Uma Maheswara Stotram Oriya/Odia
ନମଃ ଶିଵାଭ୍ଯାଂ ନଵଯୌଵନାଭ୍ଯାଂ
ପରସ୍ପରାଶ୍ଲିଷ୍ଟଵପୁର୍ଧରାଭ୍ଯାଂ ।
ନଗେଂଦ୍ରକନ୍ଯାଵୃଷକେତନାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 1 ॥
ନମଃ ଶିଵାଭ୍ଯାଂ ସରସୋତ୍ସଵାଭ୍ଯାଂ
ନମସ୍କୃତାଭୀଷ୍ଟଵରପ୍ରଦାଭ୍ଯାଂ ।
ନାରାଯଣେନାର୍ଚିତପାଦୁକାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 2 ॥
ନମଃ ଶିଵାଭ୍ଯାଂ ଵୃଷଵାହନାଭ୍ଯାଂ
ଵିରିଂଚିଵିଷ୍ଣ୍ଵିଂଦ୍ରସୁପୂଜିତାଭ୍ଯାଂ ।
ଵିଭୂତିପାଟୀରଵିଲେପନାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 3 ॥
ନମଃ ଶିଵାଭ୍ଯାଂ ଜଗଦୀଶ୍ଵରାଭ୍ଯାଂ
ଜଗତ୍ପତିଭ୍ଯାଂ ଜଯଵିଗ୍ରହାଭ୍ଯାଂ ।
ଜଂଭାରିମୁଖ୍ଯୈରଭିଵଂଦିତାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 4 ॥
ନମଃ ଶିଵାଭ୍ଯାଂ ପରମୌଷଧାଭ୍ଯାଂ
ପଂଚାକ୍ଷରୀପଂଜରରଂଜିତାଭ୍ଯାଂ ।
ପ୍ରପଂଚସୃଷ୍ଟିସ୍ଥିତିସଂହୃତାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 5 ॥
ନମଃ ଶିଵାଭ୍ଯାମତିସୁଂଦରାଭ୍ଯାଂ
ଅତ୍ଯଂତମାସକ୍ତହୃଦଂବୁଜାଭ୍ଯାଂ ।
ଅଶେଷଲୋକୈକହିତଂକରାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 6 ॥
ନମଃ ଶିଵାଭ୍ଯାଂ କଲିନାଶନାଭ୍ଯାଂ
କଂକାଳକଲ୍ଯାଣଵପୁର୍ଧରାଭ୍ଯାଂ ।
କୈଲାସଶୈଲସ୍ଥିତଦେଵତାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 7 ॥
ନମଃ ଶିଵାଭ୍ଯାମଶୁଭାପହାଭ୍ଯାଂ
ଅଶେଷଲୋକୈକଵିଶେଷିତାଭ୍ଯାଂ ।
ଅକୁଂଠିତାଭ୍ଯାଂ ସ୍ମୃତିସଂଭୃତାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 8 ॥
ନମଃ ଶିଵାଭ୍ଯାଂ ରଥଵାହନାଭ୍ଯାଂ
ରଵୀଂଦୁଵୈଶ୍ଵାନରଲୋଚନାଭ୍ଯାଂ ।
ରାକାଶଶାଂକାଭମୁଖାଂବୁଜାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 9 ॥
ନମଃ ଶିଵାଭ୍ଯାଂ ଜଟିଲଂଧରାଭ୍ଯାଂ
ଜରାମୃତିଭ୍ଯାଂ ଚ ଵିଵର୍ଜିତାଭ୍ଯାଂ ।
ଜନାର୍ଦନାବ୍ଜୋଦ୍ଭଵପୂଜିତାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 10 ॥
ନମଃ ଶିଵାଭ୍ଯାଂ ଵିଷମେକ୍ଷଣାଭ୍ଯାଂ
ବିଲ୍ଵଚ୍ଛଦାମଲ୍ଲିକଦାମଭୃଦ୍ଭ୍ଯାଂ ।
ଶୋଭାଵତୀଶାଂତଵତୀଶ୍ଵରାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 11 ॥
ନମଃ ଶିଵାଭ୍ଯାଂ ପଶୁପାଲକାଭ୍ଯାଂ
ଜଗତ୍ରଯୀରକ୍ଷଣବଦ୍ଧହୃଦ୍ଭ୍ଯାଂ ।
ସମସ୍ତଦେଵାସୁରପୂଜିତାଭ୍ଯାଂ
ନମୋ ନମଃ ଶଂକରପାର୍ଵତୀଭ୍ଯାଂ ॥ 12 ॥
ସ୍ତୋତ୍ରଂ ତ୍ରିସଂଧ୍ଯଂ ଶିଵପାର୍ଵତୀଭ୍ଯାଂ
ଭକ୍ତ୍ଯା ପଠେଦ୍ଦ୍ଵାଦଶକଂ ନରୋ ଯଃ ।
ସ ସର୍ଵସୌଭାଗ୍ଯଫଲାନି
ଭୁଂକ୍ତେ ଶତାଯୁରାଂତେ ଶିଵଲୋକମେତି ॥ 13 ॥
********