[চাণক্য নীতি] ᐈ (Chapter 9) Chanakya Neeti Lyrics In Bengali Pdf

Chanakya Neeti Chapter 9 Lyrics In Bengali

মুক্তিমিচ্ছসি চেত্তাত বিষযান্বিষবত্ত্যজ ।
ক্ষমার্জবদযাশৌচং সত্যং পীযূষবত্পিব ॥ 01 ॥

পরস্পরস্য মর্মাণি যে ভাষংতে নরাধমাঃ ।
ত এব বিলযং যাংতি বল্মীকোদরসর্পবত্ ॥ 02 ॥

গংধঃ সুবর্ণে ফলমিক্ষুদংডে
নাকরি পুষ্পং খলু চংদনস্য ।
বিদ্বাংধনাঢ্যশ্চ নৃপশ্চিরাযুঃ
ধাতুঃ পুরা কোঽপি ন বুদ্ধিদোঽভূত্ ॥ 03 ॥

সর্বৌষধীনামমৃতা প্রধানা
সর্বেষু সৌখ্যেষ্বশনং প্রধানম্ ।
সর্বেংদ্রিযাণাং নযনং প্রধানং
সর্বেষু গাত্রেষু শিরঃ প্রধানম্ ॥ 04 ॥

দূতো ন সংচরতি খে ন চলেচ্চ বার্তা
পূর্বং ন জল্পিতমিদং ন চ সংগমোঽস্তি ।
ব্যোম্নি স্থিতং রবিশাশিগ্রহণং প্রশস্তং
জানাতি যো দ্বিজবরঃ স কথং ন বিদ্বান্ ॥ 05 ॥

বিদ্যার্থী সেবকঃ পাংথঃ ক্ষুধার্তো ভযকাতরঃ ।
ভাংডারী প্রতিহারী চ সপ্ত সুপ্তান্প্রবোধযেত্ ॥ 06 ॥

অহিং নৃপং চ শার্দূলং বৃদ্ধং চ বালকং তথা ।
পরশ্বানং চ মূর্খং চ সপ্ত সুপ্তান্ন বোধযেত্ ॥ 07 ॥

অর্ধাধীতাশ্চ যৈর্বেদাস্তথা শূদ্রান্নভোজনাঃ ।
তে দ্বিজাঃ কিং করিষ্যংতি নির্বিষা ইব পন্নগাঃ ॥ 08 ॥

যস্মিন্রুষ্টে ভযং নাস্তি তুষ্টে নৈব ধনাগমঃ ।
নিগ্রহোঽনুগ্রহো নাস্তি স রুষ্টঃ কিং করিষ্যতি ॥ 09 ॥

নির্বিষেণাপি সর্পেণ কর্তব্যা মহতী ফণা ।
বিষমস্তু ন চাপ্যস্তু ঘটাটোপো ভযংকরঃ ॥ 10 ॥

প্রাতর্দ্যূতপ্রসংগেন মধ্যাহ্নে স্ত্রীপ্রসংগতঃ ।
রাত্রৌ চৌরপ্রসংগেন কালো গচ্ছংতি ধীমতাম্ ॥ 11 ॥

স্বহস্তগ্রথিতা মালা স্বহস্তঘৃষ্টচংদনম্ ।
স্বহস্তলিখিতং স্তোত্রং শক্রস্যাপি শ্রিযং হরেত্ ॥ 12 ॥

ইক্ষুদংডাস্তিলাঃ শূদ্রাঃ কাংতা হেম চ মেদিনী ।
চংদনং দধি তাংবূলং মর্দনং গুণবর্ধনম্ ॥ 13 ॥

দহ্যমানাঃ সুতীব্রেণ নীচাঃ পরযশোঽগ্নিনা
অশক্তাস্তত্পদং গংতুং ততো নিংদাং প্রকুর্বতে ।
দরিদ্রতা ধীরতযা বিরাজতেকুবস্ত্রতা শুভ্রতযা বিরাজতে
কদন্নতা চোষ্ণতযা বিরাজতে কুরূপতা শীলতযা বিরাজতে ॥ 14 ॥

********

Leave a Comment