Soundarya Lahari lyrics in Kannada pdf with meaning, benefits and mp3 song.

[ಸೌಂದರ್ಯ ಲಹರೀ] ᐈ Soundarya Lahari Stotram Lyrics In Kannada With PDF

Soundarya Lahari Stotram Lyrics In Kannada

ಪ್ರಥಮ ಭಾಗಃ – ಆನಂದ ಲಹರಿ

ಭುಮೌಸ್ಖಲಿತ ಪಾದಾನಾಂ ಭೂಮಿರೇವಾ ವಲಂಬನಂ ।
ತ್ವಯೀ ಜಾತಾ ಪರಾಧಾನಾಂ ತ್ವಮೇವ ಶರಣಂ ಶಿವೇ ॥

ಶಿವಃ ಶಕ್ತ್ಯಾ ಯುಕ್ತೋ ಯದಿ ಭವತಿ ಶಕ್ತಃ ಪ್ರಭವಿತುಂ
ನ ಚೇದೇವಂ ದೇವೋ ನ ಖಲು ಕುಶಲಃ ಸ್ಪಂದಿತುಮಪಿ।
ಅತಸ್ತ್ವಾಂ ಆರಾಧ್ಯಾಂ ಹರಿ-ಹರ-ವಿರಿನ್ಚಾದಿಭಿ ರಪಿ
ಪ್ರಣಂತುಂ ಸ್ತೋತುಂ ವಾ ಕಥ-ಮಕ್ರ್ತ ಪುಣ್ಯಃ ಪ್ರಭವತಿ॥ 1 ॥

ತನೀಯಾಂಸುಂ ಪಾಂಸುಂ ತವ ಚರಣ ಪಂಕೇರುಹ-ಭವಂ
ವಿರಿಂಚಿಃ ಸಂಚಿನ್ವನ್ ವಿರಚಯತಿ ಲೋಕಾ-ನವಿಕಲಂ ।
ವಹತ್ಯೇನಂ ಶೌರಿಃ ಕಥಮಪಿ ಸಹಸ್ರೇಣ ಶಿರಸಾಂ
ಹರಃ ಸಂಕ್ಷುದ್-ಯೈನಂ ಭಜತಿ ಭಸಿತೋದ್ಧೂಳ ನವಿಧಿಂ॥ 2 ॥

ಅವಿದ್ಯಾನಾ-ಮಂತ-ಸ್ತಿಮಿರ-ಮಿಹಿರ ದ್ವೀಪನಗರೀ
ಜಡಾನಾಂ ಚೈತನ್ಯ-ಸ್ತಬಕ ಮಕರಂದ ಶ್ರುತಿಝರೀ ।
ದರಿದ್ರಾಣಾಂ ಚಿಂತಾಮಣಿ ಗುಣನಿಕಾ ಜನ್ಮಜಲಧೌ
ನಿಮಗ್ನಾನಾಂ ದಂಷ್ಟ್ರಾ ಮುರರಿಪು ವರಾಹಸ್ಯ ಭವತಿ॥ 3 ॥

ತ್ವದನ್ಯಃ ಪಾಣಿಭಯಾ-ಮಭಯವರದೋ ದೈವತಗಣಃ
ತ್ವಮೇಕಾ ನೈವಾಸಿ ಪ್ರಕಟಿತ-ವರಭೀತ್ಯಭಿನಯಾ ।
ಭಯಾತ್ ತ್ರಾತುಂ ದಾತುಂ ಫಲಮಪಿ ಚ ವಾಂಛಾಸಮಧಿಕಂ
ಶರಣ್ಯೇ ಲೋಕಾನಾಂ ತವ ಹಿ ಚರಣಾವೇವ ನಿಪುಣೌ ॥ 4 ॥

ಹರಿಸ್ತ್ವಾಮಾರಧ್ಯ ಪ್ರಣತ-ಜನ-ಸೌಭಾಗ್ಯ-ಜನನೀಂ
ಪುರಾ ನಾರೀ ಭೂತ್ವಾ ಪುರರಿಪುಮಪಿ ಕ್ಷೋಭ ಮನಯತ್ ।
ಸ್ಮರೋಽಪಿ ತ್ವಾಂ ನತ್ವಾ ರತಿನಯನ-ಲೇಹ್ಯೇನ ವಪುಷಾ
ಮುನೀನಾಮಪ್ಯಂತಃ ಪ್ರಭವತಿ ಹಿ ಮೋಹಾಯ ಮಹತಾಂ ॥ 5 ॥

ಧನುಃ ಪೌಷ್ಪಂ ಮೌರ್ವೀ ಮಧುಕರಮಯೀ ಪಂಚ ವಿಶಿಖಾಃ
ವಸಂತಃ ಸಾಮಂತೋ ಮಲಯಮರು-ದಾಯೋಧನ-ರಥಃ ।
ತಥಾಪ್ಯೇಕಃ ಸರ್ವಂ ಹಿಮಗಿರಿಸುತೇ ಕಾಮಪಿ ಕೃಪಾಂ
ಅಪಾಂಗಾತ್ತೇ ಲಬ್ಧ್ವಾ ಜಗದಿದ-ಮನಂಗೋ ವಿಜಯತೇ ॥ 6 ॥

ಕ್ವಣತ್ಕಾಂಚೀ-ದಾಮಾ ಕರಿ ಕಲಭ ಕುಂಭ-ಸ್ತನನತಾ
ಪರಿಕ್ಷೀಣಾ ಮಧ್ಯೇ ಪರಿಣತ ಶರಚ್ಚಂದ್ರ-ವದನಾ ।
ಧನುರ್ಬಾಣಾನ್ ಪಾಶಂ ಸೃಣಿಮಪಿ ದಧಾನಾ ಕರತಲೈಃ
ಪುರಸ್ತಾ ದಾಸ್ತಾಂ ನಃ ಪುರಮಥಿತು ರಾಹೋ-ಪುರುಷಿಕಾ ॥ 7 ॥

ಸುಧಾಸಿಂಧೋರ್ಮಧ್ಯೇ ಸುರವಿಟ-ಪಿವಾಟೀ-ಪರಿವೃತೇ
ಮಣಿದ್ವೀಪೇ ನೀಪೋ-ಪವನವತಿ ಚಿಂತಾಮಣಿ ಗೃಹೇ ।
ಶಿವಕಾರೇ ಮಂಚೇ ಪರಮಶಿವ-ಪರ್ಯಂಕ ನಿಲಯಾಂ
ಭಜಂತಿ ತ್ವಾಂ ಧನ್ಯಾಃ ಕತಿಚನ ಚಿದಾನಂದ-ಲಹರೀಂ ॥ 8 ॥

ಮಹೀಂ ಮೂಲಾಧಾರೇ ಕಮಪಿ ಮಣಿಪೂರೇ ಹುತವಹಂ
ಸ್ಥಿತಂ ಸ್ವಧಿಷ್ಟಾನೇ ಹೃದಿ ಮರುತ-ಮಾಕಾಶ-ಮುಪರಿ ।
ಮನೋಽಪಿ ಭ್ರೂಮಧ್ಯೇ ಸಕಲಮಪಿ ಭಿತ್ವಾ ಕುಲಪಥಂ
ಸಹಸ್ರಾರೇ ಪದ್ಮೇ ಸ ಹರಹಸಿ ಪತ್ಯಾ ವಿಹರಸೇ ॥ 9 ॥

ಸುಧಾಧಾರಾಸಾರೈ-ಶ್ಚರಣಯುಗಲಾಂತ-ರ್ವಿಗಲಿತೈಃ
ಪ್ರಪಂಚಂ ಸಿಂಚಂತೀ ಪುನರಪಿ ರಸಾಮ್ನಾಯ-ಮಹಸಃ।
ಅವಾಪ್ಯ ಸ್ವಾಂ ಭೂಮಿಂ ಭುಜಗನಿಭ-ಮಧ್ಯುಷ್ಠ-ವಲಯಂ
ಸ್ವ ಮಾತ್ಮಾನಂ ಕೃತ್ವಾ ಸ್ವಪಿಷಿ ಕುಲಕುಂಡೇ ಕುಹರಿಣಿ ॥ 10 ॥

ಚತುರ್ಭಿಃ ಶ್ರೀಕಂಠೈಃ ಶಿವಯುವತಿಭಿಃ ಪಂಚಭಿರಪಿ
ಪ್ರಭಿನ್ನಾಭಿಃ ಶಂಭೋರ್ನವಭಿರಪಿ ಮೂಲಪ್ರಕೃತಿಭಿಃ ।
ಚತುಶ್ಚತ್ವಾರಿಂಶದ್-ವಸುದಲ-ಕಲಾಶ್ಚ್-ತ್ರಿವಲಯ-
ತ್ರಿರೇಖಭಿಃ ಸಾರ್ಧಂ ತವ ಶರಣಕೋಣಾಃ ಪರಿಣತಾಃ ॥ 11 ॥

ತ್ವದೀಯಂ ಸೌಂದರ್ಯಂ ತುಹಿನಗಿರಿಕನ್ಯೇ ತುಲಯಿತುಂ
ಕವೀಂದ್ರಾಃ ಕಲ್ಪಂತೇ ಕಥಮಪಿ ವಿರಿಂಚಿ-ಪ್ರಭೃತಯಃ ।
ಯದಾಲೋಕೌತ್ಸುಕ್ಯಾ-ದಮರಲಲನಾ ಯಾಂತಿ ಮನಸಾ
ತಪೋಭಿರ್ದುಷ್ಪ್ರಾಪಾಮಪಿ ಗಿರಿಶ-ಸಾಯುಜ್ಯ-ಪದವೀಂ ॥ 12 ॥

ನರಂ ವರ್ಷೀಯಾಂಸಂ ನಯನವಿರಸಂ ನರ್ಮಸು ಜಡಂ
ತವಾಪಾಂಗಾಲೋಕೇ ಪತಿತ-ಮನುಧಾವಂತಿ ಶತಶಃ ।
ಗಲದ್ವೇಣೀಬಂಧಾಃ ಕುಚಕಲಶ-ವಿಸ್ತ್ರಿಸ್ತ-ಸಿಚಯಾ
ಹಟಾತ್ ತ್ರುಟ್ಯತ್ಕಾಞ್ಯೋ ವಿಗಲಿತ-ದುಕೂಲಾ ಯುವತಯಃ ॥ 13 ॥

ಕ್ಷಿತೌ ಷಟ್ಪಂಚಾಶದ್-ದ್ವಿಸಮಧಿಕ-ಪಂಚಾಶ-ದುದಕೇ
ಹುತಶೇ ದ್ವಾಷಷ್ಟಿ-ಶ್ಚತುರಧಿಕ-ಪಂಚಾಶ-ದನಿಲೇ ।
ದಿವಿ ದ್ವಿಃ ಷಟ್ ತ್ರಿಂಶನ್ ಮನಸಿ ಚ ಚತುಃಷಷ್ಟಿರಿತಿ ಯೇ
ಮಯೂಖಾ-ಸ್ತೇಷಾ-ಮಪ್ಯುಪರಿ ತವ ಪಾದಾಂಬುಜ-ಯುಗಂ ॥ 14 ॥

ಶರಜ್ಜ್ಯೋತ್ಸ್ನಾ ಶುದ್ಧಾಂ ಶಶಿಯುತ-ಜಟಾಜೂಟ-ಮಕುಟಾಂ
ವರ-ತ್ರಾಸ-ತ್ರಾಣ-ಸ್ಫಟಿಕಘುಟಿಕಾ-ಪುಸ್ತಕ-ಕರಾಂ ।
ಸಕೃನ್ನ ತ್ವಾ ನತ್ವಾ ಕಥಮಿವ ಸತಾಂ ಸನ್ನಿದಧತೇ
ಮಧು-ಕ್ಷೀರ-ದ್ರಾಕ್ಷಾ-ಮಧುರಿಮ-ಧುರೀಣಾಃ ಫಣಿತಯಃ ॥ 15 ॥

ಕವೀಂದ್ರಾಣಾಂ ಚೇತಃ ಕಮಲವನ-ಬಾಲಾತಪ-ರುಚಿಂ
ಭಜಂತೇ ಯೇ ಸಂತಃ ಕತಿಚಿದರುಣಾಮೇವ ಭವತೀಂ ।
ವಿರಿಂಚಿ-ಪ್ರೇಯಸ್ಯಾ-ಸ್ತರುಣತರ-ಶೃಂಗಾರ ಲಹರೀ-
ಗಭೀರಾಭಿ-ರ್ವಾಗ್ಭಿಃ ರ್ವಿದಧತಿ ಸತಾಂ ರಂಜನಮಮೀ ॥ 16 ॥

ಸವಿತ್ರೀಭಿ-ರ್ವಾಚಾಂ ಚಶಿ-ಮಣಿ ಶಿಲಾ-ಭಂಗ ರುಚಿಭಿ-
ರ್ವಶಿನ್ಯದ್ಯಾಭಿ-ಸ್ತ್ವಾಂ ಸಹ ಜನನಿ ಸಂಚಿಂತಯತಿ ಯಃ ।
ಸ ಕರ್ತಾ ಕಾವ್ಯಾನಾಂ ಭವತಿ ಮಹತಾಂ ಭಂಗಿರುಚಿಭಿ-
ರ್ವಚೋಭಿ-ರ್ವಾಗ್ದೇವೀ-ವದನ-ಕಮಲಾಮೋದ ಮಧುರೈಃ ॥ 17 ॥

ತನುಚ್ಛಾಯಾಭಿಸ್ತೇ ತರುಣ-ತರಣಿ-ಶ್ರೀಸರಣಿಭಿ-
ರ್ದಿವಂ ಸರ್ವಾ-ಮುರ್ವೀ-ಮರುಣಿಮನಿ ಮಗ್ನಾಂ ಸ್ಮರತಿ ಯಃ ।
ಭವಂತ್ಯಸ್ಯ ತ್ರಸ್ಯ-ದ್ವನಹರಿಣ-ಶಾಲೀನ-ನಯನಾಃ
ಸಹೋರ್ವಶ್ಯಾ ವಶ್ಯಾಃ ಕತಿ ಕತಿ ನ ಗೀರ್ವಾಣ-ಗಣಿಕಾಃ ॥ 18 ॥

ಮುಖಂ ಬಿಂದುಂ ಕೃತ್ವಾ ಕುಚಯುಗಮಧ-ಸ್ತಸ್ಯ ತದಧೋ
ಹರಾರ್ಧಂ ಧ್ಯಾಯೇದ್ಯೋ ಹರಮಹಿಷಿ ತೇ ಮನ್ಮಥಕಲಾಂ ।
ಸ ಸದ್ಯಃ ಸಂಕ್ಷೋಭಂ ನಯತಿ ವನಿತಾ ಇತ್ಯತಿಲಘು
ತ್ರಿಲೋಕೀಮಪ್ಯಾಶು ಭ್ರಮಯತಿ ರವೀಂದು-ಸ್ತನಯುಗಾಂ ॥ 19 ॥

ಕಿರಂತೀ-ಮಂಗೇಭ್ಯಃ ಕಿರಣ-ನಿಕುರುಂಬಮೃತರಸಂ
ಹೃದಿ ತ್ವಾ ಮಾಧತ್ತೇ ಹಿಮಕರಶಿಲಾ-ಮೂರ್ತಿಮಿವ ಯಃ ।
ಸ ಸರ್ಪಾಣಾಂ ದರ್ಪಂ ಶಮಯತಿ ಶಕುಂತಧಿಪ ಇವ
ಜ್ವರಪ್ಲುಷ್ಟಾನ್ ದೃಷ್ಟ್ಯಾ ಸುಖಯತಿ ಸುಧಾಧಾರಸಿರಯಾ ॥ 20 ॥

ತಟಿಲ್ಲೇಖಾ-ತನ್ವೀಂ ತಪನ ಶಶಿ ವೈಶ್ವಾನರ ಮಯೀಂ
ನಿಷ್ಣ್ಣಾಂ ಷಣ್ಣಾಮಪ್ಯುಪರಿ ಕಮಲಾನಾಂ ತವ ಕಲಾಂ ।
ಮಹಾಪದ್ಮಾತವ್ಯಾಂ ಮೃದಿತ-ಮಲಮಾಯೇನ ಮನಸಾ
ಮಹಾಂತಃ ಪಶ್ಯಂತೋ ದಧತಿ ಪರಮಾಹ್ಲಾದ-ಲಹರೀಂ ॥ 21 ॥

ಭವಾನಿ ತ್ವಂ ದಾಸೇ ಮಯಿ ವಿತರ ದೃಷ್ಟಿಂ ಸಕರುಣಾಂ
ಇತಿ ಸ್ತೋತುಂ ವಾಂಛನ್ ಕಥಯತಿ ಭವಾನಿ ತ್ವಮಿತಿ ಯಃ ।
ತದೈವ ತ್ವಂ ತಸ್ಮೈ ದಿಶಸಿ ನಿಜಸಾಯುಜ್ಯ-ಪದವೀಂ
ಮುಕುಂದ-ಬ್ರಮ್ಹೇಂದ್ರ ಸ್ಫುಟ ಮಕುಟ ನೀರಾಜಿತಪದಾಂ ॥ 22 ॥

ತ್ವಯಾ ಹೃತ್ವಾ ವಾಮಂ ವಪು-ರಪರಿತೃಪ್ತೇನ ಮನಸಾ
ಶರೀರಾರ್ಧಂ ಶಂಭೋ-ರಪರಮಪಿ ಶಂಕೇ ಹೃತಮಭೂತ್ ।
ಯದೇತತ್ ತ್ವದ್ರೂಪಂ ಸಕಲಮರುಣಾಭಂ ತ್ರಿನಯನಂ
ಕುಚಾಭ್ಯಾಮಾನಮ್ರಂ ಕುಟಿಲ-ಶಶಿಚೂಡಾಲ-ಮಕುಟಂ ॥ 23 ॥

ಜಗತ್ಸೂತೇ ಧಾತಾ ಹರಿರವತಿ ರುದ್ರಃ ಕ್ಷಪಯತೇ
ತಿರಸ್ಕುರ್ವ-ನ್ನೇತತ್ ಸ್ವಮಪಿ ವಪು-ರೀಶ-ಸ್ತಿರಯತಿ ।
ಸದಾ ಪೂರ್ವಃ ಸರ್ವಂ ತದಿದ ಮನುಗೃಹ್ಣಾತಿ ಚ ಶಿವ-
ಸ್ತವಾಜ್ಞಾ ಮಲಂಬ್ಯ ಕ್ಷಣಚಲಿತಯೋ ರ್ಭ್ರೂಲತಿಕಯೋಃ ॥ 24 ॥

ತ್ರಯಾಣಾಂ ದೇವಾನಾಂ ತ್ರಿಗುಣ-ಜನಿತಾನಾಂ ತವ ಶಿವೇ
ಭವೇತ್ ಪೂಜಾ ಪೂಜಾ ತವ ಚರಣಯೋ-ರ್ಯಾ ವಿರಚಿತಾ ।
ತಥಾ ಹಿ ತ್ವತ್ಪಾದೋದ್ವಹನ-ಮಣಿಪೀಠಸ್ಯ ನಿಕಟೇ
ಸ್ಥಿತಾ ಹ್ಯೇತೇ-ಶಶ್ವನ್ಮುಕುಲಿತ ಕರೋತ್ತಂಸ-ಮಕುಟಾಃ ॥ 25 ॥

ವಿರಿಂಚಿಃ ಪಂಚತ್ವಂ ವ್ರಜತಿ ಹರಿರಾಪ್ನೋತಿ ವಿರತಿಂ
ವಿನಾಶಂ ಕೀನಾಶೋ ಭಜತಿ ಧನದೋ ಯಾತಿ ನಿಧನಂ ।
ವಿತಂದ್ರೀ ಮಾಹೇಂದ್ರೀ-ವಿತತಿರಪಿ ಸಂಮೀಲಿತ-ದೃಶಾ
ಮಹಾಸಂಹಾರೇಽಸ್ಮಿನ್ ವಿಹರತಿ ಸತಿ ತ್ವತ್ಪತಿ ರಸೌ ॥ 26 ॥

ಜಪೋ ಜಲ್ಪಃ ಶಿಲ್ಪಂ ಸಕಲಮಪಿ ಮುದ್ರಾವಿರಚನಾ
ಗತಿಃ ಪ್ರಾದಕ್ಷಿಣ್ಯ-ಕ್ರಮಣ-ಮಶನಾದ್ಯಾ ಹುತಿ-ವಿಧಿಃ ।
ಪ್ರಣಾಮಃ ಸಂವೇಶಃ ಸುಖಮಖಿಲ-ಮಾತ್ಮಾರ್ಪಣ-ದೃಶಾ
ಸಪರ್ಯಾ ಪರ್ಯಾಯ-ಸ್ತವ ಭವತು ಯನ್ಮೇ ವಿಲಸಿತಂ ॥ 27 ॥

ಸುಧಾಮಪ್ಯಾಸ್ವಾದ್ಯ ಪ್ರತಿ-ಭಯ-ಜರಮೃತ್ಯು-ಹರಿಣೀಂ
ವಿಪದ್ಯಂತೇ ವಿಶ್ವೇ ವಿಧಿ-ಶತಮಖಾದ್ಯಾ ದಿವಿಷದಃ ।
ಕರಾಲಂ ಯತ್ ಕ್ಷ್ವೇಲಂ ಕಬಲಿತವತಃ ಕಾಲಕಲನಾ
ನ ಶಂಭೋಸ್ತನ್ಮೂಲಂ ತವ ಜನನಿ ತಾಟಂಕ ಮಹಿಮಾ ॥ 28 ॥

ಕಿರೀಟಂ ವೈರಿಂಚಂ ಪರಿಹರ ಪುರಃ ಕೈಟಭಭಿದಃ
ಕಠೋರೇ ಕೋಠೀರೇ ಸ್ಕಲಸಿ ಜಹಿ ಜಂಭಾರಿ-ಮಕುಟಂ ।
ಪ್ರಣಮ್ರೇಷ್ವೇತೇಷು ಪ್ರಸಭ-ಮುಪಯಾತಸ್ಯ ಭವನಂ
ಭವಸ್ಯಭ್ಯುತ್ಥಾನೇ ತವ ಪರಿಜನೋಕ್ತಿ-ರ್ವಿಜಯತೇ ॥ 29 ॥

ಸ್ವದೇಹೋದ್ಭೂತಾಭಿ-ರ್ಘೃಣಿಭಿ-ರಣಿಮಾದ್ಯಾಭಿ-ರಭಿತೋ
ನಿಷೇವ್ಯೇ ನಿತ್ಯೇ ತ್ವಾ ಮಹಮಿತಿ ಸದಾ ಭಾವಯತಿ ಯಃ ।
ಕಿಮಾಶ್ಚರ್ಯಂ ತಸ್ಯ ತ್ರಿನಯನ-ಸಮೃದ್ಧಿಂ ತೃಣಯತೋ
ಮಹಾಸಂವರ್ತಾಗ್ನಿ-ರ್ವಿರಚಯತಿ ನೀರಾಜನವಿಧಿಂ ॥ 30 ॥

ಚತುಃ-ಷಷ್ಟಯಾ ತಂತ್ರೈಃ ಸಕಲ ಮತಿಸಂಧಾಯ ಭುವನಂ
ಸ್ಥಿತಸ್ತತ್ತ್ತ-ಸಿದ್ಧಿ ಪ್ರಸವ ಪರತಂತ್ರೈಃ ಪಶುಪತಿಃ ।
ಪುನಸ್ತ್ವ-ನ್ನಿರ್ಬಂಧಾ ದಖಿಲ-ಪುರುಷಾರ್ಥೈಕ ಘಟನಾ-
ಸ್ವತಂತ್ರಂ ತೇ ತಂತ್ರಂ ಕ್ಷಿತಿತಲ ಮವಾತೀತರ-ದಿದಂ ॥ 31 ॥

ಶಿವಃ ಶಕ್ತಿಃ ಕಾಮಃ ಕ್ಷಿತಿ-ರಥ ರವಿಃ ಶೀತಕಿರಣಃ
ಸ್ಮರೋ ಹಂಸಃ ಶಕ್ರ-ಸ್ತದನು ಚ ಪರಾ-ಮಾರ-ಹರಯಃ ।
ಅಮೀ ಹೃಲ್ಲೇಖಾಭಿ-ಸ್ತಿಸೃಭಿ-ರವಸಾನೇಷು ಘಟಿತಾ
ಭಜಂತೇ ವರ್ಣಾಸ್ತೇ ತವ ಜನನಿ ನಾಮಾವಯವತಾಂ ॥ 32 ॥

ಸ್ಮರಂ ಯೋನಿಂ ಲಕ್ಷ್ಮೀಂ ತ್ರಿತಯ-ಮಿದ-ಮಾದೌ ತವ ಮನೋ
ರ್ನಿಧಾಯೈಕೇ ನಿತ್ಯೇ ನಿರವಧಿ-ಮಹಾಭೋಗ-ರಸಿಕಾಃ ।
ಭಜಂತಿ ತ್ವಾಂ ಚಿಂತಾಮಣಿ-ಗುಣನಿಬದ್ಧಾಕ್ಷ-ವಲಯಾಃ
ಶಿವಾಗ್ನೌ ಜುಹ್ವಂತಃ ಸುರಭಿಘೃತ-ಧಾರಾಹುತಿ-ಶತೈ ॥ 33 ॥

ಶರೀರಂ ತ್ವಂ ಶಂಭೋಃ ಶಶಿ-ಮಿಹಿರ-ವಕ್ಷೋರುಹ-ಯುಗಂ
ತವಾತ್ಮಾನಂ ಮನ್ಯೇ ಭಗವತಿ ನವಾತ್ಮಾನ-ಮನಘಂ ।
ಅತಃ ಶೇಷಃ ಶೇಷೀತ್ಯಯ-ಮುಭಯ-ಸಾಧಾರಣತಯಾ
ಸ್ಥಿತಃ ಸಂಬಂಧೋ ವಾಂ ಸಮರಸ-ಪರಾನಂದ-ಪರಯೋಃ ॥ 34 ॥

ಮನಸ್ತ್ವಂ ವ್ಯೋಮ ತ್ವಂ ಮರುದಸಿ ಮರುತ್ಸಾರಥಿ-ರಸಿ
ತ್ವಮಾಪ-ಸ್ತ್ವಂ ಭೂಮಿ-ಸ್ತ್ವಯಿ ಪರಿಣತಾಯಾಂ ನ ಹಿ ಪರಂ ।
ತ್ವಮೇವ ಸ್ವಾತ್ಮಾನಂ ಪರಿಣ್ಮಯಿತುಂ ವಿಶ್ವ ವಪುಷಾ
ಚಿದಾನಂದಾಕಾರಂ ಶಿವಯುವತಿ ಭಾವೇನ ಬಿಭೃಷೇ ॥ 35 ॥

ತವಾಜ್ಞಚಕ್ರಸ್ಥಂ ತಪನ-ಶಶಿ ಕೋಟಿ-ದ್ಯುತಿಧರಂ
ಪರಂ ಶಂಭು ವಂದೇ ಪರಿಮಿಲಿತ-ಪಾರ್ಶ್ವಂ ಪರಚಿತಾ ।
ಯಮಾರಾಧ್ಯನ್ ಭಕ್ತ್ಯಾ ರವಿ ಶಶಿ ಶುಚೀನಾ-ಮವಿಷಯೇ
ನಿರಾಲೋಕೇ ಽಲೋಕೇ ನಿವಸತಿ ಹಿ ಭಾಲೋಕ-ಭುವನೇ ॥ 36 ॥

ವಿಶುದ್ಧೌ ತೇ ಶುದ್ಧಸ್ಫತಿಕ ವಿಶದಂ ವ್ಯೋಮ-ಜನಕಂ
ಶಿವಂ ಸೇವೇ ದೇವೀಮಪಿ ಶಿವಸಮಾನ-ವ್ಯವಸಿತಾಂ ।
ಯಯೋಃ ಕಾಂತ್ಯಾ ಯಾಂತ್ಯಾಃ ಶಶಿಕಿರಣ್-ಸಾರೂಪ್ಯಸರಣೇ
ವಿಧೂತಾಂತ-ರ್ಧ್ವಾಂತಾ ವಿಲಸತಿ ಚಕೋರೀವ ಜಗತೀ ॥ 37 ॥

ಸಮುನ್ಮೀಲತ್ ಸಂವಿತ್ಕಮಲ-ಮಕರಂದೈಕ-ರಸಿಕಂ
ಭಜೇ ಹಂಸದ್ವಂದ್ವಂ ಕಿಮಪಿ ಮಹತಾಂ ಮಾನಸಚರಂ ।
ಯದಾಲಾಪಾ-ದಷ್ಟಾದಶ-ಗುಣಿತ-ವಿದ್ಯಾಪರಿಣತಿಃ
ಯದಾದತ್ತೇ ದೋಷಾದ್ ಗುಣ-ಮಖಿಲ-ಮದ್ಭ್ಯಃ ಪಯ ಇವ ॥ 38 ॥

ತವ ಸ್ವಾಧಿಷ್ಠಾನೇ ಹುತವಹ-ಮಧಿಷ್ಠಾಯ ನಿರತಂ
ತಮೀಡೇ ಸಂವರ್ತಂ ಜನನಿ ಮಹತೀಂ ತಾಂ ಚ ಸಮಯಾಂ ।
ಯದಾಲೋಕೇ ಲೋಕಾನ್ ದಹತಿ ಮಹಸಿ ಕ್ರೋಧ-ಕಲಿತೇ
ದಯಾರ್ದ್ರಾ ಯಾ ದೃಷ್ಟಿಃ ಶಿಶಿರ-ಮುಪಚಾರಂ ರಚಯತಿ ॥ 39 ॥

ತಟಿತ್ವಂತಂ ಶಕ್ತ್ಯಾ ತಿಮಿರ-ಪರಿಪಂಥಿ-ಸ್ಫುರಣಯಾ
ಸ್ಫುರ-ನ್ನಾ ನರತ್ನಾಭರಣ-ಪರಿಣದ್ಧೇಂದ್ರ-ಧನುಷಂ ।
ತವ ಶ್ಯಾಮಂ ಮೇಘಂ ಕಮಪಿ ಮಣಿಪೂರೈಕ-ಶರಣಂ
ನಿಷೇವೇ ವರ್ಷಂತಂ-ಹರಮಿಹಿರ-ತಪ್ತಂ ತ್ರಿಭುವನಂ ॥ 40 ॥

ತವಾಧಾರೇ ಮೂಲೇ ಸಹ ಸಮಯಯಾ ಲಾಸ್ಯಪರಯಾ
ನವಾತ್ಮಾನ ಮನ್ಯೇ ನವರಸ-ಮಹಾತಾಂಡವ-ನಟಂ ।
ಉಭಾಭ್ಯಾ ಮೇತಾಭ್ಯಾ-ಮುದಯ-ವಿಧಿ ಮುದ್ದಿಶ್ಯ ದಯಯಾ
ಸನಾಥಾಭ್ಯಾಂ ಜಜ್ಞೇ ಜನಕ ಜನನೀಮತ್ ಜಗದಿದಂ ॥ 41 ॥

ದ್ವಿತೀಯ ಭಾಗಃ – ಸೌಂದರ್ಯ ಲಹರೀ

ಗತೈ-ರ್ಮಾಣಿಕ್ಯತ್ವಂ ಗಗನಮಣಿಭಿಃ ಸಾಂದ್ರಘಟಿತಂ
ಕಿರೀಟಂ ತೇ ಹೈಮಂ ಹಿಮಗಿರಿಸುತೇ ಕೀರ್ತಯತಿ ಯಃ ॥
ಸ ನೀಡೇಯಚ್ಛಾಯಾ-ಚ್ಛುರಣ-ಶಬಲಂ ಚಂದ್ರ-ಶಕಲಂ
ಧನುಃ ಶೌನಾಸೀರಂ ಕಿಮಿತಿ ನ ನಿಬಧ್ನಾತಿ ಧಿಷಣಾಂ ॥ 42 ॥

ಧುನೋತು ಧ್ವಾಂತಂ ನ-ಸ್ತುಲಿತ-ದಳಿತೇಂದೀವರ-ವನಂ
ಘನಸ್ನಿಗ್ಧ-ಶ್ಲಕ್ಷ್ಣಂ ಚಿಕುರ ನಿಕುರುಂಬಂ ತವ ಶಿವೇ ।
ಯದೀಯಂ ಸೌರಭ್ಯಂ ಸಹಜ-ಮುಪಲಬ್ಧುಂ ಸುಮನಸೋ
ವಸಂತ್ಯಸ್ಮಿನ್-ಮನ್ಯೇ ವಲಮಥನ ವಾಟೀ-ವಿಟಪಿನಾಂ ॥ 43 ॥

ತನೋತು ಕ್ಷೇಮಂ ನ-ಸ್ತವ ವದನಸೌಂದರ್ಯಲಹರೀ
ಪರೀವಾಹಸ್ರೋತಃ-ಸರಣಿರಿವ ಸೀಮಂತಸರಣಿಃ।
ವಹಂತೀ- ಸಿಂದೂರಂ ಪ್ರಬಲಕಬರೀ-ಭಾರ-ತಿಮಿರ
ದ್ವಿಷಾಂ ಬೃಂದೈ-ರ್ಬಂದೀಕೃತಮಿವ ನವೀನಾರ್ಕ ಕಿರಣಂ ॥ 44 ॥

ಅರಾಲೈ ಸ್ವಾಭಾವ್ಯಾ-ದಲಿಕಲಭ-ಸಶ್ರೀಭಿ ರಲಕೈಃ
ಪರೀತಂ ತೇ ವಕ್ತ್ರಂ ಪರಿಹಸತಿ ಪಂಕೇರುಹರುಚಿಂ ।
ದರಸ್ಮೇರೇ ಯಸ್ಮಿನ್ ದಶನರುಚಿ ಕಿಂಜಲ್ಕ-ರುಚಿರೇ
ಸುಗಂಧೌ ಮಾದ್ಯಂತಿ ಸ್ಮರದಹನ ಚಕ್ಷು-ರ್ಮಧುಲಿಹಃ ॥ 45 ॥

ಲಲಾಟಂ ಲಾವಣ್ಯ ದ್ಯುತಿ ವಿಮಲ-ಮಾಭಾತಿ ತವ ಯತ್
ದ್ವಿತೀಯಂ ತನ್ಮನ್ಯೇ ಮಕುಟಘಟಿತಂ ಚಂದ್ರಶಕಲಂ ।
ವಿಪರ್ಯಾಸ-ನ್ಯಾಸಾ ದುಭಯಮಪಿ ಸಂಭೂಯ ಚ ಮಿಥಃ
ಸುಧಾಲೇಪಸ್ಯೂತಿಃ ಪರಿಣಮತಿ ರಾಕಾ-ಹಿಮಕರಃ ॥ 46 ॥

ಭ್ರುವೌ ಭುಗ್ನೇ ಕಿಂಚಿದ್ಭುವನ-ಭಯ-ಭಂಗವ್ಯಸನಿನಿ
ತ್ವದೀಯೇ ನೇತ್ರಾಭ್ಯಾಂ ಮಧುಕರ-ರುಚಿಭ್ಯಾಂ ಧೃತಗುಣಂ ।
ಧನು ರ್ಮನ್ಯೇ ಸವ್ಯೇತರಕರ ಗೃಹೀತಂ ರತಿಪತೇಃ
ಪ್ರಕೋಷ್ಟೇ ಮುಷ್ಟೌ ಚ ಸ್ಥಗಯತೇ ನಿಗೂಢಾಂತರ-ಮುಮೇ ॥ 47 ॥

ಅಹಃ ಸೂತೇ ಸವ್ಯ ತವ ನಯನ-ಮರ್ಕಾತ್ಮಕತಯಾ
ತ್ರಿಯಾಮಾಂ ವಾಮಂ ತೇ ಸೃಜತಿ ರಜನೀನಾಯಕತಯಾ ।
ತೃತೀಯಾ ತೇ ದೃಷ್ಟಿ-ರ್ದರದಲಿತ-ಹೇಮಾಂಬುಜ-ರುಚಿಃ
ಸಮಾಧತ್ತೇ ಸಂಧ್ಯಾಂ ದಿವಸರ್-ನಿಶಯೋ-ರಂತರಚರೀಂ ॥ 48 ॥

ವಿಶಾಲಾ ಕಲ್ಯಾಣೀ ಸ್ಫುತರುಚಿ-ರಯೋಧ್ಯಾ ಕುವಲಯೈಃ
ಕೃಪಾಧಾರಾಧಾರಾ ಕಿಮಪಿ ಮಧುರಾಽಽಭೋಗವತಿಕಾ ।
ಅವಂತೀ ದೃಷ್ಟಿಸ್ತೇ ಬಹುನಗರ-ವಿಸ್ತಾರ-ವಿಜಯಾ
ಧ್ರುವಂ ತತ್ತನ್ನಾಮ-ವ್ಯವಹರಣ-ಯೋಗ್ಯಾವಿಜಯತೇ ॥ 49 ॥

ಕವೀನಾಂ ಸಂದರ್ಭ-ಸ್ತಬಕ-ಮಕರಂದೈಕ-ರಸಿಕಂ
ಕಟಾಕ್ಷ-ವ್ಯಾಕ್ಷೇಪ-ಭ್ರಮರಕಲಭೌ ಕರ್ಣಯುಗಲಂ ।
ಅಮುಂಚಂತೌ ದೃಷ್ಟ್ವಾ ತವ ನವರಸಾಸ್ವಾದ-ತರಲೌ
ಅಸೂಯಾ-ಸಂಸರ್ಗಾ-ದಲಿಕನಯನಂ ಕಿಂಚಿದರುಣಂ ॥ 50 ॥

ಶಿವೇ ಶೃಂಗಾರಾರ್ದ್ರಾ ತದಿತರಜನೇ ಕುತ್ಸನಪರಾ
ಸರೋಷಾ ಗಂಗಾಯಾಂ ಗಿರಿಶಚರಿತೇ ವಿಸ್ಮಯವತೀ ।
ಹರಾಹಿಭ್ಯೋ ಭೀತಾ ಸರಸಿರುಹ ಸೌಭಾಗ್ಯ-ಜನನೀ
ಸಖೀಷು ಸ್ಮೇರಾ ತೇ ಮಯಿ ಜನನಿ ದೃಷ್ಟಿಃ ಸಕರುಣಾ ॥ 51 ॥

ಗತೇ ಕರ್ಣಾಭ್ಯರ್ಣಂ ಗರುತ ಇವ ಪಕ್ಷ್ಮಾಣಿ ದಧತೀ
ಪುರಾಂ ಭೇತ್ತು-ಶ್ಚಿತ್ತಪ್ರಶಮ-ರಸ-ವಿದ್ರಾವಣ ಫಲೇ ।
ಇಮೇ ನೇತ್ರೇ ಗೋತ್ರಾಧರಪತಿ-ಕುಲೋತ್ತಂಸ-ಕಲಿಕೇ
ತವಾಕರ್ಣಾಕೃಷ್ಟ ಸ್ಮರಶರ-ವಿಲಾಸಂ ಕಲಯತಃ॥ 52 ॥

ವಿಭಕ್ತ-ತ್ರೈವರ್ಣ್ಯಂ ವ್ಯತಿಕರಿತ-ಲೀಲಾಂಜನತಯಾ
ವಿಭಾತಿ ತ್ವನ್ನೇತ್ರ ತ್ರಿತಯ ಮಿದ-ಮೀಶಾನದಯಿತೇ ।
ಪುನಃ ಸ್ರಷ್ಟುಂ ದೇವಾನ್ ದ್ರುಹಿಣ ಹರಿ-ರುದ್ರಾನುಪರತಾನ್
ರಜಃ ಸತ್ವಂ ಭಿಭ್ರತ್-ತಮ ಇತಿ ಗುಣಾನಾಂ ತ್ರಯಮಿವ ॥ 53 ॥

ಪವಿತ್ರೀಕರ್ತುಂ ನಃ ಪಶುಪತಿ-ಪರಾಧೀನ-ಹೃದಯೇ
ದಯಾಮಿತ್ರೈ ರ್ನೇತ್ರೈ-ರರುಣ-ಧವಳ-ಶ್ಯಾಮ ರುಚಿಭಿಃ ।
ನದಃ ಶೋಣೋ ಗಂಗಾ ತಪನತನಯೇತಿ ಧ್ರುವಮಯಂ
ತ್ರಯಾಣಾಂ ತೀರ್ಥಾನಾ-ಮುಪನಯಸಿ ಸಂಭೇದ-ಮನಘಂ ॥ 54 ॥

ನಿಮೇಷೋನ್ಮೇಷಾಭ್ಯಾಂ ಪ್ರಲಯಮುದಯಂ ಯಾತಿ ಜಗತಿ
ತವೇತ್ಯಾಹುಃ ಸಂತೋ ಧರಣಿಧರ-ರಾಜನ್ಯತನಯೇ ।
ತ್ವದುನ್ಮೇಷಾಜ್ಜಾತಂ ಜಗದಿದ-ಮಶೇಷಂ ಪ್ರಲಯತಃ
ಪರೇತ್ರಾತುಂ ಶಂಂಕೇ ಪರಿಹೃತ-ನಿಮೇಷಾ-ಸ್ತವ ದೃಶಃ ॥ 55 ॥

ತವಾಪರ್ಣೇ ಕರ್ಣೇ ಜಪನಯನ ಪೈಶುನ್ಯ ಚಕಿತಾ
ನಿಲೀಯಂತೇ ತೋಯೇ ನಿಯತ ಮನಿಮೇಷಾಃ ಶಫರಿಕಾಃ ।
ಇಯಂ ಚ ಶ್ರೀ-ರ್ಬದ್ಧಚ್ಛದ ಪುಟ ಕವಾಟಂ ಕುವಲಯಂ
ಜಹಾತಿ ಪ್ರತ್ಯೂಷೇ ನಿಶಿ ಚ ವಿಘಟಯ್ಯ ಪ್ರವಿಶತಿ॥ 56 ॥

ದೃಶಾ ದ್ರಾಘೀಯಸ್ಯಾ ದರದಲಿತ ನೀಲೋತ್ಪಲ ರುಚಾ
ದವೀಯಾಂಸಂ ದೀನಂ ಸ್ನಪಾ ಕೃಪಯಾ ಮಾಮಪಿ ಶಿವೇ ।
ಅನೇನಾಯಂ ಧನ್ಯೋ ಭವತಿ ನ ಚ ತೇ ಹಾನಿರಿಯತಾ
ವನೇ ವಾ ಹರ್ಮ್ಯೇ ವಾ ಸಮಕರ ನಿಪಾತೋ ಹಿಮಕರಃ ॥ 57 ॥

ಅರಾಲಂ ತೇ ಪಾಲೀಯುಗಲ-ಮಗರಾಜನ್ಯತನಯೇ
ನ ಕೇಷಾ-ಮಾಧತ್ತೇ ಕುಸುಮಶರ ಕೋದಂಡ-ಕುತುಕಂ ।
ತಿರಶ್ಚೀನೋ ಯತ್ರ ಶ್ರವಣಪಥ-ಮುಲ್ಲ್ಙ್ಯ್ಯ ವಿಲಸನ್
ಅಪಾಂಗ ವ್ಯಾಸಂಗೋ ದಿಶತಿ ಶರಸಂಧಾನ ಧಿಷಣಾಂ ॥ 58 ॥

ಸ್ಫುರದ್ಗಂಡಾಭೋಗ-ಪ್ರತಿಫಲಿತ ತಾಟಂಕ ಯುಗಲಂ
ಚತುಶ್ಚಕ್ರಂ ಮನ್ಯೇ ತವ ಮುಖಮಿದಂ ಮನ್ಮಥರಥಂ ।
ಯಮಾರುಹ್ಯ ದ್ರುಹ್ಯ ತ್ಯವನಿರಥ ಮರ್ಕೇಂದುಚರಣಂ
ಮಹಾವೀರೋ ಮಾರಃ ಪ್ರಮಥಪತಯೇ ಸಜ್ಜಿತವತೇ ॥ 59 ॥

ಸರಸ್ವತ್ಯಾಃ ಸೂಕ್ತೀ-ರಮೃತಲಹರೀ ಕೌಶಲಹರೀಃ
ಪಿಬ್ನತ್ಯಾಃ ಶರ್ವಾಣಿ ಶ್ರವಣ-ಚುಲುಕಾಭ್ಯಾ-ಮವಿರಲಂ ।
ಚಮತ್ಕಾರಃ-ಶ್ಲಾಘಾಚಲಿತ-ಶಿರಸಃ ಕುಂಡಲಗಣೋ
ಝಣತ್ಕರೈಸ್ತಾರೈಃ ಪ್ರತಿವಚನ-ಮಾಚಷ್ಟ ಇವ ತೇ ॥ 60 ॥

ಅಸೌ ನಾಸಾವಂಶ-ಸ್ತುಹಿನಗಿರಿವಣ್ಶ-ಧ್ವಜಪಟಿ
ತ್ವದೀಯೋ ನೇದೀಯಃ ಫಲತು ಫಲ-ಮಸ್ಮಾಕಮುಚಿತಂ ।
ವಹತ್ಯಂತರ್ಮುಕ್ತಾಃ ಶಿಶಿರಕರ-ನಿಶ್ವಾಸ-ಗಲಿತಂ
ಸಮೃದ್ಧ್ಯಾ ಯತ್ತಾಸಾಂ ಬಹಿರಪಿ ಚ ಮುಕ್ತಾಮಣಿಧರಃ ॥ 61 ॥

ಪ್ರಕೃತ್ಯಾಽಽರಕ್ತಾಯಾ-ಸ್ತವ ಸುದತಿ ದಂದಚ್ಛದರುಚೇಃ
ಪ್ರವಕ್ಷ್ಯೇ ಸದೃಶ್ಯಂ ಜನಯತು ಫಲಂ ವಿದ್ರುಮಲತಾ ।
ನ ಬಿಂಬಂ ತದ್ಬಿಂಬ-ಪ್ರತಿಫಲನ-ರಾಗಾ-ದರುಣಿತಂ
ತುಲಾಮಧ್ಯಾರೋಢುಂ ಕಥಮಿವ ವಿಲಜ್ಜೇತ ಕಲಯಾ ॥ 62 ॥

ಸ್ಮಿತಜ್ಯೋತ್ಸ್ನಾಜಾಲಂ ತವ ವದನಚಂದ್ರಸ್ಯ ಪಿಬತಾಂ
ಚಕೋರಾಣಾ-ಮಾಸೀ-ದತಿರಸತಯಾ ಚಂಚು-ಜಡಿಮಾ ।
ಅತಸ್ತೇ ಶೀತಾಂಶೋ-ರಮೃತಲಹರೀ ಮಾಮ್ಲರುಚಯಃ
ಪಿಬಂತೀ ಸ್ವಚ್ಛಂದಂ ನಿಶಿ ನಿಶಿ ಭೃಶಂ ಕಾಂಜಿ ಕಧಿಯಾ ॥ 63 ॥

ಅವಿಶ್ರಾಂತಂ ಪತ್ಯುರ್ಗುಣಗಣ ಕಥಾಮ್ರೇಡನಜಪಾ
ಜಪಾಪುಷ್ಪಚ್ಛಾಯಾ ತವ ಜನನಿ ಜಿಹ್ವಾ ಜಯತಿ ಸಾ ।
ಯದಗ್ರಾಸೀನಾಯಾಃ ಸ್ಫಟಿಕದೃಷ-ದಚ್ಛಚ್ಛವಿಮಯಿ
ಸರಸ್ವತ್ಯಾ ಮೂರ್ತಿಃ ಪರಿಣಮತಿ ಮಾಣಿಕ್ಯವಪುಷಾ ॥ 64 ॥

ರಣೇ ಜಿತ್ವಾ ದೈತ್ಯಾ ನಪಹೃತ-ಶಿರಸ್ತ್ರೈಃ ಕವಚಿಭಿಃ
ನಿವೃತ್ತೈ-ಶ್ಚಂಡಾಂಶ-ತ್ರಿಪುರಹರ-ನಿರ್ಮಾಲ್ಯ-ವಿಮುಖೈಃ ।
ವಿಶಾಖೇಂದ್ರೋಪೇಂದ್ರೈಃ ಶಶಿವಿಶದ-ಕರ್ಪೂರಶಕಲಾ
ವಿಲೀಯಂತೇ ಮಾತಸ್ತವ ವದನತಾಂಬೂಲ-ಕಬಲಾಃ ॥ 65 ॥

ವಿಪಂಚ್ಯಾ ಗಾಯಂತೀ ವಿವಿಧ-ಮಪದಾನಂ ಪಶುಪತೇ-
ಸ್ತ್ವಯಾರಬ್ಧೇ ವಕ್ತುಂ ಚಲಿತಶಿರಸಾ ಸಾಧುವಚನೇ ।
ತದೀಯೈ-ರ್ಮಾಧುರ್ಯೈ-ರಪಲಪಿತ-ತಂತ್ರೀಕಲರವಾಂ
ನಿಜಾಂ ವೀಣಾಂ ವಾಣೀಂ ನಿಚುಲಯತಿ ಚೋಲೇನ ನಿಭೃತಂ ॥ 66 ॥

ಕರಗ್ರೇಣ ಸ್ಪೃಷ್ಟಂ ತುಹಿನಗಿರಿಣಾ ವತ್ಸಲತಯಾ
ಗಿರಿಶೇನೋ-ದಸ್ತಂ ಮುಹುರಧರಪಾನಾಕುಲತಯಾ ।
ಕರಗ್ರಾಹ್ಯಂ ಶಂಭೋರ್ಮುಖಮುಕುರವೃಂತಂ ಗಿರಿಸುತೇ
ಕಥಂಕರಂ ಬ್ರೂಮ-ಸ್ತವ ಚುಬುಕಮೋಪಮ್ಯರಹಿತಂ ॥ 67 ॥

ಭುಜಾಶ್ಲೇಷಾನ್ನಿತ್ಯಂ ಪುರದಮಯಿತುಃ ಕನ್ಟಕವತೀ
ತವ ಗ್ರೀವಾ ಧತ್ತೇ ಮುಖಕಮಲನಾಲ-ಶ್ರಿಯಮಿಯಂ ।
ಸ್ವತಃ ಶ್ವೇತಾ ಕಾಲಾ ಗರು ಬಹುಲ-ಜಂಬಾಲಮಲಿನಾ
ಮೃಣಾಲೀಲಾಲಿತ್ಯಂ ವಹತಿ ಯದಧೋ ಹಾರಲತಿಕಾ ॥ 68 ॥

ಗಲೇ ರೇಖಾಸ್ತಿಸ್ರೋ ಗತಿ ಗಮಕ ಗೀತೈಕ ನಿಪುಣೇ
ವಿವಾಹ-ವ್ಯಾನದ್ಧ-ಪ್ರಗುಣಗುಣ-ಸಂಖ್ಯಾ ಪ್ರತಿಭುವಃ ।
ವಿರಾಜಂತೇ ನಾನಾವಿಧ-ಮಧುರ-ರಾಗಾಕರ-ಭುವಾಂ
ತ್ರಯಾಣಾಂ ಗ್ರಾಮಾಣಾಂ ಸ್ಥಿತಿ-ನಿಯಮ-ಸೀಮಾನ ಇವ ತೇ ॥ 69 ॥

ಮೃಣಾಲೀ-ಮೃದ್ವೀನಾಂ ತವ ಭುಜಲತಾನಾಂ ಚತಸೃಣಾಂ
ಚತುರ್ಭಿಃ ಸೌಂದರ್ಯಂ ಸರಸಿಜಭವಃ ಸ್ತೌತಿ ವದನೈಃ ।
ನಖೇಭ್ಯಃ ಸಂತ್ರಸ್ಯನ್ ಪ್ರಥಮ-ಮಥನಾ ದಂಧಕರಿಪೋಃ
ಚತುರ್ಣಾಂ ಶೀರ್ಷಾಣಾಂ ಸಮ-ಮಭಯಹಸ್ತಾರ್ಪಣ-ಧಿಯಾ ॥ 70 ॥

ನಖಾನಾ-ಮುದ್ಯೋತೈ-ರ್ನವನಲಿನರಾಗಂ ವಿಹಸತಾಂ
ಕರಾಣಾಂ ತೇ ಕಾಂತಿಂ ಕಥಯ ಕಥಯಾಮಃ ಕಥಮುಮೇ ।
ಕಯಾಚಿದ್ವಾ ಸಾಮ್ಯಂ ಭಜತು ಕಲಯಾ ಹಂತ ಕಮಲಂ
ಯದಿ ಕ್ರೀಡಲ್ಲಕ್ಷ್ಮೀ-ಚರಣತಲ-ಲಾಕ್ಷಾರಸ-ಚಣಂ ॥ 71 ॥

ಸಮಂ ದೇವಿ ಸ್ಕಂದ ದ್ವಿಪಿವದನ ಪೀತಂ ಸ್ತನಯುಗಂ
ತವೇದಂ ನಃ ಖೇದಂ ಹರತು ಸತತಂ ಪ್ರಸ್ನುತ-ಮುಖಂ ।
ಯದಾಲೋಕ್ಯಾಶಂಕಾಕುಲಿತ ಹೃದಯೋ ಹಾಸಜನಕಃ
ಸ್ವಕುಂಭೌ ಹೇರಂಬಃ ಪರಿಮೃಶತಿ ಹಸ್ತೇನ ಝಡಿತಿ ॥ 72 ॥

ಅಮೂ ತೇ ವಕ್ಷೋಜಾ-ವಮೃತರಸ-ಮಾಣಿಕ್ಯ ಕುತುಪೌ
ನ ಸಂದೇಹಸ್ಪಂದೋ ನಗಪತಿ ಪತಾಕೇ ಮನಸಿ ನಃ ।
ಪಿಬಂತೌ ತೌ ಯಸ್ಮಾ ದವಿದಿತ ವಧೂಸಂಗ ರಸಿಕೌ
ಕುಮಾರಾವದ್ಯಾಪಿ ದ್ವಿರದವದನ-ಕ್ರೌಂಚ್ದಲನೌ ॥ 73 ॥

ವಹತ್ಯಂಬ ಸ್ತಂಬೇರಮ-ದನುಜ-ಕುಂಭಪ್ರಕೃತಿಭಿಃ
ಸಮಾರಬ್ಧಾಂ ಮುಕ್ತಾಮಣಿಭಿರಮಲಾಂ ಹಾರಲತಿಕಾಂ ।
ಕುಚಾಭೋಗೋ ಬಿಂಬಾಧರ-ರುಚಿಭಿ-ರಂತಃ ಶಬಲಿತಾಂ
ಪ್ರತಾಪ-ವ್ಯಾಮಿಶ್ರಾಂ ಪುರದಮಯಿತುಃ ಕೀರ್ತಿಮಿವ ತೇ ॥ 74 ॥

ತವ ಸ್ತನ್ಯಂ ಮನ್ಯೇ ಧರಣಿಧರಕನ್ಯೇ ಹೃದಯತಃ
ಪಯಃ ಪಾರಾವಾರಃ ಪರಿವಹತಿ ಸಾರಸ್ವತಮಿವ ।
ದಯಾವತ್ಯಾ ದತ್ತಂ ದ್ರವಿಡಶಿಶು-ರಾಸ್ವಾದ್ಯ ತವ ಯತ್
ಕವೀನಾಂ ಪ್ರೌಢಾನಾ ಮಜನಿ ಕಮನೀಯಃ ಕವಯಿತಾ ॥ 75 ॥

ಹರಕ್ರೋಧ-ಜ್ವಾಲಾವಲಿಭಿ-ರವಲೀಢೇನ ವಪುಷಾ
ಗಭೀರೇ ತೇ ನಾಭೀಸರಸಿ ಕೃತಸಙೋ ಮನಸಿಜಃ ।
ಸಮುತ್ತಸ್ಥೌ ತಸ್ಮಾ-ದಚಲತನಯೇ ಧೂಮಲತಿಕಾ
ಜನಸ್ತಾಂ ಜಾನೀತೇ ತವ ಜನನಿ ರೋಮಾವಲಿರಿತಿ ॥ 76 ॥

ಯದೇತತ್ಕಾಲಿಂದೀ-ತನುತರ-ತರಂಗಾಕೃತಿ ಶಿವೇ
ಕೃಶೇ ಮಧ್ಯೇ ಕಿಂಚಿಜ್ಜನನಿ ತವ ಯದ್ಭಾತಿ ಸುಧಿಯಾಂ ।
ವಿಮರ್ದಾ-ದನ್ಯೋನ್ಯಂ ಕುಚಕಲಶಯೋ-ರಂತರಗತಂ
ತನೂಭೂತಂ ವ್ಯೋಮ ಪ್ರವಿಶದಿವ ನಾಭಿಂ ಕುಹರಿಣೀಂ ॥ 77 ॥

ಸ್ಥಿರೋ ಗಂಗಾ ವರ್ತಃ ಸ್ತನಮುಕುಲ-ರೋಮಾವಲಿ-ಲತಾ
ಕಲಾವಾಲಂ ಕುಂಡಂ ಕುಸುಮಶರ ತೇಜೋ-ಹುತಭುಜಃ ।
ರತೇ-ರ್ಲೀಲಾಗಾರಂ ಕಿಮಪಿ ತವ ನಾಭಿರ್ಗಿರಿಸುತೇ
ಬಿಲದ್ವಾರಂ ಸಿದ್ಧೇ-ರ್ಗಿರಿಶನಯನಾನಾಂ ವಿಜಯತೇ ॥ 78 ॥

ನಿಸರ್ಗ-ಕ್ಷೀಣಸ್ಯ ಸ್ತನತಟ-ಭರೇಣ ಕ್ಲಮಜುಷೋ
ನಮನ್ಮೂರ್ತೇ ರ್ನಾರೀತಿಲಕ ಶನಕೈ-ಸ್ತ್ರುಟ್ಯತ ಇವ ।
ಚಿರಂ ತೇ ಮಧ್ಯಸ್ಯ ತ್ರುಟಿತ ತಟಿನೀ-ತೀರ-ತರುಣಾ
ಸಮಾವಸ್ಥಾ-ಸ್ಥೇಮ್ನೋ ಭವತು ಕುಶಲಂ ಶೈಲತನಯೇ ॥ 79 ॥

ಕುಚೌ ಸದ್ಯಃ ಸ್ವಿದ್ಯ-ತ್ತಟಘಟಿತ-ಕೂರ್ಪಾಸಭಿದುರೌ
ಕಷಂತೌ-ದೌರ್ಮೂಲೇ ಕನಕಕಲಶಾಭೌ ಕಲಯತಾ ।
ತವ ತ್ರಾತುಂ ಭಂಗಾದಲಮಿತಿ ವಲಗ್ನಂ ತನುಭುವಾ
ತ್ರಿಧಾ ನದ್ಧಂ ದೇವೀ ತ್ರಿವಲಿ ಲವಲೀವಲ್ಲಿಭಿರಿವ ॥ 80 ॥

ಗುರುತ್ವಂ ವಿಸ್ತಾರಂ ಕ್ಷಿತಿಧರಪತಿಃ ಪಾರ್ವತಿ ನಿಜಾತ್
ನಿತಂಬಾ-ದಾಚ್ಛಿದ್ಯ ತ್ವಯಿ ಹರಣ ರೂಪೇಣ ನಿದಧೇ ।
ಅತಸ್ತೇ ವಿಸ್ತೀರ್ಣೋ ಗುರುರಯಮಶೇಷಾಂ ವಸುಮತೀಂ
ನಿತಂಬ-ಪ್ರಾಗ್ಭಾರಃ ಸ್ಥಗಯತಿ ಸಘುತ್ವಂ ನಯತಿ ಚ ॥ 81 ॥

ಕರೀಂದ್ರಾಣಾಂ ಶುಂಡಾನ್-ಕನಕಕದಲೀ-ಕಾಂಡಪಟಲೀಂ
ಉಭಾಭ್ಯಾಮೂರುಭ್ಯಾ-ಮುಭಯಮಪಿ ನಿರ್ಜಿತ್ಯ ಭವತಿ ।
ಸುವೃತ್ತಾಭ್ಯಾಂ ಪತ್ಯುಃ ಪ್ರಣತಿಕಠಿನಾಭ್ಯಾಂ ಗಿರಿಸುತೇ
ವಿಧಿಜ್ಞೇ ಜಾನುಭ್ಯಾಂ ವಿಬುಧ ಕರಿಕುಂಭ ದ್ವಯಮಸಿ ॥ 82 ॥

ಪರಾಜೇತುಂ ರುದ್ರಂ ದ್ವಿಗುಣಶರಗರ್ಭೌ ಗಿರಿಸುತೇ
ನಿಷಂಗೌ ಜಂಘೇ ತೇ ವಿಷಮವಿಶಿಖೋ ಬಾಢ-ಮಕೃತ ।
ಯದಗ್ರೇ ದೃಸ್ಯಂತೇ ದಶಶರಫಲಾಃ ಪಾದಯುಗಲೀ
ನಖಾಗ್ರಚ್ಛನ್ಮಾನಃ ಸುರ ಮುಕುಟ-ಶಾಣೈಕ-ನಿಶಿತಾಃ ॥ 83 ॥

ಶ್ರುತೀನಾಂ ಮೂರ್ಧಾನೋ ದಧತಿ ತವ ಯೌ ಶೇಖರತಯಾ
ಮಮಾಪ್ಯೇತೌ ಮಾತಃ ಶೇರಸಿ ದಯಯಾ ದೇಹಿ ಚರಣೌ ।
ಯಯ^^ಓಃ ಪಾದ್ಯಂ ಪಾಥಃ ಪಶುಪತಿ ಜಟಾಜೂಟ ತಟಿನೀ
ಯಯೋ-ರ್ಲಾಕ್ಷಾ-ಲಕ್ಷ್ಮೀ-ರರುಣ ಹರಿಚೂಡಾಮಣಿ ರುಚಿಃ ॥ 84 ॥

ನಮೋ ವಾಕಂ ಬ್ರೂಮೋ ನಯನ-ರಮಣೀಯಾಯ ಪದಯೋಃ
ತವಾಸ್ಮೈ ದ್ವಂದ್ವಾಯ ಸ್ಫುಟ-ರುಚಿ ರಸಾಲಕ್ತಕವತೇ ।
ಅಸೂಯತ್ಯತ್ಯಂತಂ ಯದಭಿಹನನಾಯ ಸ್ಪೃಹಯತೇ
ಪಶೂನಾ-ಮೀಶಾನಃ ಪ್ರಮದವನ-ಕಂಕೇಲಿತರವೇ ॥ 85 ॥

ಮೃಷಾ ಕೃತ್ವಾ ಗೋತ್ರಸ್ಖಲನ-ಮಥ ವೈಲಕ್ಷ್ಯನಮಿತಂ
ಲಲಾಟೇ ಭರ್ತಾರಂ ಚರಣಕಮಲೇ ತಾಡಯತಿ ತೇ ।
ಚಿರಾದಂತಃ ಶಲ್ಯಂ ದಹನಕೃತ ಮುನ್ಮೂಲಿತವತಾ
ತುಲಾಕೋಟಿಕ್ವಾಣೈಃ ಕಿಲಿಕಿಲಿತ ಮೀಶಾನ ರಿಪುಣಾ ॥ 86 ॥

ಹಿಮಾನೀ ಹಂತವ್ಯಂ ಹಿಮಗಿರಿನಿವಾಸೈಕ-ಚತುರೌ
ನಿಶಾಯಾಂ ನಿದ್ರಾಣಂ ನಿಶಿ-ಚರಮಭಾಗೇ ಚ ವಿಶದೌ ।
ವರಂ ಲಕ್ಷ್ಮೀಪಾತ್ರಂ ಶ್ರಿಯ-ಮತಿಸೃಹಂತೋ ಸಮಯಿನಾಂ
ಸರೋಜಂ ತ್ವತ್ಪಾದೌ ಜನನಿ ಜಯತ-ಶ್ಚಿತ್ರಮಿಹ ಕಿಂ ॥ 87 ॥

ಪದಂ ತೇ ಕೀರ್ತೀನಾಂ ಪ್ರಪದಮಪದಂ ದೇವಿ ವಿಪದಾಂ
ಕಥಂ ನೀತಂ ಸದ್ಭಿಃ ಕಠಿನ-ಕಮಠೀ-ಕರ್ಪರ-ತುಲಾಂ ।
ಕಥಂ ವಾ ಬಾಹುಭ್ಯಾ-ಮುಪಯಮನಕಾಲೇ ಪುರಭಿದಾ
ಯದಾದಾಯ ನ್ಯಸ್ತಂ ದೃಷದಿ ದಯಮಾನೇನ ಮನಸಾ ॥ 88 ॥

ನಖೈ-ರ್ನಾಕಸ್ತ್ರೀಣಾಂ ಕರಕಮಲ-ಸಂಕೋಚ-ಶಶಿಭಿಃ
ತರೂಣಾಂ ದಿವ್ಯಾನಾಂ ಹಸತ ಇವ ತೇ ಚಂಡಿ ಚರಣೌ ।
ಫಲಾನಿ ಸ್ವಃಸ್ಥೇಭ್ಯಃ ಕಿಸಲಯ-ಕರಾಗ್ರೇಣ ದದತಾಂ
ದರಿದ್ರೇಭ್ಯೋ ಭದ್ರಾಂ ಶ್ರಿಯಮನಿಶ-ಮಹ್ನಾಯ ದದತೌ ॥ 89 ॥

ದದಾನೇ ದೀನೇಭ್ಯಃ ಶ್ರಿಯಮನಿಶ-ಮಾಶಾನುಸದೃಶೀಂ
ಅಮಂದಂ ಸೌಂದರ್ಯಂ ಪ್ರಕರ-ಮಕರಂದಂ ವಿಕಿರತಿ ।
ತವಾಸ್ಮಿನ್ ಮಂದಾರ-ಸ್ತಬಕ-ಸುಭಗೇ ಯಾತು ಚರಣೇ
ನಿಮಜ್ಜನ್ ಮಜ್ಜೀವಃ ಕರಣಚರಣಃ ಷ್ಟ್ಚರಣತಾಂ ॥ 90 ॥

ಪದನ್ಯಾಸ-ಕ್ರೀಡಾ ಪರಿಚಯ-ಮಿವಾರಬ್ಧು-ಮನಸಃ
ಸ್ಖಲಂತಸ್ತೇ ಖೇಲಂ ಭವನಕಲಹಂಸಾ ನ ಜಹತಿ ।
ಅತಸ್ತೇಷಾಂ ಶಿಕ್ಷಾಂ ಸುಭಗಮಣಿ-ಮಂಜೀರ-ರಣಿತ-
ಚ್ಛಲಾದಾಚಕ್ಷಾಣಂ ಚರಣಕಮಲಂ ಚಾರುಚರಿತೇ ॥ 91 ॥

ಗತಾಸ್ತೇ ಮಂಚತ್ವಂ ದ್ರುಹಿಣ ಹರಿ ರುದ್ರೇಶ್ವರ ಭೃತಃ
ಶಿವಃ ಸ್ವಚ್ಛ-ಚ್ಛಾಯಾ-ಘಟಿತ-ಕಪಟ-ಪ್ರಚ್ಛದಪಟಃ ।
ತ್ವದೀಯಾನಾಂ ಭಾಸಾಂ ಪ್ರತಿಫಲನ ರಾಗಾರುಣತಯಾ
ಶರೀರೀ ಶೃಂಗಾರೋ ರಸ ಇವ ದೃಶಾಂ ದೋಗ್ಧಿ ಕುತುಕಂ ॥ 92 ॥

ಅರಾಲಾ ಕೇಶೇಷು ಪ್ರಕೃತಿ ಸರಲಾ ಮಂದಹಸಿತೇ
ಶಿರೀಷಾಭಾ ಚಿತ್ತೇ ದೃಷದುಪಲಶೋಭಾ ಕುಚತಟೇ ।
ಭೃಶಂ ತನ್ವೀ ಮಧ್ಯೇ ಪೃಥು-ರುರಸಿಜಾರೋಹ ವಿಷಯೇ
ಜಗತ್ತ್ರತುಂ ಶಂಭೋ-ರ್ಜಯತಿ ಕರುಣಾ ಕಾಚಿದರುಣಾ ॥ 93 ॥

ಕಲಂಕಃ ಕಸ್ತೂರೀ ರಜನಿಕರ ಬಿಂಬಂ ಜಲಮಯಂ
ಕಲಾಭಿಃ ಕರ್ಪೂರೈ-ರ್ಮರಕತಕರಂಡಂ ನಿಬಿಡಿತಂ ।
ಅತಸ್ತ್ವದ್ಭೋಗೇನ ಪ್ರತಿದಿನಮಿದಂ ರಿಕ್ತಕುಹರಂ
ವಿಧಿ-ರ್ಭೂಯೋ ಭೂಯೋ ನಿಬಿಡಯತಿ ನೂನಂ ತವ ಕೃತೇ ॥ 94 ॥

ಪುರಾರಂತೇ-ರಂತಃ ಪುರಮಸಿ ತತ-ಸ್ತ್ವಚರಣಯೋಃ
ಸಪರ್ಯಾ-ಮರ್ಯಾದಾ ತರಲಕರಣಾನಾ-ಮಸುಲಭಾ ।
ತಥಾ ಹ್ಯೇತೇ ನೀತಾಃ ಶತಮಖಮುಖಾಃ ಸಿದ್ಧಿಮತುಲಾಂ
ತವ ದ್ವಾರೋಪಾಂತಃ ಸ್ಥಿತಿಭಿ-ರಣಿಮಾದ್ಯಾಭಿ-ರಮರಾಃ ॥ 95 ॥

ಕಲತ್ರಂ ವೈಧಾತ್ರಂ ಕತಿಕತಿ ಭಜಂತೇ ನ ಕವಯಃ
ಶ್ರಿಯೋ ದೇವ್ಯಾಃ ಕೋ ವಾ ನ ಭವತಿ ಪತಿಃ ಕೈರಪಿ ಧನೈಃ ।
ಮಹಾದೇವಂ ಹಿತ್ವಾ ತವ ಸತಿ ಸತೀನಾ-ಮಚರಮೇ
ಕುಚಭ್ಯಾ-ಮಾಸಂಗಃ ಕುರವಕ-ತರೋ-ರಪ್ಯಸುಲಭಃ ॥ 96 ॥

ಗಿರಾಮಾಹು-ರ್ದೇವೀಂ ದ್ರುಹಿಣಗೃಹಿಣೀ-ಮಾಗಮವಿದೋ
ಹರೇಃ ಪತ್ನೀಂ ಪದ್ಮಾಂ ಹರಸಹಚರೀ-ಮದ್ರಿತನಯಾಂ ।
ತುರೀಯಾ ಕಾಪಿ ತ್ವಂ ದುರಧಿಗಮ-ನಿಸ್ಸೀಮ-ಮಹಿಮಾ
ಮಹಾಮಾಯಾ ವಿಶ್ವಂ ಭ್ರಮಯಸಿ ಪರಬ್ರಹ್ಮಮಹಿಷಿ ॥ 97 ॥

ಕದಾ ಕಾಲೇ ಮಾತಃ ಕಥಯ ಕಲಿತಾಲಕ್ತಕರಸಂ
ಪಿಬೇಯಂ ವಿದ್ಯಾರ್ಥೀ ತವ ಚರಣ-ನಿರ್ಣೇಜನಜಲಂ ।
ಪ್ರಕೃತ್ಯಾ ಮೂಕಾನಾಮಪಿ ಚ ಕವಿತಾ0ಕಾರಣತಯಾ
ಕದಾ ಧತ್ತೇ ವಾಣೀಮುಖಕಮಲ-ತಾಂಬೂಲ-ರಸತಾಂ ॥ 98 ॥

ಸರಸ್ವತ್ಯಾ ಲಕ್ಷ್ಮ್ಯಾ ವಿಧಿ ಹರಿ ಸಪತ್ನೋ ವಿಹರತೇ
ರತೇಃ ಪತಿವ್ರತ್ಯಂ ಶಿಥಿಲಯತಿ ರಮ್ಯೇಣ ವಪುಷಾ ।
ಚಿರಂ ಜೀವನ್ನೇವ ಕ್ಷಪಿತ-ಪಶುಪಾಶ-ವ್ಯತಿಕರಃ
ಪರಾನಂದಾಭಿಖ್ಯಂ ರಸಯತಿ ರಸಂ ತ್ವದ್ಭಜನವಾನ್ ॥ 99 ॥

ಪ್ರದೀಪ ಜ್ವಾಲಾಭಿ-ರ್ದಿವಸಕರ-ನೀರಾಜನವಿಧಿಃ
ಸುಧಾಸೂತೇ-ಶ್ಚಂದ್ರೋಪಲ-ಜಲಲವೈ-ರಘ್ಯರಚನಾ ।
ಸ್ವಕೀಯೈರಂಭೋಭಿಃ ಸಲಿಲ-ನಿಧಿ-ಸೌಹಿತ್ಯಕರಣಂ
ತ್ವದೀಯಾಭಿ-ರ್ವಾಗ್ಭಿ-ಸ್ತವ ಜನನಿ ವಾಚಾಂ ಸ್ತುತಿರಿಯಂ ॥ 100 ॥

ಸೌಂದರ್ಯಲಹರಿ ಮುಖ್ಯಸ್ತೋತ್ರಂ ಸಂವಾರ್ತದಾಯಕಂ ।
ಭಗವದ್ಪಾದ ಸನ್ಕ್ಲುಪ್ತಂ ಪಠೇನ್ ಮುಕ್ತೌ ಭವೇನ್ನರಃ ॥
ಇತಿ ಸೌಂದರ್ಯಲಹರಿ ಸ್ತೋತ್ರಂ ಸಂಪೂರ್ಣಂ ।

********

Leave a Reply

Your email address will not be published. Required fields are marked *