[ନକ୍ଷତ୍ର ସୂକ୍ତମ୍] ᐈ Nakshatra Suktam Lyrics In Oriya/Odia Pdf

Nakshatra Suktam Oriya/Odia Lyrics

ତୈତ୍ତିରୀଯ ବ୍ରହ୍ମଣମ୍ । ଅଷ୍ଟକମ୍ – 3 ପ୍ରଶ୍ନଃ – 1
ତୈତ୍ତିରୀଯ ସଂହିତାଃ । କାଂଡ 3 ପ୍ରପାଠକଃ – 5 ଅନୁଵାକମ୍ – 1

ଓଂ ॥ ଅ॒ଗ୍ନିର୍ନଃ॑ ପାତୁ॒ କୃତ୍ତି॑କାଃ । ନକ୍ଷ॑ତ୍ରଂ ଦେ॒ଵମିଂ॑ଦ୍ରି॒ଯମ୍ । ଇ॒ଦମା॑ସାଂ ଵିଚକ୍ଷ॒ଣମ୍ । ହ॒ଵିରା॒ସଂ ଜୁ॑ହୋତନ । ଯସ୍ଯ॒ ଭାଂତି॑ ର॒ଶ୍ମଯୋ॒ ଯସ୍ଯ॑ କେ॒ତଵଃ॑ । ଯସ୍ଯେ॒ମା ଵିଶ୍ଵା॒ ଭୁଵ॑ନାନି॒ ସର୍ଵା᳚ । ସ କୃତ୍ତି॑କାଭିର॒ଭିସଂ॒ଵସା॑ନଃ । ଅ॒ଗ୍ନିର୍ନୋ॑ ଦେ॒ଵସ୍ସୁ॑ଵି॒ତେ ଦ॑ଧାତୁ ॥ 1 ॥

ପ୍ର॒ଜାପ॑ତେ ରୋହି॒ଣୀଵେ॑ତୁ॒ ପତ୍ନୀ᳚ । ଵି॒ଶ୍ଵରୂ॑ପା ବୃହ॒ତୀ ଚି॒ତ୍ରଭା॑ନୁଃ । ସା ନୋ॑ ଯ॒ଜ୍ଞସ୍ଯ॑ ସୁଵି॒ତେ ଦ॑ଧାତୁ । ଯଥା॒ ଜୀଵେ॑ମ ଶ॒ରଦ॒ସ୍ସଵୀ॑ରାଃ । ରୋ॒ହି॒ଣୀ ଦେ॒ଵ୍ଯୁଦ॑ଗାତ୍ପୁ॒ରସ୍ତା᳚ତ୍ । ଵିଶ୍ଵା॑ ରୂ॒ପାଣି॑ ପ୍ରତି॒ମୋଦ॑ମାନା । ପ୍ର॒ଜାପ॑ତିଗ୍-ମ୍ ହ॒ଵିଷା॑ ଵ॒ର୍ଧଯଂ॑ତୀ । ପ୍ରି॒ଯା ଦେ॒ଵାନା॒ମୁପ॑ଯାତୁ ଯ॒ଜ୍ଞମ୍ ॥ 2 ॥

ସୋମୋ॒ ରାଜା॑ ମୃଗଶୀ॒ର୍॒ଷେଣ॒ ଆଗନ୍ନ୍॑ । ଶି॒ଵଂ ନକ୍ଷ॑ତ୍ରଂ ପ୍ରି॒ଯମ॑ସ୍ଯ॒ ଧାମ॑ । ଆ॒ପ୍ଯାଯ॑ମାନୋ ବହୁ॒ଧା ଜନେ॑ଷୁ । ରେତଃ॑ ପ୍ର॒ଜାଂ ଯଜ॑ମାନେ ଦଧାତୁ । ଯତ୍ତେ॒ ନକ୍ଷ॑ତ୍ରଂ ମୃଗଶୀ॒ର୍॒ଷମସ୍ତି॑ । ପ୍ରି॒ଯଗ୍-ମ୍ ରା॑ଜନ୍ ପ୍ରି॒ଯତ॑ମଂ ପ୍ରି॒ଯାଣା᳚ମ୍ । ତସ୍ମୈ॑ ତେ ସୋମ ହ॒ଵିଷା॑ ଵିଧେମ । ଶନ୍ନ॑ ଏଧି ଦ୍ଵି॒ପଦେ॒ ଶଂ ଚତୁ॑ଷ୍ପଦେ ॥ 3 ॥

ଆ॒ର୍ଦ୍ରଯା॑ ରୁ॒ଦ୍ରଃ ପ୍ରଥ॑ମା ନ ଏତି । ଶ୍ରେଷ୍ଠୋ॑ ଦେ॒ଵାନାଂ॒ ପତି॑ରଘ୍ନି॒ଯାନା᳚ମ୍ । ନକ୍ଷ॑ତ୍ରମସ୍ଯ ହ॒ଵିଷା॑ ଵିଧେମ । ମା ନଃ॑ ପ୍ର॒ଜାଗ୍-ମ୍ ରୀ॑ରିଷ॒ନ୍ମୋତ ଵୀ॒ରାନ୍ । ହେ॒ତି ରୁ॒ଦ୍ରସ୍ଯ॒ ପରି॑ଣୋ ଵୃଣକ୍ତୁ । ଆ॒ର୍ଦ୍ରା ନକ୍ଷ॑ତ୍ରଂ ଜୁଷତାଗ୍-ମ୍ ହ॒ଵିର୍ନଃ॑ । ପ୍ର॒ମୁଂ॒ଚମା॑ନୌ ଦୁରି॒ତାନି॒ ଵିଶ୍ଵା᳚ । ଅପା॒ଘଶଗ୍-ମ୍॑ ସନ୍ନୁଦତା॒ମରା॑ତିମ୍ । ॥ 4॥

ପୁନ॑ର୍ନୋ ଦେ॒ଵ୍ଯଦି॑ତିସ୍ପୃଣୋତୁ । ପୁନ॑ର୍ଵସୂନଃ॒ ପୁନ॒ରେତାଂ᳚ ଯ॒ଜ୍ଞମ୍ । ପୁନ॑ର୍ନୋ ଦେ॒ଵା ଅ॒ଭିଯଂ॑ତୁ॒ ସର୍ଵେ᳚ । ପୁନଃ॑ ପୁନର୍ଵୋ ହ॒ଵିଷା॑ ଯଜାମଃ । ଏ॒ଵା ନ ଦେ॒ଵ୍ଯଦି॑ତିରନ॒ର୍ଵା । ଵିଶ୍ଵ॑ସ୍ଯ ଭ॒ର୍ତ୍ରୀ ଜଗ॑ତଃ ପ୍ରତି॒ଷ୍ଠା । ପୁନ॑ର୍ଵସୂ ହ॒ଵିଷା॑ ଵ॒ର୍ଧଯଂ॑ତୀ । ପ୍ରି॒ଯଂ ଦେ॒ଵାନା॒-ମପ୍ଯେ॑ତୁ॒ ପାଥଃ॑ ॥ 5॥

ବୃହ॒ସ୍ପତିଃ॑ ପ୍ରଥ॒ମଂ ଜାଯ॑ମାନଃ । ତି॒ଷ୍ଯଂ॑ ନକ୍ଷ॑ତ୍ରମ॒ଭି ସଂବ॑ଭୂଵ । ଶ୍ରେଷ୍ଠୋ॑ ଦେ॒ଵାନାଂ॒ ପୃତ॑ନାସୁଜି॒ଷ୍ଣୁଃ । ଦି॒ଶୋଽନୁ॒ ସର୍ଵା॒ ଅଭ॑ଯନ୍ନୋ ଅସ୍ତୁ । ତି॒ଷ୍ଯଃ॑ ପୁ॒ରସ୍ତା॑ଦୁ॒ତ ମ॑ଧ୍ଯ॒ତୋ ନଃ॑ । ବୃହ॒ସ୍ପତି॑ର୍ନଃ॒ ପରି॑ପାତୁ ପ॒ଶ୍ଚାତ୍ । ବାଧେ॑ତାଂ॒ଦ୍ଵେଷୋ॒ ଅଭ॑ଯଂ କୃଣୁତାମ୍ । ସୁ॒ଵୀର୍ଯ॑ସ୍ଯ॒ ପତ॑ଯସ୍ଯାମ ॥ 6 ॥

ଇ॒ଦଗ୍-ମ୍ ସ॒ର୍ପେଭ୍ଯୋ॑ ହ॒ଵିର॑ସ୍ତୁ॒ ଜୁଷ୍ଟମ୍᳚ । ଆ॒ଶ୍ରେ॒ଷା ଯେଷା॑ମନୁ॒ଯଂତି॒ ଚେତଃ॑ । ଯେ ଅଂ॒ତରି॑କ୍ଷଂ ପୃଥି॒ଵୀଂ କ୍ଷି॒ଯଂତି॑ । ତେ ନ॑ସ୍ସ॒ର୍ପାସୋ॒ ହଵ॒ମାଗ॑ମିଷ୍ଠାଃ । ଯେ ରୋ॑ଚ॒ନେ ସୂର୍ଯ॒ସ୍ଯାପି॑ ସ॒ର୍ପାଃ । ଯେ ଦିଵଂ॑ ଦେ॒ଵୀମନୁ॑ସଂ॒ଚରଂ॑ତି । ଯେଷା॑ମଶ୍ରେ॒ଷା ଅ॑ନୁ॒ଯଂତି॒ କାମମ୍᳚ । ତେଭ୍ଯ॑ସ୍ସ॒ର୍ପେଭ୍ଯୋ॒ ମଧୁ॑ମଜ୍ଜୁହୋମି ॥ 7 ॥

ଉପ॑ହୂତାଃ ପି॒ତରୋ॒ ଯେ ମ॒ଘାସୁ॑ । ମନୋ॑ଜଵସସ୍ସୁ॒କୃତ॑ସ୍ସୁକୃ॒ତ୍ଯାଃ । ତେ ନୋ॒ ନକ୍ଷ॑ତ୍ରେ॒ ହଵ॒ମାଗ॑ମିଷ୍ଠାଃ । ସ୍ଵ॒ଧାଭି॑ର୍ଯ॒ଜ୍ଞଂ ପ୍ରଯ॑ତଂ ଜୁଷଂତାମ୍ । ଯେ ଅ॑ଗ୍ନିଦ॒ଗ୍ଧା ଯେଽନ॑ଗ୍ନିଦଗ୍ଧାଃ । ଯେ॑ଽମୁଲ୍ଲୋ॒କଂ ପି॒ତରଃ॑ କ୍ଷି॒ଯଂତି॑ । ଯାଗ୍-ଶ୍ଚ॑ ଵି॒ଦ୍ମଯାଗ୍-ମ୍ ଉ॑ ଚ॒ ନ ପ୍ର॑ଵି॒ଦ୍ମ । ମ॒ଘାସୁ॑ ଯ॒ଜ୍ଞଗ୍-ମ୍ ସୁକୃ॑ତଂ ଜୁଷଂତାମ୍ ॥ 8॥

ଗଵାଂ॒ ପତିଃ॒ ଫଲ୍ଗୁ॑ନୀନାମସି॒ ତ୍ଵମ୍ । ତଦ॑ର୍ଯମନ୍ ଵରୁଣମିତ୍ର॒ ଚାରୁ॑ । ତଂ ତ୍ଵା॑ ଵ॒ଯଗ୍-ମ୍ ସ॑ନି॒ତାରଗ୍-ମ୍॑ ସନୀ॒ନାମ୍ । ଜୀ॒ଵା ଜୀଵ॑ଂତ॒ମୁପ॒ ସଂଵି॑ଶେମ । ଯେନେ॒ମା ଵିଶ୍ଵା॒ ଭୁଵ॑ନାନି॒ ସଂଜି॑ତା । ଯସ୍ଯ॑ ଦେ॒ଵା ଅ॑ନୁସଂ॒ଯଂତି॒ ଚେତଃ॑ । ଅ॒ର୍ଯ॒ମା ରାଜା॒ଽଜର॒ସ୍ତୁ ଵି॑ଷ୍ମାନ୍ । ଫଲ୍ଗୁ॑ନୀନାମୃଷ॒ଭୋ ରୋ॑ରଵୀତି ॥ 9 ॥

ଶ୍ରେଷ୍ଠୋ॑ ଦେ॒ଵାନାଂ᳚ ଭଗଵୋ ଭଗାସି । ତତ୍ତ୍ଵା॑ ଵିଦୁଃ॒ ଫଲ୍ଗୁ॑ନୀ॒ସ୍ତସ୍ଯ॑ ଵିତ୍ତାତ୍ । ଅ॒ସ୍ମଭ୍ଯଂ॑ କ୍ଷ॒ତ୍ରମ॒ଜରଗ୍-ମ୍॑ ସୁ॒ଵୀର୍ଯମ୍᳚ । ଗୋମ॒ଦଶ୍ଵ॑ଵ॒ଦୁପ॒ସନ୍ନୁ॑ଦେ॒ହ । ଭଗୋ॑ହ ଦା॒ତା ଭଗ ଇତ୍ପ୍ର॑ଦା॒ତା । ଭଗୋ॑ ଦେ॒ଵୀଃ ଫଲ୍ଗୁ॑ନୀ॒ରାଵି॑ଵେଶ । ଭଗ॒ସ୍ଯେତ୍ତଂ ପ୍ର॑ସ॒ଵଂ ଗ॑ମେମ । ଯତ୍ର॑ ଦେ॒ଵୈସ୍ସ॑ଧ॒ମାଦଂ॑ ମଦେମ । ॥ 10 ॥

ଆଯା॒ତୁ ଦେ॒ଵସ୍ସ॑ଵି॒ତୋପ॑ଯାତୁ । ହି॒ର॒ଣ୍ଯଯେ॑ନ ସୁ॒ଵୃତା॒ ରଥେ॑ନ । ଵହ॒ନ୍॒, ହସ୍ତଗ୍-ମ୍॑ ସୁଭଗ୍-ମ୍॑ ଵିଦ୍ମ॒ନାପ॑ସମ୍ । ପ୍ରଯଚ୍ଛଂ॑ତଂ॒ ପପୁ॑ରିଂ॒ ପୁଣ୍ଯ॒ମଚ୍ଛ॑ । ହସ୍ତଃ॒ ପ୍ରଯ॑ଚ୍ଛ ତ୍ଵ॒ମୃତଂ॒ ଵସୀ॑ଯଃ । ଦକ୍ଷି॑ଣେନ॒ ପ୍ରତି॑ଗୃଭ୍ଣୀମ ଏନତ୍ । ଦା॒ତାର॑ମ॒ଦ୍ଯ ସ॑ଵି॒ତା ଵି॑ଦେଯ । ଯୋ ନୋ॒ ହସ୍ତା॑ଯ ପ୍ରସୁ॒ଵାତି॑ ଯ॒ଜ୍ଞମ୍ ॥11 ॥

ତ୍ଵଷ୍ଟା॒ ନକ୍ଷ॑ତ୍ରମ॒ଭ୍ଯେ॑ତି ଚି॒ତ୍ରାମ୍ । ସୁ॒ଭଗ୍-ମ୍ ସ॑ସଂଯୁଵ॒ତିଗ୍-ମ୍ ରାଚ॑ମାନାମ୍ । ନି॒ଵେ॒ଶଯ॑ନ୍ନ॒ମୃତା॒ନ୍ମର୍ତ୍ଯାଗ୍॑ଶ୍ଚ । ରୂ॒ପାଣି॑ ପି॒ଗ୍-ମ୍॒ଶନ୍ ଭୁଵ॑ନାନି॒ ଵିଶ୍ଵା᳚ । ତନ୍ନ॒ସ୍ତ୍ଵଷ୍ଟା॒ ତଦୁ॑ ଚି॒ତ୍ରା ଵିଚ॑ଷ୍ଟାମ୍ । ତନ୍ନକ୍ଷ॑ତ୍ରଂ ଭୂରି॒ଦା ଅ॑ସ୍ତୁ॒ ମହ୍ଯମ୍᳚ । ତନ୍ନଃ॑ ପ୍ର॒ଜାଂ ଵୀ॒ରଵ॑ତୀଗ୍-ମ୍ ସନୋତୁ । ଗୋଭି॑ର୍ନୋ॒ ଅଶ୍ଵୈ॒ସ୍ସମ॑ନକ୍ତୁ ଯଜ୍ଞମ୍ ॥ 12 ॥

ଵା॒ଯୁର୍ନକ୍ଷ॑ତ୍ରମ॒ଭ୍ଯେ॑ତି॒ ନିଷ୍ଟ୍ଯା᳚ମ୍ । ତି॒ଗ୍ମଶୃଂ॑ଗୋ ଵୃଷ॒ଭୋ ରୋରୁ॑ଵାଣଃ । ସ॒ମୀ॒ରଯ॒ନ୍ ଭୁଵ॑ନା ମାତ॒ରିଶ୍ଵା᳚ । ଅପ॒ ଦ୍ଵେଷାଗ୍-ମ୍॑ସି ନୁଦତା॒ମରା॑ତୀଃ । ତନ୍ନୋ॑ ଵା॒ଯସ୍ତଦୁ॒ ନିଷ୍ଟ୍ଯା॑ ଶୃଣୋତୁ । ତନ୍ନକ୍ଷ॑ତ୍ରଂ ଭୂରି॒ଦା ଅ॑ସ୍ତୁ॒ ମହ୍ଯମ୍᳚ । ତନ୍ନୋ॑ ଦେ॒ଵାସୋ॒ ଅନୁ॑ଜାନଂତୁ॒ କାମମ୍᳚ । ଯଥା॒ ତରେ॑ମ ଦୁରି॒ତାନି॒ ଵିଶ୍ଵା᳚ ॥ 13 ॥

ଦୂ॒ରମ॒ସ୍ମଚ୍ଛତ୍ର॑ଵୋ ଯଂତୁ ଭୀ॒ତାଃ । ତଦିଂ॑ଦ୍ରା॒ଗ୍ନୀ କୃ॑ଣୁତାଂ॒ ତଦ୍ଵିଶା॑ଖେ । ତନ୍ନୋ॑ ଦେ॒ଵା ଅନୁ॑ମଦଂତୁ ଯ॒ଜ୍ଞମ୍ । ପ॒ଶ୍ଚାତ୍ ପୁ॒ରସ୍ତା॒ଦଭ॑ଯନ୍ନୋ ଅସ୍ତୁ । ନକ୍ଷ॑ତ୍ରାଣା॒ମଧି॑ପତ୍ନୀ॒ ଵିଶା॑ଖେ । ଶ୍ରେଷ୍ଠା॑ଵିଂଦ୍ରା॒ଗ୍ନୀ ଭୁଵ॑ନସ୍ଯ ଗୋ॒ପୌ । ଵିଷୂ॑ଚ॒ଶ୍ଶତ୍ରୂ॑ନପ॒ବାଧ॑ମାନୌ । ଅପ॒କ୍ଷୁଧ॑ନ୍ନୁଦତା॒ମରା॑ତିମ୍ । ॥ 14 ॥

ପୂ॒ର୍ଣା ପ॒ଶ୍ଚାଦୁ॒ତ ପୂ॒ର୍ଣା ପୁ॒ରସ୍ତା᳚ତ୍ । ଉନ୍ମ॑ଧ୍ଯ॒ତଃ ପୌ᳚ର୍ଣମା॒ସୀ ଜି॑ଗାଯ । ତସ୍ଯାଂ᳚ ଦେ॒ଵା ଅଧି॑ସଂ॒ଵସଂ॑ତଃ । ଉ॒ତ୍ତ॒ମେ ନାକ॑ ଇ॒ହ ମା॑ଦଯଂତାମ୍ । ପୃ॒ଥ୍ଵୀ ସୁ॒ଵର୍ଚା॑ ଯୁଵ॒ତିଃ ସ॒ଜୋଷାଃ᳚ । ପୌ॒ର୍ଣ॒ମା॒ସ୍ଯୁଦ॑ଗା॒ଚ୍ଛୋଭ॑ମାନା । ଆ॒ପ୍ଯା॒ଯଯଂ॑ତୀ ଦୁରି॒ତାନି॒ ଵିଶ୍ଵା᳚ । ଉ॒ରୁଂ ଦୁହାଂ॒ ଯଜ॑ମାନାଯ ଯ॒ଜ୍ଞମ୍ ।

ଋ॒ଦ୍ଧ୍ଯାସ୍ମ॑ ହ॒ଵ୍ଯୈର୍ନମ॑ସୋପ॒ସଦ୍ଯ॑ । ମି॒ତ୍ରଂ ଦେ॒ଵଂ ମି॑ତ୍ର॒ଧେଯଂ॑ ନୋ ଅସ୍ତୁ । ଅ॒ନୂ॒ରା॒ଧାନ୍, ହ॒ଵିଷା॑ ଵ॒ର୍ଧଯଂ॑ତଃ । ଶ॒ତଂ ଜୀ॑ଵେମ॒ ଶ॒ରଦଃ॒ ସଵୀ॑ରାଃ । ଚି॒ତ୍ରଂ ନକ୍ଷ॑ତ୍ର॒ମୁଦ॑ଗାତ୍ପୁ॒ରସ୍ତା᳚ତ୍ । ଅ॒ନୂ॒ରା॒ଧା ସ॒ ଇତି॒ ଯଦ୍ଵଦ॑ଂତି । ତନ୍ମି॒ତ୍ର ଏ॑ତି ପ॒ଥିଭି॑ର୍ଦେଵ॒ଯାନୈଃ᳚ । ହି॒ର॒ଣ୍ଯଯୈ॒ର୍ଵିତ॑ତୈରଂ॒ତରି॑କ୍ଷେ ॥ 16 ॥

ଇଂଦ୍ରୋ᳚ ଜ୍ଯେ॒ଷ୍ଠାମନୁ॒ ନକ୍ଷ॑ତ୍ରମେତି । ଯସ୍ମି॑ନ୍ ଵୃ॒ତ୍ରଂ ଵୃ॑ତ୍ର॒ ତୂର୍ଯେ॑ ତ॒ତାର॑ । ତସ୍ମି॑ନ୍ଵ॒ଯ-ମ॒ମୃତଂ॒ ଦୁହା॑ନାଃ । କ୍ଷୁଧଂ॑ତରେମ॒ ଦୁରି॑ତିଂ॒ ଦୁରି॑ଷ୍ଟିମ୍ । ପୁ॒ର॒ଂଦ॒ରାଯ॑ ଵୃଷ॒ଭାଯ॑ ଧୃ॒ଷ୍ଣଵେ᳚ । ଅଷା॑ଢାଯ॒ ସହ॑ମାନାଯ ମୀ॒ଢୁଷେ᳚ । ଇଂଦ୍ରା॑ଯ ଜ୍ଯେ॒ଷ୍ଠା ମଧୁ॑ମ॒ଦ୍ଦୁହା॑ନା । ଉ॒ରୁଂ କୃ॑ଣୋତୁ॒ ଯଜ॑ମାନାଯ ଲୋ॒କମ୍ । ॥ 17 ॥

ମୂଲଂ॑ ପ୍ର॒ଜାଂ ଵୀ॒ରଵ॑ତୀଂ ଵିଦେଯ । ପରା᳚ଚ୍ଯେତୁ॒ ନିରୃ॑ତିଃ ପରା॒ଚା । ଗୋଭି॒ର୍ନକ୍ଷ॑ତ୍ରଂ ପ॒ଶୁଭି॒ସ୍ସମ॑କ୍ତମ୍ । ଅହ॑ର୍ଭୂଯା॒ଦ୍ଯଜ॑ମାନାଯ॒ ମହ୍ଯମ୍᳚ । ଅହ॑ର୍ନୋ ଅ॒ଦ୍ଯ ସୁ॑ଵି॒ତେ ଦ॑ଦାତୁ । ମୂଲଂ॒ ନକ୍ଷ॑ତ୍ର॒ମିତି॒ ଯଦ୍ଵଦ॑ଂତି । ପରା॑ଚୀଂ ଵା॒ଚା ନିରୃ॑ତିଂ ନୁଦାମି । ଶି॒ଵଂ ପ୍ର॒ଜାଯୈ॑ ଶି॒ଵମ॑ସ୍ତୁ॒ ମହ୍ଯମ୍᳚ ॥ 18 ॥

ଯା ଦି॒ଵ୍ଯା ଆପଃ॒ ପଯ॑ସା ସଂବଭୂ॒ଵୁଃ । ଯା ଅଂ॒ତରି॑କ୍ଷ ଉ॒ତ ପାର୍ଥି॑ଵୀ॒ର୍ଯାଃ । ଯାସା॑ମଷା॒ଢା ଅ॑ନୁ॒ଯଂତି॒ କାମମ୍᳚ । ତା ନ॒ ଆପଃ॒ ଶଗ୍ଗ୍ ସ୍ଯୋ॒ନା ଭ॑ଵଂତୁ । ଯାଶ୍ଚ॒ କୂପ୍ଯା॒ ଯାଶ୍ଚ॑ ନା॒ଦ୍ଯା᳚ସ୍ସମୁ॒ଦ୍ରିଯାଃ᳚ । ଯାଶ୍ଚ॑ ଵୈଶ॒ଂତୀରୁତ ପ୍ରା॑ସ॒ଚୀର୍ଯାଃ । ଯାସା॑ମଷା॒ଢା ମଧୁ॑ ଭ॒କ୍ଷଯ॑ଂତି । ତା ନ॒ ଆପଃ॒ ଶଗ୍ଗ୍ ସ୍ଯୋ॒ନା ଭ॑ଵଂତୁ ॥19 ॥

ତନ୍ନୋ॒ ଵିଶ୍ଵେ॒ ଉପ॑ ଶୃଣ୍ଵଂତୁ ଦେ॒ଵାଃ । ତଦ॑ଷା॒ଢା ଅ॒ଭିସଂଯଂ॑ତୁ ଯ॒ଜ୍ଞମ୍ । ତନ୍ନକ୍ଷ॑ତ୍ରଂ ପ୍ରଥତାଂ ପ॒ଶୁଭ୍ଯଃ॑ । କୃ॒ଷିର୍ଵୃ॒ଷ୍ଟିର୍ଯଜ॑ମାନାଯ କଲ୍ପତାମ୍ । ଶୁ॒ଭ୍ରାଃ କ॒ନ୍ଯା॑ ଯୁଵ॒ତଯ॑ସ୍ସୁ॒ପେଶ॑ସଃ । କ॒ର୍ମ॒କୃତ॑ସ୍ସୁ॒କୃତୋ॑ ଵୀ॒ର୍ଯା॑ଵତୀଃ । ଵିଶ୍ଵା᳚ନ୍ ଦେ॒ଵାନ୍, ହ॒ଵିଷା॑ ଵ॒ର୍ଧଯଂ॑ତୀଃ । ଅ॒ଷା॒ଢାଃ କାମ॒ମୁପା॑ଯଂତୁ ଯ॒ଜ୍ଞମ୍ ॥ 20 ॥

ଯସ୍ମି॒ନ୍ ବ୍ରହ୍ମା॒ଭ୍ଯଜ॑ଯ॒ତ୍ସର୍ଵ॑ମେ॒ତତ୍ । ଅ॒ମୁଂଚ॑ ଲୋ॒କମି॒ଦମୂ॑ଚ॒ ସର୍ଵମ୍᳚ । ତନ୍ନୋ॒ ନକ୍ଷ॑ତ୍ରମଭି॒ଜିଦ୍ଵି॒ଜିତ୍ଯ॑ । ଶ୍ରିଯଂ॑ ଦଧା॒ତ୍ଵହୃ॑ଣୀଯମାନମ୍ । ଉ॒ଭୌ ଲୋ॒କୌ ବ୍ରହ୍ମ॑ଣା॒ ସଂଜି॑ତେ॒ମୌ । ତନ୍ନୋ॒ ନକ୍ଷ॑ତ୍ରମଭି॒ଜିଦ୍ଵିଚ॑ଷ୍ଟାମ୍ । ତସ୍ମି॑ନ୍ଵ॒ଯଂ ପୃତ॑ନା॒ସ୍ସଂଜ॑ଯେମ । ତନ୍ନୋ॑ ଦେ॒ଵାସୋ॒ ଅନୁ॑ଜାନଂତୁ॒ କାମମ୍᳚ ॥ 21 ॥

ଶୃ॒ଣ୍ଵଂତି॑ ଶ୍ରୋ॒ଣାମ॒ମୃତ॑ସ୍ଯ ଗୋ॒ପାମ୍ । ପୁଣ୍ଯା॑ମସ୍ଯା॒ ଉପ॑ଶୃଣୋମି॒ ଵାଚମ୍᳚ । ମ॒ହୀଂ ଦେ॒ଵୀଂ ଵିଷ୍ଣୁ॑ପତ୍ନୀମଜୂ॒ର୍ଯାମ୍ । ପ୍ର॒ତୀଚୀ॑ ମେନାଗ୍-ମ୍ ହ॒ଵିଷା॑ ଯଜାମଃ । ତ୍ରେ॒ଧା ଵିଷ୍ଣୁ॑ରୁରୁଗା॒ଯୋ ଵିଚ॑କ୍ରମେ । ମ॒ହୀଂ ଦିଵଂ॑ ପୃଥି॒ଵୀମଂ॒ତରି॑କ୍ଷମ୍ । ତଚ୍ଛ୍ରୋ॒ଣୈତି॒ଶ୍ରଵ॑-ଇ॒ଚ୍ଛମା॑ନା । ପୁଣ୍ଯ॒ଗ୍ଗ୍॒ ଶ୍ଲୋକଂ॒ ଯଜ॑ମାନାଯ କୃଣ୍ଵ॒ତୀ ॥ 22 ॥

ଅ॒ଷ୍ଟୌ ଦେ॒ଵା ଵସ॑ଵସ୍ସୋ॒ମ୍ଯାସଃ॑ । ଚତ॑ସ୍ରୋ ଦେ॒ଵୀର॒ଜରାଃ॒ ଶ୍ରଵି॑ଷ୍ଠାଃ । ତେ ଯ॒ଜ୍ଞଂ ପାଂ᳚ତୁ॒ ରଜ॑ସଃ ପୁ॒ରସ୍ତା᳚ତ୍ । ସଂ॒ଵ॒ତ୍ସ॒ରୀଣ॑ମ॒ମୃତଗ୍ଗ୍॑ ସ୍ଵ॒ସ୍ତି । ଯ॒ଜ୍ଞଂ ନଃ॑ ପାଂତୁ॒ ଵସ॑ଵଃ ପୁ॒ରସ୍ତା᳚ତ୍ । ଦ॒କ୍ଷି॒ଣ॒ତୋ॑ଽଭିଯ॑ଂତୁ॒ ଶ୍ରଵି॑ଷ୍ଠାଃ । ପୁଣ୍ଯ॒ନ୍ନକ୍ଷ॑ତ୍ରମ॒ଭି ସଂଵି॑ଶାମ । ମା ନୋ॒ ଅରା॑ତିର॒ଘଶ॒ଗ୍-ମ୍॒ସାଽଗନ୍ନ୍॑ ॥ 23 ॥

କ୍ଷ॒ତ୍ରସ୍ଯ॒ ରାଜା॒ ଵରୁ॑ଣୋଽଧିରା॒ଜଃ । ନକ୍ଷ॑ତ୍ରାଣାଗ୍-ମ୍ ଶ॒ତଭି॑ଷ॒ଗ୍ଵସି॑ଷ୍ଠଃ । ତୌ ଦେ॒ଵେଭ୍ଯଃ॑ କୃଣୁତୋ ଦୀ॒ର୍ଘମାଯୁଃ॑ । ଶ॒ତଗ୍-ମ୍ ସ॒ହସ୍ରା॑ ଭେଷ॒ଜାନି॑ ଧତ୍ତଃ । ଯ॒ଜ୍ଞନ୍ନୋ॒ ରାଜା॒ ଵରୁ॑ଣ॒ ଉପ॑ଯାତୁ । ତନ୍ନୋ॒ ଵିଶ୍ଵେ॑ ଅ॒ଭି ସଂଯ॑ଂତୁ ଦେ॒ଵାଃ । ତନ୍ନୋ॒ ନକ୍ଷ॑ତ୍ରଗ୍-ମ୍ ଶ॒ତଭି॑ଷଗ୍ଜୁଷା॒ଣମ୍ । ଦୀ॒ର୍ଘମାଯୁଃ॒ ପ୍ରତି॑ରଦ୍ଭେଷ॒ଜାନି॑ ॥ 24 ॥

ଅ॒ଜ ଏକ॑ପା॒ଦୁଦ॑ଗାତ୍ପୁ॒ରସ୍ତା᳚ତ୍ । ଵିଶ୍ଵା॑ ଭୂ॒ତାନି॑ ପ୍ରତି॒ ମୋଦ॑ମାନଃ । ତସ୍ଯ॑ ଦେ॒ଵାଃ ପ୍ର॑ସ॒ଵଂ ଯଂ॑ତି॒ ସର୍ଵେ᳚ । ପ୍ରୋ॒ଷ୍ଠ॒ପ॒ଦାସୋ॑ ଅ॒ମୃତ॑ସ୍ଯ ଗୋ॒ପାଃ । ଵି॒ଭ୍ରାଜ॑ମାନସ୍ସମିଧା॒ ନ ଉ॒ଗ୍ରଃ । ଆଽଂତରି॑କ୍ଷମରୁହ॒ଦଗ॒ଂଦ୍ଯାମ୍ । ତଗ୍-ମ୍ ସୂର୍ଯଂ॑ ଦେ॒ଵମ॒ଜମେକ॑ପାଦମ୍ । ପ୍ରୋ॒ଷ୍ଠ॒ପ॒ଦାସୋ॒ ଅନୁ॑ଯଂତି॒ ସର୍ଵେ᳚ ॥ 25 ॥

ଅହି॑ର୍ବୁ॒ଧ୍ନିଯଃ॒ ପ୍ରଥ॑ମା ନ ଏତି । ଶ୍ରେଷ୍ଠୋ॑ ଦେ॒ଵାନା॑ମୁ॒ତ ମାନୁ॑ଷାଣାମ୍ । ତଂ ବ୍ରା᳚ହ୍ମ॒ଣାସ୍ସୋ॑ମ॒ପାସ୍ସୋ॒ମ୍ଯାସଃ॑ । ପ୍ରୋ॒ଷ୍ଠ॒ପ॒ଦାସୋ॑ ଅ॒ଭିର॑କ୍ଷଂତି॒ ସର୍ଵେ᳚ । ଚ॒ତ୍ଵାର॒ ଏକ॑ମ॒ଭି କର୍ମ॑ ଦେ॒ଵାଃ । ପ୍ରୋ॒ଷ୍ଠ॒ପ॒ଦା ସ॒ ଇତି॒ ଯାନ୍, ଵଦ॑ଂତି । ତେ ବୁ॒ଧ୍ନିଯଂ॑ ପରି॒ଷଦ୍ଯଗ୍ଗ୍॑ ସ୍ତୁ॒ଵଂତଃ॑ । ଅହିଗ୍-ମ୍॑ ରକ୍ଷଂତି॒ ନମ॑ସୋପ॒ସଦ୍ଯ॑ ॥ 26 ॥

ପୂ॒ଷା ରେ॒ଵତ୍ଯନ୍ଵେ॑ତି॒ ପଂଥା᳚ମ୍ । ପୁ॒ଷ୍ଟି॒ପତୀ॑ ପଶୁ॒ପା ଵାଜ॑ବସ୍ତ୍ଯୌ । ଇ॒ମାନି॑ ହ॒ଵ୍ଯା ପ୍ରଯ॑ତା ଜୁଷା॒ଣା । ସୁ॒ଗୈର୍ନୋ॒ ଯାନୈ॒ରୁପ॑ଯାତାଂ ଯ॒ଜ୍ଞମ୍ । କ୍ଷୁ॒ଦ୍ରାନ୍ ପ॒ଶୂନ୍ ର॑କ୍ଷତୁ ରେ॒ଵତୀ॑ ନଃ । ଗାଵୋ॑ ନୋ॒ ଅଶ୍ଵା॒ଗ୍-ମ୍॒ ଅନ୍ଵେ॑ତୁ ପୂ॒ଷା । ଅନ୍ନ॒ଗ୍-ମ୍॒ ରକ୍ଷଂ॑ତୌ ବହୁ॒ଧା ଵିରୂ॑ପମ୍ । ଵାଜଗ୍-ମ୍॑ ସନୁତାଂ॒ ଯଜ॑ମାନାଯ ଯ॒ଜ୍ଞମ୍ ॥ 27 ॥

ତଦ॒ଶ୍ଵିନା॑ଵଶ୍ଵ॒ଯୁଜୋପ॑ଯାତାମ୍ । ଶୁଭଂ॒ଗମି॑ଷ୍ଠୌ ସୁ॒ଯମେ॑ଭି॒ରଶ୍ଵୈଃ᳚ । ସ୍ଵଂ ନକ୍ଷ॑ତ୍ରଗ୍-ମ୍ ହ॒ଵିଷା॒ ଯଜଂ॑ତୌ । ମଧ୍ଵା॒ସଂପୃ॑କ୍ତୌ॒ ଯଜୁ॑ଷା॒ ସମ॑କ୍ତୌ । ଯୌ ଦେ॒ଵାନାଂ᳚ ଭି॒ଷଜୌ᳚ ହଵ୍ଯଵା॒ହୌ । ଵିଶ୍ଵ॑ସ୍ଯ ଦୂ॒ତାଵ॒ମୃତ॑ସ୍ଯ ଗୋ॒ପୌ । ତୌ ନକ୍ଷ॒ତ୍ରଂ ଜୁଜୁଷା॒ଣୋପ॑ଯାତାମ୍ । ନମୋ॒ଽଶ୍ଵିଭ୍ଯାଂ᳚ କୃଣୁମୋଽଶ୍ଵ॒ଯୁଗ୍ଭ୍ଯା᳚ମ୍ ॥ 28 ॥

ଅପ॑ ପା॒ପ୍ମାନଂ॒ ଭର॑ଣୀର୍ଭରଂତୁ । ତଦ୍ଯ॒ମୋ ରାଜା॒ ଭଗ॑ଵା॒ନ୍॒, ଵିଚ॑ଷ୍ଟାମ୍ । ଲୋ॒କସ୍ଯ॒ ରାଜା॑ ମହ॒ତୋ ମ॒ହାନ୍, ହି । ସୁ॒ଗଂ ନଃ॒ ପଂଥା॒ମଭ॑ଯଂ କୃଣୋତୁ । ଯସ୍ମି॒ନ୍ନକ୍ଷ॑ତ୍ରେ ଯ॒ମ ଏତି॒ ରାଜା᳚ । ଯସ୍ମି॑ନ୍ନେନମ॒ଭ୍ଯଷିଂ॑ଚଂତ ଦେ॒ଵାଃ । ତଦ॑ସ୍ଯ ଚି॒ତ୍ରଗ୍-ମ୍ ହ॒ଵିଷା॑ ଯଜାମ । ଅପ॑ ପା॒ପ୍ମାନଂ॒ ଭର॑ଣୀର୍ଭରଂତୁ ॥ 29 ॥

ନି॒ଵେଶ॑ନୀ ସଂ॒ଗମ॑ନୀ॒ ଵସୂ॑ନାଂ॒ ଵିଶ୍ଵା॑ ରୂ॒ପାଣି॒ ଵସୂ᳚ନ୍ଯାଵେ॒ଶଯ॑ଂତୀ । ସ॒ହ॒ସ୍ର॒ପୋ॒ଷଗ୍-ମ୍ ସୁ॒ଭଗା॒ ରରା॑ଣା॒ ସା ନ॒ ଆଗ॒ନ୍ଵର୍ଚ॑ସା ସଂଵିଦା॒ନା । ଯତ୍ତେ॑ ଦେ॒ଵା ଅଦ॑ଧୁର୍ଭାଗ॒ଧେଯ॒ମମା॑ଵାସ୍ଯେ ସଂ॒ଵସଂ॑ତୋ ମହି॒ତ୍ଵା । ସା ନୋ॑ ଯ॒ଜ୍ଞଂ ପି॑ପୃହି ଵିଶ୍ଵଵାରେ ର॒ଯିନ୍ନୋ॑ ଧେହି ସୁଭଗେ ସୁ॒ଵୀରମ୍᳚ ॥ 30 ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ।

********

Leave a Reply

Your email address will not be published. Required fields are marked *