Sri Krishna Sahasranama Stotram Lyrics In Gujarati
ઓં અસ્ય શ્રીકૃષ્ણસહસ્રનામસ્તોત્રમંત્રસ્ય પરાશર ઋષિઃ, અનુષ્ટુપ્ છંદઃ, શ્રીકૃષ્ણઃ પરમાત્મા દેવતા, શ્રીકૃષ્ણેતિ બીજમ્, શ્રીવલ્લભેતિ શક્તિઃ, શારંગીતિ કીલકં, શ્રીકૃષ્ણપ્રીત્યર્થે જપે વિનિયોગઃ ॥
ન્યાસઃ%
પરાશરાય ઋષયે નમઃ ઇતિ શિરસિ,
અનુષ્ટુપ્ છંદસે નમઃ ઇતિ મુખે,
ગોપાલકૃષ્ણદેવતાયૈ નમઃ ઇતિ હૃદયે,
શ્રીકૃષ્ણાય બીજાય નમઃ ઇતિ ગુહ્યે,
શ્રીવલ્લભાય શક્ત્યૈ નમઃ ઇતિ પાદયોઃ,
શારંગધરાય કીલકાય નમઃ ઇતિ સર્વાંગે ॥
કરન્યાસઃ%
શ્રીકૃષ્ણ ઇત્યારભ્ય શૂરવંશૈકધીરિત્યંતાનિ અંગુષ્ઠાભ્યાં નમઃ ।
શૌરિરિત્યારભ્ય સ્વભાસોદ્ભાસિતવ્રજ ઇત્યંતાનિ તર્જનીભ્યાં નમઃ ।
કૃતાત્મવિદ્યાવિન્યાસ ઇત્યારભ્ય પ્રસ્થાનશકટારૂઢ ઇતિ મધ્યમાભ્યાં નમઃ,
બૃંદાવનકૃતાલય ઇત્યારભ્ય મધુરાજનવીક્ષિત ઇત્યનામિકાભ્યાં નમઃ,
રજકપ્રતિઘાતક ઇત્યારભ્ય દ્વારકાપુરકલ્પન ઇતિ કનિષ્ઠિકાભ્યાં નમઃ
દ્વારકાનિલય ઇત્યારભ્ય પરાશર ઇતિ કરતલકરપૃષ્ઠાભ્યાં નમઃ,
એવં હૃદયાદિન્યાસઃ ॥
ધ્યાનમ્%
કેષાંચિત્પ્રેમપુંસાં વિગલિતમનસાં બાલલીલાવિલાસં
કેષાં ગોપાલલીલાંકિતરસિકતનુર્વેણુવાદ્યેન દેવમ્ ।
કેષાં વામાસમાજે જનિતમનસિજો દૈત્યદર્પાપહૈવં
જ્ઞાત્વા ભિન્નાભિલાષં સ જયતિ જગતામીશ્વરસ્તાદૃશોઽભૂત્ ॥ 1 ॥
ક્ષીરાબ્ધૌ કૃતસંસ્તવસ્સુરગણૈર્બ્રહ્માદિભિઃ પંડિતૈઃ
પ્રોદ્ભૂતો વસુદેવસદ્મનિ મુદા ચિક્રીડ યો ગોકુલે ।
કંસધ્વંસકૃતે જગામ મધુરાં સારામસદ્વારકાં
ગોપાલોઽખિલગોપિકાજનસખઃ પાયાદપાયાત્ સ નઃ ॥ 2 ॥
ફુલ્લેંદીવરકાંતિમિંદુવદનં બર્હાવતંસપ્રિયં
શ્રીવત્સાંકમુદારકૌસ્તુભધરં પીતાંબરં સુંદરમ્ ।
ગોપીનાં નયનોત્પલાર્ચિતતનું ગોગોપસંઘાવૃતં
ગોવિંદં કલવેણુવાદનરતં દિવ્યાંગભૂષં ભજે ॥ 3 ॥
ઓં ।
કૃષ્ણઃ શ્રીવલ્લભઃ શારંગી વિષ્વક્સેનઃ સ્વસિદ્ધિદઃ ।
ક્ષીરોદધામા વ્યૂહેશઃ શેષશાયી જગન્મયઃ ॥ 1 ॥
ભક્તિગમ્યસ્ત્રયીમૂર્તિર્ભારાર્તવસુધાસ્તુતઃ ।
દેવદેવો દયાસિંધુર્દેવદેવશિખામણિઃ ॥ 2 ॥
સુખભાવસ્સુખાધારો મુકુંદો મુદિતાશયઃ ।
અવિક્રિયઃ ક્રિયામૂર્તિરધ્યાત્મસ્વસ્વરૂપવાન્ ॥ 3 ॥
શિષ્ટાભિલક્ષ્યો ભૂતાત્મા ધર્મત્રાણાર્થચેષ્ટિતઃ ।
અંતર્યામી કલારૂપઃ કાલાવયવસાક્ષિકઃ ॥ 4 ॥
વસુધાયાસહરણો નારદપ્રેરણોન્મુખઃ ।
પ્રભૂષ્ણુર્નારદોદ્ગીતો લોકરક્ષાપરાયણઃ ॥ 5 ॥
રૌહિણેયકૃતાનંદો યોગજ્ઞાનનિયોજકઃ ।
મહાગુહાંતર્નિક્ષિપ્તઃ પુરાણવપુરાત્મવાન્ ॥ 6 ॥
શૂરવંશૈકધીશ્શૌરિઃ કંસશંકાવિષાદકૃત્ ।
વસુદેવોલ્લસચ્છક્તિર્દેવક્યષ્ટમગર્ભગઃ ॥ 7 ॥
વસુદેવસુતઃ શ્રીમાંદેવકીનંદનો હરિઃ ।
આશ્ચર્યબાલઃ શ્રીવત્સલક્ષ્મવક્ષાશ્ચતુર્ભુજઃ ॥ 8 ॥
સ્વભાવોત્કૃષ્ટસદ્ભાવઃ કૃષ્ણાષ્ટમ્યંતસંભવઃ ।
પ્રાજાપત્યર્ક્ષસંભૂતો નિશીથસમયોદિતઃ ॥ 9 ॥
શંખચક્રગદાપદ્મપાણિઃ પદ્મનિભેક્ષણઃ ।
કિરીટી કૌસ્તુભોરસ્કઃ સ્ફુરન્મકરકુંડલઃ ॥ 10 ॥
પીતવાસા ઘનશ્યામઃ કુંચિતાંચિતકુંતલઃ ।
સુવ્યક્તવ્યક્તાભરણઃ સૂતિકાગૃહભૂષણઃ ॥ 11 ॥
કારાગારાંધકારઘ્નઃ પિતૃપ્રાગ્જન્મસૂચકઃ ।
વસુદેવસ્તુતઃ સ્તોત્રં તાપત્રયનિવારણઃ ॥ 12 ॥
નિરવદ્યઃ ક્રિયામૂર્તિર્ન્યાયવાક્યનિયોજકઃ ।
અદૃષ્ટચેષ્ટઃ કૂટસ્થો ધૃતલૌકિકવિગ્રહઃ ॥ 13 ॥
મહર્ષિમાનસોલ્લાસો મહીમંગલદાયકઃ ।
સંતોષિતસુરવ્રાતઃ સાધુચિત્તપ્રસાદકઃ ॥ 14 ॥
જનકોપાયનિર્દેષ્ટા દેવકીનયનોત્સવઃ ।
પિતૃપાણિપરિષ્કારો મોહિતાગારરક્ષકઃ ॥ 15 ॥
સ્વશક્ત્યુદ્ધાટિતાશેષકપાટઃ પિતૃવાહકઃ ।
શેષોરગફણાચ્છત્રશ્શેષોક્તાખ્યાસહસ્રકઃ ॥ 16 ॥
યમુનાપૂરવિધ્વંસી સ્વભાસોદ્ભાસિતવ્રજઃ ।
કૃતાત્મવિદ્યાવિન્યાસો યોગમાયાગ્રસંભવઃ ॥ 17 ॥
દુર્ગાનિવેદિતોદ્ભાવો યશોદાતલ્પશાયકઃ ।
નંદગોપોત્સવસ્ફૂર્તિર્વ્રજાનંદકરોદયઃ ॥ 18 ॥
સુજાતજાતકર્મ શ્રીર્ગોપીભદ્રોક્તિનિર્વૃતઃ ।
અલીકનિદ્રોપગમઃ પૂતનાસ્તનપીડનઃ ॥ 19 ॥
સ્તન્યાત્તપૂતનાપ્રાણઃ પૂતનાક્રોશકારકઃ ।
વિન્યસ્તરક્ષાગોધૂલિર્યશોદાકરલાલિતઃ ॥ 20 ॥
નંદાઘ્રાતશિરોમધ્યઃ પૂતનાસુગતિપ્રદઃ ।
બાલઃ પર્યંકનિદ્રાલુર્મુખાર્પિતપદાંગુલિઃ ॥ 21 ॥
અંજનસ્નિગ્ધનયનઃ પર્યાયાંકુરિતસ્મિતઃ ।
લીલાક્ષસ્તરલાલોકશ્શકટાસુરભંજનઃ ॥ 22 ॥
દ્વિજોદિતસ્વસ્ત્યયનો મંત્રપૂતજલાપ્લુતઃ ।
યશોદોત્સંગપર્યંકો યશોદામુખવીક્ષકઃ ॥ 23 ॥
યશોદાસ્તન્યમુદિતસ્તૃણાવર્તાદિદુસ્સહઃ ।
તૃણાવર્તાસુરધ્વંસી માતૃવિસ્મયકારકઃ ॥ 24 ॥
પ્રશસ્તનામકરણો જાનુચંક્રમણોત્સુકઃ ।
વ્યાલંબિચૂલિકારત્નો ઘોષગોપપ્રહર્ષણઃ ॥ 25 ॥
સ્વમુખપ્રતિબિંબાર્થી ગ્રીવાવ્યાઘ્રનખોજ્જ્વલઃ ।
પંકાનુલેપરુચિરો માંસલોરુકટીતટઃ ॥ 26 ॥
ઘૃષ્ટજાનુકરદ્વંદ્વઃ પ્રતિબિંબાનુકારકૃત્ ।
અવ્યક્તવર્ણવાગ્વૃત્તિઃ સ્મિતલક્ષ્યરદોદ્ગમઃ ॥ 27 ॥
ધાત્રીકરસમાલંબી પ્રસ્ખલચ્ચિત્રચંક્રમઃ ।
અનુરૂપવયસ્યાઢ્યશ્ચારુકૌમારચાપલઃ ॥ 28 ॥
વત્સપુચ્છસમાકૃષ્ટો વત્સપુચ્છવિકર્ષણઃ ।
વિસ્મારિતાન્યવ્યાપારો ગોપગોપીમુદાવહઃ ॥ 29 ॥
અકાલવત્સનિર્મોક્તા વ્રજવ્યાક્રોશસુસ્મિતઃ ।
નવનીતમહાચોરો દારકાહારદાયકઃ ॥ 30 ॥
પીઠોલૂખલસોપાનઃ ક્ષીરભાંડવિભેદનઃ ।
શિક્યભાંડસમાકર્ષી ધ્વાંતાગારપ્રવેશકૃત્ ॥ 31 ॥
ભૂષારત્નપ્રકાશાઢ્યો ગોપ્યુપાલંભભર્ત્સિતઃ ।
પરાગધૂસરાકારો મૃદ્ભક્ષણકૃતેક્ષણઃ ॥ 32 ॥
બાલોક્તમૃત્કથારંભો મિત્રાંતર્ગૂઢવિગ્રહઃ ।
કૃતસંત્રાસલોલાક્ષો જનનીપ્રત્યયાવહઃ ॥ 33॥
માતૃદૃશ્યાત્તવદનો વક્ત્રલક્ષ્યચરાચરઃ ।
યશોદાલાલિતસ્વાત્મા સ્વયં સ્વાચ્છંદ્યમોહનઃ ॥ 34 ॥
સવિત્રીસ્નેહસંશ્લિષ્ટઃ સવિત્રીસ્તનલોલુપઃ ।
નવનીતાર્થનાપ્રહ્વો નવનીતમહાશનઃ ॥ 35 ॥
મૃષાકોપપ્રકંપોષ્ઠો ગોષ્ઠાંગણવિલોકનઃ ।
દધિમંથઘટીભેત્તા કિંકિણીક્વાણસૂચિતઃ ॥ 36 ॥
હૈયંગવીનરસિકો મૃષાશ્રુશ્ચૌર્યશંકિતઃ ।
જનનીશ્રમવિજ્ઞાતા દામબંધનિયંત્રિતઃ ॥ 37 ॥
દામાકલ્પશ્ચલાપાંગો ગાઢોલૂખલબંધનઃ ।
આકૃષ્ટોલૂખલોઽનંતઃ કુબેરસુતશાપવિત્ ॥ । 38 ॥
નારદોક્તિપરામર્શી યમલાર્જુનભંજનઃ ।
ધનદાત્મજસંઘુષ્ટો નંદમોચિતબંધનઃ ॥ 39 ॥
બાલકોદ્ગીતનિરતો બાહુક્ષેપોદિતપ્રિયઃ ।
આત્મજ્ઞો મિત્રવશગો ગોપીગીતગુણોદયઃ ॥ 40 ॥
પ્રસ્થાનશકટારૂઢો બૃંદાવનકૃતાલયઃ ।
ગોવત્સપાલનૈકાગ્રો નાનાક્રીડાપરિચ્છદઃ ॥ 41 ॥
ક્ષેપણીક્ષેપણપ્રીતો વેણુવાદ્યવિશારદઃ ।
વૃષવત્સાનુકરણો વૃષધ્વાનવિડંબનઃ ॥ 42 ॥
નિયુદ્ધલીલાસંહૃષ્ટઃ કૂજાનુકૃતકોકિલઃ ।
ઉપાત્તહંસગમનસ્સર્વજંતુરુતાનુકૃત્ ॥ 43 ॥
ભૃંગાનુકારી દધ્યન્નચોરો વત્સપુરસ્સરઃ ।
બલી બકાસુરગ્રાહી બકતાલુપ્રદાહકઃ ॥ 44 ॥
ભીતગોપાર્ભકાહૂતો બકચંચુવિદારણઃ ।
બકાસુરારિર્ગોપાલો બાલો બાલાદ્ભુતાવહઃ ॥ 45 ॥
બલભદ્રસમાશ્લિષ્ટઃ કૃતક્રીડાનિલાયનઃ ।
ક્રીડાસેતુનિધાનજ્ઞઃ પ્લવંગોત્પ્લવનોઽદ્ભુતઃ ॥ 46 ॥
કંદુકક્રીડનો લુપ્તનંદાદિભવવેદનઃ ।
સુમનોઽલંકૃતશિરાઃ સ્વાદુસ્નિગ્ધાન્નશિક્યભૃત્ ॥ 47 ॥
ગુંજાપ્રાલંબનચ્છન્નઃ પિંછૈરલકવેષકૃત્ ।
વન્યાશનપ્રિયઃ શૃંગરવાકારિતવત્સકઃ ॥ 48 ॥
મનોજ્ઞપલ્લવોત્તંસપુષ્પસ્વેચ્છાત્તષટ્પદઃ ।
મંજુશિંજિતમંજીરચરણઃ કરકંકણઃ ॥ 49 ॥
અન્યોન્યશાસનઃ ક્રીડાપટુઃ પરમકૈતવઃ ।
પ્રતિધ્વાનપ્રમુદિતઃ શાખાચતુરચંક્રમઃ ॥ 50 ॥
અઘદાનવસંહર્તા વ્રજવિઘ્નવિનાશનઃ ।
વ્રજસંજીવનઃ શ્રેયોનિધિર્દાનવમુક્તિદઃ ॥ 51 ॥
કાલિંદીપુલિનાસીનસ્સહભુક્તવ્રજાર્ભકઃ ।
કક્ષાજઠરવિન્યસ્તવેણુર્વલ્લવચેષ્ટિતઃ ॥ 52 ॥
ભુજસંધ્યંતરન્યસ્તશૃંગવેત્રઃ શુચિસ્મિતઃ ।
વામપાણિસ્થદધ્યન્નકબલઃ કલભાષણઃ ॥ 53 ॥
અંગુલ્યંતરવિન્યસ્તફલઃ પરમપાવનઃ ।
અદૃશ્યતર્ણકાન્વેષી વલ્લવાર્ભકભીતિહા ॥ 54 ॥
અદૃષ્ટવત્સપવ્રાતો બ્રહ્મવિજ્ઞાતવૈભવઃ ।
ગોવત્સવત્સપાન્વેષી વિરાટ્-પુરુષવિગ્રહઃ ॥ 55 ॥
સ્વસંકલ્પાનુરૂપાર્થો વત્સવત્સપરૂપધૃક્ ।
યથાવત્સક્રિયારૂપો યથાસ્થાનનિવેશનઃ ॥ 56 ॥
યથાવ્રજાર્ભકાકારો ગોગોપીસ્તન્યપસ્સુખી ।
ચિરાદ્વલોહિતો દાંતો બ્રહ્મવિજ્ઞાતવૈભવઃ ॥ 57 ॥
વિચિત્રશક્તિર્વ્યાલીનસૃષ્ટગોવત્સવત્સપઃ ।
બ્રહ્મત્રપાકરો ધાતૃસ્તુતસ્સર્વાર્થસાધકઃ ॥ 58 ॥
બ્રહ્મ બ્રહ્મમયોઽવ્યક્તસ્તેજોરૂપસ્સુખાત્મકઃ ।
નિરુક્તં વ્યાકૃતિર્વ્યક્તો નિરાલંબનભાવનઃ ॥ 59 ॥
પ્રભવિષ્ણુરતંત્રીકો દેવપક્ષાર્થરૂપધૃક્ ।
અકામસ્સર્વવેદાદિરણીયસ્થૂલરૂપવાન્ ॥ 60 ॥
વ્યાપી વ્યાપ્યઃ કૃપાકર્તા વિચિત્રાચારસમ્મતઃ ।
છંદોમયઃ પ્રધાનાત્મા મૂર્તામૂર્તિદ્વયાકૃતિઃ ॥ 61 ॥
અનેકમૂર્તિરક્રોધઃ પરઃ પ્રકૃતિરક્રમઃ ।
સકલાવરણોપેતસ્સર્વદેવો મહેશ્વરઃ ॥ 62 ॥
મહાપ્રભાવનઃ પૂર્વવત્સવત્સપદર્શકઃ ।
કૃષ્ણયાદવગોપાલો ગોપાલોકનહર્ષિતઃ ॥ 63 ॥
સ્મિતેક્ષાહર્ષિતબ્રહ્મા ભક્તવત્સલવાક્પ્રિયઃ ।
બ્રહ્માનંદાશ્રુધૌતાંઘ્રિર્લીલાવૈચિત્ર્યકોવિદઃ ॥ 64 ॥
બલભદ્રૈકહૃદયો નામાકારિતગોકુલઃ ।
ગોપાલબાલકો ભવ્યો રજ્જુયજ્ઞોપવીતવાન્ ॥ 65 ॥
વૃક્ષચ્છાયાહતાશાંતિર્ગોપોત્સંગોપબર્હણઃ ।
ગોપસંવાહિતપદો ગોપવ્યજનવીજિતઃ ॥ 66।
ગોપગાનસુખોન્નિદ્રઃ શ્રીદામાર્જિતસૌહૃદઃ ।
સુનંદસુહૃદેકાત્મા સુબલપ્રાણરંજનઃ ॥ 67 ॥
તાલીવનકૃતક્રીડો બલપાતિતધેનુકઃ ।
ગોપીસૌભાગ્યસંભાવ્યો ગોધૂલિચ્છુરિતાલકઃ ॥ 68 ॥
ગોપીવિરહસંતપ્તો ગોપિકાકૃતમજ્જનઃ ।
પ્રલંબબાહુરુત્ફુલ્લપુંડરીકાવતંસકઃ ॥ 69 ॥
વિલાસલલિતસ્મેરગર્ભલીલાવલોકનઃ ।
સ્રગ્ભૂષણાનુલેપાઢ્યો જનન્યુપહૃતાન્નભુક્ ॥ 70 ॥
વરશય્યાશયો રાધાપ્રેમસલ્લાપનિર્વૃતઃ ।
યમુનાતટસંચારી વિષાર્તવ્રજહર્ષદઃ ॥ 71 ॥
કાલિયક્રોધજનકઃ વૃદ્ધાહિકુલવેષ્ટિતઃ ।
કાલિયાહિફણારંગનટઃ કાલિયમર્દનઃ ॥ 72 ॥
નાગપત્નીસ્તુતિપ્રીતો નાનાવેષસમૃદ્ધિકૃત્ ।
અવિષ્વક્તદૃગાત્મેશઃ સ્વદૃગાત્મસ્તુતિપ્રિયઃ ॥ 73 ॥
સર્વેશ્વરસ્સર્વગુણઃ પ્રસિદ્ધસ્સર્વસાત્વતઃ ।
અકુંઠધામા ચંદ્રાર્કદૃષ્ટિરાકાશનિર્મલઃ ॥ 74 ॥
અનિર્દેશ્યગતિર્નાગવનિતાપતિભૈક્ષદઃ ।
સ્વાંઘ્રિમુદ્રાંકનાગેંદ્રમૂર્ધા કાલિયસંસ્તુતઃ ॥ 75 ॥
અભયો વિશ્વતશ્ચક્ષુઃ સ્તુતોત્તમગુણઃ પ્રભુઃ ।
અહમાત્મા મરુત્પ્રાણઃ પરમાત્મા દ્યુશીર્ષવાન્ ॥ 76 ॥
નાગોપાયનહૃષ્ટાત્મા હ્રદોત્સારિતકાલિયઃ ।
બલભદ્રસુખાલાપો ગોપાલિંગનનિર્વૃતઃ ॥ 77 ॥
દાવાગ્નિભીતગોપાલગોપ્તા દાવાગ્નિનાશનઃ ।
નયનાચ્છાદનક્રીડાલંપટો નૃપચેષ્ટિતઃ ॥ 78 ॥
કાકપક્ષધરસ્સૌમ્યો બલવાહકકેલિમાન્ ।
બલઘાતિતદુર્ધર્ષપ્રલંબો બલવત્સલઃ ॥ 79 ॥
મુંજાટવ્યગ્નિશમનઃ પ્રાવૃટ્કાલવિનોદવાન્ ।
શિલાન્યસ્તાન્નભૃદ્દૈત્યસંહર્તા શાદ્વલાસનઃ ॥ 80 ॥
સદાપ્તગોપિકોદ્ગીતઃ કર્ણિકારાવતંસકઃ ।
નટવેષધરઃ પદ્મમાલાંકો ગોપિકાવૃતઃ ॥ 81 ॥
ગોપીમનોહરાપાંગો વેણુવાદનતત્પરઃ ।
વિન્યસ્તવદનાંભોજશ્ચારુશબ્દકૃતાનનઃ ॥ 82 ॥
બિંબાધરાર્પિતોદારવેણુર્વિશ્વવિમોહનઃ ।
વ્રજસંવર્ણિતશ્રાવ્યવેણુનાદઃ શ્રુતિપ્રિયઃ ॥ 83 ॥
ગોગોપગોપીજન્મેપ્સુર્બ્રહ્મેંદ્રાદ્યભિવંદિતઃ ।
ગીતસ્નુતિસરિત્પૂરો નાદનર્તિતબર્હિણઃ ॥ 84 ॥
રાગપલ્લવિતસ્થાણુર્ગીતાનમિતપાદપઃ ।
વિસ્મારિતતૃણગ્રાસમૃગો મૃગવિલોભિતઃ ॥ 85 ॥
વ્યાઘ્રાદિહિંસ્રસહજવૈરહર્તા સુગાયનઃ ।
ગાઢોદીરિતગોબૃંદપ્રેમોત્કર્ણિતતર્ણકઃ ॥ 86 ॥
નિષ્પંદયાનબ્રહ્માદિવીક્ષિતો વિશ્વવંદિતઃ ।
શાખોત્કર્ણશકુંતૌઘશ્છત્રાયિતબલાહકઃ ॥ 87 ॥
પ્રસન્નઃ પરમાનંદશ્ચિત્રાયિતચરાચરઃ ।
ગોપિકામદનો ગોપીકુચકુંકુમમુદ્રિતઃ ॥ 88 ॥
ગોપિકન્યાજલક્રીડાહૃષ્ટો ગોપ્યંશુકાપહૃત્ ।
સ્કંધારોપિતગોપસ્ત્રીવાસાઃ કુંદનિભસ્મિતઃ ॥ 89 ॥
ગોપીનેત્રોત્પલશશી ગોપિકાયાચિતાંશુકઃ ।
ગોપીનમસ્ક્રિયાદેષ્ટા ગોપ્યેકકરવંદિતઃ ॥ 90 ॥
ગોપ્યંજલિવિશેષાર્થી ગોપક્રીડાવિલોભિતઃ ।
શાંતવાસસ્ફુરદ્ગોપીકૃતાંજલિરઘાપહઃ ॥ 91 ॥
ગોપીકેલિવિલાસાર્થી ગોપીસંપૂર્ણકામદઃ ।
ગોપસ્ત્રીવસ્ત્રદો ગોપીચિત્તચોરઃ કુતૂહલી ॥ 92 ॥
બૃંદાવનપ્રિયો ગોપબંધુર્યજ્વાન્નયાચિતા ।
યજ્ઞેશો યજ્ઞભાવજ્ઞો યજ્ઞપત્ન્યભિવાંછિતઃ ॥ 93 ॥
મુનિપત્નીવિતીર્ણાન્નતૃપ્તો મુનિવધૂપ્રિયઃ ।
દ્વિજપત્ન્યભિભાવજ્ઞો દ્વિજપત્નીવરપ્રદઃ ॥ 94 ॥
પ્રતિરુદ્ધસતીમોક્ષપ્રદો દ્વિજવિમોહિતા ।
મુનિજ્ઞાનપ્રદો યજ્વસ્તુતો વાસવયાગવિત્ ॥ 95 ॥
પિતૃપ્રોક્તક્રિયારૂપશક્રયાગનિવારણઃ ।
શક્રાઽમર્ષકરશ્શક્રવૃષ્ટિપ્રશમનોન્મુખઃ ॥ 96 ॥
ગોવર્ધનધરો ગોપગોબૃંદત્રાણતત્પરઃ ।
ગોવર્ધનગિરિચ્છત્રચંડદંડભુજાર્ગલઃ ॥ 97 ॥
સપ્તાહવિધૃતાદ્રીંદ્રો મેઘવાહનગર્વહા ।
ભુજાગ્રોપરિવિન્યસ્તક્ષ્માધરક્ષ્માભૃદચ્યુતઃ ॥ 98 ॥
સ્વસ્થાનસ્થાપિતગિરિર્ગોપીદધ્યક્ષતાર્ચિતઃ ।
સુમનસ્સુમનોવૃષ્ટિહૃષ્ટો વાસવવંદિતઃ ॥ 99 ॥
કામધેનુપયઃપૂરાભિષિક્તસ્સુરભિસ્તુતઃ ।
ધરાંઘ્રિરોષધીરોમા ધર્મગોપ્તા મનોમયઃ ॥ 100 ॥
જ્ઞાનયજ્ઞપ્રિયશ્શાસ્ત્રનેત્રસ્સર્વાર્થસારથિઃ ।
ઐરાવતકરાનીતવિયદ્ગંગાપ્લુતો વિભુઃ ॥ 101 ॥
બ્રહ્માભિષિક્તો ગોગોપ્તા સર્વલોકશુભંકરઃ ।
સર્વવેદમયો મગ્નનંદાન્વેષિપિતૃપ્રિયઃ ॥ 102 ॥
વરુણોદીરિતાત્મેક્ષાકૌતુકો વરુણાર્ચિતઃ ।
વરુણાનીતજનકો ગોપજ્ઞાતાત્મવૈભવઃ ॥ 103 ॥
સ્વર્લોકાલોકસંહૃષ્ટગોપવર્ગત્રિવર્ગદઃ ।
બ્રહ્મહૃદ્ગોપિતો ગોપદ્રષ્ટા બ્રહ્મપદપ્રદઃ ॥ 104 ॥
શરચ્ચંદ્રવિહારોત્કઃ શ્રીપતિર્વશકો ક્ષમઃ ।
ભયાપહો ભર્તૃરુદ્ધગોપિકાધ્યાનગોચરઃ ॥ 105 ॥
ગોપિકાનયનાસ્વાદ્યો ગોપીનર્મોક્તિનિર્વૃતઃ ।
ગોપિકામાનહરણો ગોપિકાશતયૂથપઃ ॥ 106 ॥
વૈજયંતીસ્રગાકલ્પો ગોપિકામાનવર્ધનઃ ।
ગોપકાંતાસુનિર્દેષ્ટા કાંતો મન્મથમન્મથઃ ॥ 107 ॥
સ્વાત્માસ્યદત્તતાંબૂલઃ ફલિતોત્કૃષ્ટયૌવનઃ ।
વલ્લવીસ્તનસક્તાક્ષો વલ્લવીપ્રેમચાલિતઃ ॥ 108 ॥
ગોપીચેલાંચલાસીનો ગોપીનેત્રાબ્જષટ્પદઃ ।
રાસક્રીડાસમાસક્તો ગોપીમંડલમંડનઃ ॥ 109 ॥
ગોપીહેમમણિશ્રેણિમધ્યેંદ્રમણિરુજ્જ્વલઃ ।
વિદ્યાધરેંદુશાપઘ્નશ્શંખચૂડશિરોહરઃ ॥ 110 ॥
શંખચૂડશિરોરત્નસંપ્રીણિતબલોઽનઘઃ ।
અરિષ્ટારિષ્ટકૃદ્દુષ્ટકેશિદૈત્યનિષૂદનઃ ॥ 111 ॥
સરસસ્સસ્મિતમુખસ્સુસ્થિરો વિરહાકુલઃ ।
સંકર્ષણાર્પિતપ્રીતિરક્રૂરધ્યાનગોચરઃ ॥ 112 ॥
અક્રૂરસંસ્તુતો ગૂઢો ગુણવૃત્યુપલક્ષિતઃ ।
પ્રમાણગમ્યસ્તન્માત્રાઽવયવી બુદ્ધિતત્પરઃ ॥ 113 ॥
સર્વપ્રમાણપ્રમધીસ્સર્વપ્રત્યયસાધકઃ ।
પુરુષશ્ચ પ્રધાનાત્મા વિપર્યાસવિલોચનઃ ॥ 114 ॥
મધુરાજનસંવીક્ષ્યો રજકપ્રતિઘાતકઃ ।
વિચિત્રાંબરસંવીતો માલાકારવરપ્રદઃ ॥ 115 ॥
કુબ્જાવક્રત્વનિર્મોક્તા કુબ્જાયૌવનદાયકઃ ।
કુબ્જાંગરાગસુરભિઃ કંસકોદંડખંડનઃ ॥ 116 ॥
ધીરઃ કુવલયાપીડમર્દનઃ કંસભીતિકૃત્ ।
દંતિદંતાયુધો રંગત્રાસકો મલ્લયુદ્ધવિત્ ॥ 117 ॥
ચાણૂરહંતા કંસારિર્દેવકીહર્ષદાયકઃ ।
વસુદેવપદાનમ્રઃ પિતૃબંધવિમોચનઃ ॥ 118 ॥
ઉર્વીભયાપહો ભૂપ ઉગ્રસેનાધિપત્યદઃ ।
આજ્ઞાસ્થિતશચીનાથસ્સુધર્માનયનક્ષમઃ ॥ 119 ॥
આદ્યો દ્વિજાતિસત્કર્તા શિષ્ટાચારપ્રદર્શકઃ ।
સાંદીપનિકૃતાભ્યસ્તવિદ્યાભ્યાસૈકધીસ્સુધીઃ ॥ 120 ॥
ગુર્વભીષ્ટક્રિયાદક્ષઃ પશ્ચિમોદધિપૂજિતઃ ।
હતપંચજનપ્રાપ્તપાંચજન્યો યમાર્ચિતઃ ॥ 121 ॥
ધર્મરાજજયાનીતગુરુપુત્ર ઉરુક્રમઃ ।
ગુરુપુત્રપ્રદશ્શાસ્તા મધુરાજસભાસદઃ ॥ 122 ॥
જામદગ્ન્યસમભ્યર્ચ્યો ગોમંતગિરિસંચરઃ ।
ગોમંતદાવશમનો ગરુડાનીતભૂષણઃ ॥ 123 ॥
ચક્રાદ્યાયુધસંશોભી જરાસંધમદાપહઃ ।
સૃગાલાવનિપાલઘ્નસ્સૃગાલાત્મજરાજ્યદઃ ॥ 124 ॥
વિધ્વસ્તકાલયવનો મુચુકુંદવરપ્રદઃ ।
આજ્ઞાપિતમહાંભોધિર્દ્વારકાપુરકલ્પનઃ ॥ 125 ॥
દ્વારકાનિલયો રુક્મિમાનહંતા યદૂદ્વહઃ ।
રુચિરો રુક્મિણીજાનિઃ પ્રદ્યુમ્નજનકઃ પ્રભુઃ ॥ 126 ॥
અપાકૃતત્રિલોકાર્તિરનિરુદ્ધપિતામહઃ ।
અનિરુદ્ધપદાન્વેષી ચક્રી ગરુડવાહનઃ ॥ 127 ॥
બાણાસુરપુરીરોદ્ધા રક્ષાજ્વલનયંત્રજિત્ ।
ધૂતપ્રમથસંરંભો જિતમાહેશ્વરજ્વરઃ ॥ 128 ॥
ષટ્ચક્રશક્તિનિર્જેતા ભૂતવેતાલમોહકૃત્ ।
શંભુત્રિશૂલજિચ્છંભુજૃંભણશ્શંભુસંસ્તુતઃ ॥ 129 ॥
ઇંદ્રિયાત્મેંદુહૃદયસ્સર્વયોગેશ્વરેશ્વરઃ ।
હિરણ્યગર્ભહૃદયો મોહાવર્તનિવર્તનઃ ॥ 130 ॥
આત્મજ્ઞાનનિધિર્મેધા કોશસ્તન્માત્રરૂપવાન્ ।
ઇંદ્રોઽગ્નિવદનઃ કાલનાભસ્સર્વાગમાધ્વગઃ ॥ 131 ॥
તુરીયસર્વધીસાક્ષી દ્વંદ્વારામાત્મદૂરગઃ ।
અજ્ઞાતપારો વશ્યશ્રીરવ્યાકૃતવિહારવાન્ ॥ 132 ॥
આત્મપ્રદીપો વિજ્ઞાનમાત્રાત્મા શ્રીનિકેતનઃ ।
બાણબાહુવનચ્છેત્તા મહેંદ્રપ્રીતિવર્ધનઃ ॥ 133 ॥
અનિરુદ્ધનિરોધજ્ઞો જલેશાહૃતગોકુલઃ ।
જલેશવિજયી વીરસ્સત્રાજિદ્રત્નયાચકઃ ॥ 134 ॥
પ્રસેનાન્વેષણોદ્યુક્તો જાંબવદ્ધૃતરત્નદઃ ।
જિતર્ક્ષરાજતનયાહર્તા જાંબવતીપ્રિયઃ ॥ 135 ॥
સત્યભામાપ્રિયઃ કામશ્શતધન્વશિરોહરઃ ।
કાલિંદીપતિરક્રૂરબંધુરક્રૂરરત્નદઃ ॥ 136 ॥
કૈકેયીરમણો ભદ્રાભર્તા નાગ્નજિતીધવઃ ।
માદ્રીમનોહરશ્શૈબ્યાપ્રાણબંધુરુરુક્રમઃ ॥ 137 ॥
સુશીલાદયિતો મિત્રવિંદાનેત્રમહોત્સવઃ ।
લક્ષ્મણાવલ્લભો રુદ્ધપ્રાગ્જ્યોતિષમહાપુરઃ ॥ 138 ॥
સુરપાશાવૃતિચ્છેદી મુરારિઃ ક્રૂરયુદ્ધવિત્ ।
હયગ્રીવશિરોહર્તા સર્વાત્મા સર્વદર્શનઃ ॥ 139 ॥
નરકાસુરવિચ્છેત્તા નરકાત્મજરાજ્યદઃ।
પૃથ્વીસ્તુતઃ પ્રકાશાત્મા હૃદ્યો યજ્ઞફલપ્રદઃ ॥ 140 ॥
ગુણગ્રાહી ગુણદ્રષ્ટા ગૂઢસ્વાત્મા વિભૂતિમાન્ ।
કવિર્જગદુપદ્રષ્ટા પરમાક્ષરવિગ્રહઃ ॥ 141 ॥
પ્રપન્નપાલનો માલી મહદ્બ્રહ્મવિવર્ધનઃ ।
વાચ્યવાચકશક્ત્યર્થસ્સર્વવ્યાકૃતસિદ્ધિદઃ ॥ 142 ॥
સ્વયંપ્રભુરનિર્વેદ્યસ્સ્વપ્રકાશશ્ચિરંતનઃ ।
નાદાત્મા મંત્રકોટીશો નાનાવાદનિરોધકઃ ॥ 143 ॥
કંદર્પકોટિલાવણ્યઃ પરાર્થૈકપ્રયોજકઃ ।
અમરીકૃતદેવૌઘઃ કન્યકાબંધમોચનઃ ॥ 144 ॥
ષોડશસ્ત્રીસહસ્રેશઃ કાંતઃ કાંતામનોભવઃ ।
ક્રીડારત્નાચલાહર્તા વરુણચ્છત્રશોભિતઃ ॥ 145 ॥
શક્રાભિવંદિતશ્શક્રજનનીકુંડલપ્રદઃ ।
અદિતિપ્રસ્તુતસ્તોત્રો બ્રાહ્મણોદ્ઘુષ્ટચેષ્ટનઃ ॥ 146 ॥
પુરાણસ્સંયમી જન્માલિપ્તઃ ષડ્વિંશકોઽર્થદઃ ।
યશસ્યનીતિરાદ્યંતરહિતસ્સત્કથાપ્રિયઃ ॥ 147 ॥
બ્રહ્મબોધઃ પરાનંદઃ પારિજાતાપહારકઃ ।
પૌંડ્રકપ્રાણહરણઃ કાશિરાજનિષૂદનઃ ॥ 148 ॥
કૃત્યાગર્વપ્રશમનો વિચક્રવધદીક્ષિતઃ ।
કંસવિધ્વંસનસ્સાંબજનકો ડિંભકાર્દનઃ ॥ 149 ॥
મુનિર્ગોપ્તા પિતૃવરપ્રદસ્સવનદીક્ષિતઃ ।
રથી સારથ્યનિર્દેષ્ટા ફાલ્ગુનઃ ફાલ્ગુનિપ્રિયઃ ॥ 150 ॥
સપ્તાબ્ધિસ્તંભનોદ્ભાતો હરિસ્સપ્તાબ્ધિભેદનઃ ।
આત્મપ્રકાશઃ પૂર્ણશ્રીરાદિનારાયણેક્ષિતઃ ॥ 151 ॥
વિપ્રપુત્રપ્રદશ્ચૈવ સર્વમાતૃસુતપ્રદઃ ।
પાર્થવિસ્મયકૃત્પાર્થપ્રણવાર્થપ્રબોધનઃ ॥ 152 ॥
કૈલાસયાત્રાસુમુખો બદર્યાશ્રમભૂષણઃ ।
ઘંટાકર્ણક્રિયામૌઢ્યાત્તોષિતો ભક્તવત્સલઃ ॥ 153 ॥
મુનિબૃંદાદિભિર્ધ્યેયો ઘંટાકર્ણવરપ્રદઃ ।
તપશ્ચર્યાપરશ્ચીરવાસાઃ પિંગજટાધરઃ ॥ 154 ॥
પ્રત્યક્ષીકૃતભૂતેશશ્શિવસ્તોતા શિવસ્તુતઃ ।
કૃષ્ણાસ્વયંવરાલોકકૌતુકી સર્વસમ્મતઃ ॥ 155 ॥
બલસંરંભશમનો બલદર્શિતપાંડવઃ ।
યતિવેષાર્જુનાભીષ્ટદાયી સર્વાત્મગોચરઃ ॥ 156 ॥
સુભદ્રાફાલ્ગુનોદ્વાહકર્તા પ્રીણિતફાલ્ગુનઃ ।
ખાંડવપ્રીણિતાર્ચિષ્માન્મયદાનવમોચનઃ ॥ 157 ॥
સુલભો રાજસૂયાર્હયુધિષ્ઠિરનિયોજકઃ ।
ભીમાર્દિતજરાસંધો માગધાત્મજરાજ્યદઃ ॥ 158 ॥
રાજબંધનનિર્મોક્તા રાજસૂયાગ્રપૂજનઃ ।
ચૈદ્યાદ્યસહનો ભીષ્મસ્તુતસ્સાત્વતપૂર્વજઃ ॥ 159 ॥
સર્વાત્માર્થસમાહર્તા મંદરાચલધારકઃ ।
યજ્ઞાવતારઃ પ્રહ્લાદપ્રતિજ્ઞાપ્રતિપાલકઃ ॥ 160 ॥
બલિયજ્ઞસભાધ્વંસી દૃપ્તક્ષત્રકુલાંતકઃ ।
દશગ્રીવાંતકો જેતા રેવતીપ્રેમવલ્લભઃ ॥ 161 ॥
સર્વાવતારાધિષ્ઠાતા વેદબાહ્યવિમોહનઃ ।
કલિદોષનિરાકર્તા દશનામા દૃઢવ્રતઃ ॥ 162 ॥
અમેયાત્મા જગત્સ્વામી વાગ્મી ચૈદ્યશિરોહરઃ ।
દ્રૌપદીરચિતસ્તોત્રઃ કેશવઃ પુરુષોત્તમઃ ॥ 163 ॥
નારાયણો મધુપતિર્માધવો દોષવર્જિતઃ ।
ગોવિંદઃ પુંડરીકાક્ષો વિષ્ણુશ્ચ મધુસૂદનઃ ॥ 164 ॥
ત્રિવિક્રમસ્ત્રિલોકેશો વામનઃ શ્રીધરઃ પુમાન્ ।
હૃષીકેશો વાસુદેવઃ પદ્મનાભો મહાહ્રદઃ ॥ 165 ॥
દામોદરશ્ચતુર્વ્યૂહઃ પાંચાલીમાનરક્ષણઃ ।
સાલ્વઘ્નસ્સમરશ્લાઘી દંતવક્ત્રનિબર્હણઃ ॥ 166 ॥
દામોદરપ્રિયસખા પૃથુકાસ્વાદનપ્રિયઃ ॥
ઘૃણી દામોદરઃ શ્રીદો ગોપીપુનરવેક્ષકઃ ॥ 167 ॥
ગોપિકામુક્તિદો યોગી દુર્વાસસ્તૃપ્તિકારકઃ ।
અવિજ્ઞાતવ્રજાકીર્ણપાંડવાલોકનો જયી ॥ 168 ॥
પાર્થસારથ્યનિરતઃ પ્રાજ્ઞઃ પાંડવદૂત્યકૃત્ ।
વિદુરાતિથ્યસંતુષ્ટઃ કુંતીસંતોષદાયકઃ ॥ 169 ॥
સુયોધનતિરસ્કર્તા દુર્યોધનવિકારવિત્ ।
વિદુરાભિષ્ઠુતો નિત્યો વાર્ષ્ણેયો મંગલાત્મકઃ ॥ 170 ॥
પંચવિંશતિતત્ત્વેશશ્ચતુર્વિંશતિદેહભાક્ ।
સર્વાનુગ્રાહકસ્સર્વદાશાર્હસતતાર્ચિતઃ ॥ 171 ॥
અચિંત્યો મધુરાલાપસ્સાધુદર્શી દુરાસદઃ ।
મનુષ્યધર્માનુગતઃ કૌરવેંદ્રક્ષયેક્ષિતા ॥ 172 ॥
ઉપેંદ્રો દાનવારાતિરુરુગીતો મહાદ્યુતિઃ ।
બ્રહ્મણ્યદેવઃ શ્રુતિમાન્ ગોબ્રાહ્મણહિતાશયઃ ॥ 173 ॥
વરશીલશ્શિવારંભસ્સુવિજ્ઞાનવિમૂર્તિમાન્ ।
સ્વભાવશુદ્ધસ્સન્મિત્રસ્સુશરણ્યસ્સુલક્ષણઃ ॥ 174 ॥
ધૃતરાષ્ટ્રગતૌદૃષ્ટિપ્રદઃ કર્ણવિભેદનઃ ।
પ્રતોદધૃગ્વિશ્વરૂપવિસ્મારિતધનંજયઃ ॥ 175 ॥
સામગાનપ્રિયો ધર્મધેનુર્વર્ણોત્તમોઽવ્યયઃ ।
ચતુર્યુગક્રિયાકર્તા વિશ્વરૂપપ્રદર્શકઃ ॥ 176 ॥
બ્રહ્મબોધપરિત્રાતપાર્થો ભીષ્માર્થચક્રભૃત્ ।
અર્જુનાયાસવિધ્વંસી કાલદંષ્ટ્રાવિભૂષણઃ ॥ 177 ॥
સુજાતાનંતમહિમા સ્વપ્નવ્યાપારિતાર્જુનઃ ।
અકાલસંધ્યાઘટનશ્ચક્રાંતરિતભાસ્કરઃ ॥ 178 ॥
દુષ્ટપ્રમથનઃ પાર્થપ્રતિજ્ઞાપરિપાલકઃ ।
સિંધુરાજશિરઃપાતસ્થાનવક્તા વિવેકદૃક્ ॥ 179 ॥
સુભદ્રાશોકહરણો દ્રોણોત્સેકાદિવિસ્મિતઃ ।
પાર્થમન્યુનિરાકર્તા પાંડવોત્સવદાયકઃ ॥ 180 ॥
અંગુષ્ઠાક્રાંતકૌંતેયરથશ્શક્તોઽહિશીર્ષજિત્ ।
કાલકોપપ્રશમનો ભીમસેનજયપ્રદઃ ॥ 181 ॥
અશ્વત્થામવધાયાસત્રાતપાંડુસુતઃ કૃતી ।
ઇષીકાસ્ત્રપ્રશમનો દ્રૌણિરક્ષાવિચક્ષણઃ ॥ 182 ॥
પાર્થાપહારિતદ્રૌણિચૂડામણિરભંગુરઃ ।
ધૃતરાષ્ટ્રપરામૃષ્ટભીમપ્રતિકૃતિસ્મયઃ ॥ 183 ॥
ભીષ્મબુદ્ધિપ્રદશ્શાંતશ્શરચ્ચંદ્રનિભાનનઃ ।
ગદાગ્રજન્મા પાંચાલીપ્રતિજ્ઞાપરિપાલકઃ ॥ 184 ॥
ગાંધારીકોપદૃગ્ગુપ્તધર્મસૂનુરનામયઃ ।
પ્રપન્નાર્તિભયચ્છેત્તા ભીષ્મશલ્યવ્યધાવહઃ ॥ 185 ॥
શાંતશ્શાંતનવોદીર્ણસર્વધર્મસમાહિતઃ ।
સ્મારિતબ્રહ્મવિદ્યાર્થપ્રીતપાર્થો મહાસ્ત્રવિત્ ॥ 186 ॥
પ્રસાદપરમોદારો ગાંગેયસુગતિપ્રદઃ ।
વિપક્ષપક્ષક્ષયકૃત્પરીક્ષિત્પ્રાણરક્ષણઃ ॥ 187 ॥
જગદ્ગુરુર્ધર્મસૂનોર્વાજિમેધપ્રવર્તકઃ ।
વિહિતાર્થાપ્તસત્કારો માસકાત્પરિવર્તદઃ ॥ 188 ॥
ઉત્તંકહર્ષદાત્મીયદિવ્યરૂપપ્રદર્શકઃ ।
જનકાવગતસ્વોક્તભારતસ્સર્વભાવનઃ ॥ 189 ॥
અસોઢયાદવોદ્રેકો વિહિતાપ્તાદિપૂજનઃ ॥
સમુદ્રસ્થાપિતાશ્ચર્યમુસલો વૃષ્ણિવાહકઃ ॥ 190 ॥
મુનિશાપાયુધઃ પદ્માસનાદિત્રિદશાર્થિતઃ ।
વૃષ્ટિપ્રત્યવહારોત્કસ્સ્વધામગમનોત્સુકઃ ॥ 191 ॥
પ્રભાસાલોકનોદ્યુક્તો નાનાવિધનિમિત્તકૃત્ ।
સર્વયાદવસંસેવ્યસ્સર્વોત્કૃષ્ટપરિચ્છદઃ ॥ 192 ॥
વેલાકાનનસંચારી વેલાનિલહૃતશ્રમઃ ।
કાલાત્મા યાદવોઽનંતસ્સ્તુતિસંતુષ્ટમાનસઃ ॥ 193 ॥
દ્વિજાલોકનસંતુષ્ટઃ પુણ્યતીર્થમહોત્સવઃ ।
સત્કારાહ્લાદિતાશેષભૂસુરસ્સુરવલ્લભઃ ॥ 194 ॥
પુણ્યતીર્થાપ્લુતઃ પુણ્યઃ પુણ્યદસ્તીર્થપાવનઃ ।
વિપ્રસાત્કૃતગોકોટિશ્શતકોટિસુવર્ણદઃ ॥ 195 ॥
સ્વમાયામોહિતાઽશેષવૃષ્ણિવીરો વિશેષવિત્ ।
જલજાયુધનિર્દેષ્ટા સ્વાત્માવેશિતયાદવઃ ॥ 196 ॥
દેવતાભીષ્ટવરદઃ કૃતકૃત્યઃ પ્રસન્નધીઃ ।
સ્થિરશેષાયુતબલસ્સહસ્રફણિવીક્ષણઃ ॥ 197 ॥
બ્રહ્મવૃક્ષવરચ્છાયાસીનઃ પદ્માસનસ્થિતઃ ।
પ્રત્યગાત્મા સ્વભાવાર્થઃ પ્રણિધાનપરાયણઃ ॥ 198 ॥
વ્યાધેષુવિદ્ધપૂજ્યાંઘ્રિર્નિષાદભયમોચનઃ ।
પુલિંદસ્તુતિસંતુષ્ટઃ પુલિંદસુગતિપ્રદઃ ॥ 199 ॥
દારુકાર્પિતપાર્થાદિકરણીયોક્તિરીશિતા ।
દિવ્યદુંદુભિસંયુક્તઃ પુષ્પવૃષ્ટિપ્રપૂજિતઃ ॥ 200 ॥
પુરાણઃ પરમેશાનઃ પૂર્ણભૂમા પરિષ્ટુતઃ ।
પતિરાદ્યઃ પરં બ્રહ્મ પરમાત્મા પરાત્પરઃ ॥ 201 ॥
શ્રીપરમાત્મા પરાત્પરઃ ઓં નમઃ ઇતિ ।
ફલશ્રુતિઃ –
ઇદં સહસ્રં કૃષ્ણસ્ય નામ્નાં સર્વાર્થદાયકમ્ ।
અનંતરૂપી ભગવાન્ વ્યાખ્યાતાદૌ સ્વયંભુવે ॥ 202 ॥
તેન પ્રોક્તં વસિષ્ઠાય તતો લબ્ધ્વા પરાશરઃ ।
વ્યાસાય તેન સંપ્રોક્તં શુકો વ્યાસાદવાપ્તવાન્ ॥ 203 ॥
તચ્છિષ્યૈર્બહુભિર્ભૂમૌ ખ્યાપિતં દ્વાપરે યુગે ।
કૃષ્ણાજ્ઞયા હરિહરઃ કલૌ પ્રખ્યાપયદ્વિભુઃ ॥ 204 ॥
ઇદં પઠતિ ભક્ત્યા યઃ શૃણોતિ ચ સમાહિતઃ ।
સ્વસિદ્ધ્યૈ પ્રાર્થયંત્યેનં તીર્થક્ષેત્રાદિદેવતાઃ ॥ 205 ॥
પ્રાયશ્ચિત્તાન્યશેષાણિ નાલં યાનિ વ્યપોહિતુમ્ ।
તાનિ પાપાનિ નશ્યંતિ સકૃદસ્ય પ્રશંસનાત્ ॥ 206 ॥
ઋણત્રયવિમુક્તસ્ય શ્રૌતસ્માર્તાનુવર્તિનઃ ।
ઋષેસ્ત્રિમૂર્તિરૂપસ્ય ફલં વિંદેદિદં પઠન્ ॥ 207 ॥
ઇદં નામસહસ્રં યઃ પઠત્યેતચ્છૃણોતિ ચ ।
શિવલિંગસહસ્રસ્ય સ પ્રતિષ્ઠાફલં લભેત્ ॥ 208 ॥
ઇદં કિરીટી સંજપ્ય જયી પાશુપતાસ્ત્રભાક્ ।
કૃષ્ણસ્ય પ્રાણભૂતસ્સન્ કૃષ્ણં સારથિમાપ્તવાન્ ॥ 209 ॥
દ્રૌપદ્યા દમયંત્યા ચ સાવિત્ર્યા ચ સુશીલયા ।
દુરિતાનિ જિતાન્યેતજ્જપાદાપ્તં ચ વાંછિતમ્ ॥ 210 ॥
કિમિદં બહુના શંસન્માનવો મોદનિર્ભરઃ ।
બ્રહ્માનંદમવાપ્યાંતે કૃષ્ણસાયૂજ્યમાપ્નુયાત્ ॥ 211 ॥
********