Chanakya Neeti Chapter 4 Lyrics In Oriya/Odia
ଆୟୁଃ କର୍ମ ଚ ଵିତ୍ତଂ ଚ ଵିଦ୍ୟା ନିଧନମେଵ ଚ ।
ପଂଚୈତାନି ହି ସୃଜ୍ୟଂତେ ଗର୍ଭସ୍ଥସ୍ୟୈଵ ଦେହିନଃ ॥ 01 ॥
ସାଧୁଭ୍ୟସ୍ତେ ନିଵର୍ତଂତେ ପୁତ୍ରମିତ୍ରାଣି ବାଂଧଵାଃ ।
ୟେ ଚ ତୈଃ ସହ ଗଂତାରସ୍ତଦ୍ଧର୍ମାତ୍ସୁକୃତଂ କୁଲମ୍ ॥ 02 ॥
ଦର୍ଶନଧ୍ୟାନସଂସ୍ପର୍ଶୈର୍ମତ୍ସୀ କୂର୍ମୀ ଚ ପକ୍ଷିଣୀ ।
ଶିଶୁଂ ପାଲୟତେ ନିତ୍ୟଂ ତଥା ସଜ୍ଜନ-ସଂଗତିଃ ॥ 03 ॥
ୟାଵତ୍ସ୍ଵସ୍ଥୋ ହ୍ୟୟଂ ଦେହୋ ୟାଵନ୍ମୃତ୍ୟୁଶ୍ଚ ଦୂରତଃ ।
ତାଵଦାତ୍ମହିତଂ କୁର୍ୟାତ୍ପ୍ରାଣାଂତେ କିଂ କରିଷ୍ୟତି ॥ 04 ॥
କାମଧେନୁଗୁଣା ଵିଦ୍ୟା ହ୍ୟକାଲେ ଫଲଦାୟିନୀ ।
ପ୍ରଵାସେ ମାତୃସଦୃଶୀ ଵିଦ୍ୟା ଗୁପ୍ତଂ ଧନଂ ସ୍ମୃତମ୍ ॥ 05 ॥
ଏକୋଽପି ଗୁଣଵାନ୍ପୁତ୍ରୋ ନିର୍ଗୁଣେନ ଶତେନ କିମ୍ ।
ଏକଶ୍ଚଂଦ୍ରସ୍ତମୋ ହଂତି ନ ଚ ତାରାଃ ସହସ୍ରଶଃ ॥ 06 ॥
ମୂର୍ଖଶ୍ଚିରାୟୁର୍ଜାତୋଽପି ତସ୍ମାଜ୍ଜାତମୃତୋ ଵରଃ ।
ମୃତଃ ସ ଚାଲ୍ପଦୁଃଖାୟ ୟାଵଜ୍ଜୀଵଂ ଜଡୋ ଦହେତ୍ ॥ 07 ॥
କୁଗ୍ରାମଵାସଃ କୁଲହୀନସେଵା
କୁଭୋଜନଂ କ୍ରୋଧମୁଖୀ ଚ ଭାର୍ୟା ।
ପୁତ୍ରଶ୍ଚ ମୂର୍ଖୋ ଵିଧଵା ଚ କନ୍ୟା
ଵିନାଗ୍ନିନା ଷଟ୍ପ୍ରଦହଂତି କାୟମ୍ ॥ 08 ॥
କିଂ ତୟା କ୍ରିୟତେ ଧେନ୍ଵା ୟା ନ ଦୋଗ୍ଧ୍ରୀ ନ ଗର୍ଭିଣୀ ।
କୋଽର୍ଥଃ ପୁତ୍ରେଣ ଜାତେନ ୟୋ ନ ଵିଦ୍ଵାନ୍ ନ ଭକ୍ତିମାନ୍ ॥ 09 ॥
ସଂସାରତାପଦଗ୍ଧାନାଂ ତ୍ରୟୋ ଵିଶ୍ରାଂତିହେତଵଃ ।
ଅପତ୍ୟଂ ଚ କଲତ୍ରଂ ଚ ସତାଂ ସଂଗତିରେଵ ଚ ॥ 10 ॥
ସକୃଜ୍ଜଲ୍ପଂତି ରାଜାନଃ ସକୃଜ୍ଜଲ୍ପଂତି ପଂଡିତାଃ ।
ସକୃତ୍କନ୍ୟାଃ ପ୍ରଦୀୟଂତେ ତ୍ରୀଣ୍ୟେତାନି ସକୃତ୍ସକୃତ୍ ॥ 11 ॥
ଏକାକିନା ତପୋ ଦ୍ଵାଭ୍ୟାଂ ପଠନଂ ଗାୟନଂ ତ୍ରିଭିଃ ।
ଚତୁର୍ଭିର୍ଗମନଂ କ୍ଷେତ୍ରଂ ପଂଚଭିର୍ବହୁଭୀ ରଣଃ ॥ 12 ॥
ସା ଭାର୍ୟା ୟା ଶୁଚିର୍ଦକ୍ଷା ସା ଭାର୍ୟା ୟା ପତିଵ୍ରତା ।
ସା ଭାର୍ୟା ୟା ପତିପ୍ରୀତା ସା ଭାର୍ୟା ସତ୍ୟଵାଦିନୀ ॥ 13 ॥
ଅପୁତ୍ରସ୍ୟ ଗୃହଂ ଶୂନ୍ୟଂ ଦିଶଃ ଶୂନ୍ୟାସ୍ତ୍ଵବାଂଧଵାଃ ।
ମୂର୍ଖସ୍ୟ ହୃଦୟଂ ଶୂନ୍ୟଂ ସର୍ଵଶୂନ୍ୟା ଦରିଦ୍ରତା ॥ 14 ॥
ଅନଭ୍ୟାସେ ଵିଷଂ ଶାସ୍ତ୍ରମଜୀର୍ଣେ ଭୋଜନଂ ଵିଷମ୍ ।
ଦରିଦ୍ରସ୍ୟ ଵିଷଂ ଗୋଷ୍ଠୀ ଵୃଦ୍ଧସ୍ୟ ତରୁଣୀ ଵିଷମ୍ ॥ 15 ॥
ତ୍ୟଜେଦ୍ଧର୍ମଂ ଦୟାହୀନଂ ଵିଦ୍ୟାହୀନଂ ଗୁରୁଂ ତ୍ୟଜେତ୍ ।
ତ୍ୟଜେତ୍କ୍ରୋଧମୁଖୀଂ ଭାର୍ୟାଂ ନିଃସ୍ନେହାନ୍ବାଂଧଵାଂସ୍ତ୍ୟଜେତ୍ ॥ 16 ॥
ଅଧ୍ଵା ଜରା ଦେହଵତାଂ ପର୍ଵତାନାଂ ଜଲଂ ଜରା ।
ଅମୈଥୁନଂ ଜରା ସ୍ତ୍ରୀଣାଂ ଵସ୍ତ୍ରାଣାମାତପୋ ଜରା ॥ 17 ॥
କଃ କାଲଃ କାନି ମିତ୍ରାଣି କୋ ଦେଶଃ କୌ ଵ୍ୟୟାଗମୌ ।
କଶ୍ଚାହଂ କା ଚ ମେ ଶକ୍ତିରିତି ଚିଂତ୍ୟଂ ମୁହୁର୍ମୁହୁଃ ॥ 18 ॥
ଅଗ୍ନିର୍ଦେଵୋ ଦ୍ଵିଜାତୀନାଂ ମୁନୀନାଂ ହୃଦି ଦୈଵତମ୍ ।
ପ୍ରତିମା ସ୍ଵଲ୍ପବୁଦ୍ଧୀନାଂ ସର୍ଵତ୍ର ସମଦର୍ଶିନଃ ॥ 19 ॥
********