Vishnu Shatpadi Stotram Bengali Lyrics
অবিনযমপনয বিষ্ণো দময মনঃ শময বিষযমৃগতৃষ্ণাম্ ।
ভূতদযাং বিস্তারয তারয সংসারসাগরতঃ ॥ 1 ॥
দিব্যধুনীমকরংদে পরিমলপরিভোগসচ্চিদানংদে ।
শ্রীপতিপদারবিংদে ভবভযখেদচ্ছিদে বংদে ॥ 2 ॥
সত্যপি ভেদাপগমে নাথ তবাঽহং ন মামকীনস্ত্বং ।
সামুদ্রো হি তরংগঃ ক্বচন সমুদ্রো ন তারংগঃ ॥ 3 ॥
উদ্ধৃতনগ নগভিদনুজ দনুজকুলামিত্র মিত্রশশিদৃষ্টে ।
দৃষ্টে ভবতি প্রভবতি ন ভবতি কিং ভবতিরস্কারঃ ॥ 4 ॥
মত্স্যাদিভিরবতারৈরবতারবতাঽবতা সদা বসুধাং ।
পরমেশ্বর পরিপাল্যো ভবতা ভবতাপভীতোঽহং ॥ 5 ॥
দামোদর গুণমংদির সুংদরবদনারবিংদ গোবিংদ ।
ভবজলধিমথনমংদর পরমং দরমপনয ত্বং মে ॥ 6 ॥
নারাযণ করুণাময শরণং করবাণি তাবকৌ চরণৌ ।
ইতি ষট্পদী মদীযে বদনসরোজে সদা বসতু ॥
********