Sri Sita Rama Stotram Lyrics In Oriya/Odia
ଅଯୋଧ୍ଯାପୁରନେତାରଂ ମିଥିଲାପୁରନାଯିକାମ୍ ।
ରାଘଵାଣାମଲଂକାରଂ ଵୈଦେହାନାମଲଂକ୍ରିଯାମ୍ ॥ 1 ॥
ରଘୂଣାଂ କୁଲଦୀପଂ ଚ ନିମୀନାଂ କୁଲଦୀପିକାମ୍ ।
ସୂର୍ଯଵଂଶସମୁଦ୍ଭୂତଂ ସୋମଵଂଶସମୁଦ୍ଭଵାମ୍ ॥ 2 ॥
ପୁତ୍ରଂ ଦଶରଥସ୍ଯାଦ୍ଯଂ ପୁତ୍ରୀଂ ଜନକଭୂପତେଃ ।
ଵଶିଷ୍ଠାନୁମତାଚାରଂ ଶତାନଂଦମତାନୁଗାମ୍ ॥ 3 ॥
କୌସଲ୍ଯାଗର୍ଭସଂଭୂତଂ ଵେଦିଗର୍ଭୋଦିତାଂ ସ୍ଵଯମ୍ ।
ପୁଂଡରୀକଵିଶାଲାକ୍ଷଂ ସ୍ଫୁରଦିଂଦୀଵରେକ୍ଷଣାମ୍ ॥ 4 ॥
ଚଂଦ୍ରକାଂତାନନାଂଭୋଜଂ ଚଂଦ୍ରବିଂବୋପମାନନାମ୍ ।
ମତ୍ତମାତଂଗଗମନଂ ମତ୍ତହଂସଵଧୂଗତାମ୍ ॥ 5 ॥
ଚଂଦନାର୍ଦ୍ରଭୁଜାମଧ୍ଯଂ କୁଂକୁମାର୍ଦ୍ରକୁଚସ୍ଥଲୀମ୍ ।
ଚାପାଲଂକୃତହସ୍ତାବ୍ଜଂ ପଦ୍ମାଲଂକୃତପାଣିକାମ୍ ॥ 6 ॥
ଶରଣାଗତଗୋପ୍ତାରଂ ପ୍ରଣିପାଦପ୍ରସାଦିକାମ୍ ।
କାଲମେଘନିଭଂ ରାମଂ କାର୍ତସ୍ଵରସମପ୍ରଭାମ୍ ॥ 7 ॥
ଦିଵ୍ଯସିଂହାସନାସୀନଂ ଦିଵ୍ଯସ୍ରଗ୍ଵସ୍ତ୍ରଭୂଷଣାମ୍ ।
ଅନୁକ୍ଷଣଂ କଟାକ୍ଷାଭ୍ଯାଂ ଅନ୍ଯୋନ୍ଯେକ୍ଷଣକାଂକ୍ଷିଣୌ ॥ 8 ॥
ଅନ୍ଯୋନ୍ଯସଦୃଶାକାରୌ ତ୍ରୈଲୋକ୍ଯଗୃହଦଂପତୀ।
ଇମୌ ଯୁଵାଂ ପ୍ରଣମ୍ଯାହଂ ଭଜାମ୍ଯଦ୍ଯ କୃତାର୍ଥତାମ୍ ॥ 9 ॥
ଅନେନ ସ୍ତୌତି ଯଃ ସ୍ତୁତ୍ଯଂ ରାମଂ ସୀତାଂ ଚ ଭକ୍ତିତଃ ।
ତସ୍ଯ ତୌ ତନୁତାଂ ପୁଣ୍ଯାଃ ସଂପଦଃ ସକଲାର୍ଥଦାଃ ॥ 10 ॥
ଏଵଂ ଶ୍ରୀରାମଚଂଦ୍ରସ୍ଯ ଜାନକ୍ଯାଶ୍ଚ ଵିଶେଷତଃ ।
କୃତଂ ହନୂମତା ପୁଣ୍ଯଂ ସ୍ତୋତ୍ରଂ ସଦ୍ଯୋ ଵିମୁକ୍ତିଦମ୍ ।
ଯଃ ପଠେତ୍ପ୍ରାତରୁତ୍ଥାଯ ସର୍ଵାନ୍ କାମାନଵାପ୍ନୁଯାତ୍ ॥ 11 ॥
ଇତି ହନୂମତ୍କୃତ-ସୀତାରାମ ସ୍ତୋତ୍ରଂ ସଂପୂର୍ଣମ୍ ॥
********