Taittiriya Upanishad- Shikshavalli Lyrics In Bengali
হরিঃ ওম্ ॥ শং নো॑ মি॒ত্রশ্শং বরু॑ণঃ । শং নো॑ ভবত্বর্য॒মা । শং ন॒ ইংদ্রো॒ বৃহ॒স্পতিঃ॑ । শং নো॒ বিষ্ণু॑-রুরুক্র॒মঃ । নমো॒ ব্রহ্ম॑ণে । নম॑স্তে বাযো । ত্বমে॒ব প্র॒ত্যক্ষং॒ ব্রহ্মা॑সি । ত্বমে॒ব প্র॒ত্যক্ষং॒ ব্রহ্ম॑ বদিষ্যামি । ঋ॒তং ব॑দিষ্যামি । স॒ত্যং ব॑দিষ্যামি। তন্মাম॑বতু । তদ্ব॒ত্তার॑মবতু । অব॑তু॒ মাম্ । অব॑তু ব॒ক্তারম্᳚ । ওং শাংতিঃ॒ শাংতিঃ॒ শাংতিঃ॑ ॥1॥
ওং শীক্ষাং ব্যা᳚খ্যাস্যা॒মঃ । বর্ণ॒-স্স্বরঃ । মাত্রা॒ বলম্ । সাম॑ সংতা॒নঃ । ইত্যুক্ত-শ্শী᳚ক্ষাধ্যা॒যঃ ॥2॥
স॒হ নৌ॒ যশঃ । স॒হ নৌ ব্র॑হ্মব॒র্চসম্ । অথাতস্সগ্-ম্হিতাযা উপনিষদং ব্যা᳚খাস্যা॒মঃ । পংচস্বধিক॑রণে॒ষু । অধিলোকমধিজ্যৌতিষ-মধিবিদ্য-মধিপ্রজ॑-মধ্যা॒ত্মম্ । তা মহাসগ্-ম্হিতা ই॑ত্যাচ॒ক্ষতে । অথা॑ধিলো॒কম্ । পৃথিবী পূ᳚র্বরূ॒পম্ । দ্যৌরুত্ত॑ররূ॒পম্ । আকা॑শ-স্সং॒ধিঃ ॥3॥ বাযুঃ॑-স্সংধা॒নম্ । ইত্য॑ধিলো॒কম্ । অথা॑ধিজ্যৌ॒তিষম্ । অগ্নিঃ পূ᳚র্বরূ॒পম্ । আদিত্য উত্ত॑ররূ॒পম্ । আ॑পস্সং॒ধিঃ । বৈদ্যুত॑স্সংধা॒নম্ । ইত্য॑ধিজ্যৌ॒তিষম্ । অথা॑ধিবি॒দ্যম্ । আচার্যঃ পূ᳚র্বরূ॒পম্ ॥4। অংতেবাস্যুত্ত॑ররূ॒পম্ । বি॑দ্যা সং॒ধিঃ । প্রবচনগ্-ম্॑ সংধা॒নম্ । ইত্য॑ধিবি॒দ্যম্ ॥ অথাধি॒প্রজম্ । মাতা পূ᳚র্বরূ॒পম্ । পিতোত্ত॑ররূ॒পম্ । প্র॑জা সং॒ধিঃ । প্রজননগ্-ম্॑ সংধা॒নম্ । ইত্যধি॒প্রজম্ ॥5॥ অথাধ্যা॒ত্মম্ । অধরা হনুঃ পূ᳚র্বরূ॒পম্ । উত্তরা হনুরুত্ত॑ররূ॒পম্ । বাক্সং॒ধিঃ । জিহ্বা॑ সংধা॒নম্ । ইত্যধ্যা॒ত্মম্ । ইতীমা ম॑হাস॒গ্-ম্॒হি॑তাঃ ॥ য এবমেতা মহাসগ্-ম্হিতা ব্যাখ্যা॑তা বে॒দ । সংধীযতে প্রজ॑যা প॒শুভিঃ । ব্রহ্মবর্চসেনান্নাদ্যেন সুবর্গ্যেণ॑ লোকে॒ন ॥6॥
যশ্ছংদ॑সামৃষ॒ভো বি॒শ্বরূ॑পঃ । ছংদো॒ভ্যোঽধ্য॒মৃতা᳚থ্সং ব॒ভূব॑ । স মেংদ্রো॑ মে॒ধযা᳚ স্পৃণোতু । অ॒মৃত॑স্য দেব॒ধার॑ণো ভূযাসম্ । শরী॑রং মে॒ বিচ॑র্-ষণম্ । জি॒হ্বা মে॒ মধু॑মত্তমা । কর্ণা᳚ভ্যং॒ ভূরি॒বিশ্রু॑বম্ । ব্রহ্ম॑ণঃ কো॒শো॑ঽসি মে॒ধযাঽপি॑হিতঃ । শ্রু॒তং মে॑ গোপায । আ॒বহং॑তী বিতন্বা॒না ॥7॥ কু॒র্বা॒ণা চীর॑মা॒ত্মনঃ॑ । বাসাগ্-ম্॑সি॒ মম॒ গাব॑শ্চ । অ॒ন্ন॒পা॒নে চ॑ সর্ব॒দা । ততো॑ মে॒ শ্রিয॒মাব॑হ । লো॒ম॒শাং প॒শুভি॑স্স॒হ স্বাহা᳚ । আমা॑যংতু ব্রহ্মচা॒রিণ॒স্স্বাহা᳚ । বিমা॑ঽঽযংতু ব্রহ্মচা॒রিণ॒স্স্বাহা᳚ । প্রমা॑ঽঽযংতু ব্রহ্মচা॒রিণ॒স্স্বাহা᳚ । দমা॑যংতু ব্রহ্মচা॒রিণ॒স্স্বাহা᳚ । শমা॑যংতু ব্রহ্মচা॒রিণ॒স্স্বাহা᳚ ॥8॥ যশো॒ জনে॑ঽসানি॒ স্বাহা᳚ । শ্রেযা॒ন্॒ বস্য॑সোঽসানি॒ স্বাহা᳚ । তং ত্বা॑ ভগ॒ প্রবি॑শানি॒ স্বাহা᳚ । স মা॑ ভগ॒ প্রবি॑শ॒ স্বাহা᳚ । তস্মিং᳚থ্স॒হস্র॑শাখে । শ্রেযা॒ন্॒ বস্য॑সোঽসানি॒ স্বাহা᳚ । তং ত্বা॑ ভগ॒ প্রবি॑শানি॒ স্বাহা᳚ । স মা॑ ভগ॒ প্রবি॑শ॒ স্বাহা᳚ । তস্মিং᳚থ্স॒হস্র॑শাখে । নি ভ॑গা॒ঽহং ত্বযি॑ মৃজে॒ স্বাহা᳚ । যথাঽঽপঃ॒ প্রব॑তা॒ঽঽযংতি॑ । যথা॒ মাসা॑ অহর্জ॒রম্ । এবং॒ মাং ব্র॑হ্মচা॒রিণঃ॑ । ধাত॒রাযং॑তু স॒র্বত॒স্স্বাহা᳚ । প্র॒তি॒বে॒শো॑ঽসি॒ প্র মা॑ ভাহি॒ প্র মা॑ পদ্যস্ব ॥9॥
ভূর্ভুব॒স্সুব॒রিতি॒ বা এ॒তাস্তি॒স্রো ব্যাহৃ॑তযঃ । তাসা॑মু হ স্মৈ॒ তাং চ॑তু॒র্থীম্ । মাহা॑চমস্যঃ॒ প্রবে॑দযতে । মহ॒ ইতি॑ । তদ্ব্রহ্ম॑ । স আ॒ত্মা । অংগা᳚ন্য॒ন্যা দে॒বতাঃ᳚ । ভূরিতি॒ বা অ॒যং লো॒কঃ । ভুব॒ ইত্যং॒তরি॑ক্ষম্ । সুব॒রিত্য॒সৌ লো॒কঃ ॥10॥ মহ॒ ইত্যা॑দি॒ত্যঃ । আ॒দি॒ত্যেন॒ বাব সর্বে॑ লো॒কা মহী॑যংতে । ভূরিতি॒ বা অ॒গ্নিঃ । ভুব॒ ইতি॑ বা॒যুঃ । সুব॒রিত্যা॑দি॒ত্যঃ । মহ॒ ইতি॑ চং॒দ্রমাঃ᳚ । চং॒দ্রম॑সা॒ বাব সর্বা॑ণি॒ জ্যোতীগ্-ম্॑ষি॒ মহী॑যংতে । ভূরিতি॒ বা ঋচঃ॑ । ভুব॒ ইতি॒ সামা॑নি । সুব॒রিতি॒ যজূগ্-ম্॑ষি ॥11॥ মহ॒ ইতি॒ ব্রহ্ম॑ । ব্রহ্ম॑ণা॒ বাব সর্বে॑ বে॒দা মহী॑যংতে । ভূরিতি॒ বৈ প্রাণঃ । ভুব॒ ইত্য॑পা॒নঃ । সুব॒রিতি॑ ব্যা॒নঃ । মহ॒ ইত্যন্নম্᳚ । অন্নে॑ন॒ বাব সর্বে᳚ প্রা॒ণা মহী॑যংতে । তা বা এ॒তাশ্চত॑স্রশ্চতু॒র্ধা । চত॑স্রশ্চতস্রো॒ ব্যাহৃ॑তযঃ । তা যো বেদ॑ । স বে॑দ॒ ব্রহ্ম॑ । সর্বে᳚ঽস্মৈ দে॒বা ব॒লিমাব॑হংতি ॥12॥
স য এ॒ষো᳚ঽংতর্-হৃ॑দয আকা॒শঃ । তস্মি॑ন্ন॒যং পুরু॑ষো মনো॒মযঃ॑ । অমৃ॑তো হির॒ণ্মযঃ॑ । অংত॑রেণ॒ তালু॑কে । য এ॒ষ স্তন॑ ইবাব॒লংব॑তে । সেং᳚দ্রযো॒নিঃ । যত্রা॒সৌ কে॑শাং॒তো বিবর্ত॑তে । ব্য॒পোহ্য॑ শীর্-ষকপা॒লে । ভূরিত্য॒গ্নৌ প্রতি॑তিষ্ঠতি । ভুব॒ ইতি॑ বা॒যৌ ॥13॥ সুব॒রিত্যা॑দি॒ত্যে । মহ॒ ইতি॒ ব্রহ্ম॑ণি । আ॒প্নোতি॒ স্বারা᳚জ্যম্ । আ॒প্নোতি॒ মন॑স॒স্পতিম্᳚ । বাক্প॑তি॒শ্চক্ষু॑শ্পতিঃ । শ্রোত্র॑পতির্বি॒জ্ঞান॑পতিঃ । এ॒তত্ততো॑ ভবতি । আ॒কা॒শশ॑রীরং॒ ব্রহ্ম॑ । স॒ত্যাত্ম॑ প্রা॒ণারা॑মং॒ মন॑ আনংদম্ । শাংতি॑সমৃদ্ধ-ম॒মৃতম্᳚ । ইতি॑ প্রাচীন যো॒গ্যোপা᳚স্স্ব ॥14॥
পৃ॒থি॒ব্যং॑তরি॑ক্ষং॒ দ্যৌর্দিশো॑ঽবাংতরদি॒শাঃ । অ॒গ্নির্বা॒যুরা॑দি॒ত্যশ্চং॒দ্রমা॒ নক্ষ॑ত্রাণি । আপ॒ ওষ॑ধযো॒ বন॒স্পত॑য আকা॒শ আ॒ত্মা । ইত্য॑ধিভূ॒তম্ । অথাধ্যা॒ত্মম্ । প্রা॒ণো ব্যা॒নো॑ঽপা॒ন উ॑দা॒নস্স॑মা॒নঃ । চক্ষু॒শ্রোত্রং॒ মনো॒ বাক্-ত্বক্ । চর্ম॑ মা॒গ্-ম্॒সগ্গ্ স্নাবাঽস্থি॑ ম॒জ্জা । এ॒তদ॑ধিবি॒ধায॒ ঋষি॒রবো॑চত্ । পাংক্তং॒ বা ই॒দগ্-ম্ সর্বম্᳚ । পাংক্তে॑নৈ॒ব পাংক্তগ্গ্॑ স্পৃণো॒তীতি॑ ॥15॥
ওমিতি॒ ব্রহ্ম॑ । ওমিতী॒দগ্-ম্ সর্বম্᳚ । ওমিত্যে॒তদ॑নুকৃতি হস্ম॒ বা অ॒প্যো শ্রা॑ব॒যেত্যাশ্রা॑বযংতি । ওমিতি॒ সামা॑নি গাযংতি । ওগ্-ম্ শোমিতি॑ শ॒স্ত্রাণি॑ শগ্-ম্সংতি । ওমিত্য॑ধ্ব॒র্যুঃ প্র॑তিগ॒রং প্রতি॑গৃণাতি । ওমিতি॒ ব্রহ্মা॒ প্রসৌ॑তি । ওমিত্য॑গ্নিহো॒ত্রমনু॑জানাতি । ওমিতি॑ ব্রাহ্ম॒ণঃ প্র॑ব॒ক্ষ্যন্না॑হ॒ ব্রহ্মোপা᳚প্নবা॒নীতি॑ । ব্রহ্মৈ॒বোপা᳚প্নোতি ॥16॥
ঋতং চ স্বাধ্যাযপ্রব॑চনে॒ চ । সত্যং চ স্বাধ্যাযপ্রব॑চনে॒ চ । তপশ্চ স্বাধ্যাযপ্রব॑চনে॒ চ । দমশ্চ স্বাধ্যাযপ্রব॑চনে॒ চ । শমশ্চ স্বাধ্যাযপ্রব॑চনে॒ চ । অগ্নযশ্চ স্বাধ্যাযপ্রব॑চনে॒ চ । অগ্নিহোত্রং চ স্বাধ্যাযপ্রব॑চনে॒ চ । অতিথযশ্চ স্বাধ্যাযপ্রব॑চনে॒ চ । মানুষং চ স্বাধ্যাযপ্রব॑চনে॒ চ । প্রজা চ স্বাধ্যাযপ্রব॑চনে॒ চ । প্রজনশ্চ স্বাধ্যাযপ্রব॑চনে॒ চ । প্রজাতিশ্চ স্বাধ্যাযপ্রব॑চনে॒ চ । সত্যমিতি সত্যবচা॑ রাথী॒তরঃ । তপ ইতি তপোনিত্যঃ পৌ॑রুশি॒ষ্টিঃ । স্বাধ্যাযপ্রবচনে এবেতি নাকো॑ মৌদ্গ॒ল্যঃ । তদ্ধি তপ॑-স্তদ্ধি॒ তপঃ ॥17॥
অ॒হং বৃ॒ক্ষস্য॒ রেরি॑বা । কী॒র্তিঃ পৃ॒ষ্ঠং গি॒রেরি॑ব । ঊ॒র্ধ্বপ॑বিত্রো বা॒জিনী॑ব স্ব॒মৃত॑মস্মি । দ্রবি॑ণ॒গ্-ম্॒ সব॑র্চসম্ । সুমেধা অ॑মৃতো॒ক্ষিতঃ । ইতি ত্রিশংকোর্বেদা॑নুব॒চনম্ ॥18॥
বেদমনূচ্যাচার্যোঽংতেবাসিন-ম॑নুশা॒স্তি । সত্যং॒ বদ । ধর্মং॒ চর । স্বাধ্যাযা᳚ন্মা প্র॒মদঃ । আচার্যায প্রিযং ধনমাহৃত্য প্রজাতংতুং মা ব্য॑বচ্ছে॒থ্সীঃ । সত্যান্ন প্রম॑দিত॒ব্যম্ । ধর্মান্ন প্রম॑দিত॒ব্যম্ । কুশলান্ন প্রম॑দিত॒ব্যম্ । ভূত্যৈ ন প্রম॑দিত॒ব্যম্ । স্বাধ্যাযপ্রবচনাভ্যাং ন প্রম॑দিত॒ব্যম্ ॥19॥ দেবপিতৃকার্যাভ্যাং ন প্রম॑দিত॒ব্যম্ । মাতৃ॑দেবো॒ ভব । পিতৃ॑দেবো॒ ভব । আচার্য॑দেবো॒ ভব । অতিথি॑দেবো॒ ভব । যান্যনবদ্যানি॑ কর্মা॒ণি । তানি সেবি॑তব্যা॒নি । নো ই॑তরা॒ণি । যান্যস্মাকগ্-ম্ সুচ॑রিতা॒নি । তানি ত্বযো॑পাস্যা॒নি ॥20॥ নো ই॑তরা॒ণি । যে কে চাস্মচ্ছ্রেযাগ্-ম্॑সো ব্রা॒হ্মণাঃ । তেষাং ত্বযাঽঽসনে ন প্রশ্ব॑সিত॒ব্যম্ । শ্রদ্ধ॑যা দে॒যম্ । অশ্রদ্ধ॑যাঽদে॒যম্ । শ্রি॑যা দে॒যম্ । হ্রি॑যা দে॒যম্ । ভি॑যা দে॒যম্ । সংবি॑দা দে॒যম্ । অথ যদি তে কর্মবিচিকিথ্সা বা বৃত্তবিচিকি॑থ্সা বা॒ স্যাত্ ॥21॥ যে তত্র ব্রাহ্মণা᳚স্সংম॒র্-শিনঃ । যুক্তা॑ আযু॒ক্তাঃ । অলূক্ষা॑ ধর্ম॑কামা॒স্স্যুঃ । যথা তে॑ তত্র॑ বর্তে॒রন্ন্ । তথা তত্র॑ বর্তে॒থাঃ । অথাভ্যা᳚খ্যাতে॒ষু । যে তত্র ব্রাহ্মণা᳚স্সংম॒র্-শিনঃ । যুক্তা॑ আযু॒ক্তাঃ । অলূক্ষা॑ ধর্ম॑কামা॒স্স্যুঃ । যথা তে॑ তেষু॑ বর্তে॒রন্ । তথা তেষু॑ বর্তে॒থাঃ । এষ॑ আদে॒শঃ । এষ উ॑পদে॒শঃ । এষা বে॑দোপ॒নিষত্ । এতদ॑নুশা॒সনম্ । এবমুপা॑সিত॒ব্যম্ । এবমুচৈত॑দুপা॒স্যম্ ॥22॥
শং নো॑ মি॒ত্রশ্শং বরু॑ণঃ । শং নো॑ ভবত্বর্য॒মা । শং ন॒ ইংদ্রো॒ বৃহ॒স্পতিঃ॑ । শং নো॒ বিষ্ণু॑রুরুক্র॒মঃ । নমো॒ ব্রহ্ম॑ণে । নম॑স্তে বাযো । ত্বমে॒ব প্র॒ত্যক্ষং॒ ব্রহ্মা॑সি । ত্বামে॒ব প্র॒ত্যক্ষং॒ ব্রহ্মাবা॑দিষম্ । ঋ॒তম॑বাদিষম্ । স॒ত্যম॑বাদিষম্ । তন্মামা॑বীত্ । তদ্ব॒ক্তার॑মাবীত্ । আবী॒ন্মাম্ । আবী᳚দ্ব॒ক্তারম্᳚ । ওং শাংতিঃ॒ শাংতিঃ॒ শাংতিঃ॑ ॥
॥ হরিঃ॑ ওম্ ॥
॥ শ্রী কৃষ্ণার্পণমস্তু ॥
********
So nice Job