত্যং মুহুর্মুহুঃ ॥ 18 ॥
অগ্নির্দেবো দ্বিজাতীনাং মুনীনাং হৃদি দৈবতম্ ।
প্রতিমা স্বল্পবুদ্ধীনাং সর্বত্র সমদর্শিনঃ ॥ 19 ॥
********