[ଶିଵାପରାଧ କ୍ଷମାପଣ ସ୍ତୋତ୍ରମ୍] ᐈ Shiva Aparadha Kshamapana Stotram Lyrics In Oriya/Odia Pdf

Shiva Aparadha Kshamapana Stotram Oriya/Odia Lyrics

ଆଦୌ କର୍ମପ୍ରସଂଗାତ୍କଲଯତି କଲୁଷଂ ମାତୃକୁକ୍ଷୌ ସ୍ଥିତଂ ମାଂ
ଵିଣ୍ମୂତ୍ରାମେଧ୍ଯମଧ୍ଯେ କଥଯତି ନିତରାଂ ଜାଠରୋ ଜାତଵେଦାଃ ।
ଯଦ୍ଯଦ୍ଵୈ ତତ୍ର ଦୁଃଖଂ ଵ୍ଯଥଯତି ନିତରାଂ ଶକ୍ଯତେ କେନ ଵକ୍ତୁଂ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥1॥

ବାଲ୍ଯେ ଦୁଃଖାତିରେକୋ ମଲଲୁଲିତଵପୁଃ ସ୍ତନ୍ଯପାନେ ପିପାସା
ନୋ ଶକ୍ତଶ୍ଚେଂଦ୍ରିଯେଭ୍ଯୋ ଭଵଗୁଣଜନିତାଃ ଜଂତଵୋ ମାଂ ତୁଦଂତି ।
ନାନାରୋଗାଦିଦୁଃଖାଦ୍ରୁଦନପରଵଶଃ ଶଂକରଂ ନ ସ୍ମରାମି
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥2॥

ପ୍ରୌଢୋଽହଂ ଯୌଵନସ୍ଥୋ ଵିଷଯଵିଷଧରୈଃ ପଂଚଭିର୍ମର୍ମସଂଧୌ
ଦଷ୍ଟୋ ନଷ୍ଟୋଽଵିଵେକଃ ସୁତଧନଯୁଵତିସ୍ଵାଦୁସୌଖ୍ଯେ ନିଷଣ୍ଣଃ ।
ଶୈଵୀଚିଂତାଵିହୀନଂ ମମ ହୃଦଯମହୋ ମାନଗର୍ଵାଧିରୂଢଂ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥3॥

ଵାର୍ଧକ୍ଯେ ଚେଂଦ୍ରିଯାଣାଂ ଵିଗତଗତିମତିଶ୍ଚାଧିଦୈଵାଦିତାପୈଃ
ପାପୈ ରୋଗୈର୍ଵିଯୋଗୈସ୍ତ୍ଵନଵସିତଵପୁଃ ପ୍ରୌଢହୀନଂ ଚ ଦୀନମ୍ ।
ମିଥ୍ଯାମୋହାଭିଲାଷୈର୍ଭ୍ରମତି ମମ ମନୋ ଧୂର୍ଜଟେର୍ଧ୍ଯାନଶୂନ୍ଯଂ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥4॥

ନୋ ଶକ୍ଯଂ ସ୍ମାର୍ତକର୍ମ ପ୍ରତିପଦଗହନପ୍ରତ୍ଯଵାଯାକୁଲାଖ୍ଯଂ
ଶ୍ରୌତେ ଵାର୍ତା କଥଂ ମେ ଦ୍ଵିଜକୁଲଵିହିତେ ବ୍ରହ୍ମମାର୍ଗେଽସୁସାରେ ।
ଜ୍ଞାତୋ ଧର୍ମୋ ଵିଚାରୈଃ ଶ୍ରଵଣମନନଯୋଃ କିଂ ନିଦିଧ୍ଯାସିତଵ୍ଯଂ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥5॥

ସ୍ନାତ୍ଵା ପ୍ରତ୍ଯୂଷକାଲେ ସ୍ନପନଵିଧିଵିଧୌ ନାହୃତଂ ଗାଂଗତୋଯଂ
ପୂଜାର୍ଥଂ ଵା କଦାଚିଦ୍ବହୁତରଗହନାତ୍ଖଂଡବିଲ୍ଵୀଦଲାନି ।
ନାନୀତା ପଦ୍ମମାଲା ସରସି ଵିକସିତା ଗଂଧଧୂପୈଃ ତ୍ଵଦର୍ଥଂ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥6॥

ଦୁଗ୍ଧୈର୍ମଧ୍ଵାଜ୍ଯୁତୈର୍ଦଧିସିତସହିତୈଃ ସ୍ନାପିତଂ ନୈଵ ଲିଂଗଂ
ନୋ ଲିପ୍ତଂ ଚଂଦନାଦ୍ଯୈଃ କନକଵିରଚିତୈଃ ପୂଜିତଂ ନ ପ୍ରସୂନୈଃ ।
ଧୂପୈଃ କର୍ପୂରଦୀପୈର୍ଵିଵିଧରସଯୁତୈର୍ନୈଵ ଭକ୍ଷ୍ଯୋପହାରୈଃ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥7॥

ଧ୍ଯାତ୍ଵା ଚିତ୍ତେ ଶିଵାଖ୍ଯଂ ପ୍ରଚୁରତରଧନଂ ନୈଵ ଦତ୍ତଂ ଦ୍ଵିଜେଭ୍ଯୋ
ହଵ୍ଯଂ ତେ ଲକ୍ଷସଂଖ୍ଯୈର୍ହୁତଵହଵଦନେ ନାର୍ପିତଂ ବୀଜମଂତ୍ରୈଃ ।
ନୋ ତପ୍ତଂ ଗାଂଗାତୀରେ ଵ୍ରତଜନନିଯମୈଃ ରୁଦ୍ରଜାପ୍ଯୈର୍ନ ଵେଦୈଃ
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥8॥

ସ୍ଥିତ୍ଵା ସ୍ଥାନେ ସରୋଜେ ପ୍ରଣଵମଯମରୁତ୍କୁଂଭକେ (କୁଂଡଲେ)ସୂକ୍ଷ୍ମମାର୍ଗେ
ଶାଂତେ ସ୍ଵାଂତେ ପ୍ରଲୀନେ ପ୍ରକଟିତଵିଭଵେ ଜ୍ଯୋତିରୂପେଽପରାଖ୍ଯେ ।
ଲିଂଗଜ୍ଞେ ବ୍ରହ୍ମଵାକ୍ଯେ ସକଲତନୁଗତଂ ଶଂକରଂ ନ ସ୍ମରାମି
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥9॥

ନଗ୍ନୋ ନିଃସଂଗଶୁଦ୍ଧସ୍ତ୍ରିଗୁଣଵିରହିତୋ ଧ୍ଵସ୍ତମୋହାଂଧକାରୋ
ନାସାଗ୍ରେ ନ୍ଯସ୍ତଦୃଷ୍ଟିର୍ଵିଦିତଭଵଗୁଣୋ ନୈଵ ଦୃଷ୍ଟଃ କଦାଚିତ୍ ।
ଉନ୍ମନ୍ଯାଽଵସ୍ଥଯା ତ୍ଵାଂ ଵିଗତକଲିମଲଂ ଶଂକରଂ ନ ସ୍ମରାମି
କ୍ଷଂତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀ ମହାଦେଵ ଶଂଭୋ ॥10॥

ଚଂଦ୍ରୋଦ୍ଭାସିତଶେଖରେ ସ୍ମରହରେ ଗଂଗାଧରେ ଶଂକରେ
ସର୍ପୈର୍ଭୂଷିତକଂଠକର୍ଣଯୁଗଲେ (ଵିଵରେ)ନେତ୍ରୋତ୍ଥଵୈଶ୍ଵାନରେ ।
ଦଂତିତ୍ଵକ୍କୃତସୁଂଦରାଂବରଧରେ ତ୍ରୈଲୋକ୍ଯସାରେ ହରେ
ମୋକ୍ଷାର୍ଥଂ କୁରୁ ଚିତ୍ତଵୃତ୍ତିମଚଲାମନ୍ଯୈସ୍ତୁ କିଂ କର୍ମଭିଃ ॥11॥

କିଂ ଵାଽନେନ ଧନେନ ଵାଜିକରିଭିଃ ପ୍ରାପ୍ତେନ ରାଜ୍ଯେନ କିଂ
କିଂ ଵା ପୁତ୍ରକଲତ୍ରମିତ୍ରପଶୁଭିର୍ଦେହେନ ଗେହେନ କିମ୍ ।
ଜ୍ଞାତ୍ଵୈତତ୍କ୍ଷଣଭଂଗୁରଂ ସପଦି ରେ ତ୍ଯାଜ୍ଯଂ ମନୋ ଦୂରତଃ
ସ୍ଵାତ୍ମାର୍ଥଂ ଗୁରୁଵାକ୍ଯତୋ ଭଜ ମନ ଶ୍ରୀପାର୍ଵତୀଵଲ୍ଲଭମ୍ ॥12॥

ଆଯୁର୍ନଶ୍ଯତି ପଶ୍ଯତାଂ ପ୍ରତିଦିନଂ ଯାତି କ୍ଷଯଂ ଯୌଵନଂ
ପ୍ରତ୍ଯାଯାଂତି ଗତାଃ ପୁନର୍ନ ଦିଵସାଃ କାଲୋ ଜଗଦ୍ଭକ୍ଷକଃ ।
ଲକ୍ଷ୍ମୀସ୍ତୋଯତରଂଗଭଂଗଚପଲା ଵିଦ୍ଯୁଚ୍ଚଲଂ ଜୀଵିତଂ
ତସ୍ମାତ୍ତ୍ଵାଂ (ମାଂ)ଶରଣାଗତଂ ଶରଣଦ ତ୍ଵଂ ରକ୍ଷ ରକ୍ଷାଧୁନା ॥13॥

ଵଂଦେ ଦେଵମୁମାପତିଂ ସୁରଗୁରୁଂ ଵଂଦେ ଜଗତ୍କାରଣଂ
ଵଂଦେ ପନ୍ନଗଭୂଷଣଂ ମୃଗଧରଂ ଵଂଦେ ପଶୂନାଂ ପତିମ୍ ।
ଵଂଦେ ସୂର୍ଯଶଶାଂକଵହ୍ନିନଯନଂ ଵଂଦେ ମୁକୁଂଦପ୍ରିଯଂ
ଵଂଦେ ଭକ୍ତଜନାଶ୍ରଯଂ ଚ ଵରଦଂ ଵଂଦେ ଶିଵଂ ଶଂକରମ୍ ॥14॥

ଗାତ୍ରଂ ଭସ୍ମସିତଂ ଚ ହସିତଂ ହସ୍ତେ କପାଲଂ ସିତଂ
ଖଟ୍ଵାଂଗଂ ଚ ସିତଂ ସିତଶ୍ଚ ଵୃଷଭଃ କର୍ଣେ ସିତେ କୁଂଡଲେ ।
ଗଂଗାଫେନସିତା ଜଟା ପଶୁପତେଶ୍ଚଂଦ୍ରଃ ସିତୋ ମୂର୍ଧନି
ସୋଽଯଂ ସର୍ଵସିତୋ ଦଦାତୁ ଵିଭଵଂ ପାପକ୍ଷଯଂ ସର୍ଵଦା ॥15॥

କରଚରଣକୃତଂ ଵାକ୍କାଯଜଂ କର୍ମଜଂ ଵା
ଶ୍ରଵଣନଯନଜଂ ଵା ମାନସଂ ଵାଽପରାଧମ୍ ।
ଵିହିତମଵିହିତଂ ଵା ସର୍ଵମେତତ୍କ୍ଷ୍ମସ୍ଵ
ଶିଵ ଶିଵ କରୁଣାବ୍ଧେ ଶ୍ରୀ ମହାଦେଵ ଶଂଭୋ ॥16॥

॥ଇତି ଶ୍ରୀମଦ୍ ଶଂକରାଚାର୍ଯକୃତ ଶିଵାପରାଧକ୍ଷମାପଣ ସ୍ତୋତ୍ରଂ ସଂପୂର୍ଣମ୍ ॥

********

Leave a Reply

Your email address will not be published. Required fields are marked *