[ରୁଦ୍ରଂ ଲଘୁନ୍ଯାସମ୍] ᐈ Sri Rudram Laghunyasam Lyrics In Oriya/Odia With PDF

Sri Rudram Laghunyasam Lyrics In Oriya/Odia

ଓଂ ଅଥାତ୍ମାନଗ୍-ମ୍ ଶିଵାତ୍ମାନଗ୍ ଶ୍ରୀ ରୁଦ୍ରରୂପଂ ଧ୍ଯାଯେତ୍ ॥

ଶୁଦ୍ଧସ୍ଫଟିକ ସଂକାଶଂ ତ୍ରିନେତ୍ରଂ ପଂଚ ଵକ୍ତ୍ରକଂ ।
ଗଂଗାଧରଂ ଦଶଭୁଜଂ ସର୍ଵାଭରଣ ଭୂଷିତମ୍ ॥

ନୀଲଗ୍ରୀଵଂ ଶଶାଂକାଂକଂ ନାଗ ଯଜ୍ଞୋପ ଵୀତିନମ୍ ।
ଵ୍ଯାଘ୍ର ଚର୍ମୋତ୍ତରୀଯଂ ଚ ଵରେଣ୍ଯମଭଯ ପ୍ରଦମ୍ ॥

କମଂଡଲ୍-ଵକ୍ଷ ସୂତ୍ରାଣାଂ ଧାରିଣଂ ଶୂଲପାଣିନଂ ।
ଜ୍ଵଲଂତଂ ପିଂଗଳଜଟା ଶିଖା ମୁଦ୍ଦ୍ଯୋତ ଧାରିଣମ୍ ॥

ଵୃଷ ସ୍କଂଧ ସମାରୂଢଂ ଉମା ଦେହାର୍ଥ ଧାରିଣଂ ।
ଅମୃତେନାପ୍ଲୁତଂ ଶାଂତଂ ଦିଵ୍ଯଭୋଗ ସମନ୍ଵିତମ୍ ॥

ଦିଗ୍ଦେଵତା ସମାଯୁକ୍ତଂ ସୁରାସୁର ନମସ୍କୃତଂ ।
ନିତ୍ଯଂ ଚ ଶାଶ୍ଵତଂ ଶୁଦ୍ଧଂ ଧ୍ରୁଵ-ମକ୍ଷର-ମଵ୍ଯଯମ୍ ।
ସର୍ଵ ଵ୍ଯାପିନ-ମୀଶାନଂ ରୁଦ୍ରଂ ଵୈ ଵିଶ୍ଵରୂପିଣଂ ।
ଏଵଂ ଧ୍ଯାତ୍ଵା ଦ୍ଵିଜଃ ସମ୍ଯକ୍ ତତୋ ଯଜନମାରଭେତ୍ ॥

ଅଥାତୋ ରୁଦ୍ର ସ୍ନାନାର୍ଚନାଭିଷେକ ଵିଧିଂ ଵ୍ଯା᳚କ୍ଷ୍ଯାସ୍ଯାମଃ । ଆଦିତ ଏଵ ତୀର୍ଥେ ସ୍ନାତ୍ଵା ଉଦେତ୍ଯ ଶୁଚିଃ ପ୍ରଯତୋ ବ୍ରହ୍ମଚାରୀ ଶୁକ୍ଲଵାସା ଦେଵାଭିମୁଖଃ ସ୍ଥିତ୍ଵା ଆତ୍ମନି ଦେଵତାଃ ସ୍ଥାପଯେତ୍ ॥

ପ୍ରଜନନେ ବ୍ରହ୍ମା ତିଷ୍ଠତୁ । ପାଦଯୋର୍-ଵିଷ୍ଣୁସ୍ତିଷ୍ଠତୁ । ହସ୍ତଯୋର୍-ହରସ୍ତିଷ୍ଠତୁ । ବାହ୍ଵୋରିଂଦ୍ରସ୍ତିଷ୍ଟତୁ । ଜଠରେଽଅଗ୍ନିସ୍ତିଷ୍ଠତୁ । ହୃଦ॑ଯେ ଶିଵସ୍ତିଷ୍ଠତୁ । କଂଠେ ଵସଵସ୍ତିଷ୍ଠଂତୁ । ଵକ୍ତ୍ରେ ସରସ୍ଵତୀ ତିଷ୍ଠତୁ । ନାସିକଯୋର୍-ଵାଯୁସ୍ତିଷ୍ଠତୁ । ନଯନଯୋS-ଚଂଦ୍ରାଦିତ୍ଯୌ ତିଷ୍ଟେତାଂ । କର୍ଣଯୋରଶ୍ଵିନୌ ତିଷ୍ଟେତାଂ । ଲଲାଟେ ରୁଦ୍ରାସ୍ତିଷ୍ଠଂତୁ । ମୂର୍ଥ୍ନ୍ଯାଦିତ୍ଯାସ୍ତିଷ୍ଠଂତୁ । ଶିରସି ମହାଦେଵସ୍ତିଷ୍ଠତୁ । ଶିଖାଯାଂ ଵାମଦେଵାସ୍ତିଷ୍ଠତୁ । ପୃଷ୍ଠେ ପିନାକୀ ତିଷ୍ଠତୁ । ପୁରତଃ ଶୂଲୀ ତିଷ୍ଠତୁ । ପାର୍ଶ୍ଯଯୋଃ ଶିଵାଶଂକରୌ ତିଷ୍ଠେତାଂ । ସର୍ଵତୋ ଵାଯୁସ୍ତିଷ୍ଠତୁ । ତତୋ ବହିଃ ସର୍ଵତୋଽଗ୍ନିର୍-ଜ୍ଵାଲାମାଲା-ପରିଵୃତସ୍ତିଷ୍ଠତୁ । ସର୍ଵେଷ୍ଵଂଗେଷୁ ସର୍ଵା ଦେଵତା ଯଥାସ୍ଥାନଂ ତିଷ୍ଠଂତୁ । ମାଗ୍-ମ୍ ରକ୍ଷଂତୁ ।

ଅ॒ଗ୍ନିର୍ମେ॑ ଵା॒ଚି ଶ୍ରି॒ତଃ । ଵାଗ୍ଧୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି ।
ଵା॒ଯୁର୍ମେ᳚ ପ୍ରା॒ଣେ ଶ୍ରି॒ତଃ । ପ୍ରା॒ଣୋ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ସୂର୍ଯୋ॑ ମେ॒ ଚକ୍ଷୁଷି ଶ୍ରି॒ତଃ । ଚକ୍ଷୁ॒ର୍-ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଚ॒ଂଦ୍ରମା॑ ମେ॒ ମନ॑ସି ଶ୍ରି॒ତଃ । ମନୋ॒ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଦିଶୋ॑ ମେ॒ ଶ୍ରୋତ୍ରେ᳚ ଶ୍ରି॒ତାଃ । ଶ୍ରୋତ୍ର॒ଗ୍-ମ୍॒ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଆପୋମେ॒ ରେତସି ଶ୍ରି॒ତାଃ । ରେତୋ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ପୃ॒ଥି॒ଵୀ ମେ॒ ଶରୀ॑ରେ ଶ୍ରି॒ତାଃ । ଶରୀ॑ର॒ଗ୍-ମ୍॒॒ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଓ॒ଷ॒ଧି॒ ଵ॒ନ॒ସ୍ପତଯୋ॑ ମେ॒ ଲୋମ॑ସୁ ଶ୍ରି॒ତାଃ । ଲୋମା॑ନି॒ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଇଂଦ୍ରୋ॑ ମେ॒ ବଲେ᳚ ଶ୍ରି॒ତଃ । ବଲ॒ଗ୍-ମ୍॒॒ ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ପ॒ର୍ଜନ୍ଯୋ॑ ମେ॒ ମୂ॒ର୍ଦ୍ନି ଶ୍ରି॒ତଃ । ମୂ॒ର୍ଧା ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଈଶା॑ନୋ ମେ॒ ମ॒ନ୍ଯୌ ଶ୍ରି॒ତଃ । ମ॒ନ୍ଯୁର୍-ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ଆ॒ତ୍ମା ମ॑ ଆ॒ତ୍ମନି॑ ଶ୍ରି॒ତଃ । ଆ॒ତ୍ମା ହୃଦ॑ଯେ । ହୃଦ॑ଯଂ॒ ମଯି॑ । ଅ॒ହମ॒ମୃତେ᳚ । ଅ॒ମୃତଂ॒ ବ୍ରହ୍ମ॑ଣି । ପୁନ॑ର୍ମ ଆ॒ତ୍ମା ପୁନ॒ରାଯୁ॒ ରାଗା᳚ତ୍ । ପୁନଃ॑ ପ୍ରା॒ଣଃ ପୁନ॒ରାକୂ॑ତ॒ମାଗା᳚ତ୍ । ଵୈ॒ଶ୍ଵା॒ନ॒ରୋ ର॒ଶ୍ମିଭି॑ର୍-ଵାଵୃଧା॒ନଃ । ଅ॒ଂତସ୍ତି॑ଷ୍ଠ॒ତ୍ଵମୃତ॑ସ୍ଯ ଗୋ॒ପାଃ ॥

ଅସ୍ଯ ଶ୍ରୀ ରୁଦ୍ରାଧ୍ଯାଯ ପ୍ରଶ୍ନ ମହାମଂତ୍ରସ୍ଯ, ଅଘୋର ଋଷିଃ, ଅନୁଷ୍ଟୁପ୍ ଛଂଦଃ, ସଂକର୍ଷଣ ମୂର୍ତି ସ୍ଵରୂପୋ ଯୋଽସାଵାଦିତ୍ଯଃ ପରମପୁରୁଷଃ ସ ଏଷ ରୁଦ୍ରୋ ଦେଵତା । ନମଃ ଶିଵାଯେତି ବୀଜଂ । ଶିଵତରାଯେତି ଶକ୍ତିଃ । ମହାଦେଵାଯେତି କୀଲକଂ । ଶ୍ରୀ ସାଂବ ସଦାଶିଵ ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ ॥

ଓଂ ଅଗ୍ନିହୋତ୍ରାତ୍ମନେ ଅଂଗୁଷ୍ଠାଭ୍ଯାଂ ନମଃ । ଦର୍ଶପୂର୍ଣ ମାସାତ୍ମନେ ତର୍ଜନୀଭ୍ଯାଂ ନମଃ । ଚାତୁର୍-ମାସ୍ଯାତ୍ମନେ ମଧ୍ଯମାଭ୍ଯାଂ ନମଃ । ନିରୂଢ ପଶୁବଂଧାତ୍ମନେ ଅନାମିକାଭ୍ଯାଂ ନମଃ । ଜ୍ଯୋତିଷ୍ଟୋମାତ୍ମନେ କନିଷ୍ଠିକାଭ୍ଯାଂ ନମଃ । ସର୍ଵକ୍ରତ୍ଵାତ୍ମନେ କରତଲ କରପୃଷ୍ଠାଭ୍ଯାଂ ନମଃ ॥

ଅଗ୍ନିହୋତ୍ରାତ୍ମନେ ହୃଦଯାଯ ନମଃ । ଦର୍ଶପୂର୍ଣ ମାସାତ୍ମନେ ଶିରସେ ସ୍ଵାହା । ଚାତୁର୍ମାସ୍ଯାତ୍ମନେ ଶିଖାଯୈ ଵଷଟ୍ । ନିରୂଢ ପଶୁବଂଧାତ୍ମନେ କଵଚାଯ ହୁଂ । ଜ୍ଯୋତିଷ୍ଟୋମାତ୍ମନେ ନେତ୍ରତ୍ରଯାଯ ଵୌଷଟ୍ । ସର୍ଵକ୍ରତ୍ଵାତ୍ମନେ ଅସ୍ତ୍ରାଯଫଟ୍ । ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ॥

ଧ୍ଯାନଂ

ଆପାତାଳ-ନଭଃସ୍ଥଲାଂତ-ଭୁଵନ-ବ୍ରହ୍ମାଂଡ-ମାଵିସ୍ଫୁରତ୍-
ଜ୍ଯୋତିଃ ସ୍ଫାଟିକ-ଲିଂଗ-ମୌଳି-ଵିଲସତ୍-ପୂର୍ଣେଂଦୁ-ଵାଂତାମୃତୈଃ ।
ଅସ୍ତୋକାପ୍ଲୁତ-ମେକ-ମୀଶ-ମନିଶଂ ରୁଦ୍ରାନୁ-ଵାକାଂଜପନ୍
ଧ୍ଯାଯେ-ଦୀପ୍ସିତ-ସିଦ୍ଧଯେ ଧ୍ରୁଵପଦଂ ଵିପ୍ରୋଽଭିଷିଂଚେ-ଚ୍ଚିଵମ୍ ॥

ବ୍ରହ୍ମାଂଡ ଵ୍ଯାପ୍ତଦେହା ଭସିତ ହିମରୁଚା ଭାସମାନା ଭୁଜଂଗୈଃ
କଂଠେ କାଲାଃ କପର୍ଦାଃ କଲିତ-ଶଶିକଲା-ଶ୍ଚଂଡ କୋଦଂଡ ହସ୍ତାଃ ।
ତ୍ର୍ଯକ୍ଷା ରୁଦ୍ରାକ୍ଷମାଲାଃ ପ୍ରକଟିତଵିଭଵାଃ ଶାଂଭଵା ମୂର୍ତିଭେଦାଃ
ରୁଦ୍ରାଃ ଶ୍ରୀରୁଦ୍ରସୂକ୍ତ-ପ୍ରକଟିତଵିଭଵା ନଃ ପ୍ରଯଚ୍ଚଂତୁ ସୌଖ୍ଯମ୍ ॥

ଓଂ ଗ॒ଣାନା᳚ମ୍ ତ୍ଵା ଗ॒ଣପ॑ତିଗ୍-ମ୍ ହଵାମହେ କ॒ଵିଂ କ॑ଵୀ॒ନାମୁ॑ପ॒ମଶ୍ର॑ଵସ୍ତମଂ । ଜ୍ଯେ॒ଷ୍ଠ॒ରାଜଂ॒ ବ୍ରହ୍ମ॑ଣାଂ ବ୍ରହ୍ମଣସ୍ପଦ॒ ଆ ନଃ॑ ଶୃ॒ଣ୍ଵନ୍ନୂ॒ତିଭି॑ସ୍ସୀଦ॒ ସାଦ॑ନଂ ॥ ମହାଗଣପତଯେ॒ ନମଃ ॥

ଶଂ ଚ॑ ମେ॒ ମଯ॑ଶ୍ଚ ମେ ପ୍ରି॒ଯଂ ଚ॑ ମେଽନୁକା॒ମଶ୍ଚ॑ ମେ॒ କାମ॑ଶ୍ଚ ମେ ସୌମନସ॒ଶ୍ଚ॑ ମେ ଭ॒ଦ୍ରଂ ଚ॑ ମେ॒ ଶ୍ରେଯ॑ଶ୍ଚ ମେ॒ ଵସ୍ଯ॑ଶ୍ଚ ମେ॒ ଯଶ॑ଶ୍ଚ ମେ॒ ଭଗ॑ଶ୍ଚ ମେ॒ ଦ୍ରଵି॑ଣଂ ଚ ମେ ଯ॒ଂତା ଚ॑ ମେ ଧ॒ର୍ତା ଚ॑ ମେ॒ କ୍ଷେମ॑ଶ୍ଚ ମେ॒ ଧୃତି॑ଶ୍ଚ ମେ॒ ଵିଶ୍ଵଂ॑ ଚ ମେ॒ ମହ॑ଶ୍ଚ ମେ ସଂ॒ଵିଚ୍ଚ॑ ମେ॒ ଜ୍ଞାତ୍ରଂ॑ ଚ ମେ॒ ସୂଶ୍ଚ॑ ମେ ପ୍ର॒ସୂଶ୍ଚ॑ ମେ॒ ସୀରଂ॑ ଚ ମେ ଲ॒ଯଶ୍ଚ॑ ମ ଋ॒ତଂ ଚ॑ ମେ॒ଽମୃତଂ॑ ଚ ମେଽଯ॒କ୍ଷ୍ମଂ ଚ॒ ମେଽନା॑ମଯଚ୍ଚ ମେ ଜୀ॒ଵାତୁ॑ଶ୍ଚ ମେ ଦୀର୍ଘାଯୁ॒ତ୍ଵଂ ଚ॑ ମେଽନମି॒ତ୍ରଂ ଚ॒ ମେଽଭ॑ଯଂ ଚ ମେ ସୁ॒ଗଂ ଚ॑ ମେ॒ ଶଯ॑ନଂ ଚ ମେ ସୂ॒ଷା ଚ॑ ମେ॒ ସୁ॒ଦିନଂ॑ ଚ ମେ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

********

Also Read:

Leave a Comment