Chanakya Neeti Chapter 8 Lyrics In Bengali
অধমা ধনমিচ্ছংতি ধনমানৌ চ মধ্যমাঃ ।
উত্তমা মানমিচ্ছংতি মানো হি মহতাং ধনম্ ॥ 01 ॥
ইক্ষুরাপঃ পযো মূলং তাংবূলং ফলমৌষধম্ ।
ভক্ষযিত্বাপি কর্তব্যাঃ স্নানদানাদিকাঃ ক্রিযাঃ ॥ 02 ॥
দীপো ভক্ষযতে ধ্বাংতং কজ্জলং চ প্রসূযতে ।
যদন্নং ভক্ষযতে নিত্যং জাযতে তাদৃশী প্রজা ॥ 03 ॥
বিত্তং দেহি গুণান্বিতেষু মতিমন্নান্যত্র দেহি ক্বচিত্
প্রাপ্তং বারিনিধের্জলং ঘনমুখে মাধুর্যযুক্তং সদা ।
জীবান্স্থাবরজংগমাংশ্চ সকলান্সংজীব্য ভূমংডলং
ভূযঃ পশ্য তদেব কোটিগুণিতং গচ্ছংতমংভোনিধিম্ ॥ 04 ॥
চাংডালানাং সহস্রৈশ্চ সূরিভিস্তত্ত্বদর্শিভিঃ ।
একো হি যবনঃ প্রোক্তো ন নীচো যবনাত্পরঃ ॥ 05 ॥
তৈলাভ্যংগে চিতাধূমে মৈথুনে ক্ষৌরকর্মণি ।
তাবদ্ভবতি চাংডালো যাবত্স্নানং ন চাচরেত্ ॥ 06 ॥
অজীর্ণে ভেষজং বারি জীর্ণে বারি বলপ্রদম্ ।
ভোজনে চামৃতং বারি ভোজনাংতে বিষাপহম্ ॥ 07 ॥
হতং জ্ঞানং ক্রিযাহীনং হতশ্চাজ্ঞানতো নরঃ ।
হতং নির্ণাযকং সৈন্যং স্ত্রিযো নষ্টা হ্যভর্তৃকাঃ ॥ 08 ॥
বৃদ্ধকালে মৃতা ভার্যা বংধুহস্তগতং ধনম্ ।
ভোজনং চ পরাধীনং তিস্রঃ পুংসাং বিডংবনাঃ ॥ 09 ॥
নাগ্নিহোত্রং বিনা বেদা ন চ দানং বিনা ক্রিযা ।
ন ভাবেন বিনা সিদ্ধিস্তস্মাদ্ভাবো হি কারণম্ ॥ 10 ॥
ন দেবো বিদ্যতে কাষ্ঠে ন পাষাণে ন মৃণ্মযে ।
ন ভাবেন বিনা সিদ্ধিস্তস্মাদ্ভাবো হি কারণম্ ॥ 11 ॥
কাষ্ঠপাষাণধাতূনাং কৃত্বা ভাবেন সেবনম্ ।
শ্রদ্ধযা চ তথা সিদ্ধিস্তস্য বিষ্ণুপ্রসাদতঃ ॥ 12 ॥
ন দেবো বিদ্যতে কাষ্ঠে ন পাষাণে ন মৃন্মযে ।
ভাবে হি বিদ্যতে দেবস্তস্মাদ্ভাবো হি কারণম্ ॥ 13 ॥
শাংতিতুল্যং তপো নাস্তি ন সংতোষাত্পরং সুখম্ ।
অপত্যং চ কলত্রং চ সতাং সংগতিরেব চ ॥ 14 ॥
গুণো ভূষযতে রূপং শীলং ভূষযতে কুলম্ ।
প্রাসাদশিখরস্থোঽপি কাকঃ কিং গরুডাযতে ॥ 15 ॥
নির্গুণস্য হতং রূপং দুঃশীলস্য হতং কুলম্ ।
অসিদ্ধস্য হতা বিদ্যা হ্যভোগেন হতং ধনম্ ॥ 16 ॥
শুদ্ধং ভূমিগতং তোযং শুদ্ধা নারী পতিব্রতা ।
শুচিঃ ক্ষেমকরো রাজা সংতোষো ব্রাহ্মণঃ শুচিঃ ॥ 17 ॥
অসংতুষ্টা দ্বিজা নষ্টাঃ সংতুষ্টাশ্চ মহীভৃতঃ ।
সলজ্জা গণিকা নষ্টা নির্লজ্জাশ্চ কুলাংগনা ॥ 18 ॥
কিং কুলেন বিশালেন বিদ্যাহীনেন দেহিনাম্ ।
দুষ্কুলং চাপি বিদুষো দেবৈরপি স পূজ্যতে ॥ 19 ॥
বিদ্বান্প্রশস্যতে লোকে বিদ্বান্ সর্বত্র পূজ্যতে ।
বিদ্যযা লভতে সর্বং বিদ্যা সর্বত্র পূজ্যতে ॥ 20 ॥
মাংসভক্ষ্যৈঃ সুরাপানৈর্মুখৈশ্চাক্ষরবর্জিতৈঃ ।
পশুভিঃ পুরুষাকারৈর্ভারাক্রাংতা হি মেদিনী ॥ 21 ॥
অন্নহীনো দহেদ্রাষ্ট্রং মংত্রহীনশ্চ ঋত্বিজঃ ।
যজমানং দানহীনো নাস্তি যজ্ঞসমো রিপুঃ ॥ 22 ॥
********