Chanakya Neeti Chapter 5 Lyrics In Malayalam
ഗുരുരഗ്നിര്ദ്വിജാതീനാം വര്ണാനാം ബ്രാഹ്മണോ ഗുരുഃ ।
പതിരേവ ഗുരുഃ സ്ത്രീണാം സര്വസ്യാഭ്യാഗതോ ഗുരുഃ ॥ 01 ॥
യഥാ ചതുര്ഭിഃ കനകം പരീക്ഷ്യതേ
നിഘര്ഷണച്ഛേദനതാപതാഡനൈഃ ।
തഥാ ചതുര്ഭിഃ പുരുഷഃ പരീക്ഷ്യതേ
ത്യാഗേന ശീലേന ഗുണേന കര്മണാ ॥ 02 ॥
താവദ്ഭയേഷു ഭേതവ്യം യാവദ്ഭയമനാഗതമ് ।
ആഗതം തു ഭയം വീക്ഷ്യ പ്രഹര്തവ്യമശംകയാ ॥ 03 ॥
ഏകോദരസമുദ്ഭൂതാ ഏകനക്ഷത്രജാതകാഃ ।
ന ഭവംതി സമാഃ ശീലേ യഥാ ബദരകംടകാഃ ॥ 04 ॥
നിഃസ്പൃഹോ നാധികാരീ സ്യാന് നാകാമോ മംഡനപ്രിയഃ ।
നാവിദഗ്ധഃ പ്രിയം ബ്രൂയാത്സ്പഷ്ടവക്താ ന വംചകഃ ॥ 05 ॥
മൂര്ഖാണാം പംഡിതാ ദ്വേഷ്യാ അധനാനാം മഹാധനാഃ ।
പരാംഗനാ കുലസ്ത്രീണാം സുഭഗാനാം ച ദുര്ഭഗാഃ ॥ 06 ॥
ആലസ്യോപഗതാ വിദ്യാ പരഹസ്തഗതം ധനമ് ।
അല്പബീജം ഹതം ക്ഷേത്രം ഹതം സൈന്യമനായകമ് ॥ 07 ॥
അഭ്യാസാദ്ധാര്യതേ വിദ്യാ കുലം ശീലേന ധാര്യതേ ।
ഗുണേന ജ്ഞായതേ ത്വാര്യഃ കോപോ നേത്രേണ ഗമ്യതേ ॥ 08 ॥
വിത്തേന രക്ഷ്യതേ ധര്മോ വിദ്യാ യോഗേന രക്ഷ്യതേ ।
മൃദുനാ രക്ഷ്യതേ ഭൂപഃ സത്സ്ത്രിയാ രക്ഷ്യതേ ഗൃഹമ് ॥ 09 ॥
അന്യഥാ വേദശാസ്ത്രാണി ജ്ഞാനപാംഡിത്യമന്യഥാ ।
അന്യഥാ തത്പദം ശാംതം ലോകാഃ ക്ലിശ്യംതി ചാഹ്ന്യഥാ ॥ 10 ॥
ദാരിദ്ര്യനാശനം ദാനം ശീലം ദുര്ഗതിനാശനമ് ।
അജ്ഞാനനാശിനീ പ്രജ്ഞാ ഭാവനാ ഭയനാശിനീ ॥ 11 ॥
നാസ്തി കാമസമോ വ്യാധിര്നാസ്തി മോഹസമോ രിപുഃ ।
നാസ്തി കോപസമോ വഹ്നിര്നാസ്തി ജ്ഞാനാത്പരം സുഖമ് ॥ 12 ॥
ജന്മമൃത്യൂ ഹി യാത്യേകോ ഭുനക്ത്യേകഃ ശുഭാശുഭമ് ।
നരകേഷു പതത്യേക ഏകോ യാതി പരാം ഗതിമ് ॥ 13 ॥
തൃണം ബ്രഹ്മവിദഃ സ്വര്ഗസ്തൃണം ശൂരസ്യ ജീവിതമ് ।
ജിതാശസ്യ തൃണം നാരീ നിഃസ്പൃഹസ്യ തൃണം ജഗത് ॥ 14 ॥
വിദ്യാ മിത്രം പ്രവാസേ ച ഭാര്യാ മിത്രം ഗൃഹേഷു ച ।
വ്യാധിതസ്യൌഷധം മിത്രം ധര്മോ മിത്രം മൃതസ്യ ച ॥ 15 ॥
വൃഥാ വൃഷ്ടിഃ സമുദ്രേഷു വൃഥാ തൃപ്തസ്യ ഭോജനമ് ।
വൃഥാ ദാനം സമര്ഥസ്യ വൃഥാ ദീപോ ദിവാപി ച ॥ 16 ॥
നാസ്തി മേഘസമം തോയം നാസ്തി ചാത്മസമം ബലമ് ।
നാസ്തി ചക്ഷുഃസമം തേജോ നാസ്തി ധാന്യസമം പ്രിയമ് ॥ 17 ॥
അധനാ ധനമിച്ഛംതി വാചം ചൈവ ചതുഷ്പദാഃ ।
മാനവാഃ സ്വര്ഗമിച്ഛംതി മോക്ഷമിച്ഛംതി ദേവതാഃ ॥ 18 ॥
സത്യേന ധാര്യതേ പൃഥ്വീ സത്യേന തപതേ രവിഃ ।
സത്യേന വാതി വായുശ്ച സര്വം സത്യേ പ്രതിഷ്ഠിതമ് ॥ 19 ॥
ചലാ ലക്ഷ്മീശ്ചലാഃ പ്രാണാശ്ചലേ ജീവിതമംദിരേ ।
ചലാചലേ ച സംസാരേ ധര്മ ഏകോ ഹി നിശ്ചലഃ ॥ 20 ॥
നരാണാം നാപിതോ ധൂര്തഃ പക്ഷിണാം ചൈവ വായസഃ ।
ചതുഷ്പാദം ശ‍ഋഗാലസ്തു സ്ത്രീണാം ധൂര്താ ച മാലിനീ ॥ 21 ॥
ജനിതാ ചോപനേതാ ച യസ്തു വിദ്യാം പ്രയച്ഛതി ।
അന്നദാതാ ഭയത്രാതാ പംചൈതേ പിതരഃ സ്മൃതാഃ ॥ 22 ॥
രാജപത്നീ ഗുരോഃ പത്നീ മിത്രപത്നീ തഥൈവ ച ।
പത്നീമാതാ സ്വമാതാ ച പംചൈതാ മാതരഃ സ്മൃതാഃ ॥ 23 ॥
********