Navaratna Malika Stotram Lyrics In Oriya/Odia
ହାରନୂପୁରକିରୀଟକୁଂଡଲଵିଭୂଷିତାଵଯଵଶୋଭିନୀଂ
କାରଣେଶଵରମୌଲିକୋଟିପରିକଲ୍ପ୍ଯମାନପଦପୀଠିକାମ୍ ।
କାଲକାଲଫଣିପାଶବାଣଧନୁରଂକୁଶାମରୁଣମେଖଲାଂ
ଫାଲଭୂତିଲକଲୋଚନାଂ ମନସି ଭାଵଯାମି ପରଦେଵତାମ୍ ॥ 1 ॥
ଗଂଧସାରଘନସାରଚାରୁନଵନାଗଵଲ୍ଲିରସଵାସିନୀଂ
ସାଂଧ୍ଯରାଗମଧୁରାଧରାଭରଣସୁଂଦରାନନଶୁଚିସ୍ମିତାମ୍ ।
ମଂଧରାଯତଵିଲୋଚନାମମଲବାଲଚଂଦ୍ରକୃତଶେଖରୀଂ
ଇଂଦିରାରମଣସୋଦରୀଂ ମନସି ଭାଵଯାମି ପରଦେଵତାମ୍ ॥ 2 ॥
ସ୍ମେରଚାରୁମୁଖମଂଡଲାଂ ଵିମଲଗଂଡଲଂବିମଣିମଂଡଲାଂ
ହାରଦାମପରିଶୋଭମାନକୁଚଭାରଭୀରୁତନୁମଧ୍ଯମାମ୍ ।
ଵୀରଗର୍ଵହରନୂପୁରାଂ ଵିଵିଧକାରଣେଶଵରପୀଠିକାଂ
ମାରଵୈରିସହଚାରିଣୀଂ ମନସି ଭାଵଯାମି ପରଦେଵତାମ୍ ॥ 3 ॥
ଭୂରିଭାରଧରକୁଂଡଲୀଂଦ୍ରମଣିବଦ୍ଧଭୂଵଲଯପୀଠିକାଂ
ଵାରିରାଶିମଣିମେଖଲାଵଲଯଵହ୍ନିମଂଡଲଶରୀରିଣୀମ୍ ।
ଵାରିସାରଵହକୁଂଡଲାଂ ଗଗନଶେଖରୀଂ ଚ ପରମାତ୍ମିକାଂ
ଚାରୁଚଂଦ୍ରଵିଲୋଚନାଂ ମନସି ଭାଵଯାମି ପରଦେଵତାମ୍ ॥ 4 ॥
କୁଂଡଲତ୍ରିଵିଧକୋଣମଂଡଲଵିହାରଷଡ୍ଦଲସମୁଲ୍ଲସ-
ତ୍ପୁଂଡରୀକମୁଖଭେଦିନୀଂ ଚ ପ୍ରଚଂଡଭାନୁଭାସମୁଜ୍ଜ୍ଵଲାମ୍ ।
ମଂଡଲେଂଦୁପରିଵାହିତାମୃତତରଂଗିଣୀମରୁଣରୂପିଣୀଂ
ମଂଡଲାଂତମଣିଦୀପିକାଂ ମନସି ଭାଵଯାମି ପରଦେଵତାମ୍ ॥ 5 ॥
ଵାରଣାନନମଯୂରଵାହମୁଖଦାହଵାରଣପଯୋଧରାଂ
ଚାରଣାଦିସୁରସୁଂଦରୀଚିକୁରଶେକରୀକୃତପଦାଂବୁଜାମ୍ ।
କାରଣାଧିପତିପଂଚକପ୍ରକୃତିକାରଣପ୍ରଥମମାତୃକାଂ
ଵାରଣାଂତମୁଖପାରଣାଂ ମନସି ଭାଵଯାମି ପରଦେଵତାମ୍ ॥ 6 ॥
ପଦ୍ମକାଂତିପଦପାଣିପଲ୍ଲଵପଯୋଧରାନନସରୋରୁହାଂ
ପଦ୍ମରାଗମଣିମେଖଲାଵଲଯନୀଵିଶୋଭିତନିତଂବିନୀମ୍ ।
ପଦ୍ମସଂଭଵସଦାଶିଵାଂତମଯପଂଚରତ୍ନପଦପୀଠିକାଂ
ପଦ୍ମିନୀଂ ପ୍ରଣଵରୂପିଣୀଂ ମନସି ଭାଵଯାମି ପରଦେଵତାମ୍ ॥ 7 ॥
ଆଗମପ୍ରଣଵପୀଠିକାମମଲଵର୍ଣମଂଗଳଶରୀରିଣୀଂ
ଆଗମାଵଯଵଶୋଭିନୀମଖିଲଵେଦସାରକୃତଶେଖରୀମ୍ ।
ମୂଲମଂତ୍ରମୁଖମଂଡଲାଂ ମୁଦିତନାଦବିଂଦୁନଵଯୌଵନାଂ
ମାତୃକାଂ ତ୍ରିପୁରସୁଂଦରୀଂ ମନସି ଭାଵଯାମି ପରଦେଵତାମ୍ ॥ 8 ॥
କାଲିକାତିମିରକୁଂତଲାଂତଘନଭୃଂଗମଂଗଳଵିରାଜିନୀଂ
ଚୂଲିକାଶିଖରମାଲିକାଵଲଯମଲ୍ଲିକାସୁରଭିସୌରଭାମ୍ ।
ଵାଲିକାମଧୁରଗଂଡମଂଡଲମନୋହରାନନସରୋରୁହାଂ
କାଲିକାମଖିଲନାଯିକାଂ ମନସି ଭାଵଯାମି ପରଦେଵତାମ୍ ॥ 9 ॥
ନିତ୍ଯମେଵ ନିଯମେନ ଜଲ୍ପତାଂ – ଭୁକ୍ତିମୁକ୍ତିଫଲଦାମଭୀଷ୍ଟଦାମ୍ ।
ଶଂକରେଣ ରଚିତାଂ ସଦା ଜପେନ୍ନାମରତ୍ନନଵରତ୍ନମାଲିକାମ୍ ॥ 10 ॥
********