Mahishasura Mardini Stotram Lyrics In Bengali
অযি গিরিনংদিনি নংদিতমেদিনি বিশ্ব-বিনোদিনি নংদনুতে
গিরিবর বিংধ্য-শিরোঽধি-নিবাসিনি বিষ্ণু-বিলাসিনি জিষ্ণুনুতে ।
ভগবতি হে শিতিকংঠ-কুটুংবিণি ভূরিকুটুংবিণি ভূরিকৃতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 1 ॥
সুরবর-হর্ষিণি দুর্ধর-ধর্ষিণি দুর্মুখ-মর্ষিণি হর্ষরতে
ত্রিভুবন-পোষিণি শংকর-তোষিণি কল্মষ-মোষিণি ঘোষরতে ।
দনুজ-নিরোষিণি দিতিসুত-রোষিণি দুর্মদ-শোষিণি সিংধুসুতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 2 ॥
অযি জগদংব মদংব কদংববন-প্রিযবাসিনি হাসরতে
শিখরি-শিরোমণি তুঙ-হিমালয-শৃংগনিজালয-মধ্যগতে ।
মধুমধুরে মধু-কৈতভ-গংজিনি কৈতভ-ভংজিনি রাসরতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 3 ॥
অযি শতখংড-বিখংডিত-রুংড-বিতুংডিত-শুংড-গজাধিপতে
রিপু-গজ-গংড-বিদারণ-চংডপরাক্রম-শৌংড-মৃগাধিপতে ।
নিজ-ভুজদংড-নিপাটিত-চংড-নিপাটিত-মুংড-ভটাধিপতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 4 ॥
অযি রণদুর্মদ-শত্রু-বধোদিত-দুর্ধর-নির্জর-শক্তি-ভৃতে
চতুর-বিচার-ধুরীণ-মহাশয-দূত-কৃত-প্রমথাধিপতে ।
দুরিত-দুরীহ-দুরাশয-দুর্মতি-দানব-দূত-কৃতাংতমতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 5 ॥
অযি নিজ হুংকৃতিমাত্র-নিরাকৃত-ধূম্রবিলোচন-ধূম্রশতে
সমর-বিশোষিত-শোণিতবীজ-সমুদ্ভবশোণিত-বীজ-লতে ।
শিব-শিব-শুংভনিশুংভ-মহাহব-তর্পিত-ভূতপিশাচ-রতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 6 ॥
ধনুরনুসংগরণ-ক্ষণ-সংগ-পরিস্ফুরদংগ-নটত্কটকে
কনক-পিশংগ-পৃষত্ক-নিষংগ-রসদ্ভট-শৃংগ-হতাবটুকে ।
কৃত-চতুরংগ-বলক্ষিতি-রংগ-ঘটদ্-বহুরংগ-রটদ্-বটুকে
জয জয হে মহিষাসুর-মর্দিনি রম্যকপর্দিনি শৈলসুতে ॥ 7 ॥
অযি শরণাগত-বৈরিবধূ-বরবীরবরাভয-দাযিকরে
ত্রিভুবনমস্তক-শূল-বিরোধি-শিরোধি-কৃতাঽমল-শূলকরে ।
দুমি-দুমি-তামর-দুংদুভি-নাদ-মহো-মুখরীকৃত-দিঙ্নিকরে
জয জয হে মহিষাসুর-মর্দিনি রম্যকপর্দিনি শৈলসুতে ॥ 8 ॥
সুরললনা-ততথেযি-তথেযি-তথাভিনযোদর-নৃত্য-রতে
হাসবিলাস-হুলাস-মযিপ্রণ-তার্তজনেমিত-প্রেমভরে ।
ধিমিকিট-ধিক্কট-ধিক্কট-ধিমিধ্বনি-ঘোরমৃদংগ-নিনাদরতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 9 ॥
জয-জয-জপ্য-জযে-জয-শব্দ-পরস্তুতি-তত্পর-বিশ্বনুতে
ঝণঝণ-ঝিংঝিমি-ঝিংকৃত-নূপুর-শিংজিত-মোহিতভূতপতে ।
নটিত-নটার্ধ-নটীনট-নাযক-নাটকনাটিত-নাট্যরতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 10 ॥
অযি সুমনঃ সুমনঃ সুমনঃ সুমনঃ সুমনোহর কাংতিযুতে
শ্রিতরজনীরজ-নীরজ-নীরজনী-রজনীকর-বক্ত্রবৃতে ।
সুনযনবিভ্রম-রভ্র-মর-ভ্রমর-ভ্রম-রভ্রমরাধিপতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 11 ॥
মহিত-মহাহব-মল্লমতল্লিক-মল্লিত-রল্লক-মল্ল-রতে
বিরচিতবল্লিক-পল্লিক-মল্লিক-ঝিল্লিক-ভিল্লিক-বর্গবৃতে ।
সিত-কৃতফুল্ল-সমুল্লসিতাঽরুণ-তল্লজ-পল্লব-সল্ললিতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 12 ॥
অবিরল-গংডগলন্-মদ-মেদুর-মত্ত-মতংগজরাজ-পতে
ত্রিভুবন-ভূষণভূত-কলানিধিরূপ-পযোনিধিরাজসুতে ।
অযি সুদতীজন-লালস-মানস-মোহন-মন্মধরাজ-সুতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 13 ॥
কমলদলামল-কোমল-কাংতি-কলাকলিতাঽমল-ভালতলে
সকল-বিলাসকলা-নিলযক্রম-কেলিকলত্-কলহংসকুলে ।
অলিকুল-সংকুল-কুবলযমংডল-মৌলিমিলদ্-বকুলালিকুলে
জয জয হে মহিষাসুর-মর্দিনি রম্যকপর্দিনি শৈলসুতে ॥ 14 ॥
কর-মুরলী-রব-বীজিত-কূজিত-লজ্জিত-কোকিল-মংজুরুতে
মিলিত-মিলিংদ-মনোহর-গুংজিত-রংজিত-শৈলনিকুংজ-গতে ।
নিজগণভূত-মহাশবরীগণ-রংগণ-সংভৃত-কেলিততে
জয জয হে মহিষাসুর-মর্দিনি রম্যকপর্দিনি শৈলসুতে ॥ 15 ॥
কটিতট-পীত-দুকূল-বিচিত্র-মযূখ-তিরস্কৃত-চংদ্ররুচে
প্রণতসুরাসুর-মৌলিমণিস্ফুরদ্-অংশুলসন্-নখসাংদ্ররুচে ।
জিত-কনকাচলমৌলি-মদোর্জিত-নির্জরকুংজর-কুংভ-কুচে
জয জয হে মহিষাসুর-মর্দিনি রম্যকপর্দিনি শৈলসুতে ॥ 16 ॥
বিজিত-সহস্রকরৈক-সহস্রকরৈক-সহস্রকরৈকনুতে
কৃত-সুরতারক-সংগর-তারক সংগর-তারকসূনু-সুতে ।
সুরথ-সমাধি-সমান-সমাধি-সমাধিসমাধি-সুজাত-রতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 17 ॥
পদকমলং করুণানিলযে বরিবস্যতি যোঽনুদিনং ন শিবে
অযি কমলে কমলানিলযে কমলানিলযঃ স কথং ন ভবেত্ ।
তব পদমেব পরংপদ-মিত্যনুশীলযতো মম কিং ন শিবে
জয জয হে মহিষাসুর-মর্দিনি রম্যকপর্দিনি শৈলসুতে ॥ 18 ॥
কনকলসত্কল-সিংধুজলৈরনুষিংজতি তে গুণরংগভুবং
ভজতি স কিং নু শচীকুচকুংভত-তটীপরি-রংভ-সুখানুভবং ।
তব চরণং শরণং করবাণি নতামরবাণি নিবাশি শিবং
জয জয হে মহিষাসুর-মর্দিনি রম্যকপর্দিনি শৈলসুতে ॥ 19 ॥
তব বিমলেঽংদুকলং বদনেংদুমলং সকলং ননু কূলযতে
কিমু পুরুহূত-পুরীংদুমুখী-সুমুখীভিরসৌ-বিমুখী-ক্রিযতে ।
মম তু মতং শিবনাম-ধনে ভবতী-কৃপযা কিমুত ক্রিযতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 20 ॥
অযি মযি দীনদযালুতযা করুণাপরযা ভবিতব্যমুমে
অযি জগতো জননী কৃপযাসি যথাসি তথানুমিতাসি রমে ।
যদুচিতমত্র ভবত্যুররী কুরুতা-দুরুতাপমপা-কুরুতে
জয জয হে মহিষাসুর-মর্দিনি রম্যকপর্দিনি শৈলসুতে ॥ 21 ॥
********