Nakshatra Suktam Bengali Lyrics
তৈত্তিরীয ব্রহ্মণম্ । অষ্টকম্ – 3 প্রশ্নঃ – 1
তৈত্তিরীয সংহিতাঃ । কাংড 3 প্রপাঠকঃ – 5 অনুবাকম্ – 1
ওং ॥ অ॒গ্নির্নঃ॑ পাতু॒ কৃত্তি॑কাঃ । নক্ষ॑ত্রং দে॒বমিং॑দ্রি॒যম্ । ই॒দমা॑সাং বিচক্ষ॒ণম্ । হ॒বিরা॒সং জু॑হোতন । যস্য॒ ভাংতি॑ র॒শ্মযো॒ যস্য॑ কে॒তবঃ॑ । যস্যে॒মা বিশ্বা॒ ভুব॑নানি॒ সর্বা᳚ । স কৃত্তি॑কাভির॒ভিসং॒বসা॑নঃ । অ॒গ্নির্নো॑ দে॒বস্সু॑বি॒তে দ॑ধাতু ॥ 1 ॥
প্র॒জাপ॑তে রোহি॒ণীবে॑তু॒ পত্নী᳚ । বি॒শ্বরূ॑পা বৃহ॒তী চি॒ত্রভা॑নুঃ । সা নো॑ য॒জ্ঞস্য॑ সুবি॒তে দ॑ধাতু । যথা॒ জীবে॑ম শ॒রদ॒স্সবী॑রাঃ । রো॒হি॒ণী দে॒ব্যুদ॑গাত্পু॒রস্তা᳚ত্ । বিশ্বা॑ রূ॒পাণি॑ প্রতি॒মোদ॑মানা । প্র॒জাপ॑তিগ্-ম্ হ॒বিষা॑ ব॒র্ধযং॑তী । প্রি॒যা দে॒বানা॒মুপ॑যাতু য॒জ্ঞম্ ॥ 2 ॥
সোমো॒ রাজা॑ মৃগশী॒র্॒ষেণ॒ আগন্ন্॑ । শি॒বং নক্ষ॑ত্রং প্রি॒যম॑স্য॒ ধাম॑ । আ॒প্যায॑মানো বহু॒ধা জনে॑ষু । রেতঃ॑ প্র॒জাং যজ॑মানে দধাতু । যত্তে॒ নক্ষ॑ত্রং মৃগশী॒র্॒ষমস্তি॑ । প্রি॒যগ্-ম্ রা॑জন্ প্রি॒যত॑মং প্রি॒যাণা᳚ম্ । তস্মৈ॑ তে সোম হ॒বিষা॑ বিধেম । শন্ন॑ এধি দ্বি॒পদে॒ শং চতু॑ষ্পদে ॥ 3 ॥
আ॒র্দ্রযা॑ রু॒দ্রঃ প্রথ॑মা ন এতি । শ্রেষ্ঠো॑ দে॒বানাং॒ পতি॑রঘ্নি॒যানা᳚ম্ । নক্ষ॑ত্রমস্য হ॒বিষা॑ বিধেম । মা নঃ॑ প্র॒জাগ্-ম্ রী॑রিষ॒ন্মোত বী॒রান্ । হে॒তি রু॒দ্রস্য॒ পরি॑ণো বৃণক্তু । আ॒র্দ্রা নক্ষ॑ত্রং জুষতাগ্-ম্ হ॒বির্নঃ॑ । প্র॒মুং॒চমা॑নৌ দুরি॒তানি॒ বিশ্বা᳚ । অপা॒ঘশগ্-ম্॑ সন্নুদতা॒মরা॑তিম্ । ॥ 4॥
পুন॑র্নো দে॒ব্যদি॑তিস্পৃণোতু । পুন॑র্বসূনঃ॒ পুন॒রেতাং᳚ য॒জ্ঞম্ । পুন॑র্নো দে॒বা অ॒ভিযং॑তু॒ সর্বে᳚ । পুনঃ॑ পুনর্বো হ॒বিষা॑ যজামঃ । এ॒বা ন দে॒ব্যদি॑তিরন॒র্বা । বিশ্ব॑স্য ভ॒র্ত্রী জগ॑তঃ প্রতি॒ষ্ঠা । পুন॑র্বসূ হ॒বিষা॑ ব॒র্ধযং॑তী । প্রি॒যং দে॒বানা॒-মপ্যে॑তু॒ পাথঃ॑ ॥ 5॥
বৃহ॒স্পতিঃ॑ প্রথ॒মং জায॑মানঃ । তি॒ষ্যং॑ নক্ষ॑ত্রম॒ভি সংব॑ভূব । শ্রেষ্ঠো॑ দে॒বানাং॒ পৃত॑নাসুজি॒ষ্ণুঃ । দি॒শোঽনু॒ সর্বা॒ অভ॑যন্নো অস্তু । তি॒ষ্যঃ॑ পু॒রস্তা॑দু॒ত ম॑ধ্য॒তো নঃ॑ । বৃহ॒স্পতি॑র্নঃ॒ পরি॑পাতু প॒শ্চাত্ । বাধে॑তাং॒দ্বেষো॒ অভ॑যং কৃণুতাম্ । সু॒বীর্য॑স্য॒ পত॑যস্যাম ॥ 6 ॥
ই॒দগ্-ম্ স॒র্পেভ্যো॑ হ॒বির॑স্তু॒ জুষ্টম্᳚ । আ॒শ্রে॒ষা যেষা॑মনু॒যংতি॒ চেতঃ॑ । যে অং॒তরি॑ক্ষং পৃথি॒বীং ক্ষি॒যংতি॑ । তে ন॑স্স॒র্পাসো॒ হব॒মাগ॑মিষ্ঠাঃ । যে রো॑চ॒নে সূর্য॒স্যাপি॑ স॒র্পাঃ । যে দিবং॑ দে॒বীমনু॑সং॒চরং॑তি । যেষা॑মশ্রে॒ষা অ॑নু॒যংতি॒ কামম্᳚ । তেভ্য॑স্স॒র্পেভ্যো॒ মধু॑মজ্জুহোমি ॥ 7 ॥
উপ॑হূতাঃ পি॒তরো॒ যে ম॒ঘাসু॑ । মনো॑জবসস্সু॒কৃত॑স্সুকৃ॒ত্যাঃ । তে নো॒ নক্ষ॑ত্রে॒ হব॒মাগ॑মিষ্ঠাঃ । স্ব॒ধাভি॑র্য॒জ্ঞং প্রয॑তং জুষংতাম্ । যে অ॑গ্নিদ॒গ্ধা যেঽন॑গ্নিদগ্ধাঃ । যে॑ঽমুল্লো॒কং পি॒তরঃ॑ ক্ষি॒যংতি॑ । যাগ্-শ্চ॑ বি॒দ্মযাগ্-ম্ উ॑ চ॒ ন প্র॑বি॒দ্ম । ম॒ঘাসু॑ য॒জ্ঞগ্-ম্ সুকৃ॑তং জুষংতাম্ ॥ 8॥
গবাং॒ পতিঃ॒ ফল্গু॑নীনামসি॒ ত্বম্ । তদ॑র্যমন্ বরুণমিত্র॒ চারু॑ । তং ত্বা॑ ব॒যগ্-ম্ স॑নি॒তারগ্-ম্॑ সনী॒নাম্ । জী॒বা জীব॑ংত॒মুপ॒ সংবি॑শেম । যেনে॒মা বিশ্বা॒ ভুব॑নানি॒ সংজি॑তা । যস্য॑ দে॒বা অ॑নুসং॒যংতি॒ চেতঃ॑ । অ॒র্য॒মা রাজা॒ঽজর॒স্তু বি॑ষ্মান্ । ফল্গু॑নীনামৃষ॒ভো রো॑রবীতি ॥ 9 ॥
শ্রেষ্ঠো॑ দে॒বানাং᳚ ভগবো ভগাসি । তত্ত্বা॑ বিদুঃ॒ ফল্গু॑নী॒স্তস্য॑ বিত্তাত্ । অ॒স্মভ্যং॑ ক্ষ॒ত্রম॒জরগ্-ম্॑ সু॒বীর্যম্᳚ । গোম॒দশ্ব॑ব॒দুপ॒সন্নু॑দে॒হ । ভগো॑হ দা॒তা ভগ ইত্প্র॑দা॒তা । ভগো॑ দে॒বীঃ ফল্গু॑নী॒রাবি॑বেশ । ভগ॒স্যেত্তং প্র॑স॒বং গ॑মেম । যত্র॑ দে॒বৈস্স॑ধ॒মাদং॑ মদেম । ॥ 10 ॥
আযা॒তু দে॒বস্স॑বি॒তোপ॑যাতু । হি॒র॒ণ্যযে॑ন সু॒বৃতা॒ রথে॑ন । বহ॒ন্॒, হস্তগ্-ম্॑ সুভগ্-ম্॑ বিদ্ম॒নাপ॑সম্ । প্রযচ্ছং॑তং॒ পপু॑রিং॒ পুণ্য॒মচ্ছ॑ । হস্তঃ॒ প্রয॑চ্ছ ত্ব॒মৃতং॒ বসী॑যঃ । দক্ষি॑ণেন॒ প্রতি॑গৃভ্ণীম এনত্ । দা॒তার॑ম॒দ্য স॑বি॒তা বি॑দেয । যো নো॒ হস্তা॑য প্রসু॒বাতি॑ য॒জ্ঞম্ ॥11 ॥
ত্বষ্টা॒ নক্ষ॑ত্রম॒ভ্যে॑তি চি॒ত্রাম্ । সু॒ভগ্-ম্ স॑সংযুব॒তিগ্-ম্ রাচ॑মানাম্ । নি॒বে॒শয॑ন্ন॒মৃতা॒ন্মর্ত্যাগ্॑শ্চ । রূ॒পাণি॑ পি॒গ্-ম্॒শন্ ভুব॑নানি॒ বিশ্বা᳚ । তন্ন॒স্ত্বষ্টা॒ তদু॑ চি॒ত্রা বিচ॑ষ্টাম্ । তন্নক্ষ॑ত্রং ভূরি॒দা অ॑স্তু॒ মহ্যম্᳚ । তন্নঃ॑ প্র॒জাং বী॒রব॑তীগ্-ম্ সনোতু । গোভি॑র্নো॒ অশ্বৈ॒স্সম॑নক্তু যজ্ঞম্ ॥ 12 ॥
বা॒যুর্নক্ষ॑ত্রম॒ভ্যে॑তি॒ নিষ্ট্যা᳚ম্ । তি॒গ্মশৃং॑গো বৃষ॒ভো রোরু॑বাণঃ । স॒মী॒রয॒ন্ ভুব॑না মাত॒রিশ্বা᳚ । অপ॒ দ্বেষাগ্-ম্॑সি নুদতা॒মরা॑তীঃ । তন্নো॑ বা॒যস্তদু॒ নিষ্ট্যা॑ শৃণোতু । তন্নক্ষ॑ত্রং ভূরি॒দা অ॑স্তু॒ মহ্যম্᳚ । তন্নো॑ দে॒বাসো॒ অনু॑জানংতু॒ কামম্᳚ । যথা॒ তরে॑ম দুরি॒তানি॒ বিশ্বা᳚ ॥ 13 ॥
দূ॒রম॒স্মচ্ছত্র॑বো যংতু ভী॒তাঃ । তদিং॑দ্রা॒গ্নী কৃ॑ণুতাং॒ তদ্বিশা॑খে । তন্নো॑ দে॒বা অনু॑মদংতু য॒জ্ঞম্ । প॒শ্চাত্ পু॒রস্তা॒দভ॑যন্নো অস্তু । নক্ষ॑ত্রাণা॒মধি॑পত্নী॒ বিশা॑খে । শ্রেষ্ঠা॑বিংদ্রা॒গ্নী ভুব॑নস্য গো॒পৌ । বিষূ॑চ॒শ্শত্রূ॑নপ॒বাধ॑মানৌ । অপ॒ক্ষুধ॑ন্নুদতা॒মরা॑তিম্ । ॥ 14 ॥
পূ॒র্ণা প॒শ্চাদু॒ত পূ॒র্ণা পু॒রস্তা᳚ত্ । উন্ম॑ধ্য॒তঃ পৌ᳚র্ণমা॒সী জি॑গায । তস্যাং᳚ দে॒বা অধি॑সং॒বসং॑তঃ । উ॒ত্ত॒মে নাক॑ ই॒হ মা॑দযংতাম্ । পৃ॒থ্বী সু॒বর্চা॑ যুব॒তিঃ স॒জোষাঃ᳚ । পৌ॒র্ণ॒মা॒স্যুদ॑গা॒চ্ছোভ॑মানা । আ॒প্যা॒যযং॑তী দুরি॒তানি॒ বিশ্বা᳚ । উ॒রুং দুহাং॒ যজ॑মানায য॒জ্ঞম্ ।
ঋ॒দ্ধ্যাস্ম॑ হ॒ব্যৈর্নম॑সোপ॒সদ্য॑ । মি॒ত্রং দে॒বং মি॑ত্র॒ধেযং॑ নো অস্তু । অ॒নূ॒রা॒ধান্, হ॒বিষা॑ ব॒র্ধযং॑তঃ । শ॒তং জী॑বেম॒ শ॒রদঃ॒ সবী॑রাঃ । চি॒ত্রং নক্ষ॑ত্র॒মুদ॑গাত্পু॒রস্তা᳚ত্ । অ॒নূ॒রা॒ধা স॒ ইতি॒ যদ্বদ॑ংতি । তন্মি॒ত্র এ॑তি প॒থিভি॑র্দেব॒যানৈঃ᳚ । হি॒র॒ণ্যযৈ॒র্বিত॑তৈরং॒তরি॑ক্ষে ॥ 16 ॥
ইংদ্রো᳚ জ্যে॒ষ্ঠামনু॒ নক্ষ॑ত্রমেতি । যস্মি॑ন্ বৃ॒ত্রং বৃ॑ত্র॒ তূর্যে॑ ত॒তার॑ । তস্মি॑ন্ব॒য-ম॒মৃতং॒ দুহা॑নাঃ । ক্ষুধং॑তরেম॒ দুরি॑তিং॒ দুরি॑ষ্টিম্ । পু॒র॒ংদ॒রায॑ বৃষ॒ভায॑ ধৃ॒ষ্ণবে᳚ । অষা॑ঢায॒ সহ॑মানায মী॒ঢুষে᳚ । ইংদ্রা॑য জ্যে॒ষ্ঠা মধু॑ম॒দ্দুহা॑না । উ॒রুং কৃ॑ণোতু॒ যজ॑মানায লো॒কম্ । ॥ 17 ॥
মূলং॑ প্র॒জাং বী॒রব॑তীং বিদেয । পরা᳚চ্যেতু॒ নিরৃ॑তিঃ পরা॒চা । গোভি॒র্নক্ষ॑ত্রং প॒শুভি॒স্সম॑ক্তম্ । অহ॑র্ভূযা॒দ্যজ॑মানায॒ মহ্যম্᳚ । অহ॑র্নো অ॒দ্য সু॑বি॒তে দ॑দাতু । মূলং॒ নক্ষ॑ত্র॒মিতি॒ যদ্বদ॑ংতি । পরা॑চীং বা॒চা নিরৃ॑তিং নুদামি । শি॒বং প্র॒জাযৈ॑ শি॒বম॑স্তু॒ মহ্যম্᳚ ॥ 18 ॥
যা দি॒ব্যা আপঃ॒ পয॑সা সংবভূ॒বুঃ । যা অং॒তরি॑ক্ষ উ॒ত পার্থি॑বী॒র্যাঃ । যাসা॑মষা॒ঢা অ॑নু॒যংতি॒ কামম্᳚ । তা ন॒ আপঃ॒ শগ্গ্ স্যো॒না ভ॑বংতু । যাশ্চ॒ কূপ্যা॒ যাশ্চ॑ না॒দ্যা᳚স্সমু॒দ্রিযাঃ᳚ । যাশ্চ॑ বৈশ॒ংতীরুত প্রা॑স॒চীর্যাঃ । যাসা॑মষা॒ঢা মধু॑ ভ॒ক্ষয॑ংতি । তা ন॒ আপঃ॒ শগ্গ্ স্যো॒না ভ॑বংতু ॥19 ॥
তন্নো॒ বিশ্বে॒ উপ॑ শৃণ্বংতু দে॒বাঃ । তদ॑ষা॒ঢা অ॒ভিসংযং॑তু য॒জ্ঞম্ । তন্নক্ষ॑ত্রং প্রথতাং প॒শুভ্যঃ॑ । কৃ॒ষির্বৃ॒ষ্টির্যজ॑মানায কল্পতাম্ । শু॒ভ্রাঃ ক॒ন্যা॑ যুব॒তয॑স্সু॒পেশ॑সঃ । ক॒র্ম॒কৃত॑স্সু॒কৃতো॑ বী॒র্যা॑বতীঃ । বিশ্বা᳚ন্ দে॒বান্, হ॒বিষা॑ ব॒র্ধযং॑তীঃ । অ॒ষা॒ঢাঃ কাম॒মুপা॑যংতু য॒জ্ঞম্ ॥ 20 ॥
যস্মি॒ন্ ব্রহ্মা॒ভ্যজ॑য॒ত্সর্ব॑মে॒তত্ । অ॒মুংচ॑ লো॒কমি॒দমূ॑চ॒ সর্বম্᳚ । তন্নো॒ নক্ষ॑ত্রমভি॒জিদ্বি॒জিত্য॑ । শ্রিযং॑ দধা॒ত্বহৃ॑ণীযমানম্ । উ॒ভৌ লো॒কৌ ব্রহ্ম॑ণা॒ সংজি॑তে॒মৌ । তন্নো॒ নক্ষ॑ত্রমভি॒জিদ্বিচ॑ষ্টাম্ । তস্মি॑ন্ব॒যং পৃত॑না॒স্সংজ॑যেম । তন্নো॑ দে॒বাসো॒ অনু॑জানংতু॒ কামম্᳚ ॥ 21 ॥
শৃ॒ণ্বংতি॑ শ্রো॒ণাম॒মৃত॑স্য গো॒পাম্ । পুণ্যা॑মস্যা॒ উপ॑শৃণোমি॒ বাচম্᳚ । ম॒হীং দে॒বীং বিষ্ণু॑পত্নীমজূ॒র্যাম্ । প্র॒তীচী॑ মেনাগ্-ম্ হ॒বিষা॑ যজামঃ । ত্রে॒ধা বিষ্ণু॑রুরুগা॒যো বিচ॑ক্রমে । ম॒হীং দিবং॑ পৃথি॒বীমং॒তরি॑ক্ষম্ । তচ্ছ্রো॒ণৈতি॒শ্রব॑-ই॒চ্ছমা॑না । পুণ্য॒গ্গ্॒ শ্লোকং॒ যজ॑মানায কৃণ্ব॒তী ॥ 22 ॥
অ॒ষ্টৌ দে॒বা বস॑বস্সো॒ম্যাসঃ॑ । চত॑স্রো দে॒বীর॒জরাঃ॒ শ্রবি॑ষ্ঠাঃ । তে য॒জ্ঞং পাং᳚তু॒ রজ॑সঃ পু॒রস্তা᳚ত্ । সং॒ব॒ত্স॒রীণ॑ম॒মৃতগ্গ্॑ স্ব॒স্তি । য॒জ্ঞং নঃ॑ পাংতু॒ বস॑বঃ পু॒রস্তা᳚ত্ । দ॒ক্ষি॒ণ॒তো॑ঽভিয॑ংতু॒ শ্রবি॑ষ্ঠাঃ । পুণ্য॒ন্নক্ষ॑ত্রম॒ভি সংবি॑শাম । মা নো॒ অরা॑তির॒ঘশ॒গ্-ম্॒সাঽগন্ন্॑ ॥ 23 ॥
ক্ষ॒ত্রস্য॒ রাজা॒ বরু॑ণোঽধিরা॒জঃ । নক্ষ॑ত্রাণাগ্-ম্ শ॒তভি॑ষ॒গ্বসি॑ষ্ঠঃ । তৌ দে॒বেভ্যঃ॑ কৃণুতো দী॒র্ঘমাযুঃ॑ । শ॒তগ্-ম্ স॒হস্রা॑ ভেষ॒জানি॑ ধত্তঃ । য॒জ্ঞন্নো॒ রাজা॒ বরু॑ণ॒ উপ॑যাতু । তন্নো॒ বিশ্বে॑ অ॒ভি সংয॑ংতু দে॒বাঃ । তন্নো॒ নক্ষ॑ত্রগ্-ম্ শ॒তভি॑ষগ্জুষা॒ণম্ । দী॒র্ঘমাযুঃ॒ প্রতি॑রদ্ভেষ॒জানি॑ ॥ 24 ॥
অ॒জ এক॑পা॒দুদ॑গাত্পু॒রস্তা᳚ত্ । বিশ্বা॑ ভূ॒তানি॑ প্রতি॒ মোদ॑মানঃ । তস্য॑ দে॒বাঃ প্র॑স॒বং যং॑তি॒ সর্বে᳚ । প্রো॒ষ্ঠ॒প॒দাসো॑ অ॒মৃত॑স্য গো॒পাঃ । বি॒ভ্রাজ॑মানস্সমিধা॒ ন উ॒গ্রঃ । আঽংতরি॑ক্ষমরুহ॒দগ॒ংদ্যাম্ । তগ্-ম্ সূর্যং॑ দে॒বম॒জমেক॑পাদম্ । প্রো॒ষ্ঠ॒প॒দাসো॒ অনু॑যংতি॒ সর্বে᳚ ॥ 25 ॥
অহি॑র্বু॒ধ্নিযঃ॒ প্রথ॑মা ন এতি । শ্রেষ্ঠো॑ দে॒বানা॑মু॒ত মানু॑ষাণাম্ । তং ব্রা᳚হ্ম॒ণাস্সো॑ম॒পাস্সো॒ম্যাসঃ॑ । প্রো॒ষ্ঠ॒প॒দাসো॑ অ॒ভির॑ক্ষংতি॒ সর্বে᳚ । চ॒ত্বার॒ এক॑ম॒ভি কর্ম॑ দে॒বাঃ । প্রো॒ষ্ঠ॒প॒দা স॒ ইতি॒ যান্, বদ॑ংতি । তে বু॒ধ্নিযং॑ পরি॒ষদ্যগ্গ্॑ স্তু॒বংতঃ॑ । অহিগ্-ম্॑ রক্ষংতি॒ নম॑সোপ॒সদ্য॑ ॥ 26 ॥
পূ॒ষা রে॒বত্যন্বে॑তি॒ পংথা᳚ম্ । পু॒ষ্টি॒পতী॑ পশু॒পা বাজ॑বস্ত্যৌ । ই॒মানি॑ হ॒ব্যা প্রয॑তা জুষা॒ণা । সু॒গৈর্নো॒ যানৈ॒রুপ॑যাতাং য॒জ্ঞম্ । ক্ষু॒দ্রান্ প॒শূন্ র॑ক্ষতু রে॒বতী॑ নঃ । গাবো॑ নো॒ অশ্বা॒গ্-ম্॒ অন্বে॑তু পূ॒ষা । অন্ন॒গ্-ম্॒ রক্ষং॑তৌ বহু॒ধা বিরূ॑পম্ । বাজগ্-ম্॑ সনুতাং॒ যজ॑মানায য॒জ্ঞম্ ॥ 27 ॥
তদ॒শ্বিনা॑বশ্ব॒যুজোপ॑যাতাম্ । শুভং॒গমি॑ষ্ঠৌ সু॒যমে॑ভি॒রশ্বৈঃ᳚ । স্বং নক্ষ॑ত্রগ্-ম্ হ॒বিষা॒ যজং॑তৌ । মধ্বা॒সংপৃ॑ক্তৌ॒ যজু॑ষা॒ সম॑ক্তৌ । যৌ দে॒বানাং᳚ ভি॒ষজৌ᳚ হব্যবা॒হৌ । বিশ্ব॑স্য দূ॒তাব॒মৃত॑স্য গো॒পৌ । তৌ নক্ষ॒ত্রং জুজুষা॒ণোপ॑যাতাম্ । নমো॒ঽশ্বিভ্যাং᳚ কৃণুমোঽশ্ব॒যুগ্ভ্যা᳚ম্ ॥ 28 ॥
অপ॑ পা॒প্মানং॒ ভর॑ণীর্ভরংতু । তদ্য॒মো রাজা॒ ভগ॑বা॒ন্॒, বিচ॑ষ্টাম্ । লো॒কস্য॒ রাজা॑ মহ॒তো ম॒হান্, হি । সু॒গং নঃ॒ পংথা॒মভ॑যং কৃণোতু । যস্মি॒ন্নক্ষ॑ত্রে য॒ম এতি॒ রাজা᳚ । যস্মি॑ন্নেনম॒ভ্যষিং॑চংত দে॒বাঃ । তদ॑স্য চি॒ত্রগ্-ম্ হ॒বিষা॑ যজাম । অপ॑ পা॒প্মানং॒ ভর॑ণীর্ভরংতু ॥ 29 ॥
নি॒বেশ॑নী সং॒গম॑নী॒ বসূ॑নাং॒ বিশ্বা॑ রূ॒পাণি॒ বসূ᳚ন্যাবে॒শয॑ংতী । স॒হ॒স্র॒পো॒ষগ্-ম্ সু॒ভগা॒ ররা॑ণা॒ সা ন॒ আগ॒ন্বর্চ॑সা সংবিদা॒না । যত্তে॑ দে॒বা অদ॑ধুর্ভাগ॒ধেয॒মমা॑বাস্যে সং॒বসং॑তো মহি॒ত্বা । সা নো॑ য॒জ্ঞং পি॑পৃহি বিশ্ববারে র॒যিন্নো॑ ধেহি সুভগে সু॒বীরম্᳚ ॥ 30 ॥
ওং শাংতিঃ॒ শাংতিঃ॒ শাংতিঃ॑ ।
********