Vishnu Shatpadi Stotram Oriya/Odia Lyrics
ଅଵିନଯମପନଯ ଵିଷ୍ଣୋ ଦମଯ ମନଃ ଶମଯ ଵିଷଯମୃଗତୃଷ୍ଣାମ୍ ।
ଭୂତଦଯାଂ ଵିସ୍ତାରଯ ତାରଯ ସଂସାରସାଗରତଃ ॥ 1 ॥
ଦିଵ୍ଯଧୁନୀମକରଂଦେ ପରିମଳପରିଭୋଗସଚ୍ଚିଦାନଂଦେ ।
ଶ୍ରୀପତିପଦାରଵିଂଦେ ଭଵଭଯଖେଦଚ୍ଛିଦେ ଵଂଦେ ॥ 2 ॥
ସତ୍ଯପି ଭେଦାପଗମେ ନାଥ ତଵାଽହଂ ନ ମାମକୀନସ୍ତ୍ଵଂ ।
ସାମୁଦ୍ରୋ ହି ତରଂଗଃ କ୍ଵଚନ ସମୁଦ୍ରୋ ନ ତାରଂଗଃ ॥ 3 ॥
ଉଦ୍ଧୃତନଗ ନଗଭିଦନୁଜ ଦନୁଜକୁଲାମିତ୍ର ମିତ୍ରଶଶିଦୃଷ୍ଟେ ।
ଦୃଷ୍ଟେ ଭଵତି ପ୍ରଭଵତି ନ ଭଵତି କିଂ ଭଵତିରସ୍କାରଃ ॥ 4 ॥
ମତ୍ସ୍ଯାଦିଭିରଵତାରୈରଵତାରଵତାଽଵତା ସଦା ଵସୁଧାଂ ।
ପରମେଶ୍ଵର ପରିପାଲ୍ଯୋ ଭଵତା ଭଵତାପଭୀତୋଽହଂ ॥ 5 ॥
ଦାମୋଦର ଗୁଣମଂଦିର ସୁଂଦରଵଦନାରଵିଂଦ ଗୋଵିଂଦ ।
ଭଵଜଲଧିମଥନମଂଦର ପରମଂ ଦରମପନଯ ତ୍ଵଂ ମେ ॥ 6 ॥
ନାରାଯଣ କରୁଣାମଯ ଶରଣଂ କରଵାଣି ତାଵକୌ ଚରଣୌ ।
ଇତି ଷଟ୍ପଦୀ ମଦୀଯେ ଵଦନସରୋଜେ ସଦା ଵସତୁ ॥
********