[నక్షత్ర సూక్తం] ᐈ Nakshatra Suktam Lyrics In Telugu Pdf

Nakshatra Suktam Telugu Lyrics

తైత్తిరీయ బ్రహ్మణం । అష్టకం – 3 ప్రశ్నః – 1
తైత్తిరీయ సంహితాః । కాండ 3 ప్రపాఠకః – 5 అనువాకం – 1

ఓం ॥ అ॒గ్నిర్నః॑ పాతు॒ కృత్తి॑కాః । నక్ష॑త్రం దే॒వమిం॑ద్రి॒యం । ఇ॒దమా॑సాం విచక్ష॒ణం । హ॒విరా॒సం జు॑హోతన । యస్య॒ భాంతి॑ ర॒శ్మయో॒ యస్య॑ కే॒తవః॑ । యస్యే॒మా విశ్వా॒ భువ॑నాని॒ సర్వా᳚ । స కృత్తి॑కాభిర॒భిసం॒వసా॑నః । అ॒గ్నిర్నో॑ దే॒వస్సు॑వి॒తే ద॑ధాతు ॥ 1 ॥

ప్ర॒జాప॑తే రోహి॒ణీవే॑తు॒ పత్నీ᳚ । వి॒శ్వరూ॑పా బృహ॒తీ చి॒త్రభా॑నుః । సా నో॑ య॒జ్ఞస్య॑ సువి॒తే ద॑ధాతు । యథా॒ జీవే॑మ శ॒రద॒స్సవీ॑రాః । రో॒హి॒ణీ దే॒వ్యుద॑గాత్పు॒రస్తా᳚త్ । విశ్వా॑ రూ॒పాణి॑ ప్రతి॒మోద॑మానా । ప్ర॒జాప॑తిగ్ం హ॒విషా॑ వ॒ర్ధయం॑తీ । ప్రి॒యా దే॒వానా॒ముప॑యాతు య॒జ్ఞం ॥ 2 ॥

సోమో॒ రాజా॑ మృగశీ॒ర్॒షేణ॒ ఆగన్న్॑ । శి॒వం నక్ష॑త్రం ప్రి॒యమ॑స్య॒ ధామ॑ । ఆ॒ప్యాయ॑మానో బహు॒ధా జనే॑షు । రేతః॑ ప్ర॒జాం యజ॑మానే దధాతు । యత్తే॒ నక్ష॑త్రం మృగశీ॒ర్॒షమస్తి॑ । ప్రి॒యగ్ం రా॑జన్ ప్రి॒యత॑మం ప్రి॒యాణాం᳚ । తస్మై॑ తే సోమ హ॒విషా॑ విధేమ । శన్న॑ ఏధి ద్వి॒పదే॒ శం చతు॑ష్పదే ॥ 3 ॥

ఆ॒ర్ద్రయా॑ రు॒ద్రః ప్రథ॑మా న ఏతి । శ్రేష్ఠో॑ దే॒వానాం॒ పతి॑రఘ్ని॒యానాం᳚ । నక్ష॑త్రమస్య హ॒విషా॑ విధేమ । మా నః॑ ప్ర॒జాగ్ం రీ॑రిష॒న్మోత వీ॒రాన్ । హే॒తి రు॒ద్రస్య॒ పరి॑ణో వృణక్తు । ఆ॒ర్ద్రా నక్ష॑త్రం జుషతాగ్ం హ॒విర్నః॑ । ప్ర॒ముం॒చమా॑నౌ దురి॒తాని॒ విశ్వా᳚ । అపా॒ఘశగ్ం॑ సన్నుదతా॒మరా॑తిం । ॥ 4॥

పున॑ర్నో దే॒వ్యది॑తిస్పృణోతు । పున॑ర్వసూనః॒ పున॒రేతాం᳚ య॒జ్ఞం । పున॑ర్నో దే॒వా అ॒భియం॑తు॒ సర్వే᳚ । పునః॑ పునర్వో హ॒విషా॑ యజామః । ఏ॒వా న దే॒వ్యది॑తిరన॒ర్వా । విశ్వ॑స్య భ॒ర్త్రీ జగ॑తః ప్రతి॒ష్ఠా । పున॑ర్వసూ హ॒విషా॑ వ॒ర్ధయం॑తీ । ప్రి॒యం దే॒వానా॒-మప్యే॑తు॒ పాథః॑ ॥ 5॥

బృహ॒స్పతిః॑ ప్రథ॒మం జాయ॑మానః । తి॒ష్యం॑ నక్ష॑త్రమ॒భి సంబ॑భూవ । శ్రేష్ఠో॑ దే॒వానాం॒ పృత॑నాసుజి॒ష్ణుః । ది॒శోఽను॒ సర్వా॒ అభ॑యన్నో అస్తు । తి॒ష్యః॑ పు॒రస్తా॑దు॒త మ॑ధ్య॒తో నః॑ । బృహ॒స్పతి॑ర్నః॒ పరి॑పాతు ప॒శ్చాత్ । బాధే॑తాం॒ద్వేషో॒ అభ॑యం కృణుతాం । సు॒వీర్య॑స్య॒ పత॑యస్యామ ॥ 6 ॥

ఇ॒దగ్ం స॒ర్పేభ్యో॑ హ॒విర॑స్తు॒ జుష్టం᳚ । ఆ॒శ్రే॒షా యేషా॑మను॒యంతి॒ చేతః॑ । యే అం॒తరి॑క్షం పృథి॒వీం క్షి॒యంతి॑ । తే న॑స్స॒ర్పాసో॒ హవ॒మాగ॑మిష్ఠాః । యే రో॑చ॒నే సూర్య॒స్యాపి॑ స॒ర్పాః । యే దివం॑ దే॒వీమను॑సం॒చరం॑తి । యేషా॑మశ్రే॒షా అ॑ను॒యంతి॒ కామం᳚ । తేభ్య॑స్స॒ర్పేభ్యో॒ మధు॑మజ్జుహోమి ॥ 7 ॥

ఉప॑హూతాః పి॒తరో॒ యే మ॒ఘాసు॑ । మనో॑జవసస్సు॒కృత॑స్సుకృ॒త్యాః । తే నో॒ నక్ష॑త్రే॒ హవ॒మాగ॑మిష్ఠాః । స్వ॒ధాభి॑ర్య॒జ్ఞం ప్రయ॑తం జుషంతాం । యే అ॑గ్నిద॒గ్ధా యేఽన॑గ్నిదగ్ధాః । యే॑ఽముల్లో॒కం పి॒తరః॑ క్షి॒యంతి॑ । యాగ్-శ్చ॑ వి॒ద్మయాగ్ం ఉ॑ చ॒ న ప్ర॑వి॒ద్మ । మ॒ఘాసు॑ య॒జ్ఞగ్ం సుకృ॑తం జుషంతాం ॥ 8॥

గవాం॒ పతిః॒ ఫల్గు॑నీనామసి॒ త్వం । తద॑ర్యమన్ వరుణమిత్ర॒ చారు॑ । తం త్వా॑ వ॒యగ్ం స॑ని॒తారగ్ం॑ సనీ॒నాం । జీ॒వా జీవ॑ంత॒ముప॒ సంవి॑శేమ । యేనే॒మా విశ్వా॒ భువ॑నాని॒ సంజి॑తా । యస్య॑ దే॒వా అ॑నుసం॒యంతి॒ చేతః॑ । అ॒ర్య॒మా రాజా॒ఽజర॒స్తు వి॑ష్మాన్ । ఫల్గు॑నీనామృష॒భో రో॑రవీతి ॥ 9 ॥

శ్రేష్ఠో॑ దే॒వానాం᳚ భగవో భగాసి । తత్త్వా॑ విదుః॒ ఫల్గు॑నీ॒స్తస్య॑ విత్తాత్ । అ॒స్మభ్యం॑ క్ష॒త్రమ॒జరగ్ం॑ సు॒వీర్యం᳚ । గోమ॒దశ్వ॑వ॒దుప॒సన్ను॑దే॒హ । భగో॑హ దా॒తా భగ ఇత్ప్ర॑దా॒తా । భగో॑ దే॒వీః ఫల్గు॑నీ॒రావి॑వేశ । భగ॒స్యేత్తం ప్ర॑స॒వం గ॑మేమ । యత్ర॑ దే॒వైస్స॑ధ॒మాదం॑ మదేమ । ॥ 10 ॥

ఆయా॒తు దే॒వస్స॑వి॒తోప॑యాతు । హి॒ర॒ణ్యయే॑న సు॒వృతా॒ రథే॑న । వహ॒న్॒, హస్తగ్ం॑ సుభగ్ం॑ విద్మ॒నాప॑సం । ప్రయచ్ఛం॑తం॒ పపు॑రిం॒ పుణ్య॒మచ్ఛ॑ । హస్తః॒ ప్రయ॑చ్ఛ త్వ॒మృతం॒ వసీ॑యః । దక్షి॑ణేన॒ ప్రతి॑గృభ్ణీమ ఏనత్ । దా॒తార॑మ॒ద్య స॑వి॒తా వి॑దేయ । యో నో॒ హస్తా॑య ప్రసు॒వాతి॑ య॒జ్ఞం ॥11 ॥

త్వష్టా॒ నక్ష॑త్రమ॒భ్యే॑తి చి॒త్రాం । సు॒భగ్ం స॑సంయువ॒తిగ్ం రాచ॑మానాం । ని॒వే॒శయ॑న్న॒మృతా॒న్మర్త్యాగ్॑శ్చ । రూ॒పాణి॑ పి॒గ్ం॒శన్ భువ॑నాని॒ విశ్వా᳚ । తన్న॒స్త్వష్టా॒ తదు॑ చి॒త్రా విచ॑ష్టాం । తన్నక్ష॑త్రం భూరి॒దా అ॑స్తు॒ మహ్యం᳚ । తన్నః॑ ప్ర॒జాం వీ॒రవ॑తీగ్ం సనోతు । గోభి॑ర్నో॒ అశ్వై॒స్సమ॑నక్తు యజ్ఞం ॥ 12 ॥

వా॒యుర్నక్ష॑త్రమ॒భ్యే॑తి॒ నిష్ట్యాం᳚ । తి॒గ్మశృం॑గో వృష॒భో రోరు॑వాణః । స॒మీ॒రయ॒న్ భువ॑నా మాత॒రిశ్వా᳚ । అప॒ ద్వేషాగ్ం॑సి నుదతా॒మరా॑తీః । తన్నో॑ వా॒యస్తదు॒ నిష్ట్యా॑ శృణోతు । తన్నక్ష॑త్రం భూరి॒దా అ॑స్తు॒ మహ్యం᳚ । తన్నో॑ దే॒వాసో॒ అను॑జానంతు॒ కామం᳚ । యథా॒ తరే॑మ దురి॒తాని॒ విశ్వా᳚ ॥ 13 ॥

దూ॒రమ॒స్మచ్ఛత్ర॑వో యంతు భీ॒తాః । తదిం॑ద్రా॒గ్నీ కృ॑ణుతాం॒ తద్విశా॑ఖే । తన్నో॑ దే॒వా అను॑మదంతు య॒జ్ఞం । ప॒శ్చాత్ పు॒రస్తా॒దభ॑యన్నో అస్తు । నక్ష॑త్రాణా॒మధి॑పత్నీ॒ విశా॑ఖే । శ్రేష్ఠా॑వింద్రా॒గ్నీ భువ॑నస్య గో॒పౌ । విషూ॑చ॒శ్శత్రూ॑నప॒బాధ॑మానౌ । అప॒క్షుధ॑న్నుదతా॒మరా॑తిం । ॥ 14 ॥

పూ॒ర్ణా ప॒శ్చాదు॒త పూ॒ర్ణా పు॒రస్తా᳚త్ । ఉన్మ॑ధ్య॒తః పౌ᳚ర్ణమా॒సీ జి॑గాయ । తస్యాం᳚ దే॒వా అధి॑సం॒వసం॑తః । ఉ॒త్త॒మే నాక॑ ఇ॒హ మా॑దయంతాం । పృ॒థ్వీ సు॒వర్చా॑ యువ॒తిః స॒జోషాః᳚ । పౌ॒ర్ణ॒మా॒స్యుద॑గా॒చ్ఛోభ॑మానా । ఆ॒ప్యా॒యయం॑తీ దురి॒తాని॒ విశ్వా᳚ । ఉ॒రుం దుహాం॒ యజ॑మానాయ య॒జ్ఞం ।

ఋ॒ద్ధ్యాస్మ॑ హ॒వ్యైర్నమ॑సోప॒సద్య॑ । మి॒త్రం దే॒వం మి॑త్ర॒ధేయం॑ నో అస్తు । అ॒నూ॒రా॒ధాన్, హ॒విషా॑ వ॒ర్ధయం॑తః । శ॒తం జీ॑వేమ॒ శ॒రదః॒ సవీ॑రాః । చి॒త్రం నక్ష॑త్ర॒ముద॑గాత్పు॒రస్తా᳚త్ । అ॒నూ॒రా॒ధా స॒ ఇతి॒ యద్వద॑ంతి । తన్మి॒త్ర ఏ॑తి ప॒థిభి॑ర్దేవ॒యానైః᳚ । హి॒ర॒ణ్యయై॒ర్విత॑తైరం॒తరి॑క్షే ॥ 16 ॥

ఇంద్రో᳚ జ్యే॒ష్ఠామను॒ నక్ష॑త్రమేతి । యస్మి॑న్ వృ॒త్రం వృ॑త్ర॒ తూర్యే॑ త॒తార॑ । తస్మి॑న్వ॒య-మ॒మృతం॒ దుహా॑నాః । క్షుధం॑తరేమ॒ దురి॑తిం॒ దురి॑ష్టిం । పు॒ర॒ంద॒రాయ॑ వృష॒భాయ॑ ధృ॒ష్ణవే᳚ । అషా॑ఢాయ॒ సహ॑మానాయ మీ॒ఢుషే᳚ । ఇంద్రా॑య జ్యే॒ష్ఠా మధు॑మ॒ద్దుహా॑నా । ఉ॒రుం కృ॑ణోతు॒ యజ॑మానాయ లో॒కం । ॥ 17 ॥

మూలం॑ ప్ర॒జాం వీ॒రవ॑తీం విదేయ । పరా᳚చ్యేతు॒ నిరృ॑తిః పరా॒చా । గోభి॒ర్నక్ష॑త్రం ప॒శుభి॒స్సమ॑క్తం । అహ॑ర్భూయా॒ద్యజ॑మానాయ॒ మహ్యం᳚ । అహ॑ర్నో అ॒ద్య సు॑వి॒తే ద॑దాతు । మూలం॒ నక్ష॑త్ర॒మితి॒ యద్వద॑ంతి । పరా॑చీం వా॒చా నిరృ॑తిం నుదామి । శి॒వం ప్ర॒జాయై॑ శి॒వమ॑స్తు॒ మహ్యం᳚ ॥ 18 ॥

యా ది॒వ్యా ఆపః॒ పయ॑సా సంబభూ॒వుః । యా అం॒తరి॑క్ష ఉ॒త పార్థి॑వీ॒ర్యాః । యాసా॑మషా॒ఢా అ॑ను॒యంతి॒ కామం᳚ । తా న॒ ఆపః॒ శగ్గ్ స్యో॒నా భ॑వంతు । యాశ్చ॒ కూప్యా॒ యాశ్చ॑ నా॒ద్యా᳚స్సము॒ద్రియాః᳚ । యాశ్చ॑ వైశ॒ంతీరుత ప్రా॑స॒చీర్యాః । యాసా॑మషా॒ఢా మధు॑ భ॒క్షయ॑ంతి । తా న॒ ఆపః॒ శగ్గ్ స్యో॒నా భ॑వంతు ॥19 ॥

తన్నో॒ విశ్వే॒ ఉప॑ శృణ్వంతు దే॒వాః । తద॑షా॒ఢా అ॒భిసంయం॑తు య॒జ్ఞం । తన్నక్ష॑త్రం ప్రథతాం ప॒శుభ్యః॑ । కృ॒షిర్వృ॒ష్టిర్యజ॑మానాయ కల్పతాం । శు॒భ్రాః క॒న్యా॑ యువ॒తయ॑స్సు॒పేశ॑సః । క॒ర్మ॒కృత॑స్సు॒కృతో॑ వీ॒ర్యా॑వతీః । విశ్వా᳚న్ దే॒వాన్, హ॒విషా॑ వ॒ర్ధయం॑తీః । అ॒షా॒ఢాః కామ॒ముపా॑యంతు య॒జ్ఞం ॥ 20 ॥

యస్మి॒న్ బ్రహ్మా॒భ్యజ॑య॒త్సర్వ॑మే॒తత్ । అ॒ముంచ॑ లో॒కమి॒దమూ॑చ॒ సర్వం᳚ । తన్నో॒ నక్ష॑త్రమభి॒జిద్వి॒జిత్య॑ । శ్రియం॑ దధా॒త్వహృ॑ణీయమానం । ఉ॒భౌ లో॒కౌ బ్రహ్మ॑ణా॒ సంజి॑తే॒మౌ । తన్నో॒ నక్ష॑త్రమభి॒జిద్విచ॑ష్టాం । తస్మి॑న్వ॒యం పృత॑నా॒స్సంజ॑యేమ । తన్నో॑ దే॒వాసో॒ అను॑జానంతు॒ కామం᳚ ॥ 21 ॥

శృ॒ణ్వంతి॑ శ్రో॒ణామ॒మృత॑స్య గో॒పాం । పుణ్యా॑మస్యా॒ ఉప॑శృణోమి॒ వాచం᳚ । మ॒హీం దే॒వీం విష్ణు॑పత్నీమజూ॒ర్యాం । ప్ర॒తీచీ॑ మేనాగ్ం హ॒విషా॑ యజామః । త్రే॒ధా విష్ణు॑రురుగా॒యో విచ॑క్రమే । మ॒హీం దివం॑ పృథి॒వీమం॒తరి॑క్షం । తచ్ఛ్రో॒ణైతి॒శ్రవ॑-ఇ॒చ్ఛమా॑నా । పుణ్య॒గ్గ్॒ శ్లోకం॒ యజ॑మానాయ కృణ్వ॒తీ ॥ 22 ॥

అ॒ష్టౌ దే॒వా వస॑వస్సో॒మ్యాసః॑ । చత॑స్రో దే॒వీర॒జరాః॒ శ్రవి॑ష్ఠాః । తే య॒జ్ఞం పాం᳚తు॒ రజ॑సః పు॒రస్తా᳚త్ । సం॒వ॒త్స॒రీణ॑మ॒మృతగ్గ్॑ స్వ॒స్తి । య॒జ్ఞం నః॑ పాంతు॒ వస॑వః పు॒రస్తా᳚త్ । ద॒క్షి॒ణ॒తో॑ఽభియ॑ంతు॒ శ్రవి॑ష్ఠాః । పుణ్య॒న్నక్ష॑త్రమ॒భి సంవి॑శామ । మా నో॒ అరా॑తిర॒ఘశ॒గ్ం॒సాఽగన్న్॑ ॥ 23 ॥

క్ష॒త్రస్య॒ రాజా॒ వరు॑ణోఽధిరా॒జః । నక్ష॑త్రాణాగ్ం శ॒తభి॑ష॒గ్వసి॑ష్ఠః । తౌ దే॒వేభ్యః॑ కృణుతో దీ॒ర్ఘమాయుః॑ । శ॒తగ్ం స॒హస్రా॑ భేష॒జాని॑ ధత్తః । య॒జ్ఞన్నో॒ రాజా॒ వరు॑ణ॒ ఉప॑యాతు । తన్నో॒ విశ్వే॑ అ॒భి సంయ॑ంతు దే॒వాః । తన్నో॒ నక్ష॑త్రగ్ం శ॒తభి॑షగ్జుషా॒ణం । దీ॒ర్ఘమాయుః॒ ప్రతి॑రద్భేష॒జాని॑ ॥ 24 ॥

అ॒జ ఏక॑పా॒దుద॑గాత్పు॒రస్తా᳚త్ । విశ్వా॑ భూ॒తాని॑ ప్రతి॒ మోద॑మానః । తస్య॑ దే॒వాః ప్ర॑స॒వం యం॑తి॒ సర్వే᳚ । ప్రో॒ష్ఠ॒ప॒దాసో॑ అ॒మృత॑స్య గో॒పాః । వి॒భ్రాజ॑మానస్సమిధా॒ న ఉ॒గ్రః । ఆఽంతరి॑క్షమరుహ॒దగ॒ంద్యాం । తగ్ం సూర్యం॑ దే॒వమ॒జమేక॑పాదం । ప్రో॒ష్ఠ॒ప॒దాసో॒ అను॑యంతి॒ సర్వే᳚ ॥ 25 ॥

అహి॑ర్బు॒ధ్నియః॒ ప్రథ॑మా న ఏతి । శ్రేష్ఠో॑ దే॒వానా॑ము॒త మాను॑షాణాం । తం బ్రా᳚హ్మ॒ణాస్సో॑మ॒పాస్సో॒మ్యాసః॑ । ప్రో॒ష్ఠ॒ప॒దాసో॑ అ॒భిర॑క్షంతి॒ సర్వే᳚ । చ॒త్వార॒ ఏక॑మ॒భి కర్మ॑ దే॒వాః । ప్రో॒ష్ఠ॒ప॒దా స॒ ఇతి॒ యాన్, వద॑ంతి । తే బు॒ధ్నియం॑ పరి॒షద్యగ్గ్॑ స్తు॒వంతః॑ । అహిగ్ం॑ రక్షంతి॒ నమ॑సోప॒సద్య॑ ॥ 26 ॥

పూ॒షా రే॒వత్యన్వే॑తి॒ పంథాం᳚ । పు॒ష్టి॒పతీ॑ పశు॒పా వాజ॑బస్త్యౌ । ఇ॒మాని॑ హ॒వ్యా ప్రయ॑తా జుషా॒ణా । సు॒గైర్నో॒ యానై॒రుప॑యాతాం య॒జ్ఞం । క్షు॒ద్రాన్ ప॒శూన్ ర॑క్షతు రే॒వతీ॑ నః । గావో॑ నో॒ అశ్వా॒గ్ం॒ అన్వే॑తు పూ॒షా । అన్న॒గ్ం॒ రక్షం॑తౌ బహు॒ధా విరూ॑పం । వాజగ్ం॑ సనుతాం॒ యజ॑మానాయ య॒జ్ఞం ॥ 27 ॥

తద॒శ్వినా॑వశ్వ॒యుజోప॑యాతాం । శుభం॒గమి॑ష్ఠౌ సు॒యమే॑భి॒రశ్వైః᳚ । స్వం నక్ష॑త్రగ్ం హ॒విషా॒ యజం॑తౌ । మధ్వా॒సంపృ॑క్తౌ॒ యజు॑షా॒ సమ॑క్తౌ । యౌ దే॒వానాం᳚ భి॒షజౌ᳚ హవ్యవా॒హౌ । విశ్వ॑స్య దూ॒తావ॒మృత॑స్య గో॒పౌ । తౌ నక్ష॒త్రం జుజుషా॒ణోప॑యాతాం । నమో॒ఽశ్విభ్యాం᳚ కృణుమోఽశ్వ॒యుగ్భ్యాం᳚ ॥ 28 ॥

అప॑ పా॒ప్మానం॒ భర॑ణీర్భరంతు । తద్య॒మో రాజా॒ భగ॑వా॒న్॒, విచ॑ష్టాం । లో॒కస్య॒ రాజా॑ మహ॒తో మ॒హాన్, హి । సు॒గం నః॒ పంథా॒మభ॑యం కృణోతు । యస్మి॒న్నక్ష॑త్రే య॒మ ఏతి॒ రాజా᳚ । యస్మి॑న్నేనమ॒భ్యషిం॑చంత దే॒వాః । తద॑స్య చి॒త్రగ్ం హ॒విషా॑ యజామ । అప॑ పా॒ప్మానం॒ భర॑ణీర్భరంతు ॥ 29 ॥

ని॒వేశ॑నీ సం॒గమ॑నీ॒ వసూ॑నాం॒ విశ్వా॑ రూ॒పాణి॒ వసూ᳚న్యావే॒శయ॑ంతీ । స॒హ॒స్ర॒పో॒షగ్ం సు॒భగా॒ రరా॑ణా॒ సా న॒ ఆగ॒న్వర్చ॑సా సంవిదా॒నా । యత్తే॑ దే॒వా అద॑ధుర్భాగ॒ధేయ॒మమా॑వాస్యే సం॒వసం॑తో మహి॒త్వా । సా నో॑ య॒జ్ఞం పి॑పృహి విశ్వవారే ర॒యిన్నో॑ ధేహి సుభగే సు॒వీరం᳚ ॥ 30 ॥

ఓం శాంతిః॒ శాంతిః॒ శాంతిః॑ ।

********

Leave a Reply

Your email address will not be published. Required fields are marked *