Medha Suktam lyrics in Oriya/Odia pdf with meaning, benefits and mp3 song.

[ମେଧା ସୂକ୍ତମ୍] ᐈ Medha Suktam Lyrics In Oriya/Odia With PDF

Medha Suktam Lyrics In Oriya/Odia

ତୈତ୍ତିରୀଯାରଣ୍ଯକମ୍ – 4, ପ୍ରପାଠକଃ – 10, ଅନୁଵାକଃ – 41-44

ଓଂ ଯଶ୍ଛଂଦ॑ସାମୃଷ॒ଭୋ ଵି॒ଶ୍ଵରୂ॑ପଃ । ଛଂଦୋ॒ଭ୍ଯୋଽଧ୍ଯ॒ମୃତା᳚ଥ୍ସଂବ॒ଭୂଵ॑ । ସ ମେଂଦ୍ରୋ॑ ମେ॒ଧଯା᳚ ସ୍ପୃଣୋତୁ । ଅ॒ମୃତ॑ସ୍ଯ ଦେଵ॒ଧାର॑ଣୋ ଭୂଯାସମ୍ । ଶରୀ॑ରଂ ମେ ଵିଚ॑ର୍ଷଣମ୍ । ଜି॒ହ୍ଵା ମେ॒ ମଧୁ॑ମତ୍ତମା । କର୍ଣା᳚ଭ୍ଯାଂ॒ ଭୂରି॒ଵିଶ୍ରୁ॑ଵମ୍ । ବ୍ରହ୍ମ॑ଣଃ କୋ॒ଶୋ॑ଽସି ମେ॒ଧଯା ପି॑ହିତଃ । ଶ୍ରୁ॒ତଂ ମେ॑ ଗୋପାଯ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

ଓଂ ମେ॒ଧାଦେ॒ଵୀ ଜୁ॒ଷମା॑ଣା ନ॒ ଆଗା᳚ଦ୍ଵି॒ଶ୍ଵାଚୀ॑ ଭ॒ଦ୍ରା ସୁ॑ମନ॒ସ୍ଯ ମା॑ନା । ତ୍ଵଯା॒ ଜୁଷ୍ଟା॑ ନୁ॒ଦମା॑ନା ଦୁ॒ରୁକ୍ତା᳚ନ୍ ବୃ॒ହଦ୍ଵ॑ଦେମ ଵି॒ଦଥେ॑ ସୁ॒ଵୀରାଃ᳚ । ତ୍ଵଯା॒ ଜୁଷ୍ଟ॑ ଋ॒ଷିର୍ଭ॑ଵତି ଦେଵି॒ ତ୍ଵଯା॒ ବ୍ରହ୍ମା॑ଽଽଗ॒ତଶ୍ରୀ॑ରୁ॒ତ ତ୍ଵଯା᳚ । ତ୍ଵଯା॒ ଜୁଷ୍ଟ॑ଶ୍ଚି॒ତ୍ରଂ ଵି॑ଂଦତେ ଵସୁ॒ ସା ନୋ॑ ଜୁଷସ୍ଵ॒ ଦ୍ରଵି॑ଣୋ ନ ମେଧେ ॥

ମେ॒ଧାଂ ମ॒ ଇଂଦ୍ରୋ॑ ଦଦାତୁ ମେ॒ଧାଂ ଦେ॒ଵୀ ସର॑ସ୍ଵତୀ । ମେ॒ଧାଂ ମେ॑ ଅ॒ଶ୍ଵିନା॑ଵୁ॒ଭା-ଵାଧ॑ତ୍ତାଂ॒ ପୁଷ୍କ॑ରସ୍ରଜା । ଅ॒ପ୍ସ॒ରାସୁ॑ ଚ॒ ଯା ମେ॒ଧା ଗଂ॑ଧ॒ର୍ଵେଷୁ॑ ଚ॒ ଯନ୍ମନଃ॑ । ଦୈଵୀଂ᳚ ମେ॒ଧା ସର॑ସ୍ଵତୀ॒ ସା ମାଂ᳚ ମେ॒ଧା ସୁ॒ରଭି॑ର୍ଜୁଷତା॒ଗ୍॒ ସ୍ଵାହା᳚ ॥

ଆମାଂ᳚ ମେ॒ଧା ସୁ॒ରଭି॑ର୍ଵି॒ଶ୍ଵରୂ॑ପା॒ ହିର॑ଣ୍ଯଵର୍ଣା॒ ଜଗ॑ତୀ ଜଗ॒ମ୍ଯା । ଊର୍ଜ॑ସ୍ଵତୀ॒ ପଯ॑ସା॒ ପିନ୍ଵ॑ମାନା॒ ସା ମାଂ᳚ ମେ॒ଧା ସୁ॒ପ୍ରତୀ॑କା ଜୁଷଂତାମ୍ ॥

ମଯି॑ ମେ॒ଧାଂ ମଯି॑ ପ୍ର॒ଜାଂ ମଯ୍ଯ॒ଗ୍ନିସ୍ତେଜୋ॑ ଦଧାତୁ॒ ମଯି॑ ମେ॒ଧାଂ ମଯି॑ ପ୍ର॒ଜାଂ ମଯୀଂଦ୍ର॑ ଇଂଦ୍ରି॒ଯଂ ଦ॑ଧାତୁ॒ ମଯି॑ ମେ॒ଧାଂ ମଯି॑ ପ୍ର॒ଜାଂ ମଯି॒ ସୂର୍ଯୋ॒ ଭ୍ରାଜୋ॑ ଦଧାତୁ ॥

ଓଂ ହଂ॒ସ॒ ହଂ॒ସାଯ॑ ଵି॒ଦ୍ମହେ॑ ପରମହଂ॒ସାଯ॑ ଧୀମହି । ତନ୍ନୋ॑ ହଂସଃ ପ୍ରଚୋ॒ଦଯା᳚ତ୍ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

********

Also Read:

Leave a Reply

Your email address will not be published. Required fields are marked *