[ଶିଵ କଵଚମ୍] ᐈ Shiva Kavacham Lyrics In Oriya/Odia Pdf

Shiva Kavacham Odia/Oriya Lyrics

ଅସ୍ଯ ଶ୍ରୀ ଶିଵକଵଚ ସ୍ତୋତ୍ର

ମହାମଂତ୍ରସ୍ଯ ଋଷଭଯୋଗୀଶ୍ଵର ଋଷିଃ ।
ଅନୁଷ୍ଟୁପ୍ ଛଂଦଃ ।
ଶ୍ରୀସାଂବସଦାଶିଵୋ ଦେଵତା ।
ଓଂ ବୀଜମ୍ ।
ନମଃ ଶକ୍ତିଃ ।
ଶିଵାଯେତି କୀଲକମ୍ ।
ମମ ସାଂବସଦାଶିଵପ୍ରୀତ୍ଯର୍ଥେ ଜପେ ଵିନିଯୋଗଃ ॥

କରନ୍ଯାସଃ
ଓଂ ସଦାଶିଵାଯ ଅଂଗୁଷ୍ଠାଭ୍ଯାଂ ନମଃ । ନଂ ଗଂଗାଧରାଯ ତର୍ଜନୀଭ୍ଯାଂ ନମଃ । ମଂ ମୃତ୍ଯୁଂଜଯାଯ ମଧ୍ଯମାଭ୍ଯାଂ ନମଃ ।

ଶିଂ ଶୂଲପାଣଯେ ଅନାମିକାଭ୍ଯାଂ ନମଃ । ଵାଂ ପିନାକପାଣଯେ କନିଷ୍ଠିକାଭ୍ଯାଂ ନମଃ । ଯଂ ଉମାପତଯେ କରତଲକରପୃଷ୍ଠାଭ୍ଯାଂ ନମଃ ।

ହୃଦଯାଦି ଅଂଗନ୍ଯାସଃ
ଓଂ ସଦାଶିଵାଯ ହୃଦଯାଯ ନମଃ । ନଂ ଗଂଗାଧରାଯ ଶିରସେ ସ୍ଵାହା । ମଂ ମୃତ୍ଯୁଂଜଯାଯ ଶିଖାଯୈ ଵଷଟ୍ ।

ଶିଂ ଶୂଲପାଣଯେ କଵଚାଯ ହୁଂ । ଵାଂ ପିନାକପାଣଯେ ନେତ୍ରତ୍ରଯାଯ ଵୌଷଟ୍ । ଯଂ ଉମାପତଯେ ଅସ୍ତ୍ରାଯ ଫଟ୍ । ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ॥

ଧ୍ଯାନମ୍
ଵଜ୍ରଦଂଷ୍ଟ୍ରଂ ତ୍ରିନଯନଂ କାଲକଂଠ ମରିଂଦମମ୍ ।
ସହସ୍ରକରମତ୍ଯୁଗ୍ରଂ ଵଂଦେ ଶଂଭୁଂ ଉମାପତିମ୍ ॥
ରୁଦ୍ରାକ୍ଷକଂକଣଲସତ୍କରଦଂଡଯୁଗ୍ମଃ ପାଲାଂତରାଲସିତଭସ୍ମଧୃତତ୍ରିପୁଂଡ୍ରଃ ।
ପଂଚାକ୍ଷରଂ ପରିପଠନ୍ ଵରମଂତ୍ରରାଜଂ ଧ୍ଯାଯନ୍ ସଦା ପଶୁପତିଂ ଶରଣଂ ଵ୍ରଜେଥାଃ ॥

ଅତଃ ପରଂ ସର୍ଵପୁରାଣଗୁହ୍ଯଂ ନିଃଶେଷପାପୌଘହରଂ ପଵିତ୍ରମ୍ ।
ଜଯପ୍ରଦଂ ସର୍ଵଵିପତ୍ପ୍ରମୋଚନଂ ଵକ୍ଷ୍ଯାମି ଶୈଵମ୍ କଵଚଂ ହିତାଯ ତେ ॥

ପଂଚପୂଜା
ଲଂ ପୃଥିଵ୍ଯାତ୍ମନେ ଗଂଧଂ ସମର୍ପଯାମି ।
ହଂ ଆକାଶାତ୍ମନେ ପୁଷ୍ପୈଃ ପୂଜଯାମି ।
ଯଂ ଵାଯ୍ଵାତ୍ମନେ ଧୂପମ୍ ଆଘ୍ରାପଯାମି ।
ରଂ ଅଗ୍ନ୍ଯାତ୍ମନେ ଦୀପଂ ଦର୍ଶଯାମି ।
ଵଂ ଅମୃତାତ୍ମନେ ଅମୃତଂ ମହାନୈଵେଦ୍ଯଂ ନିଵେଦଯାମି ।
ସଂ ସର୍ଵାତ୍ମନେ ସର୍ଵୋପଚାରପୂଜାଂ ସମର୍ପଯାମି ॥

ମଂତ୍ରଃ

ଋଷଭ ଉଵାଚ

ନମସ୍କୃତ୍ଯ ମହାଦେଵଂ ଵିଶ୍ଵଵ୍ଯାପିନମୀଶ୍ଵରମ୍ ।
ଵକ୍ଷ୍ଯେ ଶିଵମଯଂ ଵର୍ମ ସର୍ଵରକ୍ଷାକରଂ ନୃଣାମ୍ ॥ 1 ॥

ଶୁଚୌ ଦେଶେ ସମାସୀନୋ ଯଥାଵତ୍କଲ୍ପିତାସନଃ ।
ଜିତେଂଦ୍ରିଯୋ ଜିତପ୍ରାଣଶ୍ଚିଂତଯେଚ୍ଛିଵମଵ୍ଯଯମ୍ ॥ 2 ॥

ହୃତ୍ପୁଂଡରୀକାଂତରସନ୍ନିଵିଷ୍ଟଂ ସ୍ଵତେଜସା ଵ୍ଯାପ୍ତନଭୋଽଵକାଶମ୍ ।
ଅତୀଂଦ୍ରିଯଂ ସୂକ୍ଷ୍ମମନଂତମାଦ୍ଯଂ ଧ୍ଯାଯେତ୍ ପରାନଂଦମଯଂ ମହେଶମ୍ ॥

ଧ୍ଯାନାଵଧୂତାଖିଲକର୍ମବଂଧ- ଶ୍ଚିରଂ ଚିଦାନଂଦ ନିମଗ୍ନଚେତାଃ ।
ଷଡକ୍ଷରନ୍ଯାସ ସମାହିତାତ୍ମା ଶୈଵେନ କୁର୍ଯାତ୍କଵଚେନ ରକ୍ଷାମ୍ ॥

ମାଂ ପାତୁ ଦେଵୋଽଖିଲଦେଵତାତ୍ମା ସଂସାରକୂପେ ପତିତଂ ଗଭୀରେ ।
ତନ୍ନାମ ଦିଵ୍ଯଂ ପରମଂତ୍ରମୂଲଂ ଧୁନୋତୁ ମେ ସର୍ଵମଘଂ ହୃଦିସ୍ଥମ୍ ॥

ସର୍ଵତ୍ର ମାଂ ରକ୍ଷତୁ ଵିଶ୍ଵମୂର୍ତି- ର୍ଜ୍ଯୋତିର୍ମଯାନଂଦଘନଶ୍ଚିଦାତ୍ମା ।
ଅଣୋରଣିଯାନୁରୁଶକ୍ତିରେକଃ ସ ଈଶ୍ଵରଃ ପାତୁ ଭଯାଦଶେଷାତ୍ ॥

ଯୋ ଭୂସ୍ଵରୂପେଣ ବିଭର୍ତି ଵିଶ୍ଵଂ ପାଯାତ୍ସ ଭୂମେର୍ଗିରିଶୋଽଷ୍ଟମୂର୍ତିଃ ।
ଯୋଽପାଂ ସ୍ଵରୂପେଣ ନୃଣାଂ କରୋତି ସଂଜୀଵନଂ ସୋଽଵତୁ ମାଂ ଜଲେଭ୍ଯଃ ॥

କଲ୍ପାଵସାନେ ଭୁଵନାନି ଦଗ୍ଧ୍ଵା ସର୍ଵାଣି ଯୋ ନୃତ୍ଯତି ଭୂରିଲୀଲଃ ।
ସ କାଲରୁଦ୍ରୋଽଵତୁ ମାଂ ଦଵାଗ୍ନେଃ ଵାତ୍ଯାଦିଭୀତେରଖିଲାଚ୍ଚ ତାପାତ୍ ॥

ପ୍ରଦୀପ୍ତଵିଦ୍ଯୁତ୍କନକାଵଭାସୋ ଵିଦ୍ଯାଵରାଭୀତି କୁଠାରପାଣିଃ ।
ଚତୁର୍ମୁଖସ୍ତତ୍ପୁରୁଷସ୍ତ୍ରିନେତ୍ରଃ ପ୍ରାଚ୍ଯାଂ ସ୍ଥିତୋ ରକ୍ଷତୁ ମାମଜସ୍ରମ୍ ॥

କୁଠାରଖେଟାଂକୁଶ ଶୂଲଢକ୍କା- କପାଲପାଶାକ୍ଷ ଗୁଣାଂଦଧାନଃ ।
ଚତୁର୍ମୁଖୋ ନୀଲରୁଚିସ୍ତ୍ରିନେତ୍ରଃ ପାଯାଦଘୋରୋ ଦିଶି ଦକ୍ଷିଣସ୍ଯାମ୍ ॥

କୁଂଦେଂଦୁଶଂଖସ୍ଫଟିକାଵଭାସୋ ଵେଦାକ୍ଷମାଲା ଵରଦାଭଯାଂକଃ ।
ତ୍ର୍ଯକ୍ଷଶ୍ଚତୁର୍ଵକ୍ତ୍ର ଉରୁପ୍ରଭାଵଃ ସଦ୍ଯୋଽଧିଜାତୋଽଵତୁ ମାଂ ପ୍ରତୀଚ୍ଯାମ୍ ॥

ଵରାକ୍ଷମାଲାଭଯଟଂକହସ୍ତଃ ସରୋଜକିଂଜଲ୍କସମାନଵର୍ଣଃ ।
ତ୍ରିଲୋଚନଶ୍ଚାରୁଚତୁର୍ମୁଖୋ ମାଂ ପାଯାଦୁଦୀଚ୍ଯାଂ ଦିଶି ଵାମଦେଵଃ ॥

ଵେଦାଭଯେଷ୍ଟାଂକୁଶଟଂକପାଶ- କପାଲଢକ୍କାକ୍ଷରଶୂଲପାଣିଃ ।
ସିତଦ୍ଯୁତିଃ ପଂଚମୁଖୋଽଵତାନ୍ମାଂ ଈଶାନ ଊର୍ଧ୍ଵଂ ପରମପ୍ରକାଶଃ ॥

ମୂର୍ଧାନମଵ୍ଯାନ୍ମମ ଚଂଦ୍ରମୌଲିଃ ଭାଲଂ ମମାଵ୍ଯାଦଥ ଭାଲନେତ୍ରଃ ।
ନେତ୍ରେ ମମାଵ୍ଯାଦ୍ଭଗନେତ୍ରହାରୀ ନାସାଂ ସଦା ରକ୍ଷତୁ ଵିଶ୍ଵନାଥଃ ॥

ପାଯାଚ୍ଛ୍ରୁତୀ ମେ ଶ୍ରୁତିଗୀତକୀର୍ତିଃ କପୋଲମଵ୍ଯାତ୍ସତତଂ କପାଲୀ ।
ଵକ୍ତ୍ରଂ ସଦା ରକ୍ଷତୁ ପଂଚଵକ୍ତ୍ରୋ ଜିହ୍ଵାଂ ସଦା ରକ୍ଷତୁ ଵେଦଜିହ୍ଵଃ ॥

କଂଠଂ ଗିରୀଶୋଽଵତୁ ନୀଲକଂଠଃ ପାଣିଦ୍ଵଯଂ ପାତୁ ପିନାକପାଣିଃ ।
ଦୋର୍ମୂଲମଵ୍ଯାନ୍ମମ ଧର୍ମବାହୁଃ ଵକ୍ଷଃସ୍ଥଲଂ ଦକ୍ଷମଖାଂତକୋଽଵ୍ଯାତ୍ ॥

ମମୋଦରଂ ପାତୁ ଗିରୀଂଦ୍ରଧନ୍ଵା ମଧ୍ଯଂ ମମାଵ୍ଯାନ୍ମଦନାଂତକାରୀ ।
ହେରଂବତାତୋ ମମ ପାତୁ ନାଭିଂ ପାଯାତ୍କଟିଂ ଧୂର୍ଜଟିରୀଶ୍ଵରୋ ମେ ॥

ଊରୁଦ୍ଵଯଂ ପାତୁ କୁବେରମିତ୍ରୋ ଜାନୁଦ୍ଵଯଂ ମେ ଜଗଦୀଶ୍ଵରୋଽଵ୍ଯାତ୍ ।
ଜଂଘାଯୁଗଂ ପୁଂଗଵକେତୁରଵ୍ଯାତ୍ ପାଦୌ ମମାଵ୍ଯାତ୍ସୁରଵଂଦ୍ଯପାଦଃ ॥

ମହେଶ୍ଵରଃ ପାତୁ ଦିନାଦିଯାମେ ମାଂ ମଧ୍ଯଯାମେଽଵତୁ ଵାମଦେଵଃ ।
ତ୍ରିଲୋଚନଃ ପାତୁ ତୃତୀଯଯାମେ ଵୃଷଧ୍ଵଜଃ ପାତୁ ଦିନାଂତ୍ଯଯାମେ ॥

ପାଯାନ୍ନିଶାଦୌ ଶଶିଶେଖରୋ ମାଂ ଗଂଗାଧରୋ ରକ୍ଷତୁ ମାଂ ନିଶୀଥେ ।
ଗୌରୀପତିଃ ପାତୁ ନିଶାଵସାନେ ମୃତ୍ଯୁଂଜଯୋ ରକ୍ଷତୁ ସର୍ଵକାଲମ୍ ॥

ଅଂତଃସ୍ଥିତଂ ରକ୍ଷତୁ ଶଂକରୋ ମାଂ ସ୍ଥାଣୁଃ ସଦା ପାତୁ ବହିଃସ୍ଥିତଂ ମାମ୍ ।
ତଦଂତରେ ପାତୁ ପତିଃ ପଶୂନାଂ ସଦାଶିଵୋ ରକ୍ଷତୁ ମାଂ ସମଂତାତ୍ ॥

ତିଷ୍ଠଂତମଵ୍ଯାଦ୍ ଭୁଵନୈକନାଥଃ ପାଯାଦ୍ଵ୍ରଜଂତଂ ପ୍ରମଥାଧିନାଥଃ ।
ଵେଦାଂତଵେଦ୍ଯୋଽଵତୁ ମାଂ ନିଷଣ୍ଣଂ ମାମଵ୍ଯଯଃ ପାତୁ ଶିଵଃ ଶଯାନମ୍ ॥

ମାର୍ଗେଷୁ ମାଂ ରକ୍ଷତୁ ନୀଲକଂଠଃ ଶୈଲାଦିଦୁର୍ଗେଷୁ ପୁରତ୍ରଯାରିଃ ।
ଅରଣ୍ଯଵାସାଦି ମହାପ୍ରଵାସେ ପାଯାନ୍ମୃଗଵ୍ଯାଧ ଉଦାରଶକ୍ତିଃ ॥

କଲ୍ପାଂତକାଲୋଗ୍ରପଟୁପ୍ରକୋପ- ସ୍ଫୁଟାଟ୍ଟହାସୋଚ୍ଚଲିତାଂଡକୋଶଃ ।
ଘୋରାରିସେନାର୍ଣଵ ଦୁର୍ନିଵାର- ମହାଭଯାଦ୍ରକ୍ଷତୁ ଵୀରଭଦ୍ରଃ ॥

ପତ୍ତ୍ଯଶ୍ଵମାତଂଗରଥାଵରୂଥିନୀ- ସହସ୍ରଲକ୍ଷାଯୁତ କୋଟିଭୀଷଣମ୍ ।
ଅକ୍ଷୌହିଣୀନାଂ ଶତମାତତାଯିନାଂ ଛିଂଦ୍ଯାନ୍ମୃଡୋ ଘୋରକୁଠାର ଧାରଯା ॥

ନିହଂତୁ ଦସ୍ଯୂନ୍ପ୍ରଲଯାନଲାର୍ଚିଃ ଜ୍ଵଲତ୍ତ୍ରିଶୂଲଂ ତ୍ରିପୁରାଂତକସ୍ଯ । ଶାର୍ଦୂଲସିଂହର୍କ୍ଷଵୃକାଦିହିଂସ୍ରାନ୍ ସଂତ୍ରାସଯତ୍ଵୀଶଧନୁଃ ପିନାକଃ ॥

ଦୁଃ ସ୍ଵପ୍ନ ଦୁଃ ଶକୁନ ଦୁର୍ଗତି ଦୌର୍ମନସ୍ଯ- ଦୁର୍ଭିକ୍ଷ ଦୁର୍ଵ୍ଯସନ ଦୁଃସହ ଦୁର୍ଯଶାଂସି । ଉତ୍ପାତତାପଵିଷଭୀତିମସଦ୍ଗ୍ରହାର୍ତିଂ ଵ୍ଯାଧୀଂଶ୍ଚ ନାଶଯତୁ ମେ ଜଗତାମଧୀଶଃ ॥

ଓଂ ନମୋ ଭଗଵତେ ସଦାଶିଵାଯ

ସକଲତତ୍ଵାତ୍ମକାଯ ସର୍ଵମଂତ୍ରସ୍ଵରୂପାଯ ସର୍ଵଯଂତ୍ରାଧିଷ୍ଠିତାଯ ସର୍ଵତଂତ୍ରସ୍ଵରୂପାଯ ସର୍ଵତତ୍ଵଵିଦୂରାଯ ବ୍ରହ୍ମରୁଦ୍ରାଵତାରିଣେ ନୀଲକଂଠାଯ ପାର୍ଵତୀମନୋହରପ୍ରିଯାଯ ସୋମସୂର୍ଯାଗ୍ନିଲୋଚନାଯ ଭସ୍ମୋଦ୍ଧୂଲିତଵିଗ୍ରହାଯ ମହାମଣି ମୁକୁଟଧାରଣାଯ ମାଣିକ୍ଯଭୂଷଣାଯ ସୃଷ୍ଟିସ୍ଥିତିପ୍ରଲଯକାଲ- ରୌଦ୍ରାଵତାରାଯ ଦକ୍ଷାଧ୍ଵରଧ୍ଵଂସକାଯ ମହାକାଲଭେଦନାଯ ମୂଲଧାରୈକନିଲଯାଯ ତତ୍ଵାତୀତାଯ ଗଂଗାଧରାଯ ସର୍ଵଦେଵାଦିଦେଵାଯ ଷଡାଶ୍ରଯାଯ ଵେଦାଂତସାରାଯ ତ୍ରିଵର୍ଗସାଧନାଯ ଅନଂତକୋଟିବ୍ରହ୍ମାଂଡନାଯକାଯ ଅନଂତ ଵାସୁକି ତକ୍ଷକ- କର୍କୋଟକ ଶଂଖ କୁଲିକ- ପଦ୍ମ ମହାପଦ୍ମେତି- ଅଷ୍ଟମହାନାଗକୁଲଭୂଷଣାଯ ପ୍ରଣଵସ୍ଵରୂପାଯ ଚିଦାକାଶାଯ ଆକାଶ ଦିକ୍ ସ୍ଵରୂପାଯ ଗ୍ରହନକ୍ଷତ୍ରମାଲିନେ ସକଲାଯ କଲଂକରହିତାଯ ସକଲଲୋକୈକକର୍ତ୍ରେ ସକଲଲୋକୈକଭର୍ତ୍ରେ ସକଲଲୋକୈକସଂହର୍ତ୍ରେ ସକଲଲୋକୈକଗୁରଵେ ସକଲଲୋକୈକସାକ୍ଷିଣେ ସକଲନିଗମଗୁହ୍ଯାଯ ସକଲଵେଦାଂତପାରଗାଯ ସକଲଲୋକୈକଵରପ୍ରଦାଯ ସକଲଲୋକୈକଶଂକରାଯ ସକଲଦୁରିତାର୍ତିଭଂଜନାଯ ସକଲଜଗଦଭଯଂକରାଯ ଶଶାଂକଶେଖରାଯ ଶାଶ୍ଵତନିଜାଵାସାଯ ନିରାକାରାଯ ନିରାଭାସାଯ ନିରାମଯାଯ ନିର୍ମଲାଯ ନିର୍ମଦାଯ ନିଶ୍ଚିଂତାଯ ନିରହଂକାରାଯ ନିରଂକୁଶାଯ ନିଷ୍କଲଂକାଯ ନିର୍ଗୁଣାଯ ନିଷ୍କାମାଯ ନିରୂପପ୍ଲଵାଯ ନିରୁପଦ୍ରଵାଯ ନିରଵଦ୍ଯାଯ ନିରଂତରାଯ ନିଷ୍କାରଣାଯ ନିରାତଂକାଯ ନିଷ୍ପ୍ରପଂଚାଯ ନିସ୍ସଂଗାଯ ନିର୍ଦ୍ଵଂଦ୍ଵାଯ ନିରାଧାରାଯ ନୀରାଗାଯ ନିଷ୍କ୍ରୋଧାଯ ନିର୍ଲୋପାଯ ନିଷ୍ପାପାଯ ନିର୍ଭଯାଯ ନିର୍ଵିକଲ୍ପାଯ ନିର୍ଭେଦାଯ ନିଷ୍କ୍ରିଯାଯ ନିସ୍ତୁଲାଯ ନିଃସଂଶଯାଯ ନିରଂଜନାଯ ନିରୁପମଵିଭଵାଯ ନିତ୍ଯଶୁଦ୍ଧବୁଦ୍ଧମୁକ୍ତପରିପୂର୍ଣ- ସଚ୍ଚିଦାନଂଦାଦ୍ଵଯାଯ ପରମଶାଂତସ୍ଵରୂପାଯ ପରମଶାଂତପ୍ରକାଶାଯ ତେଜୋରୂପାଯ ତେଜୋମଯାଯ ତେଜୋଽଧିପତଯେ ଜଯ ଜଯ ରୁଦ୍ର ମହାରୁଦ୍ର ମହାରୌଦ୍ର ଭଦ୍ରାଵତାର ମହାଭୈରଵ କାଲଭୈରଵ କଲ୍ପାଂତଭୈରଵ କପାଲମାଲାଧର ଖଟ୍ଵାଂଗ ଚର୍ମଖଡ୍ଗଧର ପାଶାଂକୁଶ- ଡମରୂଶୂଲ ଚାପବାଣଗଦାଶକ୍ତିଭିଂଦିପାଲ- ତୋମର ମୁସଲ ମୁଦ୍ଗର ପାଶ ପରିଘ- ଭୁଶୁଂଡୀ ଶତଘ୍ନୀ ଚକ୍ରାଦ୍ଯାଯୁଧଭୀଷଣାକାର- ସହସ୍ରମୁଖଦଂଷ୍ଟ୍ରାକରାଲଵଦନ ଵିକଟାଟ୍ଟହାସ ଵିସ୍ଫାରିତ ବ୍ରହ୍ମାଂଡମଂଡଲ ନାଗେଂଦ୍ରକୁଂଡଲ ନାଗେଂଦ୍ରହାର ନାଗେଂଦ୍ରଵଲଯ ନାଗେଂଦ୍ରଚର୍ମଧର ନାଗେଂଦ୍ରନିକେତନ ମୃତ୍ଯୁଂଜଯ ତ୍ର୍ଯଂବକ ତ୍ରିପୁରାଂତକ ଵିଶ୍ଵରୂପ ଵିରୂପାକ୍ଷ ଵିଶ୍ଵେଶ୍ଵର ଵୃଷଭଵାହନ ଵିଷଵିଭୂଷଣ ଵିଶ୍ଵତୋମୁଖ ସର୍ଵତୋମୁଖ ମାଂ ରକ୍ଷ ରକ୍ଷ ଜ୍ଵଲଜ୍ଵଲ ପ୍ରଜ୍ଵଲ ପ୍ରଜ୍ଵଲ ମହାମୃତ୍ଯୁଭଯଂ ଶମଯ ଶମଯ ଅପମୃତ୍ଯୁଭଯଂ ନାଶଯ ନାଶଯ ରୋଗଭଯଂ ଉତ୍ସାଦଯୋତ୍ସାଦଯ ଵିଷସର୍ପଭଯଂ ଶମଯ ଶମଯ ଚୋରାନ୍ ମାରଯ ମାରଯ ମମ ଶତ୍ରୂନ୍ ଉଚ୍ଚାଟଯୋଚ୍ଚାଟଯ ତ୍ରିଶୂଲେନ ଵିଦାରଯ ଵିଦାରଯ କୁଠାରେଣ ଭିଂଧି ଭିଂଧି ଖଡ୍ଗେନ ଛିଂଦ୍ଦି ଛିଂଦ୍ଦି ଖଟ୍ଵାଂଗେନ ଵିପୋଧଯ ଵିପୋଧଯ ମୁସଲେନ ନିଷ୍ପେଷଯ ନିଷ୍ପେଷଯ ବାଣୈଃ ସଂତାଡଯ ସଂତାଡଯ ଯକ୍ଷ ରକ୍ଷାଂସି ଭୀଷଯ ଭୀଷଯ ଅଶେଷ ଭୂତାନ୍ ଵିଦ୍ରାଵଯ ଵିଦ୍ରାଵଯ କୂଷ୍ମାଂଡଭୂତଵେତାଲମାରୀଗଣ- ବ୍ରହ୍ମରାକ୍ଷସଗଣାନ୍ ସଂତ୍ରାସଯ ସଂତ୍ରାସଯ ମମ ଅଭଯଂ କୁରୁ କୁରୁ ମମ ପାପଂ ଶୋଧଯ ଶୋଧଯ ଵିତ୍ରସ୍ତଂ ମାଂ ଆଶ୍ଵାସଯ ଆଶ୍ଵାସଯ ନରକମହାଭଯାନ୍ ମାଂ ଉଦ୍ଧର ଉଦ୍ଧର ଅମୃତକଟାକ୍ଷଵୀକ୍ଷଣେନ ମାଂ- ଆଲୋକଯ ଆଲୋକଯ ସଂଜୀଵଯ ସଂଜୀଵଯ କ୍ଷୁତ୍ତୃଷ୍ଣାର୍ତଂ ମାଂ ଆପ୍ଯାଯଯ ଆପ୍ଯାଯଯ ଦୁଃଖାତୁରଂ ମାଂ ଆନଂଦଯ ଆନଂଦଯ ଶିଵକଵଚେନ ମାଂ ଆଚ୍ଛାଦଯ ଆଚ୍ଛାଦଯ

ହର ହର ମୃତ୍ଯୁଂଜଯ ତ୍ର୍ଯଂବକ ସଦାଶିଵ ପରମଶିଵ ନମସ୍ତେ ନମସ୍ତେ ନମଃ ॥

ପୂର୍ଵଵତ୍ – ହୃଦଯାଦି ନ୍ଯାସଃ ।

ପଂଚପୂଜା ॥

ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ॥

ଫଲଶ୍ରୁତିଃ
ଋଷଭ ଉଵାଚ ଇତ୍ଯେତତ୍ପରମଂ ଶୈଵଂ କଵଚଂ ଵ୍ଯାହୃତଂ ମଯା ।
ସର୍ଵ ବାଧା ପ୍ରଶମନଂ ରହସ୍ଯଂ ସର୍ଵ ଦେହିନାମ୍ ॥

ଯଃ ସଦା ଧାରଯେନ୍ମର୍ତ୍ଯଃ ଶୈଵଂ କଵଚମୁତ୍ତମମ୍ ।
ନ ତସ୍ଯ ଜାଯତେ କାପି ଭଯଂ ଶଂଭୋରନୁଗ୍ରହାତ୍ ॥

କ୍ଷୀଣାଯୁଃ ପ୍ରାପ୍ତମୃତ୍ଯୁର୍ଵା ମହାରୋଗହତୋଽପି ଵା ।
ସଦ୍ଯଃ ସୁଖମଵାପ୍ନୋତି ଦୀର୍ଘମାଯୁଶ୍ଚ ଵିଂଦତି ॥

ସର୍ଵଦାରିଦ୍ରଯଶମନଂ ସୌମାଂଗଲ୍ଯଵିଵର୍ଧନମ୍ ।
ଯୋ ଧତ୍ତେ କଵଚଂ ଶୈଵଂ ସ ଦେଵୈରପି ପୂଜ୍ଯତେ ॥

ମହାପାତକସଂଘାତୈର୍ମୁଚ୍ଯତେ ଚୋପପାତକୈଃ ।
ଦେହାଂତେ ମୁକ୍ତିମାପ୍ନୋତି ଶିଵଵର୍ମାନୁଭାଵତଃ ॥

ତ୍ଵମପି ଶ୍ରଦ୍ଦଯା ଵତ୍ସ ଶୈଵଂ କଵଚମୁତ୍ତମମ୍ ।
ଧାରଯସ୍ଵ ମଯା ଦତ୍ତଂ ସଦ୍ଯଃ ଶ୍ରେଯୋ ହ୍ଯଵାପ୍ସ୍ଯସି ॥

ଶ୍ରୀସୂତ ଉଵାଚ

ଇତ୍ଯୁକ୍ତ୍ଵା ଋଷଭୋ ଯୋଗୀ ତସ୍ମୈ ପାର୍ଥିଵ ସୂନଵେ ।
ଦଦୌ ଶଂଖଂ ମହାରାଵଂ ଖଡ୍ଗଂ ଚ ଅରିନିଷୂଦନମ୍ ॥

ପୁନଶ୍ଚ ଭସ୍ମ ସଂମଂତ୍ର୍ଯ ତଦଂଗଂ ପରିତୋଽସ୍ପୃଶତ୍ ।
ଗଜାନାଂ ଷଟ୍ସହସ୍ରସ୍ଯ ତ୍ରିଗୁଣସ୍ଯ ବଲଂ ଦଦୌ ॥

ଭସ୍ମପ୍ରଭାଵାତ୍ ସଂପ୍ରାପ୍ତବଲୈଶ୍ଵର୍ଯ ଧୃତି ସ୍ମୃତିଃ ।
ସ ରାଜପୁତ୍ରଃ ଶୁଶୁଭେ ଶରଦର୍କ ଇଵ ଶ୍ରିଯା ॥

ତମାହ ପ୍ରାଂଜଲିଂ ଭୂଯଃ ସ ଯୋଗୀ ନୃପନଂଦନମ୍ ।
ଏଷ ଖଡ୍ଗୋ ମଯା ଦତ୍ତସ୍ତପୋମଂତ୍ରାନୁଭାଵତଃ ॥

ଶିତଧାରମିମଂ ଖଡ୍ଗଂ ଯସ୍ମୈ ଦର୍ଶଯସେ ସ୍ଫୁଟମ୍ ।
ସ ସଦ୍ଯୋ ମ୍ରିଯତେ ଶତ୍ରୁଃ ସାକ୍ଷାନ୍ମୃତ୍ଯୁରପି ସ୍ଵଯମ୍ ॥

ଅସ୍ଯ ଶଂଖସ୍ଯ ନିର୍ହ୍ରାଦଂ ଯେ ଶୃଣ୍ଵଂତି ତଵାହିତାଃ ।
ତେ ମୂର୍ଚ୍ଛିତାଃ ପତିଷ୍ଯଂତି ନ୍ଯସ୍ତଶସ୍ତ୍ରା ଵିଚେତନାଃ ॥

ଖଡ୍ଗଶଂଖାଵିମୌ ଦିଵ୍ଯୌ ପରସୈନ୍ଯଵିନାଶକୌ ।
ଆତ୍ମସୈନ୍ଯସ୍ଵପକ୍ଷାଣାଂ ଶୌର୍ଯତେଜୋଵିଵର୍ଧନୌ ॥

ଏତଯୋଶ୍ଚ ପ୍ରଭାଵେନ ଶୈଵେନ କଵଚେନ ଚ ।
ଦ୍ଵିଷଟ୍ସହସ୍ର ନାଗାନାଂ ବଲେନ ମହତାପି ଚ ॥

ଭସ୍ମଧାରଣ ସାମର୍ଥ୍ଯାଚ୍ଛତ୍ରୁସୈନ୍ଯଂ ଵିଜେଷ୍ଯସେ ।
ପ୍ରାପ୍ଯ ସିଂହାସନଂ ପିତ୍ର୍ଯଂ ଗୋପ୍ତାଽସି ପୃଥିଵୀମିମାମ୍ ॥

ଇତି ଭଦ୍ରାଯୁଷଂ ସମ୍ଯଗନୁଶାସ୍ଯ ସମାତୃକମ୍ ।
ତାଭ୍ଯାଂ ସଂପୂଜିତଃ ସୋଽଥ ଯୋଗୀ ସ୍ଵୈରଗତିର୍ଯଯୌ ॥

ଇତି ଶ୍ରୀସ୍କାଂଦମହାପୁରାଣେ ବ୍ରହ୍ମୋତ୍ତରଖଂଡେ ଶିଵକଵଚ ପ୍ରଭାଵ ଵର୍ଣନଂ ନାମ ଦ୍ଵାଦଶୋଽଧ୍ଯାଯଃ ସଂପୂର୍ଣଃ ॥ ॥

********

Leave a Reply

Your email address will not be published. Required fields are marked *