Govindashtakam Stotram Oriya/Odia Lyrics
ସତ୍ଯଂ ଜ୍ଞାନମନଂତଂ ନିତ୍ଯମନାକାଶଂ ପରମାକାଶମ୍ ।
ଗୋଷ୍ଠପ୍ରାଂଗଣରିଂଖଣଲୋଲମନାଯାସଂ ପରମାଯାସମ୍ ।
ମାଯାକଲ୍ପିତନାନାକାରମନାକାରଂ ଭୁଵନାକାରମ୍ ।
କ୍ଷ୍ମାମାନାଥମନାଥଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 1 ॥
ମୃତ୍ସ୍ନାମତ୍ସୀହେତି ଯଶୋଦାତାଡନଶୈଶଵ ସଂତ୍ରାସମ୍ ।
ଵ୍ଯାଦିତଵକ୍ତ୍ରାଲୋକିତଲୋକାଲୋକଚତୁର୍ଦଶଲୋକାଲିମ୍ ।
ଲୋକତ୍ରଯପୁରମୂଲସ୍ତଂଭଂ ଲୋକାଲୋକମନାଲୋକମ୍ ।
ଲୋକେଶଂ ପରମେଶଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 2 ॥
ତ୍ରୈଵିଷ୍ଟପରିପୁଵୀରଘ୍ନଂ କ୍ଷିତିଭାରଘ୍ନଂ ଭଵରୋଗଘ୍ନମ୍ ।
କୈଵଲ୍ଯଂ ନଵନୀତାହାରମନାହାରଂ ଭୁଵନାହାରମ୍ ।
ଵୈମଲ୍ଯସ୍ଫୁଟଚେତୋଵୃତ୍ତିଵିଶେଷାଭାସମନାଭାସମ୍ ।
ଶୈଵଂ କେଵଲଶାଂତଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 3 ॥
ଗୋପାଲଂ ପ୍ରଭୁଲୀଲାଵିଗ୍ରହଗୋପାଲଂ କୁଲଗୋପାଲମ୍ ।
ଗୋପୀଖେଲନଗୋଵର୍ଧନଧୃତିଲୀଲାଲାଲିତଗୋପାଲମ୍ ।
ଗୋଭିର୍ନିଗଦିତ ଗୋଵିଂଦସ୍ଫୁଟନାମାନଂ ବହୁନାମାନମ୍ ।
ଗୋପୀଗୋଚରଦୂରଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 4 ॥
ଗୋପୀମଂଡଲଗୋଷ୍ଠୀଭେଦଂ ଭେଦାଵସ୍ଥମଭେଦାଭମ୍ ।
ଶଶ୍ଵଦ୍ଗୋଖୁରନିର୍ଧୂତୋଦ୍ଗତ ଧୂଳୀଧୂସରସୌଭାଗ୍ଯମ୍ ।
ଶ୍ରଦ୍ଧାଭକ୍ତିଗୃହୀତାନଂଦମଚିଂତ୍ଯଂ ଚିଂତିତସଦ୍ଭାଵମ୍ ।
ଚିଂତାମଣିମହିମାନଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 5 ॥
ସ୍ନାନଵ୍ଯାକୁଲଯୋଷିଦ୍ଵସ୍ତ୍ରମୁପାଦାଯାଗମୁପାରୂଢମ୍ ।
ଵ୍ଯାଦିତ୍ସଂତୀରଥ ଦିଗ୍ଵସ୍ତ୍ରା ଦାତୁମୁପାକର୍ଷଂତଂ ତାଃ
ନିର୍ଧୂତଦ୍ଵଯଶୋକଵିମୋହଂ ବୁଦ୍ଧଂ ବୁଦ୍ଧେରଂତସ୍ଥମ୍ ।
ସତ୍ତାମାତ୍ରଶରୀରଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 6 ॥
କାଂତଂ କାରଣକାରଣମାଦିମନାଦିଂ କାଲଧନାଭାସମ୍ ।
କାଳିଂଦୀଗତକାଲିଯଶିରସି ସୁନୃତ୍ଯଂତମ୍ ମୁହୁରତ୍ଯଂତଂ ।
କାଲଂ କାଲକଲାତୀତଂ କଲିତାଶେଷଂ କଲିଦୋଷଘ୍ନମ୍ ।
କାଲତ୍ରଯଗତିହେତୁଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 7 ॥
ବୃଂଦାଵନଭୁଵି ବୃଂଦାରକଗଣବୃଂଦାରାଧିତଵଂଦେହଂ ।
କୁଂଦାଭାମଲମଂଦସ୍ମେରସୁଧାନଂଦଂ ସୁହୃଦାନଂଦଂ ।
ଵଂଦ୍ଯାଶେଷ ମହାମୁନି ମାନସ ଵଂଦ୍ଯାନଂଦପଦଦ୍ଵଂଦ୍ଵମ୍ ।
ଵଂଦ୍ଯାଶେଷଗୁଣାବ୍ଧିଂ ପ୍ରଣମତ ଗୋଵିଂଦଂ ପରମାନଂଦମ୍ ॥ 8 ॥
ଗୋଵିଂଦାଷ୍ଟକମେତଦଧୀତେ ଗୋଵିଂଦାର୍ପିତଚେତା ଯଃ ।
ଗୋଵିଂଦାଚ୍ଯୁତ ମାଧଵ ଵିଷ୍ଣୋ ଗୋକୁଲନାଯକ କୃଷ୍ଣେତି ।
ଗୋଵିଂଦାଂଘ୍ରି ସରୋଜଧ୍ଯାନସୁଧାଜଲଧୌତସମସ୍ତାଘଃ ।
ଗୋଵିଂଦଂ ପରମାନଂଦାମୃତମଂତସ୍ଥଂ ସ ତମଭ୍ଯେତି ॥
ଇତି ଶ୍ରୀ ଶଂକରାଚାର୍ଯ ଵିରଚିତ ଶ୍ରୀଗୋଵିଂଦାଷ୍ଟକଂ ସମାପ୍ତଂ
********