Ketu Kavacham Lyrics In Gujarati
ધ્યાનં
કેતું કરાલવદનં ચિત્રવર્ણં કિરીટિનમ્ ।
પ્રણમામિ સદા કેતું ધ્વજાકારં ગ્રહેશ્વરમ્ ॥ 1 ॥
। અથ કેતુ કવચમ્ ।
ચિત્રવર્ણઃ શિરઃ પાતુ ભાલં ધૂમ્રસમદ્યુતિઃ ।
પાતુ નેત્રે પિંગલાક્ષઃ શ્રુતી મે રક્તલોચનઃ ॥ 2 ॥
ઘ્રાણં પાતુ સુવર્ણાભશ્ચિબુકં સિંહિકાસુતઃ ।
પાતુ કંઠં ચ મે કેતુઃ સ્કંધૌ પાતુ ગ્રહાધિપઃ ॥ 3 ॥
હસ્તૌ પાતુ સુરશ્રેષ્ઠઃ કુક્ષિં પાતુ મહાગ્રહઃ ।
સિંહાસનઃ કટિં પાતુ મધ્યં પાતુ મહાસુરઃ ॥ 4 ॥
ઊરૂ પાતુ મહાશીર્ષો જાનુની મેઽતિકોપનઃ ।
પાતુ પાદૌ ચ મે ક્રૂરઃ સર્વાંગં નરપિંગલઃ ॥ 5 ॥
ફલશ્રુતિઃ
ય ઇદં કવચં દિવ્યં સર્વરોગવિનાશનમ્ ।
સર્વશત્રુવિનાશં ચ ધારણાદ્વિજયી ભવેત્ ॥ 6 ॥
॥ ઇતિ શ્રીબ્રહ્માંડપુરાણે કેતુકવચં સંપૂર્ણમ્ ॥
********