[ଶ୍ରୀ ଵେଂକଟେଶ ମଂଗଳାଶାସନମ୍] ᐈ Sri Venkatesa Mangalasasanam Lyrics In Oriya/Odia Pdf

Sri Venkatesa Mangalasasanam Lyrics In Oriya/Odia

ଶ୍ରିଯଃ କାଂତାଯ କଲ୍ଯାଣନିଧଯେ ନିଧଯେଽର୍ଥିନାମ୍ ।
ଶ୍ରୀଵେଂକଟ ନିଵାସାଯ ଶ୍ରୀନିଵାସାଯ ମଂଗଳମ୍ ॥ 1 ॥

ଲକ୍ଷ୍ମୀ ସଵିଭ୍ରମାଲୋକ ସୁଭ୍ରୂ ଵିଭ୍ରମ ଚକ୍ଷୁଷେ ।
ଚକ୍ଷୁଷେ ସର୍ଵଲୋକାନାଂ ଵେଂକଟେଶାଯ ମଂଗଳମ୍ ॥ 2 ॥

ଶ୍ରୀଵେଂକଟାଦ୍ରି ଶୃଂଗାଗ୍ର ମଂଗଳାଭରଣାଂଘ୍ରଯେ ।
ମଂଗଳାନାଂ ନିଵାସାଯ ଶ୍ରୀନିଵାସାଯ ମଂଗଳମ୍ ॥ 3 ॥

ସର୍ଵାଵଯଵ ସୌଂଦର୍ଯ ସଂପଦା ସର୍ଵଚେତସାମ୍ ।
ସଦା ସମ୍ମୋହନାଯାସ୍ତୁ ଵେଂକଟେଶାଯ ମଂଗଳମ୍ ॥ 4 ॥

ନିତ୍ଯାଯ ନିରଵଦ୍ଯାଯ ସତ୍ଯାନଂଦ ଚିଦାତ୍ମନେ ।
ସର୍ଵାଂତରାତ୍ମନେ ଶୀମଦ୍-ଵେଂକଟେଶାଯ ମଂଗଳମ୍ ॥ 5 ॥

ସ୍ଵତ ସ୍ସର୍ଵଵିଦେ ସର୍ଵ ଶକ୍ତଯେ ସର୍ଵଶେଷିଣେ ।
ସୁଲଭାଯ ସୁଶୀଲାଯ ଵେଂକଟେଶାଯ ମଂଗଳମ୍ ॥ 6 ॥

ପରସ୍ମୈ ବ୍ରହ୍ମଣେ ପୂର୍ଣକାମାଯ ପରମାତ୍ମନେ ।
ପ୍ରଯୁଂଜେ ପରତତ୍ତ୍ଵାଯ ଵେଂକଟେଶାଯ ମଂଗଳମ୍ ॥ 7 ॥

ଆକାଲତତ୍ତ୍ଵ ମଶ୍ରାଂତ ମାତ୍ମନା ମନୁପଶ୍ଯତାମ୍ ।
ଅତୃପ୍ତ୍ଯମୃତ ରୂପାଯ ଵେଂକଟେଶାଯ ମଂଗଳମ୍ ॥ 8 ॥

ପ୍ରାଯଃ ସ୍ଵଚରଣୌ ପୁଂସାଂ ଶରଣ୍ଯତ୍ଵେନ ପାଣିନା ।
କୃପଯାଽଽଦିଶତେ ଶ୍ରୀମଦ୍-ଵେଂକଟେଶାଯ ମଂଗଳମ୍ ॥ 9 ॥

ଦଯାଽମୃତ ତରଂଗିଣ୍ଯା ସ୍ତରଂଗୈରିଵ ଶୀତଲୈଃ ।
ଅପାଂଗୈ ସ୍ସିଂଚତେ ଵିଶ୍ଵଂ ଵେଂକଟେଶାଯ ମଂଗଳମ୍ ॥ 10 ॥

ସ୍ରଗ୍-ଭୂଷାଂବର ହେତୀନାଂ ସୁଷମାଽଽଵହମୂର୍ତଯେ ।
ସର୍ଵାର୍ତି ଶମନାଯାସ୍ତୁ ଵେଂକଟେଶାଯ ମଂଗଳମ୍ ॥ 11 ॥

ଶ୍ରୀଵୈକୁଂଠ ଵିରକ୍ତାଯ ସ୍ଵାମି ପୁଷ୍କରିଣୀତଟେ ।
ରମଯା ରମମାଣାଯ ଵେଂକଟେଶାଯ ମଂଗଳମ୍ ॥ 12 ॥

ଶ୍ରୀମତ୍-ସୁଂଦରଜା ମାତୃମୁନି ମାନସଵାସିନେ ।
ସର୍ଵଲୋକ ନିଵାସାଯ ଶ୍ରୀନିଵାସାଯ ମଂଗଳମ୍ ॥ 13 ॥

ମଂଗଳା ଶାସନପରୈର୍-ମଦାଚାର୍ଯ ପୁରୋଗମୈଃ ।
ସର୍ଵୈଶ୍ଚ ପୂର୍ଵୈରାଚାର୍ଯୈଃ ସତ୍କୃତାଯାସ୍ତୁ ମଂଗଳମ୍ ॥ 14 ॥

ଶ୍ରୀ ପଦ୍ମାଵତୀ ସମେତ ଶ୍ରୀ ଶ୍ରୀନିଵାସ ପରବ୍ରହ୍ମଣେ ନମଃ

********

Leave a Reply

Your email address will not be published. Required fields are marked *